維基百科

何洛瑤

香港女藝人

何洛瑤（英文：Jessica Ho，2000年5月24號—），藝名Sica，係一位香港女藝人、舞台劇演員、Cosplayer，亦係ViuTV《全民造星IV》嘅40強參賽者，而家係MakerVille合約藝人。

何洛瑤
Sica 何洛瑤 2022-01-11 by am730.jpg
女藝人
羅馬拼音Ho Lok Yiu
英文名Sica
花名主席
國籍Flag of Hong Kong.svg 中國（香港）
出世 (2000-05-24) 2000年5月24號（23歲）[1]
Flag of Hong Kong.svg 香港
職業藝人
語言粵語、英文、國語
教育程度香港 香港浸會大學持續教育學院文學副學士（視覺藝術）[2]
母校香港 播道書院
香港 香港浸會大學持續教育學院
活躍年代2021年到依家
經紀公司ViuTV/MakerVille（2022年—）
相關團體5G （ViuTV妹豬Five）

生平改

入行之前改

何洛瑤中一嗰陣睇過《進擊的巨人》之後就鍾意咗動漫同日本文化[3]，開始Cosplay唔同嘅動漫角色[4][5]。何洛瑤亦由中三開始學結他，識得自彈自唱[4]。畢業之後何考入香港浸會大學持續教育學院讀視覺藝術[6]，之後喺女僕咖啡廳Maidoll Mirage度做侍應生[4][6]。

參加《全民造星IV》改

何洛瑤喺2021年參加咗ViuTV選秀節目《全民造星IV》 [6]，第一回合就擊敗咗人氣YouTuber劉展翹晉級而獲關注，之後喺B4組《妖女》表演中仆親但立刻當冇事而獲得評判嘅讚賞（事後大家發現佢根本就成日仆親）。不過因為賽制關係，俾導師梁祖堯（下稱阿祖）選中，佢打到入40強[7]後止步。根據後來嘅訪問，Sica話當日被Foul後喊住跟阿Wing𢯎撈。[8]

出局後風波改

Sica出局後，Telegram群擁躉洗版式鬧導師梁祖堯，亦有人指梁係公器私用（因Sica當時俾阿祖邀請參演梁劇團嘅舞台劇[9]）。Sica做直播安撫群眾，並感謝阿祖同B team。[10]喺事後訪問，Sica又話唔開心主要係因為擁躉用粗口鬧阿祖，並且睇到打冷震。[11]

雖然Sica已經出局，但係人氣不跌反升。喺其後嘅20強記者會，縱然完全唔關佢事，仍有擁躉拉橫額到場聲援，人數甚至多過一啲20強參賽者。[12]Sica亦成為《全民造星IV》中首個有應援巴士同應援燈箱嘅參賽者。[13]喺《全民造星IV》決賽，Sica亦獲編特別坐位同埋更多AirTime，喺壓軸嘅《前傳》跳唱表現中，Sica都被安排做第一位出場嘅表演者。

雖然Sica已出局，但好多時到咗深夜都頻頻做直播，內容間中被傳媒報導。

加盟ViuTV改

雖然何洛瑤無緣加入女團，但佢喺2022年1月都俾ViuTV簽咗做藝人。因為同另外兩位《造星IV》出身嘅藝人許寶恆（Alice）同葛綽瑤（Yoyo）係同一個經理人Katie，班支持者鍾意叫佢哋三人做「YOLICA」。佢頭一次主持嘅節目係音樂節目《Chill Club推介》，之後慢慢多響唔同節目入面亮相。

因為公司架構重組，何洛瑤成為咗Makerville嘅藝人。佢喺Makerville發佈會更宣稱自己嘅興趣喺返工。佢都身體力行，例如《瘋火與膠七》發佈會早咗3個鐘返到公司。

