Talk:清平路 (廣州)

搬去 清平路

（註：本節本無分小節，為咗排版美觀而今將最早嘅討論冠以小節標題「原初討論」。--Roy17 (傾偈) 2018年3月8號 (四) 14:57 (UTC)）

原初討論

廣州清平路有幾樣出晒名：

1. 藥材市場
2. 清平飯店
3. 清平雞

--Roy17 (傾偈) 2018年3月3號 (六) 04:20 (UTC)

反對。雖然廣州呢啲比較出名，但凈限廣州人知，舊時嗌嘅係清平街個名。況且深圳羅湖區嗰條已經係緊要道路（[1][2]）同埋隔籬嘅黃貝嶺歷史重耐過清平雞成三個世紀（[3]），加上深圳當地啲人唔會第一時間諗到廣州嘅清平路。--PQ77wd (傾偈) 2018年3月3號 (六) 05:23 (UTC)

逐條理由反駁：

1. 清平路開馬路好耐啦。照噉講法，廣州拆城牆先開出來d馬路（即係到202幾年先夠一百年，好多仲要中間改過名）係咪都係可以否定晒？
2. 唔該做功課做好d好喎。深圳係有兩條清平路，重要道路嗰條，係清平高速公路，連接深圳羅湖清水河同龍崗平湖，即係你上邊引嘅第1同第2條外鏈。
3. 黃貝嶺村旁邊嗰條，平平無奇馬路仔來，可以上百度街景睇下實景。黃貝嶺出唔出名同清平路無關。而你講嘅亦唔係話黃貝嶺出名，只不過個名有幾百年歷史。噉點解深圳唔叫寶安啊？
4. 廣州人講起河南河北夠唔會第一時間諗到河南省河北省咯，噉係咪河南河北應該搬版叫做河南/河北 (中國省份)噉啊？南海夠係佛山個南海咯，大海個南海係咪就應該叫南海 (大海)？香港人個南昌喺深水埗，噉南昌係咪要搬版做南昌 (江西城市)？
5. 廣州清平路之所以喺廣州同周邊出名，係因為我上邊發言提到嗰三樣嘢，藥材市同飯店+雞係同樣出名。喺全國範圍，隻雞就冇咁犀利，但係藥材市場係一路都好有名，起碼去到十幾年前。
6. Google搜索清平路嘅圖，90%都係藥材市。Google搜索『清平路+在哪裡』，70%係廣州清平路，20%係南韓首爾附近嘅清平，淨低先係深圳兩條清平路+濰坊+北京等等嘅清平路。--Roy17 (傾偈) 2018年3月3號 (六) 16:23 (UTC)

再逐條理由反駁：

廣州人講起河南河北夠唔會第一時間諗到河南省河北省咯。香港人個南昌喺深水埗，噉南昌係咪要搬版做南昌 (江西城市)？

兩個問題綜合嚟講：河南同河北呢兩個地方，實質係民國時期嘅名，廣東範圍嘅第一時間諗到河南省同河北省嗰個（人哋嗰個係省份），而唔係廣州嘅地名。就好似南昌，講嘅係江西嗰個（人哋嗰個係省會），就好似姚明同麥當勞、ATV、崑崙山噉，第一時間講就知邊個。

南海夠係佛山個南海咯，大海個南海係咪就應該叫南海 (大海)

以前TALK:南中國海嗰單已經有人討論過，嗰時結果係冇共識。同樣道理，TALK:北海同TALK:中巴、TALK:CCTV都試過同樣案例。

黃貝嶺村旁邊嗰條，平平無奇馬路仔來，上百度街景睇下實景

噉我可以講，香港嘅東正道、龍崗道、聯福道、山村道、教育路、康樂路呢啲都係平平無奇馬路仔嚟啦，上次喺TALK:都敏俊試過一單噉嘅大頭佛。百度街景？我用嘅係騰訊街景。百度街景有時啲料都唔全，例如從化嗰頭嘅105國道，尤其係溫泉鎮、呂田鎮一帶都冇畫出嚟，連京珠高速近湯塘鎮嗰邊嘅高速公路都出現噉嘅情況，反而騰訊街景就畫咗出嚟。

深圳係有兩條清平路，重要道路嗰條，係清平高速公路

深圳講嘅清平路可以係清平高速公路同埋嗰條羅湖區嘅清平路，呢個我可以喺搞清楚版寫返清楚先，況且清平路亦可以係嗰條高速公路（人哋係省級高速公路啵，經常出差去深圳嗰邊啲人都知有呢條高速）。

Google搜索清平路嘅圖，90%都係藥材市。

你講嘅係唔係清平中藥材專業市場？如果係嘅話另外用{{otheruses}}或者搞清楚版指過去就得。其實清平中藥材專業市場嗰家嘢簡稱做「清平市場」（實質嗰個市場係1996年先至開業，1996年之前重未出現過呢間嘢），係南下啲北佬成日嚟做貨運生意，有時啲口頭講「我要運貨去清平路」嘅「清平路」呢樣夾硬當「清平市場」係清平路噉嘅簡稱。以前TALK:聯合航空同Talk:金鐘獎 (搞清楚)拗過一餐。

