維基百科

哈利波特裡面嘅魔法學校

哈利波特裡面嘅魔法學校（英文：Magic schools in Harry Potter）係J·K·羅琳嘅小說《哈利波特》系列世界觀裡面虛構嘅魔法學校。喺哈利波特世界觀入面，世界上夾埋有１１間歷史好悠久，而且已經同國際巫師聯盟International Confederation of Wizards[1]註冊嘅魔法學校。呢啲魔法學校嘅位置相當之隱蔽，而喺唔識魔法嘅麻瓜眼中，呢啲學校嘅建築只係個廢墟。除咗呢１１間魔法學校之外，羅琳都講過仲有幾間規模細啲同埋未有受監管嘅魔法學校[2]。

目前已知嘅魔法學校夾埋有７間，除咗《哈利波特》系列小說嘅故事舞台霍格華茲之外，喺羅琳嘅魔法世界登場嘅魔法學校淨係得出現喺《火盃的考驗》裡面嘅波巴洞Beauxbatons、德姆蘭Durmstrang，同埋出現喺前傳電影嘅伊法魔尼Ilvermorny，其他嘅學校就係羅琳所寫仲刊登喺而家叫做「Wizarding World」嘅《Pottermore》文章嘅魔法學校；有可能係第８間魔法學校—科爾多夫斯托雷茲魔法學校Koldovstoretz Wizarding School，呢間魔法學校出自並唔係由羅琳做主筆嘅《魔藥之書》，佢嘅正典性因為咁而受到懷疑[3][4][5]。

魔法學校

編輯

波巴洞魔法與巫術學院

編輯
 
波巴洞嘅校服，喺華納兄弟利維斯登工作室（中文：华纳兄弟利维斯登工作室）嗰度影嘅。
 
波巴洞校徽示意圖

波巴洞魔法與巫術學院Beauxbatons Academy of Magic係同霍格華茲仲有德姆蘭夾埋被叫做「歐洲三大魔法學校」，波巴洞嘅位置係喺法國庇里牛斯山[6][7]裡面某度嘅一座閃閃發光嘅法式城堡（中文：法式城堡）[8]，嗰度周圍都係冰雕同埋山林仙女[9]。「法文：Beauxbâtons」喺法文裡面嘅意思係「靚嘅魔杖」[10]。嗰度嘅學生絕大部分都係嚟自西歐嘅地區，例如係法國、西班牙、葡萄牙、荷蘭、盧森堡同埋比利時等等呢啲地方[6]，學生嘅校服係藍色嘅絲綢長袍[11]。

喺電影《哈利波特：火盃的考驗》裡面，波巴洞嘅學生全部都係女仔，但喺小說入面好多次提到波巴洞係有男學生[12]，而歷史上真實存在嘅煉金術士尼樂·勒梅（中文：尼樂·勒梅）都被設定做呢間學校嘅校友[13]。電影嘅改動因為咁就被批評係「助長咗刻板印象」，搞到三巫鬥法大賽嘅唯一女選手代表—[[鳳凰會#花兒·戴樂古「睇起嚟比實際上更加弱」[14]。

喺戲裡面嘅波巴洞校服係由法國服裝設計師珍妮·特米姆（英文：Jany Temime）操刀[15]。特米姆就話，佢喺歷史同埋民間傳說等等呢啲元素度去搵靈感，最後揀咗去用法國保皇黨旗幟（中文：法國旗幟列表#曾用國旗）嘅嗰種藍色[16]。戲裡面波巴洞嘅校徽同小說一樣咁出現喺佢哋學校馬車嘅車門上面，嗰個係「兩支金色魔杖十字交叉咁樣擺，每支魔杖指住三粒星星」[11]。喺紋章學裡面，交叉嘅劍指向上面即係話隨時準備好戰鬥，而向下指就代表住一場戰鬥已經贏咗[17][18]。

波巴洞嘅校車—佢哋嘅飛天馬車同佢哋嘅校服一樣咁受到矚目，喺嗰個系列電影嘅指南書《哈利波特：立體書Harry Potter: A Pop-Up Book》裡面透露，戲裡面所用到嘅波巴洞馬車係喺巴黎租返嚟嘅大馬車，「上面有小天使、花環同埋藝術家嘅彩繪仿作嚟做裝飾」。2019年，樂高積木發售咗用電影形象嚟做基礎嘅波巴洞馬車主題套裝，用嚟做樂高哈利波特系列（英文：Lego Harry Potter）嘅擴充[19]。

