Portal:文化/開頭

文化係一班人一齊有嘅認知或者知識，包括日常生活嘅習慣、經驗、同埋身份認同等等。文化係生物喺適應一齊生活嘅情況底下，漸漸成立出嚟嘅慣例，好多時都係潛意識嘅。

喺西方世界，文化（英文：Culture）呢個概念嚟自古羅馬的哲學家 西塞羅，佢當時用拉丁文 "cultura animi" 嚟定義，意思係「靈魂嘅培養」。喺大中華，「文化」呢個字眼嚟自日文，不過原意就唔係好肯定。

喺人類社會裏面，一般最常表達到文化嘅嘢包括：文字、語言、建築風格、飲食、宗教、運動、架生、技能、知識、習俗、同藝術等等。呢啲文化嘅組件都係靠一個社會裏面嘅人與人之間嘅傳送，先至能夠保持得到，成為大家都接受嘅規矩。，好多時候，唔同嘅文化習俗都係圍繞住唔同嘅民族，所以當唔同民族互相交往嘅時候，就會產生文化交流，亦會有助推動全球化。