Google搜索『清平路+在哪裡』，70%係廣州清平路。

上面講到「Google搜索『清平路+在哪裡』會出一堆係廣州嘅清平路」我覺得呢個講法唔係好啱。我喺Google再用進階搜尋工具搵「清平路+在哪裡」嘅結果，雖然結果重見到一大堆廣州嘅結果，但係重見到同深圳地區網頁，尤其係深圳地鐵同深圳歡樂谷嘅網站介紹，結果冇隻係介紹廣州嘅清平路。呢樣搜尋，講到係塘廈鎮清湖頭管理區嘅清平路，郵政編碼係523開頭，唔係510開頭嘅。我喺Google再用進階搜尋工具搵「清平路+在哪裡 OR 深圳」嘅結果，出嘅係開頭4頁紙冇樣介紹同廣州有關嘅清平路。

廣州拆城牆先開出來d馬路（即係到202幾年先夠一百年，好多仲要中間改過名）係咪都係可以否定晒？

問返你轉頭：深圳喺1979年開始發展嘅成就係咪都係可以否定晒？

廣州清平路之所以喺廣州同周邊出名，係因為我上邊發言提到嗰三樣嘢，藥材市同飯店+雞係同樣出名。

我讚同清平雞喺全國範圍冇咁犀利，佢其實係清平飯店屬下嘅名牌餸，不過間嘢喺2002年執咗之後，出名程度已經減少咗好多。你問家下啲00後可能冇幾多個人知。而藥材我有得講，佢係踏入21世紀之後，外來工猛咁流入市場生意而炒作出嚟。--PQ77wd (傾偈) 2018年3月4號 (日) 23:12 (UTC)

1. 廣州人講起河南河北夠唔會第一時間諗到河南省河北省咯。香港人個南昌喺深水埗，噉南昌係咪要搬版做南昌 (江西城市)？兩個問題綜合嚟講：河南同河北呢兩個地方，實質係民國時期嘅名，廣東範圍嘅第一時間諗到河南省同河北省嗰個（人哋嗰個係省份），而唔係廣州嘅地名。就好似南昌，講嘅係江西嗰個（人哋嗰個係省會），就好似姚明同麥當勞、ATV、崑崙山噉，第一時間講就知邊個。

   噉未係咯。所以未要睇多數人講起清平路係講邊個咯，唔會因為一個少人講嘅地方（深圳人講嘅深圳兩條清平路）而否定多數人嘅認識啊嘛。
2. 你列成抽例子都廢嘅，撳入去冚嘭冷唔係重名，除咗教育路未就係教育路 (香港)，康樂路未就係康樂路 (香港)咯。平平無奇未要加括弧註解咯。廣州清平路唔係平平無奇啊嘛。
3. 百度街景同騰訊街景都好閒，你都睇得到黃貝嶺嗰條嘅實景，重點係睇實景，實地睇仲好添。實景就係黃貝嶺呢條路，得227米，兩邊都係住宅，地下係啲拉拉雜雜嘅地鋪，冇特別嘢，冇notability啊嘛。
4. 你嘅粵語有冇咁差？XX市即係XX呢種物品嘅集散地，或曰批發市場，譬如花市、米市，唔係特指某一棟樓某一個市場。清平路藥材市，係泛指清平路沿路同周邊所有嘅藥材商行。清平市，係泛指清平路沿路同周邊所有嘅成行成市嘅商品零售同批發，包括藥材（中藥藥用批發同飲食零售）同花鳥魚虫。
5. 唔做功課就唔好獻世啦。你自己個舊賬號開嘅清平中藥材專業市場，冇其他人掂過，啫係你自己一手一腳寫嘎啦，入邊條官網link，撳入去，『集團概況』，未寫住『创建于1979年』咯？！邊度話1996？？？呢個地方做藥材市場，亦唔係因為1979年開咗呢間嘢，而係舊時呢度一路都係買賣藥材成行成市嘅，當年先會喺嗰度搞咗個阿爺嘅藥材市場。
6. 你舉嘅例子，聯合航空，金鐘獎，未都係，有重名嘅嘢，知名度大嗰個未唔使括弧咯？！噉你仲反乜嘢？？？
7. 你啲Google搜尋例證又係冇邏輯嘅。你自己引嗰深圳地鐵嘅網頁，淨系列咗兩次路名，有邊忽係介紹啊？歡樂谷個網頁，未只得一句說話咯？！Google一查成版都係嘅廣州清平路你又唔引用？呢啲就叫以偏概全嘞。你引個郵編wiki嘅又有咩意思？個郵編wiki入邊全國各地嘅清平路大把啦，包括510130同510140嘅廣州清平路，舉個單例有咩意思？依家講緊係所有呢啲清平路，知名度都係冇或者好微，廣州嘅，係有好大知名度啊嘛。

