Talk:虛構故仔

@Deryck Chan、SC96、WikiCantona、Kowlooner、汩汩银泉： 大家埋嚟傾傾。我想傾吓到底「fiction」同「story」呢兩個字要點譯。At the moment，粵文對呢啲文嘅翻譯唔係咁 consistent，例如《故仔》對應英文嘅《Story》，《虛構故仔》對應英文嘅《Fiction》，《恐怖故仔》對應英文嘅《Horror fiction》。查實呢度有少少問題，「story」泛指任何型式（真或者虛構）嘅故仔，而「fiction」淨係指想像出嚟嘅故仔，不過唔使一定係文學作品－講虛構嘅故仔嘅漫畫同電影都可以算係「fiction」；《恐怖故仔》呢個 term 就好似冇咗「虛構」嘅意涵噉，但《恐怖虛構故仔》就好似有啲噚，而《恐怖小說》又未必係咁啱－「小說」呢個粵文詞我感覺通常專係指主要用文字表達嘅故仔（「純文字」或者「主要文字加少量插圖」）嘅。大家點睇？Dr. Greywolf (傾偈) 2021年6月16號 (三) 05:17 (UTC)

• 查實我都諗緊執執呢柞文嘅 title，搞返清楚啲 term，例如對應英維《novel》嗰篇粵維文，我啱啱搬咗去《長篇小說》，因為英文仲有《novella》（中篇小說）同《short story》（短篇小說）等嘅概念，即係將小說（「純文字」或者「主要文字加少量插圖」嘅故仔作品）按字數分類。Dr. Greywolf (傾偈) 2021年6月16號 (三) 05:17 (UTC)
• 除此之外，英文《speculative fiction》家陣係對應粵維《推想型小說》嘅，出現咗 inconsistency 嘅問題：如果跟《恐怖故仔》嘅譯法，用「故仔」當做「虛構故仔」嘅簡寫，噉《speculative fiction》理應要對應《推想型故仔》至啱。Dr. Greywolf (傾偈) 2021年6月16號 (三) 05:34 (UTC)
  • 啱啱搬咗。Dr. Greywolf (傾偈) 2021年6月16號 (三) 05:48 (UTC)

  好多時，又想短又想精確本身就係一隻兩難問題，而且啲詞義遷移都好正常，似原本係指文字嘢嘅fiction等到電影發明又着攞去表示啲電影（fiction movie）噉—— 汩汩银泉 (傾偈) 2021年6月16號 (三) 10:42 (UTC)

  唔同語文之間嘅概念唔一定要百分百對應。粵文維基叫啲文做咩名，應該反映粵語習慣。對應分叉嘅現象，維基數據而家已經可以用跳轉處理。「恐怖故仔」方面，我覺得呢個名可以繼續用，唔使喺文題特定講明係虛構。內文解釋清楚都得。翹仔 (傾偈) 2021年6月16號 (三) 10:47 (UTC)

• 好，噉我個方針就係「xx fiction」一般會對應「xx 故仔」，除非嗰種 fiction 指嗰樣嘢真係以文學作品為主嘅，例如《同人小說》同《大眾小說》。Dr. Greywolf (傾偈) 2021年6月16號 (三) 11:00 (UTC)

  我覺得虛構嘅意涵重要啲—— 汩汩银泉 (傾偈) 2021年6月16號 (三) 15:16 (UTC)

  @汩汩银泉： 噉有冇乜嘢好建議呢？🙂 Dr. Greywolf (傾偈) 2021年6月17號 (四) 02:00 (UTC)

  恐怖虛構？☹ 汩汩银泉 (傾偈) 2021年6月17號 (四) 03:36 (UTC)

  @汩汩银泉： 我覺得日常廣東話嘸會噉講... 好啦。一係我喺文頭 clarify 係虛構。Dr. Greywolf (傾偈) 2021年6月17號 (四) 03:42 (UTC)

  幫段方案加咗粗體，方便第時想改呢類文嘅維基人睇。Dr. Greywolf (傾偈) 2021年6月17號 (四) 02:01 (UTC)