Talk:戰列艦

粵語應該叫「戰艦」，未聽過「戰列艦」。--Jason6698 (傾偈) 2013年7月24號 (三) 14:15 (UTC)

反對。「戰艦」係集體名詞，可以指任何一種海軍戰船，但係「戰列艦」係專有名詞，專門指排水量大、炮多、火力猛（同埋通常無導彈）嘅 。「戰艦」同「戰列艦」唔係同一回事，唔可以媾亂。 — 粵語文學大使殘陽孤侠 2013年7月24號 (三) 15:24 (UTC)

好懷擬「戰列艦」係專有名詞嘅講法，唔該畀 reference。呢篇講嘅「戰艦」就係「集體名」，呢類嘢嘅文。--WikiCantona (傾偈) 2013年10月18號 (五) 23:00 (UTC)

[1][2]以上嘅「戰艦」包括兩棲攻擊艦、導彈驅逐艦同埋巡洋艦，就係唔包括戰列艦。如果閣下從細睇開軍事雜誌嘅話，就唔會「好懷疑」，甚至一啲懷疑都唔會有。另外，伊篇文章從頭到尾都係講緊巨艦大炮時代嘅戰列艦，而提都無提過二戰之後先至出現嘅導彈巡洋艦，所以唔係講緊「集體名」。 【粵語文學大使殘陽孤侠】 2013年10月18號 (五) 23:39 (UTC)

好懷擬「戰列艦」係 battleship 嘅北方中文嘅直譯，battle = 戰列。戰艦最常用，粵語媒體用得最多，亦最古老。--WikiCantona (傾偈) 2013年10月18號 (五) 23:04 (UTC)

伊個唔係北唔北方嘅問題，而係關乎知識正確性嘅問題。粵語媒體用「戰艦」，通常係乜都指晒，而唔係單指戰列艦。請恕我讓唔到步。【粵語文學大使殘陽孤侠】 2013年10月18號 (五) 23:39 (UTC)

唔好意思，唔係邊個讓步嘅問題，係搞清楚個名嘅問題。講明先，我對軍事一啲興趣都冇，認識留於平常人之列。不過，當涉及命名常用性同準成度，就要清楚，請幫我解下之下嘅問題。

1. 閣下指「戰艦」係個統稱，「戰列艦」係戰艦一種，唔夠準，係唔係？
2. 好，咁「戰艦」閣下會點定義？
3. 「战列巡洋舰」= Battlecruiser 係唔係「戰艦」嘅一種？
4. 點解 battleship 唔譯做「戰鬥艦」呢？
5. 閣下可唔可以畀啲軍事雜誌嘅 references 呢？
6. 閣下又講過，有理由相信只係「地區用辭」之別[3]，噉，係「地區之別」定係「專有名詞」嘅問題？
7. 中文正體、日文、古中文都叫「戰艦」，噉佢地出咗乜問題？

Thank you--WikiCantona (傾偈) 2013年10月19號 (六) 16:09 (UTC)

1. 我想講嘅係「『戰艦』係個統稱，『戰列艦』係戰艦嘅一種」，用「戰艦」來取代「戰列艦」先至係唔夠準；
2. 凡係直接參與武裝對抗嘅軍艦，我都會叫做「戰艦」，但係唔包括補給艦；
3. 戰列巡洋艦係大細介乎戰列艦同巡洋艦之間嘅戰艦；
4. 因為以前戰列艦都係排出陣型先至開片嘅，而最常見嘅陣型係排成一列；
5. 我都好想畀參考，但係我由係到大睇開嘅軍事雜誌，好多都係無上到網嘅，《兵器知識》目前淨得個微博，而《巡航者》就喺2012年停咗刊（不過我依稀記得《巡航者》嘅前身《戰場》有過一篇講日德蘭海戰嘅文章，裡面就用「戰列艦」同「戰列巡洋艦」），加上本人宜家喺加拿大，但係啲雜誌就全部重喺中國，所以畀參考比較困難。
6. 唔好意思，閣下誤會咗，我講嘅係「有理由相信唔係地區用詞差異」；
7. 我唔識日文，但係閣下睇下香港同台灣嘅新聞就會知道：佢等用「戰艦」係指任何一部直接參與武裝對抗嘅軍艦。

【粵語文學大使殘陽孤侠】 2013年10月19號 (六) 17:22 (UTC)

多謝你嘅解答。想再清楚一啲：

1. Battlecruiser ／ 战列巡洋舰，佢哋係唔係「陣型係排成一列」？
2. 香港同台灣講嘅「戰艦」，英文（或其他外文）應該係乜？
3. 可以用 Google book 搵 references，港澳台嘅軍事雜誌冇網站？

Thank you again. --WikiCantona (傾偈) 2013年10月19號 (六) 17:34 (UTC)

1. 通常係，但係唔一定。戰列巡洋艦（同巡洋艦）嘅戰術靈活過戰列艦。
2. 「戰艦」嘅英文係warship、法文係navire de guerre。至於「戰列艦」，英文係battleship、法文係cuirassé。

【粵語文學大使殘陽孤侠】 2013年10月19號 (六) 17:50 (UTC)

戰艦 vs 戰列艦

首先多謝 User_talk:Cedric_tsan_cantonais 嘅「『戰艦』係個統稱，『戰列艦』係戰艦嘅一種」之見解。睇番啲粵語媒體好似係咁用，可惜，冇直接嘅參攷。反而，有書上嘅參攷係：「『戰艦，戰鬥艦』係個舊名，『戰列艦』係新名」《大辭海》2007年，喺《中华民国海军通史》用戰艦指 battleship。而『戰列艦』就廣範用喺中國大陸出嘅書，好似：《中国大百科全书》: 軍事, Volume 12《中國人民解放軍軍官手册: 海军分册》。而家中華民國嘅用法就未搵到。所以，結論係，「戰列艦」係專有詞，而好可能係「地方用詞」。「戰鬥艦」係可以接受嘅名。「戰艦」係亦可以接受，不過，喺平時使用，個意思唔清楚，所可以避開。我會建議，而家保留「戰列艦」之命名，當地方用詞出台嗰時，「戰鬥艦」做地方轉換。--WikiCantona (傾偈) 2013年10月25號 (五) 01:49 (UTC)