佑威國際

U-Right International Holdings Limited
佑威國際
	File:U-Right Logo.png
開檔	1983年
總部地址	香港
業務地區	中國
緊要人物	主席：吳卓凡
產業	零售
產品	服装
員工人數	400人
網址	官方網站

佑威國際控股有限公司（英文：U-Right International Holdings Limited，簡稱 U-Right）係香港紡織產品企業，1983年創立，2000年11月13號喺香港聯合交易所主板上市（港交所：0627），係百慕達註冊公司。集團寫字樓位於中環花園道1號中銀大廈21樓，公司現任主席係吳卓凡，前主席係梁鄂^[1]^[2]。

佑威國際控股主攻中低檔市場，零售店集中喺中國大陸二三線城市，或一線城市嘅二三線地區。此外，公司發展較創新嘅納米紡織業務，而傳統嘅紡織工序大部分外判。工廠位於廣東順德及深圳。U-Right喺中國大陸擁有超過400間U-Right分店，當中以特許加盟店為主，約佔總數嘅90%，至於自營店就佔剩低嘅10%。

主要事件

2006年，佑威國際同領匯簽下一籃子租約，香港嘅自營店由2006年3月底嘅27間，增至同年11月嘅62間。截至2007年12月，U-Right喺香港有95間零售舖。
2007年12月，集團同中國大型服裝百貨零售商ITAT簽訂合作協議，於2年內喺ITAT旗下百貨公司嘅專櫃將增至700個，主要集中於華南地區，預期首年該項目銷售額將逾3億元，而集團則可攤佔其中約2億元。另一方面同吉之島百貨合作推出全新服裝品牌U-ZONE。
2008年10月8號，連鎖時裝店佑威國際，俾債權銀行德意志銀行，入稟香港高等法院申請清盤^[3]^[4]。其後，香港高等法院委任德勤會計師事務所嘅合夥人黎嘉恩及楊磊明，為佑威國際嘅臨時清盤人^[5]。

其他品牌

佑威國際除咗設立U-Right品牌外，重自創品牌「Pezzx」年青人潮流服飾專賣店，以及品牌代理店「SEVENDAYS」。2006年10月喺北京同上海龍之夢購物中心開業。

PEZZX品牌走高檔嘅英倫設計路線，主攻年輕專業人士嘅休閒服飾。SEVENDAYS就匯聚20個品牌代理潮流服飾，包括K2、a．y．k．、Kitterick、dot28等香港、韓國及迪士尼品牌。

參考

↑ 主席梁鄂介紹佑威國際控股歷史
↑ 港製衣廠佑威國際借納米轉型．蕭偉基互聯網檔案館嘅歸檔，歸檔日期2018年9月30號，. 2004年8月22號亞洲週刊
↑ 〈商台新聞：勞工處特設熱線及服務櫃位協助U-RIGHT員工〉。原著喺2018年10月6號歸檔。喺2016年1月30號搵到。
↑ 連鎖服裝店佑威清盤^{[失咗效嘅鏈]}
↑ 德勤獲委任為佑威國際控股（00627）臨時清盤人^{[失咗效嘅鏈]} 經濟通，2008年10月9日

連出去

官方網站

[1] 主席梁鄂介紹佑威國際控股歷史

[2] 港製衣廠佑威國際借納米轉型．蕭偉基互聯網檔案館嘅歸檔，歸檔日期2018年9月30號，. 2004年8月22號亞洲週刊

[3] 〈商台新聞：勞工處特設熱線及服務櫃位協助U-RIGHT員工〉。原著喺2018年10月6號歸檔。喺2016年1月30號搵到。

[4] 連鎖服裝店佑威清盤^{[失咗效嘅鏈]}

[5] 德勤獲委任為佑威國際控股（00627）臨時清盤人^{[失咗效嘅鏈]} 經濟通，2008年10月9日

[1]

[2]

[3]

[4]

[5]