司徒惠

司徒惠，CBE，JP（英文：Szeto Wai，1913年4月10號—1991年7月24號）係香港一位畫則師，由1963年到1978年曾經做過香港中文大學嘅畫則師，1964年至1974年，同埋1970年至1976年期間，分別做立法局同埋行政局嘅非官守議員。

司徒惠博士閣下 The Hon. Dr Szeto Wai
File:Szeto Wai.jpg
出世	1913年4月10日 中國廣東
死	1991年7月24號(1991-07-24)（78歲） 法國巴黎
職業	建築師、工程師

生平

司徒惠祖籍廣東開平赤坎，1913年4月10號喺中國廣東出世。佢阿爸司徒浣早喺19世紀已經去到香港發展，同埋同鄉創立嘅生利建築公司，曾經承建過嘅工程包括中環舊郵政總局同埋大潭水塘主壩等等。司徒惠喺屋企嘅八兄弟姊妹排第二，佢早年已經喺香港嘅聖保羅書院度讀書，之後去埋上海嘅聖約翰大學，到1938年攞到理學士學位畢業。

畢業以後，佢以英國工業界聯盟（Federation of British Industries）嘅學人身份，去英國深造土木工程，再之後就因為二次大戰爆發而滯留英國，期間去咗蘇格蘭，喺打仗期間，曾經幫過當地去規劃水利工程同鐵路工程嘅項目。同一時間，佢喺1941年至1943年嚮格拉斯哥嘅巴布帝、蕭爾、同莫頓顧問工程公司（Babtie, Shaw & Morton, Consulting Engineers）做助理土木工程師，之後嚮1943年至1945年轉到去倫敦、密德蘭同蘇格蘭鐵路度做同一個職位。

司徒惠返香港住之後，開咗自己嘅土木工程顧問業務。咁啱當時嘅香港周圍都係廢墟咁，度度都需要重新起過，所以司徒惠嘅工程業務就相當旺，佢自己更加成為咗行內出名嘅土木同結構工程師。除此之外，佢仲開始咗加入建築業，創辦司徒惠建築師事務所，自己做埋合夥人，接唔同嘅建築工程項目，演變做埋一位建築師。佢早期曾經有份參與承接咗蘇屋邨嘅設計同起樓嘅項目，除咗負責設計成個屋邨嘅海水沖廁系統之外，亦都設計埋其中第三期楓林樓、丁香樓、金松樓、綠柳樓、同櫻桃樓五座嘅住宅大樓。蘇屋邨係喺深水埗，由1957年動土，到1963年完全起好，係港府屋宇建設委員會旗下嘅大型廉租屋邨，提供咗16座總共大約5,300個單位，係當時嘅大型建屋項目。

司徒惠喺1985年開始佢嘅退休生涯，離開咗香港去美國紐約度住，畫畫成為咗佢嘅優閒活動。到晚年嘅時候，佢仍然成日去唔同地方旅行，間唔中有返香港；喺1991年7月24日，司徒惠喺法國巴黎期間心臟病發過身，終年78歲。

個人生活

司徒惠喺1951年4月12日喺香港娶咗殷商梁達卿嘅女梁雪馨（Sheila Leung）做老婆。兩個人總共有兩個仔同兩個女，全部都係喺美國度住，佢哋除咗大女係做醫學研究之外，其他嗰三個人都係跟老豆做建築設計。司徒惠鍾意畫畫，曾經搞過好多場個人畫展，佢喺早年由上海嘅聖約翰大學畢業之後，曾經有打算過去法國巴黎學藝術，不過因為阿爸反對，所以最終先去咗英國深造土木工程。佢在生嘅時候亦都係英皇御准香港賽馬會同埋美國會喺香港鄉村俱樂部嘅會員。

參考資料

中文資料

• 〈建築商司徒浣昨晨逝世〉，《華僑日報》第二張第三頁，1948年9月9日。
• 〈司徒惠梁雪馨昨日結婚〉，《工商日報》第六頁，1951年4月13日。
• 〈校址籌建委員會Wayback Machine嘅版面存檔備份〉，《中文大學校刊》第一卷第四期。香港：香港中文大學，1964年10月。
• 〈英女王壽辰授勳名單公佈〉，《工商日報》第五頁，1967年6月10日。
• 〈本大學新校址舉行動土典禮Wayback Machine嘅版面存檔備份〉，《中文大學校刊》第四卷第四期。香港：香港中文大學，1968年1月。
• 〈范克廉樓開幕典禮Wayback Machine嘅版面存檔備份〉，《中文大學校刊》第五卷第七期。香港：香港中文大學，1969年4月。
• 〈中大大學圖書館開幕Wayback Machine嘅版面存檔備份〉，《中文大學校刊》第九卷第四期。香港：香港中文大學，1973年1月。
• 〈英女王元旦授勳本港人士四十六人受勳名單〉，《華僑日報》第二張第二頁，1974年1月3日。
• 〈大學科學館嘅建築師Wayback Machine嘅版面存檔備份〉，《中文大學校刊》一九七五年夏。香港：香港中文大學，1975年。
• 〈讚詞：司徒惠議員Wayback Machine嘅版面存檔備份〉，《中文大學校刊》一九七八年冬。香港：香港中文大學，1978年。
• 岑維休主編，《香港年鑑》。香港：華僑日報，1980年。
• 何思萃撰，〈中文大學嘅建造者司徒惠〉，《明報》，1985年。
• 〈「門」及「惠園」揭幕典禮Wayback Machine嘅版面存檔備份〉，《中文大學校刊》一九八七年第五期。香港：香港中文大學，1987年。
• 〈幾番波折－升降機樓變惠園Wayback Machine嘅版面存檔備份〉，《中文通訊》第13期。香港：香港中文大學，1990年12月。
• 〈訃告Wayback Machine嘅版面存檔備份〉，《中文通訊》第21期。香港：香港中文大學，1991年8月。
• 〈校園標記逐一點Wayback Machine嘅版面存檔備份〉，《中大通訊》第26期。香港：香港中文大學，1992年1月。
• 〈校園建築設計Wayback Machine嘅版面存檔備份〉，《中大通訊》第43期。香港：香港中文大學，1993年6月。

英文資料

• Hopkins, Keith, Hong Kong: the Industrial Colony: a Political, Social and Economic Survey. Oxford University Press, 1971.
• "The Hon Wai SZETOWayback Machine嘅版面存檔備份", HKU Honorary Graduates. HK: The University of Hong Kong, 1975.
• Sinclair, Kevin, Who's Who in Hongkong. HK: Database Pub., 1984.

出面網頁

• 中文大學嘅建造者司徒惠

其他職務
前任： H·G·F·魯賓遜	香港建築師公會會長 1960年-1961年	繼任： W·G·格列高利
官銜
前任： 簡悅強議員	交通諮詢委員會主席 1967年-1974年	繼任： 盧秉信議員