臺灣牛肉麪係出自臺灣嘅一種地道嘢食[1][2]，喺北美部分唐人餐廳有售，仲有即食麪產品。
牛肉麪嘅主要配方，早期係留守臺灣眷村嘅軍人整（譬如嚟自山東、四川、重慶一帶）。使用牛肋、牛腩、牛𦟌加埋花椒、辣椒調味嘅產品叫作「紅燒牛肉麪」，唔食得辣嘅亦都有「清燉牛肉麪」可以揀[3][4][5][6]。針對穆斯林人士嘅料理，即係「清真牛肉麪」。肉品來源可以係本地產，或者澳洲入口。
