亞洲金融風暴北京救港謠言
假新聞事件
亞洲金融風暴中共救港謠言係一個喺中國大陸廣泛流傳嘅假信息，主要係指亞洲金融風暴期間，香港股市受到國際知名投資者索羅斯嘅衝擊，香港要中國共產黨幫助先至可以擊退索羅斯。但事實係，當時香港只係動用自己嘅外匯儲備，唔涉及中共嘅資源或者官員。
香港當時應對嘅做法
編輯雖然喺1998年3月，時任總理朱鎔基表示如果香港需要嘅話中共會幫手，但當時香港政府面對索羅斯嘅衝擊，無用到中共嘅資金，而係用咗自己嘅外滙基金入市，而當時中共嘅外滙儲備亦只有1,400億美元，同香港差唔多[1][2]。香港政府喺呢段期間買入嘅股票，喺同年11月以盈富基金嘅名義上市，分批放返出市場[3]。
2017年，風暴嗰陣嘅財政司司長曾蔭權喺接受傳媒訪問嘅時候，亦話成件事只係由香港本地嘅官員操作，自己都係事後先通知中共[4]。
2019年9月，當時嘅香港金融管理局總裁陳德霖亦喺金管局嘅網站撰寫文章，提及當時嘅情況，講到喺1998年8月14號，政府財經事務局出面臨時邀約香港最大三家證券商嘅話事人，叫佢哋喺開設交易賬戶嘅問題上幫手。而成個行動事前保密，去到8月28號收兵[5]。
謠言嘅傳播同影響
編輯雖然當時香港係靠自己處理危機，但係唔少中共媒體都灌輸咗呢個不實嘅講法，令呢啲謠言喺中國大陸深入民心。例如：
- 喺2016年1月，新浪財經網就曾經刊登中國股評人齊俊傑嘅文章，話香港係靠大陸出手救援，「用平準基金的方式大量收購股票托市，才最終打跑了索羅斯」[1]。求驗傳媒之後亦喺Facebook發佈文章，批評散播呢啲謠言係可恥嘅愚民戰略[6]。資深傳媒人陳景祥亦形容，香港當年打大鱷唔單止唔使中共幫手，反而中共要學習香港嘅經驗[7]。
- 喺2019年8月23號，《明報》頭版刊登一則由政協委員高彥明發表嘅廣告文章，宣稱亞洲金融風暴期間「中共應港府要求，調撥巨額資金到港，徹底打垮了索羅斯」。之後，《明報》專欄作家李曉佳發表文章，點名批評高彥明篡改歷史[8][9]。
- 喺2021年4月3號，親中派商人伍子權亦有份散播呢個謠言，喺央視新聞訪問入面，指當時係北京救港[10]。
- 喺2024年6月28號立法會嘅午宴，中聯辦主任鄭雁雄亦再次散播呢個謠言[11]。
亦有連登網民甚至提到，有啲新香港人（中國移民去香港嘅人），甚至係讀到大學，都相信呢個謠言[12]。
不過，由於中國大陸唔少人深信呢個講法，結果喺一啲中港矛盾問題上，一啲中國大陸網民就會提及呢個虛假消息，講到中共點樣幫香港，但係香港就反骨唔聽話[1]。
睇埋
編輯- 英國阻礙香港民主自治制度謠言：另一個喺香港親中派同埋佢地支持者廣泛流傳嘅謠言
參考
編輯- ↑ 1.0 1.1 1.2 〈中國大陸誤傳中共98年救港股〉。蘋果日報。2016-01-22。原著喺2021-06-21歸檔。（香港繁體）
- ↑ 〈亚洲金融风暴重创香港 没有中共"支援" 香港能逃过一劫么？〉。Radio Free Asia。2021-06-16。原先內容歸檔喺2021-06-27。（簡體中文）
- ↑ 〈陳德霖退休前最後回顧 「香港正處漩渦中心」〉。香港經濟日報。2019-09-18。原先內容歸檔喺2021-06-29。
- ↑ 〈憶入市打大鱷 曾蔭權稱不知董建華曾找錢其琛 自言事後才通知中共〉。明報。2017年7月15號。原先內容歸檔喺2019年12月2號。
- ↑ 〈亞洲金融風暴：香港金融穩定保衞戰〉。香港金融管理局。2019年9月11號。原先內容歸檔喺2021年6月29號。（香港繁體）
- ↑ 求驗傳媒。〈可恥的愚民戰略！〉。
{{cite web}}: CS1 maint: url-status (link) - ↑ 〈陳景祥﹕香港98年獨力退大鱷〉。《明報財經網》。2016-01-25。原先內容歸檔喺2022年2月6號。
- ↑ 李曉佳 (2019-08-29)。〈盲撐中共 也不容篡改打大鱷歷史〉。明報。原先內容歸檔喺2020-11-03。
- ↑ 〈金管局總裁陳德霖退任 稱最難忘九七打大鱷〉。大紀元時報|香港。2019年10月2號。原先內容歸檔喺2021-06-24。（香港繁體）
- ↑ 〈香港故事丨回國發展的金融人士伍子權：跟着國家走，我們不會迷失方向〉。huacheng.gz-cmc.com (英文)。2021-04-03。喺2022-09-03搵到。
- ↑ 黎婉婷馮子健 (2024-06-28)。〈鄭雁雄談變與不變：守住不變根基、做好內聯外通不被邊緣化〉。《香港01》 (香港中文)。喺2024-06-28搵到。
- ↑ 〈原來維基有個 亞洲金融風暴北京救港謠言〉。
{{cite web}}: CS1 maint: url-status (link)