哈利路亞

哈利路亞（希伯來文：הַלְּלוּיָהּ‎，羅馬拼音：haleluya，^{提比里安音} halləlûyāh‎；古希臘文：αλληλούια；拉丁文：alleluia；英文：hallelujah、alleluia），天主教譯亞肋lei6路亞、阿肋lei6路亞，東正教通常譯阿利路伊亞，又譯哈雷路亞、阿利路亞等，係一個喺基督宗教用到嘅詞語，意思係「我哋來讚美上帝!」，又意譯「讚美主！｣（爾度 ｢主｣ 係指 ｢上主｣，即係上帝個名嘅諱稱）。

逾越節經文古卷，中間嘅大字 הללויה 就係哈利路亞

爾個詞語由希伯來文來，喺原文其實係一句意思完整嘅句子；由動詞 ｢哈利路haa6 le6 lu1｣（הללו‎）同專有名詞 ｢亞yaa1｣（יה‎）組成。｢哈利路｣ 係動詞 הלּל（hallal‎）嘅一種眾數命令式，意思係叫人讚美，而 ｢亞｣（Yah）就係希伯來人對上帝嘅名 ｢雅威｣（יהוה，Yahweh；即係耶和華）嘅簡稱。

喺聖經入面，呢個字主要出現咗喺《詩篇》，係猶太教嘅一篇叫做讚美詩篇（即係《詩篇》113-118 篇）嘅禱文嘅一部分；後嚟基督教繼續用喺佢哋嘅禮拜入面。

爾個字喺某啲基督教宗派可能有特別避忌，例如，喺四旬期，天主教喺彌撒入面唔會講或者唱 ｢阿肋路亞｣，平時講或者唱 ｢阿肋路亞｣ 嘅部份會改用其他嘅字句代替，亦都唔會揀有 ｢阿肋路亞｣ 爾個字嘅聖詩。