史密斯威森軍警型左輪手槍
史密斯威森軍警型（目前廠方定名：十型，俗稱：點三八）係美國史密夫威爾信（Smith & Wesson）出嘅一款.38口徑單/雙動式左輪手槍，採用 K型槍框。
| 史密斯威森軍警型 | |
 史密斯威森軍警型 | |
| 來源： | 美國 |
|---|---|
| 類： | 左輪手槍 |
| 年代： | 現代 |
| 設計： | 史密夫威爾信，1899年 |
| 服役： | 1899年到而家 |
| 數 | |
| 款 | 38驅逐者型 軍警型 勝利型 十型 十四型 十五型 六四型 六七型 |
| 邊個用 | 睇用家 |
| 子彈 | .38 特種彈、.38/200 |
| 長 | 槍管 |
| 重 | 約 34 安士 / 907 克
（配標準4寸 / 102毫米槍管同未上彈） |
| 機制 | 單動式/雙動式 |
| 率 | |
| 速 | {{{速}}} |
| 遠 | {{{遠}}} |
| 瞄 | 機械缺口式照門 |
| 匣 | 6 飛彈巢 |
概述
編輯最早一批史密斯威森軍警型係喺1899年出廠，並先後俾多個國家嘅警察同軍隊採用，二戰到越戰期間更係美軍嘅其中一款制式手槍。史密斯威森軍警型可以裝6 粒.38口徑子彈，威力唔算大，但係到而家仍然有多國警察（包括香港警察）裝備。
史
編輯1889年，柯爾特設計出世上第一款彈巢由側邊打開嘅轉輪手槍。史密夫威森公司喺 1896年仿效呢個設計， 製造咗 「點三二口徑手動退彈型」左輪手槍（Smith & Wesson .32 Hand Ejector）。
1899年，史密夫威森公司推出發射點三八口徑嘅「點三八口徑手動退彈型」（Smith & Wesson .38 Hand Ejector），發射點三八長柯爾特子彈（.38 Long Colt）。史密夫威森公司向美軍供應咗大約三千把「點三八手動退彈型」，令呢款手槍得到另一個名：「點三八軍警型」（.38 Military & Police Model）[1]。
同年，美軍喺菲律賓戰場上發現點三八長柯爾特子彈威力唔夠，史密夫威森公司馬上開發出點三八特種彈（.38 Special），並且改裝旗下嘅點三八軍警型手槍，令呢啲手槍可以發射點三八特種彈。呢個時期嘅點三八特種彈依然係裝填黑火藥嘅[1]。
1957年起，史密夫威森公司開始將佢哋生產嘅槍械以數字命名，軍警型被命名為十型。
變種
編輯K38 Target Masterpiece 以及 K38 Combat Master
編輯軍警型加上可調式照門就成為咗K38 Target Masterpiece。K38 Target Masterpiece主攻體育競技市場，一般裝配六英寸或者八又八分三英寸槍管。隨後，史密夫威森推出四英寸版本，命名為K38 Combat Master，主攻執法單位、獵人、野外活動人仕市場。
1957年起K38 Target Masterpiece被史密夫威森重新定名為十四型，而K38 Combat Master就被重新定名為十五型。
勝利型（Victory）
編輯勝利型係第二次世界大戰時，美國向盟國輸出嘅軍警型手槍。通常喺槍身登記編號前面多咗一個「V」字。雖然有少量勝利型裝配六英寸槍管，但通常勝利型係裝配四英寸槍管嘅。輸出英國、加拿大、澳洲、紐西蘭、南非等地嘅勝利型發射比較短身嘅點三八史密夫威森彈（.38 S&W）或者英式 三八/二百彈（38/200）[2][3]。
另外，由於勝利型係戰時生產嘅武器，勝利型嘅槍身表面處理比其他軍警型略為粗糙。勝利型嘅槍柄通常裝咗一個圈，用嚟加裝槍繩。 [4]
六四型
編輯六四型其實同十型一樣，只係六四型嘅槍身、槍管、同彈巢係用不锈鋼製造，而十型係用碳鋼製造。
相對於固定照門嘅十型，裝配可調式照門嘅十五型嘅不銹鋼版本係六七型。
點三五七版本
編輯1974年，史密夫威森將生產線上面嘅十型第六版改裝，令十型第六版改為可以發射點三五七密林彈。最終令十型第六版獨立於十型系列之外，產生出尺寸相近，但發射點三五七密林彈嘅「十三型」。相對於十型嘅不銹鋼版六四型，十三型嘅不銹鋼版本係六五型[5]。
細微修改
編輯自史密夫威森軍警型喺1957年被重新命名為十型後，廠方先後做過十幾次細微修改。修改過嘅版本會喺型號後面附帶一個數字，用嚟顯示係第幾次修改，例如 10-1、10-2....等等。目前（2015年6月）最新嘅版本係 10-15。
圖
編輯-
早期軍警型（六英寸槍管型） -
早期軍警型嘅內部結構 -
軍警型第四版（1905年）時期嘅內部結構 -
勝利型 -
裝配六英寸槍管嘅十四型同裝配四英寸槍管嘅十型 -
十五型
.jpg)
用家
編輯亞洲
編輯
歐洲
編輯
非洲
編輯
美洲
編輯
大洋洲
編輯
參考
編輯- （英文）史密夫威信官方網頁-M10
- （英文）史密夫威信官方網頁-M10
- ↑ 1.0 1.1 Cumpston, Mike (2003-01-16). "The First M&P". Gunblast.com. 喺2008-05-02搵到.
- ↑ Shore, C. (Capt), With British Snipers to the Reich, Paladin Press (1988), p. 55
- ↑ Dunlap, Roy, Ordnance Went Up Front, Samworth Press (1948), p. 142
- ↑ Hunter, Hunter (2009), "S&W Victory & Colt Commando Revolvers", American Rifleman, Fairfax, Virginia: National Rifle Association of America,第Vol. 157, No. 6, June 2009號, pp. 36–37, ISSN 0003-083X
- ↑ Ayoob, Massad. Small handgun attitude 互聯網檔案館嘅歸檔，歸檔日期2007年2月21號，.. Guns Magazine, May 2003.