卡斯特羅布舍

編輯

卡斯特羅布舍Castelobruxo係一間隱藏喺巴西熱帶雨林深處嘅一間魔法學校。根據羅琳嘅設定，卡斯特羅布舍係一棟由金色岩石起嘅一座外觀類似係神廟咁宏偉嘅建築物，學校由毛鬙Zang1鬙嘅一種叫做凱波拉咁嘅靈人去保護，佢哋學生嘅校服係鮮綠色嘅長袍。呢間學校專門精喺草藥學同埋奇獸飼育學。呢間學校會為有興趣嘅歐洲學生去提供交流計劃，俾佢哋去學南美洲嘅魔法生物同埋植物[20][21]。

德姆蘭學院

編輯
 
德姆蘭校徽示意圖

德姆蘭學院Durmstrang Institute係喺斯堪的納維亞[22]嘅一間魔法學校。呢間魔法學校第一次喺《哈利波特：火盃的考驗》裡面出場。學校嘅名「德姆蘭Durmstrang」可能係源自德國嘅狂飆突進運動（中文：狂飆突進運動）Sturm und Drang，意思係「風暴同壓力」[23][24][25][26][27]，而佢哋學生嘅校服係厚重嘅皮草同埋血紅色嘅長袍[28]，佢哋大部分嚟自東歐同北歐，而佢哋嘅名都係以俄羅斯同保加利亞嘅姓名嚟改。德姆蘭著重決鬥同埋攻擊魔法，亦都唔避忌去教黑魔法[29]，不過呢間學校唔接受麻瓜出身（中文：哈利波特世界觀與設定#麻瓜出身）嘅學生入讀佢哋學校[28]。

喺戲裡面德姆蘭嘅學生全部都係男學生，不過喺小說裡面嘅就係男女校[14]。喺《Pottermore（中文：Wizarding World (網站)）》嘅文章亦都講到明德姆蘭係由保加利亞嘅女巫創立嘅，所以德姆蘭並唔似電影裡面咁男性化[30]。另外，電影都有出現過德姆蘭嘅校徽，圖案係鹿頭上嘅雙頭鷹。喺紋章學嘅傳統入面，雙頭鷹象徵住統治者對教會同埋國家至高無上嘅地位[17]。喺戲裡面德姆蘭學生嘅校服亦都係由珍妮·特米姆操刀，佢參考咗俄羅斯同埋哈布斯堡嘅民間傳說嚟設計[16]。

羅琳喺網路聊天室入面提到，德姆蘭係喺斯堪的納維亞嘅北部，瑞典或者挪威嘅最北端，但係佢唔確定個位置喺邊度，因為「呢啲學校嘅確切位置係要嚴格保守嘅秘密」[31]。《Pottermore》公佈嘅藝術概念圖將嗰度畫咗喺芬蘭[32]。

2005年，樂高積木發售咗電影裡面由德姆蘭去霍格華茲所坐嘅船隻套裝[33][34]。

霍格華茲魔法與巫術學院

編輯
内文：霍格華茲
 
霍格華茲校徽示意圖
 
電影裡面嘅霍格華茲模型，喺華納兄弟利維斯登工作室（中文：華納兄弟利維斯登工作室）嗰度影嘅。

霍格華茲魔法與巫術學院Hogwarts School of Witchcraft and Wizardry，簡稱霍格華茲Hogwarts，呢間學校係《哈利波特系列》嘅故事舞台[35]，學校嘅位置喺蘇格蘭高地[36]，佢哋係會招收英國11-17歲有魔法能力嘅細路。

霍格華茲深刻影響住流行文化，佢喺2008年喺蘇格蘭最佳教育機構嘅民調入面打低咗愛丁堡嘅洛雷托學校（英文：Loretto School）等等呢啲出名嘅真實學校而排名第36位[37]。

印第安納波利斯兒童博物館（中文：印第安納波利斯兒童博物館）嘅遊客最初為咗致敬霍格華茲而用呢間學校嘅名嚟命名厚頭龍科（中文：厚頭龍亞目）龍王龍屬（中文：龍王龍屬）嘅模式種（中文：模式種）做「霍格華茲龍王龍D. hogwartsia」，館方後嚟就正式採用咗呢個名[38][39]。

伊法魔尼魔法與巫術學院

編輯

伊法魔尼魔法與巫術學院Ilvermorny School of Witchcraft and Wizardry，簡稱伊法魔尼Ilvermorny，呢間學校係喺美國麻省亞當斯（英文：Adams, Massachusetts）嘅格雷洛克山（中文：格雷洛克山）[40]，佢哋會招收嚟自北美洲嘅學生。

