中文書面語（粵拼：zung1 man4 syu1 min2 jyu5）廣義上係指「用嚟表達漢語嘅文字」。
原則上，「中文書面語」呢隻字詞嘅定義有些少含糊：喺廿世紀之前，中文書面語一般係指到咗清朝都仲用緊嘅文言文，而喺辛亥革命做嘅改革—白話文運動，主張「我手寫我口」—之後，中文書面語一般都係指官話白話文，即係用標準官話嘅文法同詞彙（例如用 A 的 B 嚟表示由 A 擁有嘅 B 呢種普通話口語講嘅句法）寫出嚟嘅文字[1]。
