元崗村梁氏宗祠
元崗村梁氏宗祠喺香港新界元朗區八鄉元崗村，起好到而家大概有200年，用嚟舉行祭祀、點燈、秋祭等傳統儀式同梁氏族人議事嘅地方，2007年被評為法定古蹟[1]。
史
編輯元崗村梁氏族人嚟自廣東東莞，喺17至18世紀由12世祖梁國初帶同族人搬去新界，佢個仔梁大成之後定居喺元朗八鄉，並建立咗元崗村。而家梁氏宗祠係由「梁大成祖」所擁有。之後梁氏子孫繁衍至屏山橫洲、十八鄉大棠村同屯門順風圍一帶。
建築
編輯元崗村梁氏宗祠係典型嘅清代兩進一天井式建築，正面牆身用花崗石同青磚砌成，正門上面石額刻住「梁氏宗祠」，兩邊掛咗「夏陽世澤 安定家聲」嘅對聯[2]，牆頂上面有封簷板同中式壁畫裝飾，屋脊嘅灰塑用梅花、牡丹、蓮花同鰲魚等瑞獸同吉祥圖案做主題，山牆有精美嘅草尾灰塑裝飾。祠堂後面進明間設有安放歷代先祖神位嘅神龕，天井兩邊起咗廂房，右邊廂房設有喺喜慶活動時用嚟烹煮盆菜嘅廚房。
復修
編輯梁氏宗祠嘅全面修復工程由古物古蹟辦事處同建築署負責監督，主要包括更換已損毀嘅木製構件同進行內外部翻新嘅工程，喺2006年完工，並擇吉日喺2007年6月29號舉行重修開光典禮。