呢篇文講寶安縣。想搵深圳嘅市轄區嘅話,請睇寶安區
  提示:呢篇文講嘅唔係保安

寶安粵拼bou2 on1),喺中國廣東,舊稱新安(Sun On),家下係深圳市嘅市轄區,叫寶安區。佢原本係個大清時叫新安縣,範圍包括而家嘅香港同深圳,民國改叫寶安縣,只淨低深圳部份。舊時香港深圳原居民嘅籍貫,都會寫成「廣東寶安」。

大清乾隆時,新安縣歸廣州府

編輯

東晉初期,東官郡下置寶安縣。轄境包括今日東莞同深圳,而寶安個名,出自寶山,個山之所叫寶,因爲佢有銀礦,產銀。座山喺今日東莞之內。《輿地紀勝》講,舊以山有寶,置場烹銀,名石甕場,今山中銀滓猶存。《方輿紀要》講,又東十里為寶山,昔嘗置場煎銀於此,名石甕場,久廢。大明拆開東莞縣,開新安縣。民國爲咗唔撞縣名,新安用返古名寶安。

寶安之名,亦反映古代,呢帶係金銀開始採之地[1]

地理 編輯

寶安響省城東南。今日寶安比以前細好多。

編輯

新安縣時,南有杯渡山(又叫「聖山」,古稱「屯門山」),東南有官富山,南有「老大鵬山」(家下嗌大嶼山)。三座山都喺家下香港境內[2]

編輯

新安縣時,東、西、南三面濱海。海中有零丁山,周圍係零丁洋。又南,頭沱濘佛堂門急水門大嶼山榕樹灣等澳,後四個響香港境內[2]

西北有永平河,頭接東莞九江水,向東南去到碧頭汛入海[2]

編輯

 
新安縣地圖

寶安縣響大明同大清時,叫新安縣

新安縣城一帶,係東莞守禦千戶所,大明洪武十四年八月置。1573年萬曆元年東莞縣分返出嚟變新安縣。縣管埋大鵬守禦千戶所,同係洪武十四年八月置。縣東南有官富巡檢司、西北有福永巡檢司[3]

大清康熙六年,又將佢併入東莞,八年又分返出來。大嶼山設東涌所城縣丞大鵬所。有福永九龍二巡司[2]

1841年1898年期間,英國先後分三次將新安縣嘅地攞去做殖民地,即係而家嘅香港。首先南便香港島,道光廿二年割畀英國。咸豐十年,又割九龍寨屬地。光緒廿四年,又拓租九龍司屬地二百方英里,訂九十九年約,置九龍關榷稅[2]

大清末年,開有廣九鐵路[2]

呢個代新安縣境,東北去歸善縣,西北去東莞縣,西南過海去香山縣,而南就係香港。

一九一二年中華民國成立,兩年後,一九一四年,新安縣改叫寶安縣。

一九四九年中華人民共和國成立,一九七八年改革開放,一九七九年將寶安縣改為深圳市,一九八二年分返出寶安縣。一九九二年,寶安縣併入深圳市,並將原本寶安縣西北,改叫寶安區,東北一忽,改叫龍崗區


編輯

  1. http://tangsong.blog.hexun.com.tw/51620112_d.html[失咗效嘅鏈]
  2. 2.0 2.1 2.2 2.3 2.4 2.5 清史稿。志、地理、廣東
  3. 明史。志。地理。廣東。