羅琳喺佢自己所寫嘅《北美魔法史（中文：北美魔法史）》第一章《十四世紀至十七世紀Fourteenth Century – Seventeenth Century》[41]裡面第一次提及伊法魔尼。伊法魔尼建立喺17世紀，佢嘅創辦人係純血女巫伊索·瑟兒Isolt Sayre同埋佢嘅莫魔老公詹姆·史都華James Steward[42]，嗰度係一座非常之民主嘅魔法學校，學生嘅校服係綁住金色結嘅藍色同埋蔓越莓色嘅長袍。

伊法魔尼裡面有四個學院，佢哋各自代表嘅怪獸象徵着理想巫師特質，分別係：代表「心靈」嘅長角水蛇Horned Serpent；代表「身體」嘅貓豹Wampus Cat；代表「心臟」嘅魒骻吉Pukwudgie；同埋代表「靈魂」嘅雷鳥Thunderbird。喺新生分類嗰陣時，如果一個學生同時俾一間以上嘅學院揀咗嗰時，嗰個學生可以喺裡面去揀佢嘅學院[43][44]。

喺電影裡面，伊法魔尼喺《怪獸系列電影（中文：怪獸系列電影）》裡面登場，嗰個系列嘅主角蒂娜·金坦同埋奎妮·金坦都係呢間學校嘅校友，而美國魔法國會MACUSA嘅話事人 瑟拉菲娜·皮奎里Seraphina Picquery喺入學嗰陣時得到伊法魔尼所有學院嘅錄取，最後出於利益而揀咗長角水蛇學院[45]。

羅琳喺《Pottermore》上架嘅《北美魔法史》為咗配合《怪獸與牠們的產地》嘅電影宣傳嘅時機而對伊法魔尼做咗啲介紹[46]。

由於伊法魔尼嘅位置設定喺亞當斯格雷洛克山嘅最高峰，所以現實中亞當斯社區發展總監當娜·塞桑Donna Cesan就話，呢個設定為格雷洛克格蘭度假村Greylock Glen Resort提供咗一種新嘅行銷方式[47]。當地振興團體亞當斯市中心小組Downtown Adams Group亦都將伊法魔尼列喺佢哋嘅官方網站上面[48]。伊法魔尼並唔係當地唯一嘅虛構學校，漫畫《變種特攻》系列嘅變種人學校亦都設定喺呢度[47]。

魔法所

編輯

魔法所Mahoutokoro係一間喺日本嘅魔法學校[註 1]，呢間魔法學校係喺南硫磺島（中文：南硫磺島）嘅死火山上面[49]。

魔法所嘅建築係純白羊脂玉（中文：軟玉）建造嘅華麗宮殿。呢間魔法學校係咁多間出名嘅魔法學校裡面學生最少嘅一間。佢哋招收年滿７歲嘅學生，不過學生要到１１歲先至可以開始寄宿。根據羅琳嘅設定，魔法所學生嘅校服係帶有魔法嘅和服長袍，和服嗰啲長袍會隨住學生嘅身型同埋佢哋嘅知識而改變晒士同顏色。啱啱開始嗰陣，和服係淡粉紅嘅，如果學生喺所有科目都攞到最高分，佢哋嘅長袍就會變成金色；如果魔法所嘅學生背叛咗日本巫師嘅原則又或者投奔去黑魔法嘅話，佢哋嘅長袍就會逐漸變成白色，嗰個學生就將會即刻被踢出校仲送去日本魔法政府嗰邊受審[50][49]。

瓦加杜

編輯

瓦加杜Uagadou係喺非洲烏干達月亮之山上面[51]，呢間魔法學校係全世界歷史最悠久、規模最大嘅一間。佢係一座喺山腰上仲籠罩喺薄霧裡面嘅宏偉建築，就好似漂浮喺半空中咁樣。

瓦加杜嘅學生透過夢境信使Dream Messengers嚟去收校長嘅入學通知。瓦加杜嘅學生最叻就係喺唔使用魔杖嘅情況下就可以使得出天文學、鍊金術、變形術（尤其係自我變形），而係透過手指或者手勢嚟施展魔法[52]。

