吻別 (專輯)
呢篇文講張學友國語唱片《吻別》。想搵中文歌曲吻別嘅話，請睇吻別 (歌曲)。《吻別》係香港歌手張學友發行嘅第17張專輯，亦係第5張國語專輯，該唱片剩係喺臺灣嘅銷量就破百萬，佢以136萬嘅銷量成績喺臺灣歷年唱片銷量榜排第2[1][2]，唱片以主打歌《吻別》爲主，而其他歌曲大多係重新填詞嘅張學友喺之前所唱嘅廣東話歌曲，如《每天愛你多一些》（每天愛你多一些）、《你給我的愛最多》（還是覺得你最好）、《一路上有你》（分手總要在雨天）、《秋意濃》（李香蘭）、《Linda》（Linda）、《戀愛的人都一樣》（暗戀你）同《擁抱陽光》（壯志驕陽）等，後來《情網》有廣東話叫《等你回來》，而且好多歌嘅原曲係日文。唱片：吻別推出後分別喺臺灣、香港、中國大陸、新加坡、馬來西亞、美國臺加拿大等地區賣個滿堂紅，而後寶麗金唱片同環球唱片都分別喺唔同嘅年份出咗復刻版。
| 吻別 | ||||
|---|---|---|---|---|
.jpg) | ||||
| 張學友嘅錄音室專輯 | ||||
| 發行日期 | 1993年3月5號 | |||
| 類型 | 華語流行音樂 | |||
| 唱片公司 | 寶麗金 | |||
| 監製 | 黃慶元，薛忠銘 | |||
| 張學友專輯年表 | ||||
| ||||
曲目
編輯| 曲序 | 曲目 | 填詞 | 作曲 | 編曲 | 備註 |
|---|---|---|---|---|---|
| 1. | 吻別 | 何啟弘 | 殷文琦 | 殷文琦 | 英文版係米高學搖滾嘅《Take Me to Your Heart》 |
| 2. | 情網 | 劉虞瑞 | 伍思凱 | 孫崇偉 | 粵語版係《等你回來》 |
| 3. | Linda（國語） | 何啟弘 | 片山圭司 | 盧東尼 | 原曲係ブルー嘅《リンダ》，粵語版都係叫《Linda》，但係有張立基版又有張學友版（同曲唔同詞） |
| 4. | 一路上有你 | 謝明訓 | 片山圭司 | 盧東尼 | 原曲係前田亘輝嘅《泣けない君へのラブソング》，粵語版係《分手總要在雨天》 |
| 5. | 你給我的愛最多（原曲係米米CLUB嘅的《愛してる》） | 黃慶元 | 米米Club | 趙增熹 | 粵語版係《還是覺得你最好》 |
| 6. | 每天愛你多一些（國語） | 姚若龍 | 桑田佳祐 | 杜自持 | 原曲係南方之星嘅《真夏の果実》，粵語版係《每天愛你多一些》 |
| 7. | 相信她，關心她 | 陳樂融 | 黃慶元 | 孫崇偉 | |
| 8. | 戀愛的人都一樣 | 何啟弘 | 濱田省吾 | 趙增熹 | 原曲係一隻日文聖誕歌，濱田省吾嘅《Sentimental Christmas》。國語版係電影《亞飛與亞基》嘅主題曲，粵語版係《暗戀你》 |
| 9. | 擁抱陽光 | 何啟弘 | Kan | 趙增熹 | 原曲係Kan嘅《有愛必勝》，粵語版係《壯志驕陽》 |
| 10. | 秋意濃 | 姚若龍 | 玉置浩二 | 杜自持 | 原曲係玉置浩二嘅《行かないで》，粵語版係《李香蘭》 |
發行版本
編輯《吻別》共有超過10個國家的版本，其中比較出名嘅係台灣原版同日本24K金碟版，成為唱片收藏愛好者中極具影響力嘅唱片之一。當時寶麗金唱片公司都有出卡帶同埋黑膠唱片。到依家，首版以及海外版本嘅《吻別》都被炒高價格，喺eBay等出名拍賣網站中台灣首版嘅《吻別》價格已經高達100.00美元以上，而日本24K金碟版嘅價格都達到90.00美元，唯其後早期批次（1A2、1A3版本）已有降價，剩係得少量後期批次版因數量少而繼續被炒高價格。
- 台灣版（1993）
- さよならのキス（日本版）（1995）
- Never
- Take Me To Your Heart（2003）
影響
編輯《吻別》推出後先後被世界各地好多藝人翻唱過，包括丹麥嘅搖滾樂隊「米高學搖滾」等。喺2006年同2007年又分別被香港歌手側田同中國大陸歌手胡彥斌演唱到自己嘅專輯主打歌曲入面，睇到佢嘅巨大影響力。
臺灣
編輯專輯喺臺灣啱啱上市就被搶嗮，最流行嘅歌曲除咗《吻別》外，其餘嘅幾首歌曲分別入咗排行榜，被好多業界人士認為係第一個喺臺灣大熱嘅香港唱片，據統計唱片喺臺銷量超過130萬張，而以臺灣嘅人口計算，當時每20個臺灣人就要買一張正版嘅《吻別》，對於《吻別》喺臺灣嘅影響力巨大，都證明咗張學友喺臺灣樂壇嘅王者地位。
香港
編輯由於係國語唱片，而又翻版咗之前張學友唱過嘅一啲歌曲，所以《吻別》喺香港嘅熱度唔及臺灣同中國大陸，但唱片銷量重接近20萬張，係香港唱片銷量歷史上銷量最高嘅國語唱片之一。
中國大陸
編輯大街小巷有《吻別》嘅聲音，每一個青年人好似都被呢張歷史上最賣得嘅華語唱片所吸引，尤其係一啲娛樂場所，聽聞一啲大城市額卡拉OK準備咗幾張唱片，結果喺唔到半年時間唱片就因為被點唱太多而報廢。由於大陸額盜版行業流行，所以《吻別》唱片無法喺當時攞咗權威嘅統計，但是無疑係佢帶嚟嘅一個流行音樂嘅風潮就已經被寫入歷史。《吻別》喺中國大陸嘅影響力係之前嘅一啲流行音樂冇得比嘅，從1994年初期開始大陸掀起咗崇拜香港流行音樂嘅一個歷史最高潮，而張學友之後出嘅《祝福》、《真愛新曲＋精選》、《忘記你我做不到》、《想和你去吹吹風》同《走過1999》等熱門國語唱片之所以大受歡迎幾乎被認做同《吻別》喺之前所帶嚟嘅影響力係分唔開。
新加坡
編輯《吻別》喺新加坡嘅銷量超過20萬張，創造咗新加坡唱片銷量嘅歷史記錄同到依家保持新加坡嘅最高唱片銷量記錄。
獎項
編輯- 「最受歡迎國語歌曲獎金獎」：《吻別》
- 「最佳填詞獎」：《吻別》
- 「IFPI國際歌曲大獎」：《吻別》
- 「最佳年度歌曲」：《吻別》
- 「最佳編曲人獎」：《吻別》
- 「最受歡迎歌曲」：《吻別》
- 「最受歡迎大碟」：《吻別》
- 「最佳金曲獎」：《吻別》
- 中華音樂人交流協會
- 台灣流行音樂200最佳專輯中NO.19