中子星

中子星，英文neutron star，恆星一種，極之細，質量高，所以密度非常之高。主要由中子組成，加上單身嘅核子、質子、電子及其他粒子，實際結構仍然係數學上估計。萬有引力大到壓破原子間斥力，大過維持核子嘅強作用力，電子同質子結合成中子，中子由核子間解放出，自由好多。

第一粒有可見光嘅中子星，RX J185635-3754

中子星來自超新星爆發，原本大恆星核聚變生出鐵，核聚變日漸無以為計，熱力不足支撐星體，頂唔住萬有引力，於是急速坍縮，外層拋出物質咁爆發。淨低較核心部份，質量細，壓到變白矮星，大，壓到變黑洞，中間就變中子星。中子星細到一二萬米，而質量有成太陽兩倍。原本恆星好大粒，自轉得慢。一坍陷成中子星，而角動量要守衡，直徑大為縮細時，自轉就會變得極快，週期斷秒甚至微秒計。

有啲中子星帶好強磁性，會射出電磁波，自轉有如燈塔，依一類叫脈衝星。若果中子星無脈衝射向地球，唔係咁容易發現。