文化批評

編輯

兒童文學嘅評論家茱莉亞·愛克謝（中文：茱莉亞·愛克謝）指出《哈利波特：火盃的考驗》入面所形容嘅波巴洞同德姆蘭嘅師生都係性別定型咗嘅長頭髮靚女同嚴肅陰鬱男仔，後者亦都係英語系國家對斯拉夫人嘅成見[53]。姬絲汀娜·弗洛特曼Christina Flotmann就認為，霍格華茲同呢兩間學校嘅競爭，分別體現咗體面英國同放蕩法國之間嘅對立，同埋１９世紀歌德小說（中文：哥德小說）入面西方同東歐邪惡力量嘅鬥爭[54]。

2016年，非洲嘅魔法學校瓦加杜嘅設定公開咗之後，由於西方世界長期將非洲睇成係一個模糊同未分化嘅整體，Twitter上面掀起咗啲專家同讀者對羅琳潛在種族歧視嘅質疑聲浪[55][56][57]，而後來刊登喺《Pottermore（中文：Wizarding World (網站)）》嘅原文補充咗瓦加杜所在嘅地方係烏干達。聖地亞哥大學（中文：聖地亞哥大學）嘅非洲史學系助理教授T·J·塔利T.J. Tallie就話：「身為一個非洲歷史學家嘅我極之嬲，@jk_rowling將瓦加杜化咗做『非洲』，仲同『日本』、『法國』等呢啲國家相提並論」[58]；亦都有學者辯護「非洲喺殖民時代（中文：非洲各國成為殖民地年份列表）之前係無國家制度」，仲指出瓦加杜同橫跨非洲嘅加納帝國Wagadu同名[59]，不過非洲政治歷史學家提摩西·伯克Timothy Burke寫長文講述嗰個辯護根本企唔住腳[60]。《Vox（中文：Vox）》嘅政治記者扎克·博尚Zack Beauchamp喺統整報導入面肯定咗羅琳所形容嘅瓦加杜正面形象，結論話：「羅琳嘅非洲『泥漿』[註 2]講明：「就算係抱住善意嘅西方人都好難為非洲嘅複雜性伸張正義」[58]。其他魔法學校嘅設定同埋佢哋直白嘅名亦都被指係歐洲中心主義（中文：歐洲中心主義）[61][62]，比如係拉美讀者因為卡斯特羅布舍嘅刻板印象（例如原始叢林、中美洲嘅瑪雅金字塔神廟嘅形象）而覺得失望[63]；日語嘅使用者除咗批評武士道（中文：武士道）嘅印象，亦都出原文提供嘅發音方式「Mah-hoot-o-koh-ro」唔係啱嘅日語[64][65]。

羅琳喺同年３月喺《Pottermore》公開咗《北美魔法史（中文：北美魔法史）》嘅第一章，援引咗五月花號嘅移民史同埋北美原住民族嘅文化，受到學者同北美原住民族嘅讀者排山倒海嘅批評，指出呢樣嘢係有嚴重嘅文化挪用（中文：文化挪用）而且有殖民主義色彩[66][67][68]。羅琳之後所發表嘅伊索·瑟兒同佢嘅莫魔老公起咗伊法魔尼嘅故仔亦被批評「喺抹殺原住民族嘅同時挪用咗原住民傳統」[69]，而對於誤用咗長角水蛇、貓豹、魒骻吉，雷鳥等等嘅北美洲傳說生物起源，更加被指係「為咗個人目嘅利用仲扭曲咗美洲原住民族嘅傳說」[70]。

註

編輯
  1. ↑ 「日文：魔法ところ」，直譯做「魔法嘅地方」。
  2. ↑ 原文：「slurry」，直譯做「漿體」，比喻將非洲嘅所有國家睇成係一個無差別嘅整體。[58]