8. File:Screenshot of Google Search 清平路+在哪裡 OR 深圳 in incognito window.png

   Google Search 清平路+在哪裡 OR 深圳 第4頁結果

   你都識講『……OR 深圳』咯。『……OR 廣州』來搜，頭7版都係廣州清平路相關，除咗第7版有1條係講韓國嘅『⑦首爾追雪｜前往「晨靜樹木園」的交通:清平站到清平巴士客運站……』。『……OR 深圳』第4版就有關於廣州清平路嘅網頁。你自己所講嘅『開頭4頁紙冇樣介紹同廣州有關嘅清平路』又係錯。
9. 歷史短就唔可以否定，未就係講緊，你最早話『黃貝嶺歷史重耐過清平雞成三個世紀』因此『廣州清平路知名度因為歷史唔夠人長就可以否定』呢樣觀點，係錯誤咯。抑或你係想講，『深圳喺1979年開始發展嘅成就真係可以否定晒』？？？你自己直接答啦，寫到一舊舊，唔好要人估啦。
10. 『而藥材我有得講，佢係踏入21世紀之後，外來工猛咁流入市場生意而炒作出嚟。』
11. 唔好寫親d嘢十有八九都係錯，又或者你啲證據啱啱好反對咗你自己嘅論點啦。浪費大家時間。
12. 無論你同我嘅各樣觀點係乜，同維基百科方針係無關。呢度討論嘅係：

1. 廣州清平路知名度大。
2. 廣州清平路嘅知名度係廣泛嘅。
3. 其它清平路（包括深圳兩條）知名度細，唔廣泛。或者可能係冇。
4. 清平路 (廣州) 搬版 清平路。

冇辦法否定第1、第2、第3個話，就應該搬版。--Roy17 (傾偈) 2018年3月5號 (一) 14:55 (UTC)

補充：最遲清朝中後期廣州外貿繁榮嘅時候清平路賣藥嘅已經成行成市。原來以前仲有句說話叫『得清平一铺一世无忧』。求祈搵到d資料，譬如廣州日報嘅文清平市场 那属于广州的本草香（呢篇幾多料）、中國經營報嘅文铺王风光不再 清平药市日渐式微。有心嘅可以搵得多好多書同報紙，網度d content farm或者轉載未有咁好。

//我都唔知得咁詳細，不過起碼都知呢個地方係有好耐歷史同幾有名下。 --Roy17 (傾偈) 2018年3月5號 (一) 16:11 (UTC)

廣州清平路知名度大。廣州清平路嘅知名度係廣泛嘅。

噉未係咯。所以未要睇多數人講起清平路係講邊個咯，唔會因為一個少人講嘅地方（深圳人講嘅深圳兩條清平路）而否定多數人嘅認識啊嘛。

1. 維基冇可能全部人都照顧到。不過你問下南寧講白話啲人同梧州、北海講平話啲人，當地啲人未嚟廣州之前，會唔會講廣州有條清平路？如果你問凈去過深圳，未去過廣州嗰啲廣西佬，都唔會講嗰頭。
2. 外國嚟廣州旅遊啲遊客，都唔會專程睇部分馬路啲細節，況且「清平路」個名冇幾個外國人知，佢凈識嗰個清平嘅批發市場。

1. 唔好繼續以偏概全。你個邏輯係完全錯，因為你舉d過於狹窄嘅例子去證明普遍情況。同樣嘅說話都可以講，『如果你問凈去過廣州，未去過深圳嗰啲廣西佬，都唔會講深圳嗰頭。』、『如果你問凈去過廣西柳州大良，未去過順德大良嘅廣西人同廣東人，都唔會識得順德大良。』呢啲唔能夠否定嗰樣嘢嘅知名度。因為如果要用呢d邏輯，就要比較，對於兩個清平路都唔識嘅粵語人，去廣州而識得廣州清平路嘅機會大d，定係去深圳而識得深圳清平路嘅機會大d？結論理應係廣州清平路，因為廣州清平路有藥材市場同花鳥魚虫寵物市場。網上搜索可以搵到好多人問廣州清平路點樣去，但係恐怕冇人會問深圳清平路點樣去。深圳清平高速公路，因為多咗幾隻字喺中間，係冇咁易撈亂，而且最近幾年中國d高速路冚嘭冷編號，佢有個S29嘅代號，又降低咗撈亂嘅可能性。
2. 廢話。除咗d主幹道、交通要塞，你剝走晒d唔關道路交通本身嘅嘢，有幾多路，幾多地方係因為佢自己本身出名？光塔路如果唔係因為個光塔，一德路如果唔係d批發市場，光孝路唔係因為光孝寺，祖廟路唔係因為祖廟同商業區，有邊個會識？d人夠唔係去條路咯，係去個XX地方咯。所以呢個論點唔得。當d人去嗰個地方，問人點去，就會要了解條路啊嘛。佢地『唔會專程睇部分馬路啲細節』，但會睇條路d歷史，周邊嘢啊嘛，否則所有d道路入邊d唔關交通事嘅嘢係咪應該冚嘭冷刪晒？--Roy17 (傾偈) 2018年3月6號 (二) 07:31 (UTC)