於Markerville第一年發展改

縱然喺Telegram群組內經常被稱為Unsing（奀星），但係入咗Markerville之後何洛瑤喺唔同範疇都得到唔少新嘗試機會。例如響唔同節目以不同形象示人：女僕、毒男、女學生、Wednesday（Chill Club推介）、包Si 大人（男女自然觀察學會）、特級頂工（勁騎26）、不良少女（季前賽），而且不論喺節目嘅出場時間多少，＂SICA＂嘅名經常都會喺節目預告中出現。

此外何洛瑤又克服社恐，順利完成出道後第一個個人公開演出。此外何洛瑤都有嘗試作曲，並且喺《男女自然觀察學會》中話自己嘅目標係成為歌手。

人物改

  • 做Cosplayer時曾經用藝名「卡死」開Facebook專頁，踏入2019年已經好少更新。喺2020年用何洛瑤 / sica 名義又開Facebook專頁，偶然都有fb限定貼文，但一般來講都係比較少更新。
  • 曾經喺直播中話自己對Instagram排版有一份執著。Instagram相片通常以文青風格為主，也鍾意cover其他歌手嘅歌，其中《children song》同《重回布拉格》都俾原唱留言讚賞。
  • 喺主持節目時被許寶恆（Alice）踢爆喜歡喺Instagram dm（Direct message縮寫）外國著名歌手Justin Bieber，可惜對方一直唔覆。節目出街後搞到大量人士dm佢Instagram帳戶，最後要出story投降, 仲話「偶像行為，粉絲埋單。」鼓勵大家dm佢後援會帳號。
  • 自稱有多年玩Telegram經驗。又鐘意研究不同功能，甚至教其他好友，例如點樣喺Voice Chat入面踢人。又經常喺Telegram群組提醒群內成員佢係可以BAM人（即逐出群組），可惜喺一次Voice Chat中嘗試踢走應援組成員失敗並俾人笑係「傻B」。
  • 喺參加造星前已經有youtube channel但係冇片嘅。喺2022年2月出咗第一條片仲話俾Telegram群組粉絲知。粉絲即刻發現頻道入面有佢嘅私人歌單。 有善心粉絲即刻提醒後，何洛瑤即時收起咗，大家就嬲咗果個粉絲。2022年6月份某次Telegram Voice Chat後終於放咗自己近來喜歡嘅playlist上youtube channel。
  • 好鐘意喺Telegram群組講野後即刻刪走。試過有晚不斷發佈相喺Telegram群組但又不斷刪走，吸引咗大堆粉絲，又有大堆粉絲因錯過咗而感得可惜。
  • 好鐘意食野。曾經一路食野一路開深夜Telegram voice chat，俾人統計食咗5個麵，1塊pizza，1包家庭裝薯片同一個雪糕火鍋。喺《晚吹 - 有酒今晚吹》中，當強尼話佢（何洛瑤）好鐘意食野時，都承認自己好鐘意食野，仲話自己拍咩都得鼓勵揾佢拍飲食節目。節目中練美娟甚至要建議佢先放低佢口中嚿雞再繼續講野。喺《MM730 - 男女自然觀察學會》第25集入面，更加全程只顧食野，仲直接用口噬走win win 楊安妮手上嘅食物。不過何洛瑤都非常揀飲擇食，喺《MM730 - 男女自然觀察學會》 透露自己唔食菠蘿，醋，茄汁，西芹，芋頭，青瓜，三色豆和沙津醬。喺節目中第一次食榴槤都食得好辛苦。何洛瑤都自稱好食得辣，見到粉絲直播食野做慈善籌款，第二日都直播食勁辣杯面，但係要不停飲牛奶解辣，後來仲搞到要喺直播中途離場去厠所，又俾人懷疑佢去完厠所冇洗手，要直播後出Instagram story 解話。
  • 雖然唔係排第一位，但係都好鐘意周國賢。曾經響Instagram cover周國賢的《children song》，俾原唱留言讚賞後非常開心。不過同偶像嘅緣份就麻麻地。喺《MM730 - 男女自然觀察學會》透露自己響參加《全民造星IV》時，喺一次排練期間，因為遲咗2分鐘冇接阿祖（梁祖堯）嘅電話，錯失咗一次同偶像視像嘅機會，亦因為咁好嬲自己。後來周國賢被邀請做《MM730 - 粉絲福利署》嘅嘉賓，但係錄影果日要去自己粉絲搞嘅聚會，又錯失同偶像見面機會，只可以喺Telegram質問粉絲點樣賠償。
  • 雖然曾經喺telegram voice chat中答謝粉絲時居然唔識讀個「晉」字，又曾經將「beer」睇咗做「beef」[14]，但係都有充滿文學修養嘅時候。例如喺《MINDLY.JOURNAL》六月訪問中[15]分別用司馬遷《史記》中「不飛則已，一飛衝天；不鳴則已，一鳴驚人。」同李白《行路難》中「長風破浪會有時，直掛雲帆濟滄海。」勉勵葛綽瑤同許寶恆，又響Telegram群組鼓勵粉絲睇《論語》同《啟示錄》。佢對於英文串字都好執著，響Instagram直播入面話因為哩份執著，而唔係其他原因，叫大家唔好串錯P1x3L成員葉振弘「Marco」做「Macro」。

