三家村

三家村（英文：Sam Ka Tsuen）係香港觀塘區東南部鯉魚門嘅鄉村，係九龍十三鄉之一，喺油塘同鯉魚門附近。

由香港海防博物館望向鯉魚門同三家村

三家村避風塘近攝（漁港同避風塘）

三家村（即鯉魚門海鮮街）嘅酒樓

交通

早年三家村已經有渡輪往返筲箕灣。昔日西貢區仲未開發之時，住喺將軍澳、調景嶺同埋其他西貢地方嘅居民都要去三家村轉渡輪往返市區，所以西貢嘅海鮮以前都會運去呢度發售，令到呢度嘅海鮮餐廳同酒樓林立。之後因筲箕灣填海，依家渡輪服務已改為往返西灣河，由珊瑚海船務提供17.5M木製街渡式小輪服務。同時，亦設有航線往返東龍洲／大廟灣，每3個鐘一班。