你嘅粵語有冇咁差？

冇咁差。最煩嗰啲學校玩洗腦教育。

你舉嘅例子，聯合航空，金鐘獎，未都係，有重名嘅嘢，知名度大嗰個未唔使括弧咯？！噉你仲反乜嘢？？？

睇清楚先至講啦：我講嘅係TALK:聯合航空同TALK:金鐘獎 (搞清楚)呢兩版。聯合航空同金鐘獎嘅搞清楚版嗰單完全一模一樣（我講前者），早期有人提出以為聯合航空多數人講嘅係中國嗰個而搬嘅，結果搞出個中國聯合航空出嚟，而「聯合航空」嗰版重係以「佢本身個名嗌『聯合航空』」而冇搬到。嗰個金鐘獎又係噉，原嚟臺灣嘅金鐘獎凈得「金鐘獎」三個字。

up乜？呢個同三個問題『1.廣州清平路知名度大定細？ 2.深圳清平路知名度大定細？ 3.廣州清平路知名度是否遠勝所有其它清平路？』有乜聯繫？【唔相關嘅觀點】--Roy17 (傾偈) 2018年3月6號 (二) 07:31 (UTC)

其它清平路（包括深圳兩條）知名度細，唔廣泛。或者可能係冇。

畀兩單舊聞你睇下：2006年新聞 清平路7·9交通事故 --PQ77wd (傾偈) 2018年3月6號 (二) 00:34 (UTC)

【唔相關】你呢兩條新聞入邊，主題係清平高速公路，連黃貝嶺清平路都唔係，所以根本唔係有用嘅相關資料。不過，第一條新聞，入邊寫住條清平高速『与罗湖区现在的一条支路清平路重名』，黃貝嶺清平路係支路咋。第二條新聞，清平路係個標題咋，正文冚嘭冷寫全名『清平高速公路』/『玉平大道』，點解啊，報紙佬寫標題要慳字先縮寫咋。【以偏概全】你搵得兩條噉嘅新聞係不能證明深圳兩條清平路知名度係大。車禍新聞，就代表條路好有名？--Roy17 (傾偈) 2018年3月6號 (二) 07:31 (UTC)

撐搬屋 粵維開啲地頭，就應該由省港澳呢啲大嘅開始好啲，唔使排其他細地頭先。--Longway22 (傾偈) 2018年3月6號 (二) 03:22 (UTC)

冇睇小個深圳，家下深圳唔係細地頭，佢個市發展得好快，而家佢同北上廣一齊納埋經濟強市入面。我畀個討論你：你搵唔搵得到清平路之前由街改成路嘅歷史？早前有人講過「二比一等於冇共識」嘅事（睇早前Eden Hazard嗰單嘢）--PQ77wd (傾偈) 2018年3月6號 (二) 04:10 (UTC)

1. 

   Canton Maps

   幅圖益你嘅。1930年代經已係清平路嘞。
2. 深圳影響大細，係好難影響黃貝嶺清平路知名度大細。你睇咗你嘅騰訊街景未啊？條路如果唔出轟動新聞，喺未來有冇可能出名啊？你又搵黃貝嶺清平路歷史來睇過？幾時有馬路，幾時開始叫清平路？以前唔出名，就算唔要wiki方針畀你做算命佬，黃貝嶺清平路都好難出名啦。
3. 唔使慌，你未搵d深圳人來支持你咯，掉返轉整到黃貝嶺清平路坐大啦。深圳人都未必識得黃貝嶺清平路啦，咁細條咁偏僻。啫好似你問廣州人有幾多會識得晒南京路、龍怡路、翰景路、廣九大馬路、廣舞台二馬路諸如此類，呢d路喺晒市區都未必有人知。--Roy17 (傾偈) 2018年3月6號 (二) 07:31 (UTC)
4. 你都仲係唔識規矩。討論唔係投票。所以係要基於事實，建立共識。冇根據冇邏輯嘢，就算100比3都係會否定晒。有根據有邏輯嘅嘢，就算3比100都應該跟從。--Roy17 (傾偈) 2018年3月6號 (二) 08:36 (UTC)

1930年代經已係清平路嘞。

求先睇過下圖，又係啵！噉即係話民國嗰時已經有呢條路啦。其實深圳嗰條高速係之前嗌成清平路，後嚟喺2006年先至改咗第個名。不過唔可以否定嘅係，深圳嗰條早喺1980年代嗰時就有，但因為嗰時考證唔多，所以冇乜點記錄。

