Wikipedia:城市論壇 (諗法實驗室)/歸檔/2020年6月

呢版係以往討論嘅歸檔，請唔好改呢版。如果你想發起新嘅討論或者重開家下嘅討論，請係家下討論頁做，唔該。

呢次嘅歸檔係由Shinjiman ⇔ ♨響2020年7月6號 (一) 15:43 (UTC)做嘅。

文章轉用粵拼排序？

話說而家，去一版分類版嘅時候，啲文係按 Unicode 次序嘅排嘅。呢個次序基本上同康熙字典一樣，但對於我哋搵嘢冇乜用。我想問大家，轉用粵拼排序好唔好？轉嘅話有兩個可能方案：

• 一係問 MediaWiki 開發者，有冇方法喺軟件層面自訂次序。我哋可以畀晒幾千個常用字嘅粵拼表佢哋。多音字可以單次處理或者喺軟件層面處理。
• 一係我哋自己用 {{DEFAULTSORT}} tag 晒每一篇文嘅粵拼，例如化學底下會加一行 {{DEFAULTSORT:faa3 hok6}}。

大家點睇？ 翹仔 (傾偈) 2020年3月14號 (六) 18:37 (UTC)

粵拼排序幾好。我傾向用第二個辦法。仿似日文維基噉，佢哋亦係用呢個手段實現假名排序。若果用呢個辦法，或者可以融合入現時粵維用嘅注音模，比如{{jpingauto}}呢啲。--S7w4j9 (傾偈) 2020年3月14號 (六) 19:05 (UTC)

唔係人人都會注音，若自動注好有機會注錯音，人手注又花時間，又易出錯。中文版咁，有啲注有啲唔注，咁就好亂。尤其依度根本唔夠人手。

查實康熙字典係有用，所有讀過書嘅人都識。只係依家根本無用到康熙部首分類。Unicode隻隻字，都有康熙字典部首同筆劃編號(Radical-Stroke，RS)，只係百科軟件從來無人寫。康熙部首編號，由一數到二百一十四。例，百字kRSUnicode為106.1，總筆劃數kTotalStrokes為6。106.1即係白部一劃，全字六劃。又，科字kRSUnicode為115.4，總筆劃數kTotalStrokes為9，115.4為禾部四劃，全字九劃。無論kRSUnicode定kTotalStrokes，都只係簡單查表程式，簡單順序排列，完全可以自動做，斷唔會出錯。HenryLi (傾偈) 2020年3月20號 (五) 10:09 (UTC)