|
長江，又叫江水同揚子江、大江，位於中國中部，係中國最長嘅江。古代隻江字專指長江，而河指黃河。長江長6300公里，係亞洲最長嘅大江，兼且係地球第三長河，排喺尼羅河同亞馬遜河後面。長江流域包含中國19個省、直轄市、自治區，成都、重慶、武漢呢啲重要工業都市，同埋南京、上海呢啲商業都會都喺長江一帶，成個流域有4億5千萬人口。由於長江地區人口密集，串起中國重要城市，條江又深入內地，通航里程長，所以譽爲「黃金水道」，由古至今長江航運業都好發達，舊時係華中乃至四川、華東嘅核心交通綫路。
圖片來自：Andrew Hitchcock @ flickr
舊圖 - 更多正圖...
| 