唔使慌，你未搵d深圳人來支持你咯，掉返轉整到黃貝嶺清平路坐大啦。

提醒下你嘅言論小心啲（呢度唔係用嚟鬥氣，因為噉嘅言論屬挑釁地域攻擊）。

深圳影響大細，係好難影響黃貝嶺清平路知名度大細。

不過你有冇聽過「北上廣深」呢個詞？呢個係2016年中國大陸新出嘅名詞，佢係中國大陸嘅四個一線城市之一，唔代表影響大細。家下個GDP重犀利杭州同南京（睇呢版嘅排行榜，深圳排位超過北上廣），點會影響大細啊？

討論唔係投票。

噉Eden Hazard篇嘢一直拗咗好耐，係唔係要重新提出討論而定奪？--PQ77wd (傾偈) 2018年3月8號 (四) 03:10 (UTC)

• 1. ……
  2. 提下你你仲有d拿手好戲未做啫，可以學似舊時整個韓國廣東人噉來唱雙簧啊嘛。
  3. 【無關主旨】（不過亦唔知你up乜。）
  4. 【無關主旨】係又得唔係又得，隨你。唔關我事。唔關清平路事。（【比喻不倫】兩樣嘢本質唔同。Hazard拗嘅係譯做甲好定乙好，但無論甲乙丙丁乜嘢譯名，都係冇乜知名度嘅嘢，亦係呢個世界上未有共識嘅嘢。呢度係清平路，一條起碼有成百年歷史嘅馬路，連埋佢一百幾十年以上歷史嘅商業貿易。）--Roy17 (傾偈) 2018年3月8號 (四) 04:53 (UTC)

• 「深圳嗰條早喺1980年代嗰時就有，但因為嗰時考證唔多，所以冇乜點記錄。」你自己都識話「考證唔多……冇乜點記錄」。1980年代廣州清平路早已聞名全國藥材行業、花鳥魚虫寵物行業矣。深圳清平高速公路2005年先起好，2006年就話要改名嚕。--Roy17 (傾偈) 2018年3月8號 (四) 14:08 (UTC)

【無關主旨】（不過亦唔知你up乜。）

噉你求先講「深圳影響大細，係好難影響黃貝嶺清平路知名度大細。」即係想點先？另外請Wikipedia:有禮。--PQ77wd (傾偈) 2018年3月8號 (四) 05:12 (UTC)

• 請睇呢句引言上邊成段話自己理解。我唔覺得任何識粵語嘅人會理解唔到。--Roy17 (傾偈) 2018年3月8號 (四) 13:35 (UTC)

粵維開啲地頭，就應該由省港澳呢啲大嘅開始好啲

有人既然講得呢樣，我解釋返：廣州同埋深圳已經係大嘅地頭（平起平坐咁滯，何況係個粵港澳嘅大經濟區之一），嗰啲細地方仔又點會唔出名？即係話廣東珠三角城市開頭好啲啦……加上上面攞埋啲廢話證明話多數係廣州嗰個，已經構成廣州POV喇（我冇話好多文係POV）。的確，雖然粵維暫時未有深圳人參加，但係唔代表冇深圳人嚟呢度睇。如果第日咁啱有深圳嘅維基友提出嚟呢度搬返轉頭，我幾大都支持。希望學下呢樣啦。

我講嘅就係咁多，信唔信由得你。--PQ77wd (傾偈) 2018年3月8號 (四) 11:36 (UTC)

• 上文又來【邏輯錯亂】。唔好又兜去第d嘢。上面我擺出來嘅證據都係有根有據有得查嘅，你d冇來源邏輯亂晒大龍監粗來嘅怕且就係你指嘅廢話啦。呢個唔構成廣州POV，因為無論假定邊一個地方嘅人出發，都可以得到廣州清平路出名嘅機會大，呢個係佢本身嘅notability使然，所有其它清平路本身嘅notability都係好細。要拗POV，我已經類比過廣州人嘅「河南」「河北」、珠三角人嘅（佛山）「南海」、香港人嘅「南昌」，呢d係咪都可以令到知名度大好多嘅重名條目要加括弧、要「搞清楚」？重申一次討論主題：

1. 廣州清平路知名度大。
2. 所有其它清平路知名度細，或者可能係冇。
3. 廣州清平路知名度大到，絕大多數人搵清平路都係搵佢，好少人需要撳返去搞清楚搵第條。
4. 冇辦法否定第1、第2、第3個話，就應該清平路 (廣州) 搬去 清平路。

即使係中文維基，服務晒全世界曉中文嘅人，zh:清平路呢版由2008年12月23號開咗到而今，都未有消歧義版，亦冇任何其它同名嘅加咗括弧嘅版。可見你所指控嘅廣州POV好難成立，因為冚中文世界過咗9年有多都未覺得有需要新增其它不知名嘅重名道路，而廣州清平路先至有存在嘅必要。--Roy17 (傾偈) 2018年3月8號 (四) 13:35 (UTC)

• 先發覺你係亂咁拋書包。根本唔關POV事。中立原則係指寫文嘅時候要中立。如果有人寫咗「清平路係我市著名商業區」，噉先係廣州POV。討論搬版、改名嘅問題，適用嘅係有關disambiguation嘅指引。參考en:Wikipedia:Disambiguation#Is_there_a_primary_topic?，佢話：

While Wikipedia has no single criterion for defining a primary topic, two major aspects that editors commonly consider are these:

• A topic is primary for a term with respect to usage if it is highly likely—much more likely than any other topic, and more likely than all the other topics combined—to be the topic sought when a reader searches for that term.
• A topic is primary for a term with respect to long-term significance if it has substantially greater enduring notability and educational value than any other topic associated with that term.