參考

編輯
  1. ↑ Holland, Amy; Drasnin, Trish; Gallagher, Selena (編). "International Confederation of Wizards (I.C.W.)". Lexicon (英文). 原著喺2022-12-26歸檔. 喺2023-04-02搵到. {{cite web}}: Invalid |url-status=no (help)
  2. ↑ Rowling, J.K. (2016-01-29). "Wizarding Schools". Wizarding World (英文). 原著喺2023-04-02歸檔. 喺2023-04-02搵到. {{cite web}}: Invalid |url-status=no (help)
  3. ↑ Carpenter, Nicole (2016-01-31). "There Are 11 Wizarding Schools in the Harry Potter Universe, J.K. Rowling Reveals". IGN (英文). 原著喺2022-08-09歸檔. 喺2023-06-23搵到.
  4. ↑ "Koldovstoretz Wizarding School". Harry Potter Lexicon (美國英文). 2016-06-22. 原著喺2023-02-07歸檔. 喺2023-06-23搵到.
  5. ↑ Romano, Nick (2016-01-30). "J.K. Rowling reveals more magic schools in the 'Harry Potter' universe". EW.com (英文). 原著喺2020-11-11歸檔. 喺2023-06-23搵到.
  6. ↑ 6.0 6.1 Golding, Lily (2016-03-08). "Magic schools in JK Rowling's wizarding world - what you need to know" (英文). the Guardian. 原著喺2018-10-19歸檔. 喺2018-10-16搵到. {{cite web}}: Unknown parameter |dead-url= ignored (|url-status= suggested) (help)
  7. ↑ "J.K. Rowling reveals more magic schools in the 'Harry Potter' universe". EW.com (英文). 2016-01-30. 原著喺2020-11-11歸檔. 喺2018-10-16搵到. {{cite news}}: Unknown parameter |dead-url= ignored (|url-status= suggested) (help)
  8. ↑ Rowling, J.K. (2015-08-20). "Beauxbatons Academy of Magic". Wizarding World (英文). 原著喺2023-05-27歸檔. 喺2023-04-04搵到. {{cite web}}: Unknown parameter |dead-url= ignored (|url-status= suggested) (help)
  9. ↑ Oziewicz, Marek (2010). "Representations of Eastern Europe in Philip Pullman's His Dark Materials, Jonathan Stroud's The Bartimaeus Trilogy, and JK Rowling's Harry Potter Series" en. International Research in Children's Literature (英文) (第International Research in Children's Literature版). 3 (1): 1–14. doi:10.3366/ircl.2010.0002. {{cite journal}}: Invalid |script-title=: missing prefix (help)
  10. ↑ Eccleshare, Julia (2002). Guide to the Harry Potter Novels (英文). A&C Black. pp. 81–82. ISBN 9780826453174. 原著喺2018-06-12歸檔. 喺2018-10-16搵到. {{cite book}}: Invalid |ref=harv (help); Unknown parameter |dead-url= ignored (|url-status= suggested) (help)
  11. ↑ 11.0 11.1 J·K·羅琳 (2016)。《哈利波特（四）：火盃的考驗》 (臺灣中文)。彭倩文翻譯。臺北：皇冠文化。ISBN 978-957-33-1831-6。
  12. ↑ "Harry Potter: 8 Things You Need To Know About Beauxbatons Academy Of Magic". Game Rant (英文). 2022-02-25. 原著喺2023-06-22歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  13. ↑ "Beauxbatons Academy of Magic in Harry Potter". Book Analysis (美國英文). 2022-09-21. 原著喺2023-06-22歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  14. ↑ 14.0 14.1 "Beauxbatons Boys: Where the Movies Went Wrong". MuggleNet (美國英文). 2018-05-02. 原著喺2020-09-21歸檔. 喺2018-10-16搵到. {{cite news}}: Unknown parameter |dead-url= ignored (|url-status= suggested) (help)
  15. ↑ "Hogwarts' haute couture: The greatest fashion moments of the Harry Potter films". Wizarding World (英文). 原著喺2023-03-27歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  16. ↑ 16.0 16.1 Miller, Zoë. "A 'Harry Potter' costume designer shares secrets about iconic looks, from Hermione's Yule Ball dress to Luna Lovegood's earrings". Insider (美國英文). 喺2023-06-22搵到.
  17. ↑ 17.0 17.1 "The MACUSA seal and other emblems of the wizarding world". www.wizardingworld.com (英文). 原著喺2023-06-21歸檔. 喺2023-06-21搵到. {{cite web}}: Unknown parameter |dead-url= ignored (|url-status= suggested) (help)
