動線

動線（粵音：dung6 sin3，台灣譯名），又或者叫流通系統（英文：circulation system），係建築設計概念：使用一棟建築物嘅人要有能力喺棟建築物內部移動，而廣義上嘅動線包括建築物使用者郁動嘅路線，以及係幫助佢哋移動嘅結構嘅總體。

一棟建築物嘅流通系統可以按移動方向分兩大類：

• 前者令建築物使用者能夠打橫移動，例如門就係一個例子；
• 後者令建築物使用者能夠打戙移動，例子有樓梯同𨋢呀噉。

分析

現代建築學好重視對流通系統嘅分析，建築師會思考每一個使用建築物嘅人主要會使用邊幾個空間，用數學模型模擬吓每一個使用者平均要嘥幾多時間嚟喺佢使用嘅空間之間移動，並且將門同樓梯設置喺能夠令到平均移動時間最少化嘅地方；另一方面，流通系統分析對安全嚟講好重要：一個建築師喺設計一棟建築物嗰陣，要用數學模型模擬吓（例如）一旦火燭起上嚟，一間房入面啲人冚唪唥騰雞衝向出口嘅話，個出口會唔會有阻塞嘅情況出現，如果有，就要睇吓使唔使改變流通系統嘅設計令到啲人逃生嗰時更加輕鬆。

• 
  一道門
• 
  伊朗波斯波利斯古蹟嘅樓梯
• 
  倫敦地鐵嘅一架𨋢

睇埋

• 緊急疏散