Wikipedia:刪文討論/歸檔/2017

呢版係以往討論嘅歸檔，請唔好改呢版。如果你想發起新嘅討論或者重開家下嘅討論，請係家下討論頁做，唔該。

陳雅婷

原因 2017年10月7號 (六) 15:26 (UTC) 因為內容錯誤，而且將兩個同名的人物的資訊混合，使篇章變得非常混亂，難以修改

• 篇文未加{{afd}}，我加返。翹仔 (傾偈) 2017年11月2號 (四) 14:52 (UTC)
• 快速保留：
  1. 呢篇文係介紹近期大熱網劇《反黑》嘅一位女主角。知唔知呢篇文每日幾多人睇？係呢度10月份最多人睇嘅文。幾萬人次睇過，但到而家只係得一個人話要刪，點可以話刪就刪咁兒戲？
  2. 提刪理由係話將兩個同名嘅人資訊混合。至少我最初寫嘅版本唔係囉。只係之後無端端有人多手加咗個「Jayla」嘅另一個同名人物嘅英文名，再之後都已經有人幫手執返正啦。請問重有邊度係將兩個同名嘅人資訊混合呢？舉證責任喺提刪方。況且刪文往往都係最後手段，點解唔指出有錯嘅地方去改正，而想將啱嘅嘢都刪埋呢？
  3. 話時話，乜IP用戶有權提刪咩？至少英文、中文呢兩大維基版本都唔得。呢位IP用戶提刪完都失咗蹤，呢大半個月嚟亦一路無人理佢個提刪，我唔明點解而家會有管理員endorse佢個提刪，而唔係即刻結案。

  --Yanhaiman (傾偈) 2017年11月2號 (四) 16:24 (UTC)

• @Theace4910： - Yanhaiman 話你帶頭撈亂兩個陳雅婷，你可唔可以澄清下發生咗咩事？翹仔 (傾偈) 2017年11月2號 (四) 17:07 (UTC)

• 建議保留：我都覺得提刪者似乎唔係太負責任，無講清楚混合咗邊啲錯嘅資訊，提刪理據好薄弱。至於IP友可唔可以提刪，可惜粵維似乎未有明文規定得定唔得，不過我又留意到提刪模度寫住「未註冊嘅用戶放呢個標籤響篇文嗰陣係唔能夠完成刪文提名嘅，應該要留低詳細嘅刪因響Talk:陳雅婷。如果個提名未完成同埋響討論頁度無留言嘅話，噉呢個標籤就可以拎走。」。由於身為未註冊用戶嘅提刪者並無響討論頁度留過言，理論上我可以直接拎走個模結案。但係我見到翹仔似乎想堅持繼續討論落去，之前有人拎走個模都即刻打返回頭，所以我就由佢喇。難得一篇國維無收粵維有收嘅文可以攞到咁好嘅瀏覽量成績，但又偏偏捲入呢啲爭議，我都覺得有啲無奈。--Kowlooner (傾偈) 2017年11月5號 (日) 12:59 (UTC)

• 貼{{afd}}同貼{{刪}}唔同。前者係「我哋而家要傾下」，未有共識、又未夠鐘前既唔可以拎走個模亦唔可以單方面刪文。後者係爭議性低嘅嘅情況，無人反對即刻刪得。我之前加返個模上去，純粹係程序需要。@Kowlooner、Yanhaiman：我接受兩位觀點，收返我嘅程序提刪，篇文可以快速保留(唉又要借用中文維基術語喇)。翹仔 (傾偈) 2017年11月5號 (日) 21:59 (UTC)

本土自決派

呢個討論已經完咗，投票嘅請求理由已經消失，以上版面已經保留。請唔好對呢個歸檔做任何改動。

重定向所連條目「香港本土派」不符「本土自決派」的定義，倒不如刪除重定向，以便使用Template:Link-zh模板連至中文維基。 UU (傾偈) 2017年10月28號 (六) 10:17 (UTC)

與其想改用Template:Link-zh，做乜唔寫一篇？呢度唔係中文維基附庸！已經出手改寫咗。--Jason6698 (傾偈) 2017年10月28號 (六) 12:23 (UTC)

• 開咗文，本來刪文嘅理由唔再存在。搞掂。翹仔 (傾偈) 2017年11月2號 (四) 14:53 (UTC)