公共運輸交匯處

公共運輸交匯處（英文：Transport Hub），又可以叫運輸樞紐，係一個唔同運輸模式嘅轉折站，可以係運乘客或者貨都得。最常見嘅公共交通交匯處包括火車站、地鐵站、巴士站、電車站、機場、同埋碼頭。如果係貨嘅話，最常見就係貨櫃碼頭、機場、港口、同貨倉。

美國紐約市嘅賓州車站，係西半球最繁忙嘅火車站

芬蘭赫爾辛基嘅地下巴士站同地鐵站

波蘭舒車前嘅港口：附近有高速公路、鐵路、機場、同埋市內嘅公共交通

德國萊比錫嘅機場係DHL嘅樞紐機場

歷史

歷史上，好多運輸服務都會有交匯服務，例如以前搭飛機，因為科技冇咁先進，去某一個遠些嘅地方要停幾次，嗰些中途嘅機場就可以計做交匯站。好多美國航空公司，例如聯合航空、美國航空、達美航空、同泛美航空等等，都有呢種服務。

喺1955年，達美航空開始用樞紐系統，將好多嘅航班都由亞特蘭大機場出發。到70年代，聯邦快遞亦都開始用呢個系統，將好多嘅貨都經過孟菲斯嘅機場。自從美國政府喺1978年攞走咗好多對航空公司嘅管制，佢哋好多都用咗呢個樞紐系統。

公共交通

喺多倫多，Finch 站接通咗城市好多條巴士同火車綫

喺城市入面，最普遍嘅運輸交匯處包括巴士站、火車站、同地鐵站等等，佢哋同時亦都係可以喺唔同運輸方法之間去轉。一般經過呢些交匯站都係麻煩過直接去，因為要轉唔同嘅模式，先可以去到目的地。

機場

内文：樞紐機場

機場可以有兩個用途：首先，機場本身已經係將好多想搭飛機嘅乘客聚埋一齊，所有會有其他運輸模式去做接送（例如香港嘅機場快綫）。仲有，好多航空公司都鍾意用樞紐系統嚟運作，所以會產生好多樞紐機場嚟畀冇直接航班嘅乘客做轉機嘅地方。

因為航空業嘅規模好大，所以一般大型嘅航空公司都會有地區性嘅樞紐，嚟處理相對短程嘅航班。如果兩個機場之間嘅人流夠多嘅話，就更加可以完全唔經樞紐機場，成立直接嘅航班。

物流

喺物流嚟講，一般主要有三種樞紐：海/路、海/火車、同埋路/火車，不過亦都會係海/路/火車。自從有咗貨櫃之後，物流就流暢咗好多，令運送嘅過程慳好多時間，亦所以出現咗更加多嘅樞紐。

睇埋

• 樞紐系統
• 關鍵基建
• 路口
• 樞紐機場同轉機