錦上路站

錦上路站（英文：Kam Sheung Road Station）喺香港嘅元朗錦上路西南面，近住八鄉同錦田，係港鐵屯馬綫嘅其中一個車站，呢個站亦係港鐵屯馬綫範圍嘅車廠同總部大樓嘅所在地。

錦上路
Kam Sheung Road

錦上路站外觀
站名
中文名	錦上路站
英文名	Kam Sheung Road Station
站代碼	KSR
基本資訊
座標	22.434781°N 114.063353°E / 22.434781; 114.063353
車站色	栗色
途經路線	屯馬綫
站服務時間	0551-0104 尾班車時間
接駁交通	巴士、小巴
車站結構
站類	地面
月台類	1島式月台
月台數	2
出口數	4
其它設施	其它無障礙設施
地圖

1號月台（往屯門方向）

月台中央

本站係港鐵重鐵車站中，唯一一個以成個街名命名嘅車站；但係，本站唔係位於錦上路旁邊，而係相距大約半公里距離。

車站結構

錦上路站全長280米，外牆係磚紅色，好有中國傳統特色，另外喺四週圍嘅空地種滿晒樹，呼應四週圍嘅鄉村環境。地面層設計配合當地比較空曠嘅鄉村環境，由於錦上路站呈東南－西北走向，因此地面層向東多數以透明玻璃組件做牆身，而向西嘅係啡紅色磚牆，有助爭取東邊嘅陽光進入室內，令東邊有廣闊鄉村視野之餘，亦防止下晝西斜過猛嘅陽光令到室內氣溫急升。

車站樓層

本站共分兩層，地下係車站大堂、另設公共運輸交匯處、停車場及單車停泊處，而一樓就係月台。

P 月台		路軌
		往烏溪沙
	島式月台，右邊嘅車門將會打開
		往屯門
		路軌
G 地面	大堂	出口、公共運輸交匯處、的士站
		車站停車場、單車停泊處
		客務中心、車站商店、洗手間
		自動櫃員機、自動售賣機

車站月台

錦上路站設有一個島式月台，1號月台往屯門方向，2號月台往烏溪沙方向。2號月台路軌旁邊設有預留月台嘅平台基座，用嚟起第二個島式月台，容納擬建嘅北環綫。

車站出口

• A - 港鐵錦田大樓
  • 錦河路、港鐵錦田大樓、四排石
    • 設有斜道往返地面
• B - 錦上路
  • 錦莆路、錦上路、錦田、吉慶圍
    • 設有斜道往返地面
• C - 錦莆路
  • 錦莆路、石湖塘、東匯路
    • 設有斜道及失明人士引導徑往返地面
• D - 錦河路
  • 錦河路
    • 設有斜道及失明人士引導徑往返地面

鄰接車站

往屯門方向鄰接車站係屯馬綫，同錦上路站間嘅行車時間約4分鐘。往烏溪沙方向鄰接車站係荃灣西站，同錦上路站間嘅行車時間約6分鐘。

	屯馬綫
屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙

	北環綫（建議緊）
錦上路 - 凹頭 - 牛潭尾 - 新田 < 落馬洲 古洞

接駁交通

錦上路站B出口

錦上路站C出口

錦上路站因為地點有啲僻，所以唔係咁多巴士小巴行，巴士都當呢個站係新界東西一個中途站。小巴都係中途經過呢度，主要係來往錦田、八鄉各村。呢處有巴士直通落馬洲。

為方便乘客揸車或者踩單車轉港鐵，呢個站嘅西面設有停車場，有560個車位，而東面B出口外，就設有200個單車泊位嘅單車停泊處。而C出口外設有公共運輸交匯處，方便乘客轉其他路面交通工具。

• 九巴
  • 54 - 元朗（西） ↔ 上村
  • 64K - 大埔墟站 ↔ 元朗（西）
  • 77K - 上水 ↔ 元朗（西）
  • 251A - 錦上路站 ↺ 上村
  • 251B - 大欖轉車站（八鄉路） ↺ 上村
• 龍運巴士
  • A36 - 錦上路站 ↔ 機場（地面運輸中心）
  • NA36 - 錦上路站 ↔ 機場（地面運輸中心）
• 新界專線小巴
  • 71 - 元朗泰衡街 ↔ 石湖塘河背
  • 72 - 元朗泰衡街 ↔ 雷公田
  • 78 - 落馬洲公共運輸交匯處 ↔ 大欖隧道轉車處（八達通轉乘優惠）
  • 601 - 元朗鳳翔路 ↔ 北圍村
  • 602 - 元朗鳳翔路 ↔ 大江埔
  • 608 - 元朗阜財街 ↔ 橫台山
• 錦上路跨境全日通：
  • 錦上路站 ↔ 落馬洲皇崗口岸
• 市區的士站
• 新界的士站

利用狀況

九廣西鐵（而家西鐵綫）通車初期，因為錦上路站偏離錦田及八鄉嘅主要地區，再加上西鐵車費貴，因此使用量近乎零；及後九鐵推出月票及日票計劃，平過巴士車費吸引乘客搭西鐵，但由於大部份接駁交通工具都冇提供轉乘優惠，故此只有少部分乘客改用西鐵進出該站及市區。

雖然九巴251M線喺錦田區內路線過份兜路，導致該線客量不斷流失，對西鐵有利，但係縱使西鐵喺2005年推廣水頭水尾村旅遊景點，該站人流仍然處於極低水平。

自從九鐵推出泊車轉乘優惠後，吸引咗唔少揸私家車嘅錦田居民揸車去車站，再轉西鐵綫出市區，而家嘅使用量已有所改善。

港鐵九龍南綫喺2009年8月通車後，使用西鐵綫來往九龍市區更加方便快捷，所以錦上路站嘅使用率（尤其喺假日）亦繼續上升。

車站歷史

呢個站喺西鐵綫（當時叫西鐵）動工嗰時叫錦田站，當接近完成並諮詢居民站名嘅意見時，八鄉居民認為車站位於錦田同八鄉中間，應叫做「錦田八鄉站」，並引發錦田同八鄉兩地居民爭拗，最後九廣鐵路公司只好將站名改做「錦上路站」。因為錦上路係車站起嗰時最接近呢個站而又分隔錦田同八鄉兩地嘅道路。車站成為香港首個以道路嘅全名命名嘅重型鐵路車站。（雖然佐敦站同太子站都係用同名道路（佐敦道及太子道）命名，但站名冇「道」字。輕鐵嘅「康樂路」及「大棠道」等站，係輕軌鐵路車站。）

車站喺2003年12月20號九廣西鐵通車時正式啟用。

島式月台（2009年11月）

1號月台（2013年8月）

車站大堂（2017年12月）

全景圖（2017年12月）

上一站‧下一站

上一站		港鐵		下一站
元朗 往屯門		屯馬綫		荃灣西 往烏溪沙

列車班次

（由2009年8月16號開始）

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
	往屯門	2.9	3.5		4	5-7		0603	0054
	往烏溪沙							0604	0025
	往紅磡							0604	0031

出面網頁

• 港鐵公司－錦上路站街道圖
• 港鐵公司－錦上路站位置圖
• 港鐵公司－錦上路站列車服務時間
• 〈錦上路站 - 港鐵北環綫項目〉 (中文)。