我一路提出嘅都係，廣州清平路知名度遠勝其它（primary w.r.t. long-term significance），絕大多數人搵清平路亦只係搵佢（primary w.r.t. usage）。--Roy17 (傾偈) 2018年3月8號 (四) 16:30 (UTC)

至於點解，理由同上，我勸你唔好再玩極端主義喇。呢度係維基百科，唔係安那其百科。粵文自主，唔好為咗贏，自貶身價。--PQ77wd (傾偈) 2018年3月9號 (五) 07:00 (UTC)

書本資料

仲可以用Google Books來查書本。搜索「廣州 清平路」，排頭版嘅結果好多都係廣東省、廣州市嘅地方志書、年鑑、大觀、地名志等等，而且唔會有張冠李戴嘅。但係搜索「深圳 清平路」，好多時都係作為公司地址先出現，而且搜索結果頭兩版就撈亂咗有廣州清平路。--Roy17 (傾偈) 2018年3月8號 (四) 14:08 (UTC)

用Google Books來搜「"清平路"」，連日文書都搵到兩本，都係提到廣州清平路同清平路自由市場：

1. 1986年出版嘅《トラベル香港・広東語会話手帳》
2. 1991年出版嘅《香港・広東語会話「決まり文句」600》--Roy17 (傾偈) 2018年3月8號 (四) 14:25 (UTC)

用Google Books搜索「"Qingping lu"」或者「"Qingping road"」，加埋搵得到二三百本西洋書，除咗英文仲有德文，絕大多數都係d旅遊書、介紹中國歷史嘅書、介紹中國商業嘅書，提到甚至特登開一小節來講廣州清平路同佢嘅繁華。--Roy17 (傾偈) 2018年3月8號 (四) 14:42 (UTC)

Peter J.M. Nas喺2005年由Routledge出版嘅Directors of Urban Change in Asia第35頁：

In the period 1929-36, during Chen Jitang's administration of Guangdong, municipal construction was accelerated to keep pace with rapid economic development. Twenty-four roads were built in quick succession, including Xihu Road, Haoxian Road and Qingping Road.

--Roy17 (傾偈) 2018年3月8號 (四) 14:42 (UTC)

歷史資料

（註：本小節原題「有關清平路嘅歷史資料」，為咗排版美觀而今更改如是。--Roy17 (傾偈) 2018年3月8號 (四) 14:57 (UTC)）

下邊將要引用嘅內容出自廣州市政府搞嘅網站『中國廣州網』，『版权所有：中国广州网』，即係公有領域，而且根據中國版權法，

Article 22: In the following cases, a work may be exploited without the permission from, and without payment of remuneration to, the copyright owner, provided that the name of the author and the title of the work are mentioned and the other rights enjoyed by the copyright owner by virtue of this Law are not infringed upon:

(8) reproduction of a work in its collections by a library, archive, memorial hall, museum, art gallery or similar institution, for the purpose of the display or preservation of a copy of the work;

引用嘅文章係《清平市场 那属于广州的本草香》，作者卜松竹，以下係引文：

“得清平一铺一世无忧”，这是流传在广州老西关的一句俗语。此处的“清平”，指的就是清平市场。还有一句话可为之参照：“银行比米铺多，中药铺比银行多，中药摊比中药铺多”，点出了以清平市场为代表的中药材批发市场显赫的江湖地位。 1979年3月，清平农副产品市场正式成立。很快，其中的清平中药材市场迅速发展起来，成为南中国最大的中药材特别是贵细滋补性中药材的集散地和进出口贸易中心。它也是全国开办最早、唯一位于大都市中心的中药材专业市场。 据研究者陈超志等人的说法，清平药材市场的兴起，可以追溯到晚清开放广州等五个通商口岸之时，“东临垄断对外贸易的十三行，南对赫赫有名的租界沙面岛，得地利之便的清平药材市场应运而生”。此处位于明清城墙西门外之南，原本就是药材摊档聚集之地。清朝诗人樊增祥在《西溪泛舟记》中有“十里之间，惟闻香麝”的描述，可知当时规模之大。上世纪二三十年代，社会总体动荡，但清平路一带由于和沙面租界相邻，商业依旧发达昌盛。“清平药材市场”这个名字虽然还没有单独成形，但中成药制造业已经开始由工商不分走向专业发展。桨栏路、十三行、杉木栏等商业街聚集了数十间中成药铺，往往采用前店后场的形式经营。前卖熟药，后供加工。商业网络进一步发展。 对于很多人来说，清平市场里五花八门的中药材，就像一座喧闹、热烈的自然博物馆。从很早起，这里就成为了那些乐于寻找一些独特体验的游客的必到之地，但其意义远不止此。它是广州改革开放后第一个坚持市场化建设的成功样板，1984年成为广州市对外开放的接待单位之一。美国前总统尼克松、前国务卿基辛格、德国前总统魏茨泽克、日本前首相海部俊树都曾到此参观。 清平药材市场于1979年3月开始正式营运，据陈超志等人的资料，建场开始先集中在清平路南端的露天摊位。之后陆续延伸到街区内部，继而是清平路中、北段，1980年扩展到梯云路，形成一个十字形的长街市场。铺位之间最初以铁栅栏等为间隔，面积都很小。刚开始摊档不过五六十个，后急剧增加到近两千档。宽度不足6米的清平路，居然可以排开4排档口。许多档口不过1平方米左右，一直延伸开去，将马路堵得水泄不通。由于生意太好，清平药材市场的总长度很快增加到1公里左右，占地面积扩展到6000平方米。

