Wendy's
Wendy's（中文譯名包括雲狄斯、溫蒂漢堡、得意妹，納斯達克：WEN）係美國第三大漢堡包快餐連鎖店。呢個快餐業王國由美國人戴夫湯馬士喺美國俄亥俄州開設第一間快餐店開始，當時係1969年。
公司簡介
編輯1969年11月15號，戴夫湯馬士喺俄亥俄州哥倫布市開設第一間 Wendy's 漢堡包快餐店。店名叫 Wendy's，喺因為佢嘅第二女 Melinda Lou Thomas 個乳名叫 Wendy（因為佢大女細個嗰時叫唔出妹妹個名，所以叫佢Winda，叫吓叫吓，叫咗佢做Wendy's）。到咗1985年，分店數目達到三千間，而創辦人戴夫．湯馬士亦喺1986年退休，之後只係間中幫手拍吓廣告，直至佢2002年逝世為止。
Wendy's 依家由溫蒂國際（Wendy's International）擁有。2006年底，分店有 6500 間，喺美國第三大漢堡包快餐店連鎖店，市場佔有率達 12.7%，主要根據地喺北美洲。集團喺全球請咗約五萬七千人幫佢哋打工，而喺2006年財政年度，零售額高達廿四億五千萬美金。
紀事
編輯- 1969年，開設第一間快餐店
- 1970年，設立第一間汽車快餐店
- 1979年，喺店內開設沙律吧
- 1984年，推出經典廣告 ﹣Where's the beef
- 1986年，執咗近五分一分店
- 1991年，喺香港開設分店
- 2000年，撤出香港
香港分店
編輯呢間快餐店曾經喺1980年代以「得意妹」為名喺尖沙咀開設分店，但經營三年後結束。1991年，改以「雲狄斯」之名再度進軍香港[1]，最高峰
期曾經開設11間分店同請咗近400多個員工，但係到咗2000年1月3號終於全線（當時只剩低灣仔、北角、尖沙咀同西貢4間分店）執笠[2]，撤出香港。
嘢食
編輯Wendy's 出名嘅有方形牛肉漢堡包，同焗脆薯皮。方型漢堡包係湯馬士一次返密芝根州鄉下，食Keepee漢堡包時諗到嘅。
茄汁杯
編輯一般美式快餐店都用一個細小嘅茄汁包袋茄汁，但係Wendy's與別不同咁用一個約一英吋高嘅白色紙杯仔，畀顧客以自助形式根據自己喜好咁啫茄汁，喺香港快餐業只此一家。
各地分店
編輯
目前有分店嘅市場：
- 阿根廷、阿魯巴、巴哈馬、加拿大、開曼群島、哥倫比亞、哥斯達黎加、庫拉索島、多明尼加共和國、薩爾瓦多、危地馬拉、洪都拉斯、印尼、牙買加、日本、馬來西亞、墨西哥、紐西蘭、巴拿馬、菲律賓、俄羅斯（計劃2016年撤出）、新加坡、千里達、阿拉伯聯合酋長國、美國（包埋波多黎各、關島、美屬處女群島）、委內瑞拉、厄瓜多爾
已撤出嘅市場：
- 澳洲、比利時、巴西（計劃2011年重開）、埃及、德國、希臘、香港（計劃2019年重開）、匈牙利、冰島、愛爾蘭、以色列、意大利、科威特、荷蘭、北馬里亞納群島、阿曼、波蘭、沙地阿拉伯、南非、南韓、西班牙、瑞士、台灣（計劃2017年重開）、泰國、土耳其、英國
計畫緊嘅市場：