  18. ↑ Beach, Justin. "What Is the Origin of the Symbol of Crossed Swords in the Military?". classroom.synonym.com (英文). 原著喺2023-01-10歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  19. ↑ Magnus (2019-08-09). "REVIEW: The Beauxbatons' are coming". Blockwarts - A LEGO Harry Potter fan site (英文). 原著喺2023-06-22歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  20. ↑ Fullerton, Huw (2016-01-30). "JK Rowling reveals four new wizarding schools to rival Hogwarts". Radio Times (英文). 原著喺2023-04-07歸檔. 喺2023-04-04搵到. {{cite web}}: Invalid |url-status=no (help)
  21. ↑ "J.K. Rowling reveals more magic schools in the 'Harry Potter' universe". EW.com (英文). 2016-01-30. 原著喺2020-11-11歸檔. 喺2018-10-16搵到. {{cite news}}: Unknown parameter |dead-url= ignored (|url-status= suggested) (help)
  22. ↑ Scruton, Pam (2007-06-30). "Jo in Glasgow (longish - 'cos we enjoyed it)" (英文). 原著喺2023-06-21歸檔. 喺2023-06-24搵到. {{cite web}}: Invalid |url-status=no (help)
  23. ↑ Boyle, Fionna (2004). A Muggle's Guide to the Wizarding World: Exploring The Harry Potter Universe (英文). ECW Press. p. 203. ISBN 1-55022-655-X.
  24. ↑ Kirk, Connie Ann (2003). J. K. Rowling: A Biography (英文). Greenwood Press. p. 88. ISBN 0-313-32205-8.
  25. ↑ Knapp, Robbin D. (2005). German English Words: A Popular Dictionary of German Words Used in English (英文). Lulu.com. p. 105. ISBN 1-4116-5895-7.
  26. ↑ Colbert, David (2005). The Hidden Myths in Harry Potter: Spellbinding Map and Book of Secrets (英文). St. Martin's Griffin. p. 19. ISBN 0-312-34050-8.
  27. ↑ Whited, Lana A. (2002). The Ivory Tower and Harry Potter: Perspectives on a Literary Phenomenon (英文). University of Missouri Press. p. 23. ISBN 0-8262-1549-1.
  28. ↑ 28.0 28.1 J·K·羅琳 (2016)。《哈利波特（四）：火盃的考驗》 (臺灣中文)。彭倩文翻譯。臺北：皇冠文化。ISBN 978-957-33-1831-6。
  29. ↑ Rowling, J.K. (2015-08-10). "Durmstrang Institute". Wizarding World (英文). 原著喺2023-04-02歸檔. 喺2023-04-02搵到. {{cite web}}: Invalid |url-status=no (help)
  30. ↑ "Harry Potter: 5 Reasons Why Beauxbatons is the More Interesting Rival School (& 5 It's Durmstrang)". ScreenRant (英文). 2020-10-23. 原著喺2021-12-14歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  31. ↑ Scruton, Pam (2007-06-30). "Jo in Glasgow (longish - 'cos we enjoyed it)" (英文). 原著喺2023-06-21歸檔. 喺2023-06-24搵到. {{cite web}}: Invalid |url-status=no (help)
  32. ↑ "Durmstrang Institute". Wizarding World (英文). 原著喺2023-04-02歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  33. ↑ Magnus (2020-12-03). "REVIEW: Advent calendar 3 December 2020". Blockwarts - A LEGO Harry Potter fan site (英文). 原著喺2023-06-22歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  34. ↑ Tommy (2018-08-22). "The Proud Sons Of Durmstrang". BrickNerd - All things LEGO and the LEGO fan community (美國英文). 原著喺2023-06-22歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  35. ↑ Steve Wohlberg (April 2005). Hour of the Witch: Harry Potter, Wicca Witchcraft, and the Bible (英文). Destiny Image Publishers. pp. 31–. ISBN 978-0-7684-2279-5. 原著喺2013-05-30歸檔. 喺2011-07-31搵到. {{cite book}}: Unknown parameter |dead-url= ignored (|url-status= suggested) (help)
  36. ↑ Christina (2021-02-22). "20+ Hogwarts Locations Revealed! Here's Your Ultimate Guide to Visiting Hogwarts in Real Life". Happy to Wander (美國英文). 原著喺2023-06-20歸檔. 喺2023-06-24搵到. {{cite web}}: Unknown parameter |dead-url= ignored (|url-status= suggested) (help)
