亮賢居Shining Heights)喺香港大角咀詩歌舞街83號,發展商係恆基兆業同埋香港小輪,管理公司係偉邦物業管理有限公司,管理費係平均平方呎建築面積約莫$1.98,2009年11月21號入伙。部份單位有維多利亞港海港景色或者深水埗景色同埋獅子山景,中低層單位就望到大角咀工廠景同埋西九龍走廊

亮賢居
亮賢居喺詩歌舞街83號

屋苑規劃

屋苑用展翅式嘅規劃設計,高60層,有348個單位。標準樓層每層有8戶,當中6伙係兩房戶型,但係面積就超過700平方呎。標準3房單位,全部係1,100平方呎設計,除咗主人套房之外,廚房裏面都有多用途房。

物業最高幾層作為「行政樓層」,單位用料同配套較低層單位高級之外,重有1,600至2,100方呎嘅相連大戶。呢批特色大戶嘅樓底有成11呎5吋至到15呎7吋高。「亮全城」複式大戶喺頂層59、60樓,面積有成3,431至到4,445平方呎,重有佔地950至到1,200平方呎嘅私家天台花園同按摩浴池

重有,屋苑選用嘅廚櫃家電系列,係恒基系樓盤之冠,成本至少高過嘉亨灣40%。當中智能家居設備總投資約莫5,000萬至到6,000萬蚊,普通單位每戶設施投資總共約莫15萬蚊,行政樓層每戶超過30萬蚊[1]。亮賢居示範單位就喺尖沙咀美麗華商場3樓。

會所

亮賢居住客會所CLUB VANTAGE用Urban Resort做主題,面積有成54,000平方呎,喺2同3樓嘅RELAX ZONE有區內少有嘅42米長戶外泳池、私人影院、卡拉OK室、燒烤場同埋兒童遊樂場等等,設施有成30幾項;而喺51樓嘅空中會所SKY CLUB離地550呎,裏面有星夜宴會廳、維港健身室同埋空中水療閣等等,戶外風景乜都睇到[2]

亮賢居入口係酒店式設計,樓底高超過16呎,並且為住客度身訂造「巨星級」嘅管理服務,包括24小時禮賓服務、預訂五星級酒店到會、安排水療同美容服務、天才兒童培訓計劃同埋點對點中港專車接送等等,打造出精品豪宅概念。

鄰近

屋苑喺大角嘴,因此附近有唔少舊樓、工廠大廈,甚至殯儀館。物業前面係西九龍走廊嘅高架天橋,部分低層單位預計受到汽車聲浪影響。

睇埋

附近屋苑

參考

  1. 明報:亮賢居每戶豪裝80萬廚櫃恒基擬農曆新年後推盤,2009-01-14
  2. 置業家居:亮賢居特低定息誘買家 入場費低於$400萬,2009-02-21

出面網頁