中華基督教禮賢會
禮賢會喺華南傳教嘅會
中華基督教禮賢會，基督教會之一，向中國傳教嘅差會，為德國禮賢會之分會。初頭由德國派傳教士來華，喺香港同華南傳教，當時香港為英國殖民地，華南為大清領土，會以東莞為中心。中華民國時期格局未變。中華人民共和國成立之後，統攝基督教，就無咗中國部份。故此一九五一年，分離出中華基督教禮賢會香港區會。禮賢會之後合併入德國聯合差會。
史
編輯禮賢會派柯士德牧師（Heinrich Konrad Dieter Köster）同葉納清牧師（Ferdinand Genähr）來香港，一八四七年三月十九號，船抵香港，向德國傳教士郭士立學唐文唐話。郭士立，亦即中環吉士笠街嘅吉士笠。
一九一九年，開始設傳教站，先後六處。一八四七年有香港，一八八六年東莞塘頭廈，一八九〇年東莞，一八九八年東莞橋頭逕背，一八九八年，東莞太平，一九〇三年增城新塘。
傳教方面，禮賢會集中喺廣東新安同東莞，新安中華民國時改名寶安。總會喺東莞縣城，下分太平、寶安、塘廈、東莞、廣州同香港六區。東莞有普濟醫院。太平區會，有虎門納清堂，又名太平堂），以及咸西堂、白沙堂。寶安區會，有西鄉堂、福永堂、南頭堂、深圳堂。塘頭廈區會，有塘頭廈堂、耶山堂、橫瀝堂、羌廈堂、企石堂。東莞區會，有石龍堂、東莞堂、逕背堂、周溪堂、白馬堂。廣州區會，有廣州大德堂、新塘堂、增城堂、石岐堂、大良堂、蕭竹園堂。
一九五〇年，廣東自中華民國易手於中華人民共和國，自此香港區會就分開出來。一九五一年，喺香港政府註冊成為法團，名中華基督教禮賢會香港區會。香港區會現有堂十九間。