  37. ↑ Seigel, Rachel. "Fantastical Facts About The Secrets And History Of Hogwarts". Factinate (英文). 原著喺2021-09-19歸檔. 喺2023-06-24搵到. {{cite web}}: Unknown parameter |dead-url= ignored (|url-status= suggested) (help)
  38. ↑ Dinosphere at The Children's Museum of Indianapolis - Meet Dracorex hogwartsia. cart.childrensmuseum.org (英文). 原著喺2010-01-05歸檔. {{cite web}}: Invalid |script-title=: missing prefix (help)
  39. ↑ "Meet Dracorex Hogwartsia". cart.childrensmuseum.org (英文). 原著喺2023-04-01歸檔. 喺2023-06-24搵到. {{cite web}}: Invalid |url-status=no (help)
  40. ↑ Toussaint, Kristin (2016-06-28). "A new J.K. Rowling story tells the origins of a magic school set in Massachusetts". Boston.com (英文). 原著喺2020-11-08歸檔. {{cite web}}: Unknown parameter |dead-url= ignored (|url-status= suggested) (help)
  41. ↑ Rowling, J.K. (2016-03-08). "Fourteenth Century – Seventeenth Century". Wizarding World (英文). 原著喺2023-04-02歸檔. 喺2023-04-02搵到. {{cite web}}: Invalid |url-status=no (help)
  42. ↑ Brigagao, Carolina (2021-04-11). "Magical Facts About Ilvermorny, North America's Wizarding School". Inside the Magic (美國英文). 原著喺2023-04-04歸檔. 喺2023-04-04搵到. {{cite web}}: Invalid |url-status=no (help)
  43. ↑ Rowling, J.K. (2016-01-28). "Ilvermorny School of Witchcraft and Wizardry". Pottermore (英文). 原著喺2021-08-19歸檔. {{cite web}}: Invalid |url-status=no (help)
  44. ↑ "New Ilvermorny Writing & Sorting Ceremony by J.K. Rowling is here!". Wizarding World (英文). 2016-01-28. 原著喺2023-04-04歸檔. 喺2023-04-04搵到. {{cite web}}: Unknown parameter |dead-url= ignored (|url-status= suggested) (help)
  45. ↑ "Fantastic Beasts & Where To Find Them: Ilvermorny Connection Explained". ScreenRant (英文). 2016-07-27. 原著喺2023-04-04歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  46. ↑ Long, Stephanie Topacio (2016-06-28). "New JK Rowling Animated Short Shares History of Ilvermorny". Digital Trends (英文). 原著喺2023-06-22歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  47. ↑ 47.0 47.1 Jennifer Huberdeau, Jennifer; Bush, Susan (2016-06-29). "In Potterverse, Mount Greylock is home to wizarding school". The Berkshire Eagle (英文). 原著喺2023-06-22歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  48. ↑ "Ilvermorny". Downtown Adams Group (英文). 原著喺2023-06-22歸檔. 喺2023-06-22搵到. {{cite web}}: Unknown parameter |dead-url= ignored (|url-status= suggested) (help)
  49. ↑ 49.0 49.1 Rowling, J.K. (2016-01-30). "Mahoutokoro". Wizarding World (英文). 原著喺2022-01-21歸檔. 喺2023-04-02搵到. {{cite web}}: Invalid |url-status=no (help)
  50. ↑ 〈日本にも魔法学校があった　「ハリー・ポッター」シリーズの作者J.K.ローリングさんが明らかに〉。《ニコニコニュース》 (日文)。2016-01-31。原著喺2016-01-31歸檔。
  51. ↑ Rowling, J.K. (2016-01-30). "Uagadou". Wizarding World (英文). 原先內容歸檔喺2022-01-21. 喺2023-04-02搵到.
  52. ↑ Fullerton, Huw (2016-01-30). "JK Rowling reveals four new wizarding schools to rival Hogwarts". Radio Times (英文). 原著喺2023-04-07歸檔. 喺2023-04-04搵到. {{cite web}}: Invalid |url-status=no (help)
  53. ↑ Eccleshare, Julia (2002). Guide to the Harry Potter Novels (英文). A&C Black. pp. 81–82. ISBN 9780826453174. 原著喺2018-06-12歸檔. 喺2018-10-16搵到. {{cite book}}: Invalid |ref=harv (help); Unknown parameter |dead-url= ignored (|url-status= suggested) (help)
  54. ↑ Flotmann, Christina (2014). Ambiguity in "Star Wars" and "Harry Potter": A (Post)Structuralist Reading of Two Popular Myths (英文). Verlag. p. 330. ISBN 9783839421482.
  55. ↑ Singh, Naunihal (2016-01-31). "One more person who believes that @AfricasaCountry. How could you let us down, @jk_rowling :(". Twitter (英文). 原著喺2023-04-02歸檔. 喺2023-04-02搵到. {{cite web}}: Invalid |url-status=no (help)
