周慧賢兇殺案
呢篇嘢嘅主題未必符合收錄指引。
如果你熟呢個主題，請你擴充或改寫佢，幫佢建立佢嘅知名度。最好要有已經發佈咗嘅參考來源，或者係第三者出版物做資料來源。如果建立唔到知名度，根據Wikipedia:刪版，篇文可能會提議刪除。（參閱：Wikipedia:收錄指引） |
周慧賢兇殺案係香港2022年一單兇殺案，網紅瑜珈女教練周慧賢被發現伏屍喺尖沙咀香港麗思卡爾頓酒店一間房嘅浴缸，懷疑畀兇手斬傷後放入浴缸放血。
案情 編輯
死者係23歲女子周慧賢（Aqua Chow），本職瑜珈教練，亦喺網上薄有名氣，佢個Instagram有超過5萬個追蹤者[1]。
周慧賢原定2022年6月30號凌晨搭飛機去美國進修，但29號下晝後就再無露面，屋企人喺30號下晝報警，並喺網上廣發尋人啟事[2]。由於周慧賢喺深水埗愛海頌住所嘅大廈閉路電視影到佢前男友28歲男子勞浚銘（Alex Lo）出現過，警方向勞了解過，對方初頭話唔知情，但同日挨晚勞由律師陪同到黃大仙警署自首，交出一張酒店鎖匙咭後保持緘默。警方夜晚根據線索搵到兇案現場，最終搵到一具女屍，經調查後確認係失蹤嘅周慧賢，懷疑被斬傷後再放入浴缸度放血[3]。