引用結束。--Roy17 (傾偈) 2018年3月6號 (二) 08:17 (UTC)

@Roy17： 如果你擔心原文會唔見，請用 Internet Archive。而家 Internet Archive 有「即刻存檔」功能，我幫你整咗清平市場嗰版[4]。入返正題，你引呢段文字，想論證咩點？翹仔 (傾偈) 2018年3月8號 (四) 11:14 (UTC)

• 唔該晒！呢一段係清平路嘅歷史資料，簡短說明咗佢過百年嘅歷史、國際知名度、曾經衰落又興起嘅歷程、攤檔規模等等，證明咗清平路歷史長、名氣大、商業影響大。直接引用材料係方便討論。喺外網資料已經詳實說明我嘅觀點情況之下，上邊有人仍然不斷提出d似是而非邏輯錯亂嘅辯駁，所以我認為應該直接引用一小部分歷史資料，等大家一目了然，唔使口同鼻拗。--Roy17 (傾偈) 2018年3月8號 (四) 13:35 (UTC)
  • 其實你搵到咁詳盡嘅資料，可唔可以將佢整合，寫落文章入面，講下清平路呢個地方有咩做，而少啲時間執着篇文叫咩名？翹仔 (傾偈) 2018年3月8號 (四) 14:46 (UTC)
    • 寫文當然最好啦。但係就算我寫好篇文，篇文俾人以d無厘laa1gaang1嘅嘢霸咗個名，都唔會有人理。我而今提出正名，至於正文內容，我唔寫，放喺呢度、外網度、書本度d資料亦唔會消失，大把有心人，比我寫文水平好嘅，自然會睇到搵到並且寫好佢。我呢d笨人就去應付下d搞亂檔嘅人得啦。:D--Roy17 (傾偈) 2018年3月8號 (四) 15:04 (UTC)

【OffTopic】而且寫文好嘥時間。我每字每句凡係可能有疑點嘅都上網查一查核實。有d地名仲要開衛星同街景地圖來睇。跟住又要將d參考資料用cite嘅template來入好，每個事實/論點起碼配一pair參考，防止孤證嘅弊病。之但係呢度個citoid又未整好。仲有盡量尋求public domain嘅影像資料。兼且睇下d英中日德法俄嘅wiki有冇補充。我寫一版有餡嘅嘢起碼要十個八個鐘，呢幾日開咗d新版/翻譯已經做緊，得鬼閒做呢個side project咩。我上邊嘅觀點由始至終都係好簡單冇變過，不過有人係都要搵d九唔搭八嘅ge2嘢出來spin，焗住我逐條駁嘎啫。--Roy17 (傾偈) 2018年3月8號 (四) 16:05 (UTC)

上面條友係Roy自己親口承認係笨人㗎。我事先聲明：我講啲嘢都係反應近幾年啲嘢嘅事實（包括新出事物），唔係冇道理㗎。佢自己話自己睇唔過眼兼「九唔搭八」。不過話返嚟，出現好似TALK:五臺山同TALK:泗水市、TALK:比路賀利桑特噉嘅事我係絕對唔想見到嘅（因為出現鬧人）。--PQ77wd (傾偈) 2018年3月9號 (五) 01:28 (UTC)