  56. ↑ Older, Daniel José (2016-01-31). "JK Rowling reveals new wizarding schools in Japan, Brazil, and...Africa". Twitter (英文). 原著喺2023-04-02歸檔. 喺2023-04-02搵到. {{cite web}}: Invalid |url-status=no (help)
  57. ↑ Kirabo, Sincere (2016-03-14). "Muggles' Magical Thinking: Why J.K. Rowling's Cultural Appropriation is a Problem". TheHumanist.com (美國英文). 原著喺2023-04-03歸檔. 喺2023-04-03搵到. {{cite web}}: Unknown parameter |dead-url= ignored (|url-status= suggested) (help)
  58. ↑ 58.0 58.1 58.2 Beauchamp, Zack (2016-02-06). "The controversy over J.K. Rowling's new African wizard school, explained". Vox (英文). 原著喺2023-01-05歸檔. 喺2023-04-02搵到. {{cite news}}: Unknown parameter |dead-url= ignored (|url-status= suggested) (help)
  59. ↑ Blattman, Christopher; Farrell, Henry (2016-02-04). "J.K. Rowling got in trouble for how she talks about Africa. Here's why she may have been right". Washington Post (英文). 原著喺2022-07-23歸檔. 喺2023-04-02搵到. {{cite news}}: Unknown parameter |dead-url= ignored (|url-status= suggested) (help)
  60. ↑ Burke, Timothy (2016-02-04). "On Uagadou, the African Wizarding School". Easily Distracted (美國英文). 原著喺2022-11-30歸檔. 喺2023-04-02搵到. {{cite web}}: Invalid |url-status=no (help)
  61. ↑ Steiner, Chelsea (2020-03-03). "Harry Potter Fans Call out Euro-Centric Wizarding School Map". The Mary Sue (英文). 原著喺2023-04-03歸檔. 喺2023-04-03搵到. {{cite web}}: Invalid |url-status=no (help)
  62. ↑ Ball, Siobhan (2020-03-02). "Fans call out J.K. Rowling on racism again over wizarding school map". The Daily Dot (美國英文). 原著喺2023-04-03歸檔. 喺2023-04-03搵到. {{cite web}}: Unknown parameter |dead-url= ignored (|url-status= suggested) (help)
  63. ↑ "Castelobruxo Brazilian magic school. What is up with the description?". Reddit (英文). 2020-12-17. 原著喺2023-06-08歸檔. 喺2023-04-03搵到. {{cite web}}: Invalid |url-status=no (help)
  64. ↑ 〈日本にも魔法学校があった　「ハリー・ポッター」シリーズの作者J.K.ローリングさんが明らかに〉。《ニコニコニュース》 (日文)。2016-01-31。原著喺2016-01-31歸檔。
  65. ↑ "Mahoutokoro - J.K. Rowling getting sloppy?". Reddit (英文). 2016-02-03. 原著喺2023-06-03歸檔. 喺2023-04-03搵到. {{cite web}}: Invalid |url-status=no (help)
  66. ↑ Reese, Debbie (2016-03-10). "Native People Respond to Rowling". American Indians in Children's Literature (英文). 原著喺2023-04-02歸檔. 喺2023-04-02搵到. {{cite web}}: Unknown parameter |dead-url= ignored (|url-status= suggested) (help)
  67. ↑ Walker, Taté (2016-10-14). "JK Rowling's Anti-Native 'Magic' Racism – And How Authors Can Do Diversity Better". Everyday Feminism (美國英文). 原著喺2023-05-17歸檔. 喺2023-04-02搵到. {{cite web}}: Unknown parameter |dead-url= ignored (|url-status= suggested) (help)
  68. ↑ Keene, Adrienne (2016-03-08). "Magic in North America Part 1: Ugh". Native Appropriations (英文). 原著喺2023-04-03歸檔. 喺2023-04-03搵到. {{cite web}}: Invalid |url-status=no (help)
  69. ↑ Lee, Paula Young (2016-07-01). "Pottermore problems: Scholars and writers call foul on J.K. Rowling's North American magic". Salon (英文). 原著喺2023-06-08歸檔. 喺2023-04-02搵到. {{cite web}}: Unknown parameter |dead-url= ignored (|url-status= suggested) (help)
  70. ↑ Gross, Samantha (2016-08-31). "The Blatant Racism of J.K. Rowling's Ilvermorny Houses". Study Breaks (美國英文). 原著喺2023-04-02歸檔. 喺2023-04-02搵到. {{cite web}}: Invalid |url-status=no (help)

伸延睇睇

編輯
由「https://zh-yue.wikipedia.org/w/index.php?title=哈利波特裡面嘅魔法學校&oldid=2205564」收