Template:是日靚畫/2017/03/01

勤學里係香港新界將軍澳新市鎮嘅一條道路，位於調景嶺嘅公屋健明邨內，全長大約500米。呢度本來係調景嶺寮屋區，1996年拆咗之後成為將軍澳新市鎮嘅一部份，亦係少數建築喺原有陸地上嘅將軍澳街道，道路隨住調景嶺嘅新型住宅於2002年一併起好。

呢條路兩端都係連接翠嶺路，主要為健明邨「明」字為首嘅住宅大廈，例如明宇樓、明宙樓等，同附近嘅學校而設，所以被設為私家路，出入嘅車都受到限制。呢條路冇公共交通工具駛經，亦未曾出現過重大事故。