Talk:賓拉登

User:Detective Akai未經討論下將「賓拉登」改叫「奧薩馬·賓·拉登」，理由係「賓拉登係佢個姓」，我唔同意呢個搬文理由。之前墨索里尼個討論（未傾完）都已經解釋過，粵維傳統係用粵語常用稱呼（唔一定係全名）去命名。響中維打「本·拉登」，響英維打「bin Laden」，都一樣識得去返呢個人嘅文（而唔係搞清楚版），可見「bin Laden」唔單止粵語，就算係其他語言，都係對呢個人嘅常用稱呼。所以「賓拉登」係符合粵維傳統改名習慣。--Kowlooner (傾偈) 2021年9月5號 (日) 12:42 (UTC)回覆

就個人習慣嚟講，會嗌佢「拉登」而唔係「賓拉登」。——Z423x5c6 (傾偈) 2021年9月5號 (日) 12:50 (UTC)回覆

同意「拉登」都好常用。如果純粹用常用名嘅角度，我唔抗拒用呢個名。不過，見英維嘅「Laden」同中維嘅「拉登」都係搞清楚版，情況同「bin Laden」唔一樣。當初用咗「賓拉登」可能係兼顧「常用名」同「避免撞其他名」嘅方案。--Kowlooner (傾偈) 2021年9月5號 (日) 13:59 (UTC)回覆

@Kowlooner、Z423x5c6：一：跟據維基指引，當一篇文章響未有爭議或未開始討論既情況下，維基係允許維基人搬版；二：跟返阿拉伯人名，閃米人其實係冇姓，拉登係佢父名、賓係一個連接詞（「賓拉登係佢個姓」我打少左個「唔」應該係「賓拉登唔係佢個姓」），所以叫佢「奧薩馬·賓·拉登」先至符合阿拉伯人名傳統（但由於各路師爺受到歐美人名影響，以為最後一個字就係佢個姓，就稱之為「賓拉登」），如果叫佢做「拉登」、「賓拉登」，變相係唔尊重阿拉伯人既傳統。Akai 博士 (傾偈) 2021年9月6號 (一) 08:54 (UTC)回覆

另外我想問下Kowlooner：英維都知「bin Laden」好常用，但點建人地文章名都要用「Osama bin Laden」，而唔係直接「bin Laden」？點解要將「bin Laden」搞成跳轉？建議Kowlooner走去中維英維日維問下，睇下人地點樣答你？Akai 博士 (傾偈) 2021年9月6號 (一) 09:05 (UTC)回覆

如果要最常用，噉肯係係「拉登」。如果要清楚係指嗰個人而唔係其他拉登，噉肯定係「奧薩馬·賓·拉登」好過「賓拉登」（不過而家世界上都冇第二個拉登出名過呢個，所以直接講拉登基本上都係講佢）。-Cangjie6 (傾偈) 2021年9月8號 (三) 07:41 (UTC)回覆

@Cangjie6：叫「拉登」並唔符合阿拉伯人名傳統。「賓拉登」既意思係「拉登個仔或者後人」咁解，完全冇提及佢叫乜野名；直接叫「拉登」，人地阿拉伯人以為你叫佢阿太Laden Ali al-Qahtani；「奧薩馬」先至係佢真正既名。「奧薩馬·賓·拉登」意思係「拉登既後人奧薩馬」，咁先至符合阿拉伯人名傳統。出於尊重阿拉伯人名，「奧薩馬·賓·拉登」係最好既譯名。Akai 博士 (傾偈) 2021年9月8號 (三) 10:27 (UTC)回覆

其實無話唔畀搬，只不過係個名用咗十幾年一路相安無事，搬之前最好攞返出嚟傾。重有，呢度唔係中維英維日維，中維英維日維係用「全名」，而粵維傳統就係用「最常用嘅名」（包括主流粵語媒體用嘅名，同埋粵語日常溝通嗰陣用嘅名），呢個傳統自粵維開站第一篇人物文愛因斯坦開始流傳到而家。

睇返大家意見，「拉登」比起「賓拉登」更符合「最常用嘅名」原則，我個人亦唔反對改用「拉登」。至於「尊重阿拉伯人名」係咪比「粵語最常用嘅名」更加重要，都想睇下除咗Akai兄之外有無其他人認同或者唔認同。--Kowlooner (傾偈) 2021年9月12號 (日) 13:02 (UTC)回覆

@Kowlooner、Detective Akai：同意「賓拉登」呢個叫法放喺粵語圈都奇奇怪怪，我都認為叫返「拉登」比「賓拉登」更好。我嘅首選係「拉登」，次選就名從主人寫全名「奧薩馬·賓·拉登」，第三選就「賓拉登」。特克斯特 (傾偈) 2021年9月12號 (日) 13:27 (UTC)回覆

@Kowlooner、特克斯特：呢個同W君響環王子一版質疑我加「ー」既做法相似。另外我想提下「奧薩馬·賓·拉登」唔係佢個全名，佢既全名係「奧薩馬·賓·穆罕默德·賓·阿華德·賓·拉登」，搞清楚唔該；仲有直接叫「拉登」就更加唔好，因為「拉登」根本唔係佢個姓，係佢祖宗個名唔該！！！我發覺本地好多文章都好唔尊重當地文化，呢一點非常不可取。Akai 博士 (傾偈) 2021年9月13號 (一) 09:05 (UTC)回覆