區諾軒
香港政治人
區諾軒（英文：Au Nok Hin，1987年6月18號—），人稱「區軒」，係香港泛民主派政治人，鄕下廣東增城，香港民主黨前黨員，2012年至2019年做過南區區議會利東一議員。由於佢嘅樣同南韓足球教練金判坤相似，所以有「區教練」、「翻版金判坤」嘅花名。
| 區諾軒 | |
|---|---|
 | |
| 姓名原文 | 區諾軒 |
| 出生日 | 1987年6月18號  （37歲） |
| 出生地 | 英屬香港 |
| 國籍 | 中華人民共和國 |
| 識嘅語言 | 廣府話 |
| 母校 | 香港中文大學 |
| 職業 | 政治人 |
| 政黨 | 獨立人士 |
| 網站 | aunokhin |
[改維基數據] | |
政途
編輯區諾軒選過第5屆同第6屆香港立法會選舉都贏唔到議席，2018年3月喺第6屆香港立法會補選先至當選。
2019年9月，高等法院話周庭選舉呈請贏咗，同埋話區諾軒當選無效，無咗立法會議席，區諾軒去上訴[1]。2019年12月17號，高院唔批區諾軒上訴，換言之佢無咗立法會議席[2]。
2019年第6屆香港區議會選舉，區諾軒唔再喺利東一選區尋求冧莊，交棒畀徒弟陳欣兒，結果陳欣兒成功接棒。
邀請黃耀明站台被指舞弊
編輯黃耀明喺2018年3月立法會補選期間為區諾軒站台唱歌，2021年8月2號事隔三年後兩人一齊被控選舉舞弊，話佢向選民提供娛樂[3]，隨即引來公眾極大反彈，除咗批評事件係對民主派嘅政治打壓之外，亦關注好多親中派人士，例如梁美芬同鄭泳舜等都有呢啲相若嘅做法，點解就只係拉民主派嘅人，咁樣執法係雙重標準[4][5][6]。
最終法庭批准區諾軒同黃耀明以2,000港元簽保守行為18個月[3]。
攷
編輯- ↑ 【DQ覆核】區諾軒哽咽 確認或喪失議席：為了民主運動需付代價
- ↑ 【DQ覆核】終院拒批上訴許可 范國威、區諾軒失立會議席
- ↑ 3.0 3.1 〈香港廉政公署起訴歌手黃耀明 涉嫌「向他人提供娛樂誘使投票」〉。《BBC News 中文》 (繁體中文)。喺2021-08-06搵到。
- ↑ 〈親共派選舉造勢受關注 查錫我：李家仁唱歌撐梁美芬好大嫌疑〉。《大紀元時報 香港｜獨立敢言的良心媒體》 (香港中文)。喺2021-08-06搵到。
- ↑ 林劍 (2021-08-03)。〈黃耀明被捕︱李家仁唱歌撐梁美芬 查錫我：按同一標準好大嫌疑〉。《香港01》 (香港中文)。喺2021-08-06搵到。
- ↑ 《黃耀明被捕文匯報細數其反政府「往績」 港府選擇性翻舊帳 李家仁唱歌撐梁美芬係咪應該同罪？｜D100新聞天地｜李錦洪、梁家權》 (英文)，喺2021-08-06搵到
出面網頁
編輯
 |