User:PQ77wd謬論示例，逐個拆穿

否定歷史、生安白造

凈限廣州人知，舊時嗌嘅係清平街個名

其實清平中藥材專業市場嗰家嘢簡稱做「清平市場」（實質嗰個市場係1996年先至開業，1996年之前重未出現過呢間嘢）

而藥材我有得講，佢係踏入21世紀之後，外來工猛咁流入市場生意而炒作出嚟。

外國嚟廣州旅遊啲遊客，都唔會專程睇部分馬路啲細節，況且「清平路」個名冇幾個外國人知，佢凈識嗰個清平嘅批發市場。

1930年代廣州地圖已標示同今日一模一樣嘅清平路

真相：廣州舊地圖、大量中外書籍記錄#書本資料

根據我查閱過嘅資料，清平路嘅官方名稱亦未叫過清平街，據說以前有叫過燈籠街、登龍街，1929年開始嗰幾年，陳濟棠主政廣州，開馬路，就取名做清平路。PRC有一層政府架構叫做街道辦事處，清平路範圍曾經屬於「清平街道辦事處」管理，怕且PQ77wd就係噉樣張冠李戴。--Roy17 (傾偈) 2018年3月9號 (五) 12:04 (UTC)

張冠李戴

況且深圳羅湖區嗰條已經係緊要道路（[5][6]）同埋隔籬嘅黃貝嶺

用zh:清平高速代替黃貝嶺嘅清平路 (深圳)來討論，將兩者混為一談，然後將有關前者嘅網頁混為有關後者嘅。--Roy17 (傾偈) 2018年3月9號 (五) 12:04 (UTC)

以偏概全

我喺Google再用進階搜尋工具搵「清平路+在哪裡」嘅結果，雖然結果重見到一大堆廣州嘅結果，但係重見到同深圳地區網頁，尤其係深圳地鐵同深圳歡樂谷嘅網站介紹，結果冇隻係介紹廣州嘅清平路。

畀兩單舊聞你睇下：2006年新聞 清平路7·9交通事故

PQ77wd最常見嘅手法係以偏概全，en:Cherry picking，用單一例子否定晒大量關於廣州清平路嘅書本、報刊、網絡資料。況且佢舉嘅例子，好多本身都係好薄弱嘅，引文中四個網頁，全部都唔係大篇幅介紹黃貝嶺清平路嘅文章，清平路只係作為地名出現，而且後兩條新聞，亦同時犯咗#張冠李戴嘅錯。--Roy17 (傾偈) 2018年3月9號 (五) 12:04 (UTC)

無關主旨

黃貝嶺歷史重耐過清平雞成三個世紀

希望學下zh:维基百科:中立的观点啦

無關討論主旨：或提出無關「清平路」嘅討論，或提出無關標題要唔要「搞清楚」disambiguation嘅討論。--Roy17 (傾偈) 2018年3月9號 (五) 12:04 (UTC)

比喻不倫

噉我可以講，香港嘅東正道、龍崗道、聯福道、山村道、教育路、康樂路呢啲都係平平無奇馬路仔嚟啦

將清平路 (廣州)嘅討論，類比套用其它並非重名而無disambiguation爭議，或者無足夠notability嘅例子，從而否定清平路 (廣州)嘅notability，否定清平路正名嘅需要。--Roy17 (傾偈) 2018年3月9號 (五) 12:04 (UTC)

人身攻擊

加上上面攞埋啲廢話證明話多數係廣州嗰個

我勸你唔好再玩極端主義喇。呢度係維基百科，唔係安那其百科。

PQ77wd將我有根有據嘅說法直接定做廢話，又指控我係極端主義，噉嘅標籤唔符合事實，係非常負面同唔公道，唔符合維基百科嘅方針，會令其他用戶對我產生誤解，亦令我非常唔愉快並造成困擾。--Roy17 (傾偈) 2018年3月9號 (五) 12:40 (UTC)

呢個討論已經完咗，處理結果：動議演變成鬧人，對改善文章無建設性。請唔好對呢個歸檔做任何改動。

動議忽略 User:PQ77wd 喺呢一版嘅發言

基於下列兩個理由：

1. 小節#User:PQ77wd謬論示例，逐個拆穿，已經歸納佢喺呢一版嘅多數謬論；
2. 據PQ77wd本人所講，User:CRCHF係佢嘅舊賬號，而CRCHF曾經涉嫌操縱襪公仔來達成辯論目的，Wikipedia:管理員留言板/2015年#懷疑襪公仔；

有理由相信，PQ77wd有強烈嘅偏見，而佢會用盡各種方法來堅持佢嘅偏見。佢係清平路、清平路 (廣州)、清平路 (深圳)三版嘅原作者。有理由相信，佢為咗堅持佢開新版時候嘅命名決定，先至會發表大量冇邏輯嘅言論來反對搬版。

因此，我提出：各位參與討論嘅用家，可以忽略PQ77wd喺呢一版嘅發言。--Roy17 (傾偈) 2018年3月9號 (五) 12:34 (UTC)

哎！我真係要拍爛手掌！比作我就冇咁好氣同你逐一拆嘞，因爲我唔會同毫無邏輯嘅人講邏輯，我只會將佢目爲shǎbī，懶得嘥氣講嘢，不過Roy生拆佢招，仲係拆得好！鼓掌！快哉！--S7w4j9 (傾偈) 2018年3月9號 (五) 12:39 (UTC)