演出作品改

電視節目主持（ViuTV）改

電視節目演出（ViuTV）改

電影改

電視劇（ViuTV）改

電視劇（Viu Original）改

電視節目(Now TV)改

  • 2022年：《STEM與睡眠魔法》

舞台劇改

網絡節目改

  • 2022年：《廣東歌2021唱歌馬拉松！無人記得前傳主題曲前奏？！》嘉賓[18]
  • 2022年：《【估歌仔】強勢回歸‼️廣東歌大賽🇭🇰從台灣遠道以來的蒙面歌王🎶｜Kitling_ ft. 程人富 Rachel Creamy Sica Aiden Cynthia ✨》嘉賓[19]
  • 2022年：《[JFFLIVE]床哥心事台 SICA降臨》嘉賓[20]
  • 2022年： 2022-08-06 Kitling_ 雀斑妹 youtube channel 嘉賓[21]
  • 2022年： 2022-08-19 好青年荼毒室 9up星期五 Live
  • 2022年： 2022-10-05 突發‼️Strayz Cafe の 開幕 📣ft.JFFT & SICA[22]
  • 2022年： 2022-12-01~06 電競FF平行時空足球大賽[23]

廣告改

  • 2022年：Topologie Dolomites 手機殼 [1]
  • 2022年：LAKH supply [2]
  • 2022年：Sudio - T2 True Wireless Earphones [24]
  • 2022年：Uniqlo《咒術迴戰0》 UT系列 T Shirt [3]
  • 2022年：Adidas
  • 2022年：Kotex Comfort Soft 系列 [4]
  • 2022年：Strict G 香港期間限定店 [5]
  • 2022年：Gran Turismo 7 [6]
  • 2022年：Food Panda [7]
  • 2022年：Seiko火影忍者手錶 廣告 [8]
  • 2022年：Uniqlo《Final Fantasy》 UT系列 T Shirt [9]
  • 2022年：譚仔三哥
  • 2022年：EVOLCARE新推出的益生菌護膚系列
  • 2022年：WatsMask口罩
  • 2022年：NIVEA 止汗＋護膚系列
  • 2022年：Uniqlo《SPY x FAMILY》 UT系列 T Shirt
  • 2022年：𝐋𝐔𝐗 𝐋𝐔𝐌𝐈𝐍𝐈𝐐𝐔𝐄 礦物白泥洗髮乳
  • 2022年：OLAY 青桃水＋全新青桃乳液[25]
  • 2022年：Bioré UV Athlizm極防水防曬噴霧
  • 2022年：紅茶花伝™️ Craftea™️ 水果茶
  • 2022年：Bioré洗面膏
  • 2022年：HP Victus 16手提電腦[26]
  • 2022年：AEON STYLE黃埔「夏祭り」[27]
  • 2022年：人中之龍[28]

