Talk:赫塔米勒
Herta Müller翻譯到粵語讀音用邊啲字？
編輯User:Redbomblhk將赫塔米勒搬咗去靴達妙拿，唔知係埋因為佢覺得讀音比較接近原文？不過我覺得赫塔米勒呢個叫法已經出現咗好多次，而靴達妙拿係一次都無出現過，而且呢幾個字會唔會唔適合用喺人名上？其實嗰個靴字我都有考慮過，不過其實對應德文嘅her，好似赫同靴都淨係過得去。
米勒，國語維基用嘅係缪勒，問題主要係Mül度，ler翻譯成拿肯定係錯嘅，因為拿係naa，n同l，就錯得遠喇。
關於Herta Müller嘅粵語讀音，要用到邊啲中文對應，我諗大家都可以畀啲建議，一起討論下
Poshi (傾偈) 2009年10月9號 (五) 06:31 (UTC)
To Poshi: 係，你講得有道理，我都有考慮過，但呢度想搞清楚兩個問題：
1.粵語Wiki嘅外國人名對應應該有咩準則呢？（我諗呢個問題都有排拗）好難界定一個叫法係咪“深入人心”或者“出現咗好多次”。如果一個外國人名地名，明顯唔符合廣東話發音，噉即使香港傳媒僅僅出現過類近國語譯名，呢度嘅原則係創造一個最佳粵語譯名，定係要跟返傳媒呢？又假設一個地方或人名，香港傳媒未出現過，而網上僅有大陸方面譯法，我哋係造一個粵語譯名定跟死大陸？
2.從發音講，靴字我係參照以前香港傳媒譯德國足球甲組球隊Hertha Berliner Sport Club（靴化柏林，而家有人改叫哈化柏林），達字有得傾，因爲Herta個ta最接近他或打，但唔太適合做人名。 至於 Müller，Mül應該最接近妙字，而米字粵音為mai，差好遠。而ler，我清楚你講拿字聲母係n，有出入，但按照香港慣常譯音，喺1994年世界盃德國隊嘅球員名單，Kohler，Möller，Häßler 分別譯做：高拿，慕拿，希士拿。可見拿字用作人名對應ler係粵語慣常做法。
請指教!
Redbomblhk (傾偈) 2009年10月9號 (五) 06:58 (UTC)
名點譯
編輯多謝兩位，呢個『唔係咁「家傳戶曉」嘅名點譯呢？』 嘅問題點搞呢？有啲原則嘅。我哋係維基一員，有啲原則我哋都幾同意嘅。
- Wikipedia:翻譯 - 大家去睇下，想嘅重可以去 talk page 處傾吓。
- Wikipedia talk:翻譯 都有傾過吓嘅。
- Talk:納爾遜 有啲 good point 嘅。
--WikiCantona (傾偈) 2009年10月9號 (五) 07:19 (UTC)
好，既然原則上唔支持自創，都唯有用現存嘅譯法。 Redbomblhk (傾偈) 2009年10月9號 (五) 07:27 (UTC)
- 啊，我都未注意到原來有呢條嘅：唔支持原創！如果係咁嘅話，即係話，以粵語發音為主，都係喺有幾種現有譯法嘅基礎上，重唔係自己翻譯！雖然我對Redbomblhk呢個名嘅譯法有唔同意見，不過其實我都好希望儘量可以跟粵音為主。
（我嘅意思係話，如果可以嘅話，有啲重未有人譯過個名，維基呢度有人又諗到其他人唔反對嘅譯名，係埋應該呢種行為可以支持？） Poshi (傾偈) 2009年10月9號 (五) 07:54 (UTC) Poshi (傾偈) 2009年10月9號 (五) 07:54 (UTC)
本人以為呢個討論幾有意思，不如大家去Wikipedia talk:翻譯度傾。我會搬呢個討論去Wikipedia talk:翻譯--WikiCantona (傾偈) 2009年10月9號 (五) 10:18 (UTC)
呢個討論搬去Wikipedia talk:翻譯繼續。--WikiCantona (傾偈) 2009年10月9號 (五) 10:18 (UTC)