中鐵綫
呢篇文或者呢節係關於香港未來嘅建設或者計劃。 呢篇文或者呢節可能包含估估下嘅資料，同完工時可能有出入。 |  |
中鐵綫（英文：Central Rail Link）[1]係香港特別行政區政府喺《2022年度香港行政長官施政報告》入面所提議嘅鐵路發展項目[2]，由元朗錦田途經上葵涌連接九龍塘[1]，以紓緩屯馬綫同埋北環綫未來北部都會區人口增長嘅運輸壓力。中鐵綫個名係因為位處東鐵綫同屯馬綫原西鐵綫嘅路段之間。
走綫
編輯初部建議由錦上路出發，經過一直未有鐵路覆蓋嘅上葵涌，再穿過金山直接接駁九龍塘。消息話呢條綫唔會同荃灣綫交匯，沿途亦只設小量中途站，目的係希望新界居民可以喺短時間往返市區，喺上葵涌或設兩個中途站[3]。
當局亦計劃喺九龍塘嘅公園或空地興建「中鐵綫」嘅九龍塘站，而又一城隔離嘅歌和老街公園就係其中一個選址，將來亦會興建地下通道接駁原有嘅鐵路車站建築[4]。
由於香港政府早前已要求港鐵就北環綫南延可行性作研究，顧問公司報告亦話南延走綫可行，所以上述走綫極有可能屬於北環綫嘅南延部分，而唔係獨立成綫[5]。
參考資料
編輯- ↑ 1.0 1.1 〈行政長官2022年施政報告 - 運輸基建驅動發展〉。《香港特別行政區政府》。2022-10-19。原先內容歸檔喺2022-10-30。喺2022-10-19搵到。
- ↑ 〈本屆政府會推展興建３條主要幹道及３條策略鐵路〉。Facebook。添馬台。2022-10-19。
- ↑ 〈擬建「中鐵綫」新鐵路 錦田經葵涌連接九龍塘〉。《東方日報》。2022-10-20。原先內容歸檔喺2022-10-19。喺2022-10-22搵到。
- ↑ 〈施政報告提出興建三條主要幹道及三條鐵路〉。《now新聞》。2022-10-19。
- ↑ 黃偉倫 (2022-10-17)。〈施政報告｜消息指擬建北環線南延分流屯馬線 石籬或設站往九龍塘〉。《香港01》。喺2022-10-22搵到。