公開活動/演出改

註:雖然何洛瑤曾經喺2022年6月22日喺利舞台嘅「UT 2022 #屬於你的UT故事」展覽出現過[29]，但係佢喺tg堅持話哩個唔係佢嘅event所以唔會計算在內。

  • 2022年7月30日：「擁抱不完美」市集@廣東捌拾 CANTONYAMA 1/F[30]
  • 2022年11月6日：MaidollMirage 4th Anniversary 演出@Music Zone, Emax[31]
  • 2022年11月12日：PlayStation x 嘉禾院線《God of War Ragnarök》遊戲發售紀念活動@嘉禾院線the sky戲院[32]
  • 2022年12月18日：《明星生活ERROR Live Show 2022》演唱會 @九龍灣國際展貿中心 演唱會嘉賓

語錄改

  • 因為呢…就真係好好睇囉。姐係果個好睇呢..，佢係好好睇呀。姐佢係好睇到…真係好睇囉。而好睇到(笑)…[33]
  • Sleep is for the weak.
  • 原來有權力個人真係會飄嫁。
  • 大家好
  • 早晨
  • 再見
  • 我可以BAM人的
  • （譚仔話同廣東話夾雜）其實呢，我都觀察咗好耐嫁啦。我都係哩個群組都大大話話都幾個月啦。我發現呢，大家呢，永遠淨係會同我講三句說話嘅姐。第一，「主席有冇靚相呀？」用各種嘅方法曲線問我攞靚相。第二，啊…「鐘意邊個女仔呀？你會唔會同邊個女仔講野呀？你食飯呀，係咪同緊邊個女仔食飯呀？係咪同緊小迪食飯呀？咪同緊Ivy食飯呀？係咪同緊Alice食飯呀？係咪同緊瑋翹食飯呀？咁廖哥呢？廖哥呢？」咁樣…啊…最後，最離譜嫁，「主席我生日呀，可唔可以同我講生日快樂呀？我尋日生日呀我聽日生日呀我後日生日呀我阿妹生日呀我阿婆生日我阿爺生日我阿嫲生日我阿爸生日我阿媽生日呀，可唔可以同佢講句生日快樂呀？」我地果個Mind呢…要Free…Think it differently嫁…我地…我地要有個宏觀嘅視野嫁，我地做生意呢，唔可以淨係離離…離離去去離離去去都係果D生日快樂呀，果D女仔呀，果D靚相。你地問問題可唔可以有冇D…商業少少，專業少少，深度少少問我。「你食緊綠茶雪糕喎，你對哩杯綠茶雪糕有D咩野睇法呀？哩杯綠茶雪糕對你有Ｄ咩野啓發？」咁樣先係嫁嘛。阿…我食雪糕你就問我，「嘩，雪糕呀！我諗起我個蛋糕呀，可唔可以同我講生日快樂？嘩，食雪糕呀！榛綦都好鐘意食雪糕呀，你會（唔會）同佢食綠茶雪糕呀？榛子味雪糕呀？」唔得呀…我覺得我地…我地哩個群組需要改革一下。

