Talk:蘇州史

雙重標準？

Cedric tsan cantonais提議將呢篇搬到蘇州歷史，但其他同類文章（如大連史、香港史、上海史）同分類（如Category:澳門史、Category:廣州史）又唔見佢話要搬，我覺得有少少雙重標準。--Kowlooner (傾偈) 2014年1月6號 (一) 13:41 (UTC)

其實我從一開始就好反對將「歷史」改成「史」嘅習慣（所以之前有個無名氏將我寫嘅「歷史」改成「史」都俾我轟炸咗一輪），不過我係為咗尊重君子協定，避免引發編輯戰，先至一直默許其他人繼續用「史」而我繼續用「歷史」。如果我唔係驚要求改名會被人話係發動編輯戰嘅話，我肯定會提出將可以改成「歷史」嘅全部改成「歷史」。本人絕對無雙重標準。【粵語文學大使殘陽孤侠】 2014年1月6號 (一) 20:26 (UTC)

噉，要改嘅理由係乜？--WikiCantona (傾偈) 2014年1月7號 (二) 02:33 (UTC)

以免同「蘇州屎」媾亂。將其他「史」改成「歷史」都係因為「屎」同「史」同音，而且甚少有人單獨用「史」指「歷史」。【粵語文學大使殘陽孤侠】 2014年1月7號 (二) 02:59 (UTC)

依個理由係較爲牽強。國史館，廿四史，都唔會改國歷史館、廿四歷史。人家係講「留低一筆蘇州史」，一筆係寫出來，廣東話語帶相關，反而顯出本來XX史就係廣東話習慣。HenryLi (傾偈) 2014年1月7號 (二) 15:42 (UTC)

同意上面。重有「以免同XXX溝亂」根本唔成理由，因為已經有Template:唔係呢個模幫讀者搞清楚。--Kowlooner (傾偈) 2014年1月9號 (四) 14:47 (UTC)

我亦同意。「史」可成單音節詞，可同其他詞根組合，本來係粵語用法兼古文。第二，呢度話曬係書面，如果你話係聽聲版、驚引歧義，噉可以講成「歷史」，呢度攞來睇，大可不必如此。（亦正因為係書面，我甚至覺得「無同蘇州屎撈亂」呢句有啲多餘）。S7w4j9 (傾偈) 2014年1月9號 (四) 16:21 (UTC)