Portal:地球科學

介紹

地球科學（geoscience、the geosciences，或者叫 Earth Science）係一種研究地球嘅全方位科學，係一種特殊類型嘅行星科學（planetary science）。其中涉及地球嘅結構、組成、起源、物理特性、改變緊嘅嘢、同埋所有嘅自然現象。地球係我哋已知唯一有生命、有生物過程、同埋生物圈嘅行星。

地球科學主要做嘅係用物理、數學、同化學對地球系統建立一個量化，可研究嘅系統。同其他學科一樣，分為實驗同埋理論兩個層面。

雖然人類自古至今都中意各種礦產寶石，但係直到18世紀礦物學同地質學先至叫做正式係一門科學。19世紀開始，對於地球嘅研究（特別係遠古生物學）同其他學科一齊成長。20世紀發展嘅學科（例如地質物理學）喺60年代提出咗對地球科學以至生物學都有幾大影響力嘅板塊理論。今時今日，地球科學對氣候研究、石油鑽探、同埋礦業都息息相關。包括勘探天然資源、開採礦產、石油同天然氣鑽探、繪製地圖/海圖、天氣預報、以及火山噴發呢啲自然災害嘅警告。地球科學關係到環境科學，又係行星天文學之中嘅一條水。