參考改

  1. ↑ 〈何洛瑤全民造星IV參賽資料〉. ViuTV. 原著喺2021-11-30歸檔. 喺2021-11-28搵到.
  2. ↑ 〈香港浸會大學第60及61屆畢業典禮副學士及高級文憑課程場刊〉 (PDF). 喺2021-12-01搵到.
  3. ↑ 〈《全民造星IV》☆動漫少女Sica☆闖入現實世界！破解緊張魔法！青春水手服變身！〉. YouTube. ViuTV. 2021-11-15. 原著喺2021-11-30歸檔. 喺2021-11-28搵到.
  4. ↑ 4.0 4.1 4.2 長濱睡睡 (2021-11-16). 〈全民造星IV｜日系萌妹Sica擊敗KOL Jackie 熱愛動漫女僕Cosplay〉. HK01. 原著喺2021-11-18歸檔. 喺2021-11-28搵到.
  5. ↑ K Law (2021-11-16). 〈全民造星4｜ 21歲動漫少女Sica憑日系二次元脫穎而出 跳唱Cookies經典《心急人上》變AKB48風格〉. U Lifestyle. 原著喺2021-11-30歸檔. 喺2021-11-28搵到.
  6. ↑ 6.0 6.1 6.2 阮兆祥、朱菁、天欣 (2021-11-01). 〈周芷慧花名叫「阿杰」因筆畫少？ 何洛瑤、黃雅慧《造星》前職業震驚眾主持〉. 《《[[1圈圈]]》》. 商業電台. 雷霆881. 原著喺2021-11-30歸檔. 喺2021-11-28搵到.
  7. ↑ 〈全民造星4｜40強名單出爐 阿Day、Marf大熱入圍 晉級者平均年僅23歲〉. 新假期. 2021-11-29. 原著喺2021-11-30歸檔. 喺2021-11-30搵到.
  8. ↑ 《【Viu1 人物專訪】 Sica EP2：Sica自爆曾攬住阿Wing爆喊搲撈 圓夢做幕前最唔慣畀人讚？》 (英文), 喺2022-05-23搵到
  9. ↑ 〈通菜街喪屍戰 加料版〉. windmillgrass (英文). 喺2022-06-01搵到.
  10. ↑ am730. 〈全民造星IV｜梁祖堯唔foul方方再捱轟 Sica幾度開腔護航〉. am730 (中文). 喺2022-05-23搵到.
  11. ↑ 頭條日報. 〈頭條獨家丨Sica 阿Ling心痛梁祖堯負全責 《造星IV》賽果被質疑導師孭鑊〉. 《頭條日報 Headline Daily》 (英文). 喺2022-05-23搵到.
  12. ↑ 〈【全民造星IV】20強現身出席記招 約近300粉絲應援打氣 - 香港經濟日報 - TOPick - 娛樂〉. topick.hket.com. 喺2022-05-23搵到.
  13. ↑ 〈【全民造星IV】還我系列Sica+Ash+阿妹各有發展 花姐暗示阿Gao當《造星IV》女團隊長？ - 香港經濟日報 - TOPick - 娛樂〉. topick.hket.com. 喺2022-05-25搵到.
  14. ↑ 《Sica IG Live 2022-06-08 | 拆生日信 part 1 | 食播 | 手工Beef | 音樂卡 | 馬卡龍》 (英國英文), 喺2022-08-15搵到
  15. ↑ Lo, Bonnie (2022-06-22). 〈YOLICA ・三個少女一個溫暖墟〉. MINDLY.JOURNAL (中文). 喺2022-08-15搵到.
  16. ↑ 陳釗 (2021-11-25). 〈《造星IV》組女團 戴穎揀10人以內 梁祖堯認女難教 許廷鏗激到發火〉. 明報. 原著喺2021-11-30歸檔. 喺2021-11-28搵到.
  17. ↑ 〈通菜街喪屍戰 加料版〉. windmillgrass (英文). 喺2022-06-01搵到.
  18. ↑ 《廣東歌2021唱歌馬拉松！無人記得前傳主題曲前奏？！｜#全民造星IV｜#娛樂台 EP 1 @JFFT》 (英文), 喺2022-06-01搵到
  19. ↑ 《【估歌仔】強勢回歸‼️廣東歌大賽🇭🇰從台灣遠道以來的蒙面歌王🎶｜Kitling_ ft. 程人富 Rachel Creamy Sica Aiden Cynthia ✨》 (英文), 喺2022-06-01搵到
  20. ↑ 《[JFFLIVE]床哥心事台 SICA降臨》 (英文), 喺2022-06-01搵到
  21. ↑ 《【GAME💥】APP icon記憶力挑戰‼️〰️每天用的APP你能答對幾個?〰️輸了要吃辣雞麵🔥🐔〰️(feat. Sica)》 (英國英文), 喺2022-08-07搵到
