吉爾吉斯

吉爾吉斯共和國（簡稱吉爾吉斯）係一個中亞內陸國，1864年被俄羅斯合併，1991年由原蘇聯獨立，首都係比什凱克市，總面積19.85萬平方公里，人口436.72萬，附近國有塔吉克、烏茲別克、哈薩克同埋中華人民共和國。主要民族係柯爾克孜族（又叫吉爾吉斯族）、俄羅斯族同埋烏茲別克族。

旗

「吉爾吉斯斯坦」本身意思係「草原遊牧民之國」。

地理

吉爾吉斯氣候屬大陸性，每年嘅7、8月熱啲，晌攝氏30度左右，12月到2月冬天可以凍到攝氏零下30度。全境海拔500米以上，一半嘅地區海拔1000─3000米，三分之一嘅的地區海拔3000─4000米。東北部有天山脈西段，西南部有帕米爾─阿賴山脈。得西南部同埋北部有低地分布。納倫河橫貫穿全境，晌境內長540千米。楚河晌境內長220千米。高山湖伊塞克湖係出名嘅不凍湖。每年平均落200─1000毫米雨。

人口

吉爾吉斯而家人口大約543萬（2010年7月估計冧巴），其中0至14歲佔29.7%，超過65歲嘅佔5.8%。吉爾吉斯大部份地方都係郊野，2008年嘅統計得大約36%嘅人口住喺市區。

吉爾吉斯嘅最大族群係柯爾克孜族，佔總人口64.9%，以前過住半遊牧式嘅生活，以養綿羊、馬同埋牦牛維生。其他主要族群有俄羅斯族，主要集中晌北部；烏茲別克族主要住在南部。其他比較重要嘅民族計有：維吾爾族、塔吉克族、東干族、哈薩克族、克普恰克族欽察，重有小量朝鮮族、烏克蘭族同埋日耳曼人。

柯爾克孜人多數係穆斯林，伊斯蘭化嘅時間係8至12世紀。真正伊斯蘭化係18世紀，當時吉爾吉斯人俾准噶爾趕到天山，受浩罕汗國統治而伊斯蘭化。但吉爾吉斯人重保持住對薩滿教、萬物有靈同埋騰格里信仰。同哈薩克一樣，部落頭人比毛拉權力大。柯爾克孜人南部伊斯蘭化啲，北方就俄化啲。

出面網頁

• 〈国家概况 — 中华人民共和国外交部〉 (簡體中文)。中華人民共和國外交部。
• 〈吉爾吉斯共和國 Kyrgyz Republic - 亞西地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
• "Kyrgyzstan - United States Department of State" (英文). 美國國務院.
• 吉爾吉斯喺中央情報局《世界概況》嘅資料 （英文）
• 〈キルギス共和国 ｜ 外務省〉 (日文)。日本外務省。
• "Kyrgyzstan - Department of Foreign Affairs and Trade" (英文). 澳洲外交貿易部.