  22. ↑ 《突發‼️Strayz Cafe の 開幕 📣ft.JFFT & SICA》 (英文), 喺2022-10-17搵到
  23. ↑ 《《電競FF平行時空足球大賽》8強揭幕戰 足本睇！Marco VS Sica ＋ 濟哥 VS Poki！》 (英文), 喺2022-12-21搵到
  24. ↑ 〈瑞典設計北歐風格｜音響品牌 Sudio｜PIX3L及造星四參賽者齊齊推介〉 (中文). 喺2022-02-07搵到. {{cite web}}: Cite has empty unknown parameter: |1= (help)
  25. ↑ "Login • Instagram". www.instagram.com. 喺2022-07-07搵到. {{cite web}}: Cite uses generic title (help)
  26. ↑ "Watch this reel by j.sicasi on Instagram". Instagram (英文). 喺2022-08-17搵到.
  27. ↑ 〈sica on Instagram: "大家都知我好鍾意日本嘢，咁耐無返鄉下真係喊出嚟（；＿；） 咦原來AEON STYLE黃埔做緊夏祭りdes ne🏮~喺AEON STYLE黃埔出面見到成4米咁高嘅鳥 居⛩打完卡就梗係入去行街街先啦 一於嚟一次小出走！望住呢個鳥居好似去咗日本咁❤️ 依家AEON STYLE黃埔夏祭期間，好多產品都有優惠添呀✨最驚喜嘅係均一價再度回歸🤩 由$30、$50、$100至$300同$500都可以任買3件產品 一定要去掃貨！ 我特別鍾意日本直送水果同海鮮，好新鮮又好似我咁甜❤️ 而夏祭期間買滿$250或以上，送$20現金券一張😌 大家快啲去shopping la✨ 📍AEON STYLE黃埔「夏祭り」優惠開催 日期：8月16日至9月4日 時間：超市08:30 - 22:30, 百貨10:00 - 22:30 地點：紅磡黃埔新天地第5及6期地面及地庫 #AEONSTYLEHK #AEON #AEONHK #黃埔夏祭"〉. Instagram (英文). 喺2022-08-20搵到.
  28. ↑ _〉">〈sica on Instagram: "打咩打咩，打咩那囉唷😭 打咩打咩，梗係打人中！🔥 PS Plus高級會員已經可以開始陸續免費玩到《人中之龍》頭三集，2022今年內會齊曬8集上架，其中人中最鍾意玩嘅支線game 仔就係唱k，到時可以慢慢打咩打咩>_〉. Instagram (英文). 喺2022-08-20搵到.
  29. ↑ "Login • Instagram". www.instagram.com. 喺2022-08-03搵到. {{cite web}}: Cite uses generic title (help)
  30. ↑ 〈「擁抱不完美」市集〉. Timable (香港中文). 喺2022-08-03搵到.
  31. ↑ 〈𝑀𝒶𝒾𝒹𝑜𝓁𝓁𝑀𝒾𝓇𝒶𝑔𝑒 on Instagram: "📣 號外‼️ 大魔王勢力將蔓延到人間界 適逢幻境魔法施展四週年✨ 精靈大人聯同一眾女僕人偶成功在人間界展開魔法結界🔮 女僕人偶們會以歌舞施展魔法外🪄 更聯同知名藝人 Sica (MakerVille) 🎤 以歌聲維護幻境的和平 在此邀請各位主人前來一起合力打倒大魔王吧 📌日期：2022年11月6日 (星期日) 📌時間：物販 15:00｜ 開場 17:15 📌地點：Music Zone @ E-Max 有關詳情及購票可按 IG Bio info 連結 https://forms.gle/PMwf1YYHPCVgFNxV8"〉. Instagram (英文). 喺2022-11-06搵到. {{cite web}}: External link in |title= (help)
  32. ↑ "PlayStation.com". forms.playstation.com. 喺2022-11-06搵到.
  33. ↑ 《Sica 何洛瑤 @《全民造星IV》對B組信心回應｜真係好好睇 (1 hour loop)》 (英文), 喺2022-06-01搵到

出面網頁改

由「https://zh-yue.wikipedia.org/w/index.php?title=何洛瑤&oldid=1985500」收