維基百科

霍格華茲科目

霍格華兹科目係英國作家J·K·羅琳嘅兒童奇幻小說《哈利波特》系列同埋佢嘅衍生作品入面，作為虛構學校霍格華茲魔法與巫術學院所出現嘅學科。

霍格華茲嘅部分學科同麻瓜學校嘅好相似（例如天文學同魔法史），而其他學科（例如黑魔法防禦術）就係魔法世界特別先至有。霍格華茲嘅老師（學生會叫佢哋做教授）各自會去教一門專業學科。

一至五年級嘅必修學科包括：黑魔法防禦術、變形術、符咒學、魔藥學、草藥學、天文學同埋魔法史，一年級另外仲有飛行學。二年級學期尾果陣，學生都一定要為佢哋三年級嘅課程入面加兩科以上嘅選修科。選修科有五個選擇，包括：奇獸飼育學、算命學、占卜學、麻瓜研究，同埋古代神秘文字研究[1]。如果學生有需求嘅話，高年級嘅最後兩年有時仲會開設煉金術等等呢啲專門學科[1]。

必修學科 編輯

黑魔法防禦術 編輯

黑魔法防禦術Defence Against the Dark Arts，呢科係教學生點樣去抵禦黑魔法（中文：哈利波特中的魔法符咒#黑魔法），仲有保護佢哋唔好受黑暗嘅魔法生物（例如吸血鬼、狼人（中文：狼人 (哈利波特)）同黑妖精...等）嘅傷害。喺《哈利波特：死神的聖物》裡面，食死人掌控學校事務，而呢科改名做黑魔法Dark Arts，仲要學生對被罰留堂嘅同學施展酷刑咒（中文：哈利波特中的魔法符咒#不赦咒）[2]。

呢個學科嘅教授據講俾佛地魔落咗詛咒，教授係一個學年就要轉一任。羅琳喺一次訪問入面宣佈，呢個學科嘅詛咒喺佛地魔死咗之後就解除咗，而且喺《死神的聖物》同19年後嘅後記（中文：後記）之間，呢個學科一直有個常任教授喺度教緊；另外，羅琳仲想像到哈利·波特偶爾都會返去學校嘅黑魔法防禦術課堂果度做客席教授[3]。

教授 編輯

《哈利波特》系列入面嘅教授：

《哈利波特》系列前嘅教授：

《哈利波特》系列後嘅教授：

變形術 編輯

變形術Transfiguration，呢科係教學生各種變形咒嘅學科，例如將一樣嘢變成另一樣嘢，甚至係動物。變形術係一門以理論為基礎嘅學科，包括例如淨係改變某樣物體嘅一部分，好似海格俾哈利嘅表哥達力一條豬尾嘅「轉換咒Switching Spells」、令物體完全消失嘅「消失咒Vanishing Spells」[4]，同埋憑空創造物體嘅「召喚咒Conjuring Spells」[4]。佢可以將無生命嘅嘢變成有生命嘅物體，掉返轉都得。例如，麥教授喺《哈利波特：神秘的魔法石》入面將張書枱變成豬，然後又將佢變返做書枱[5]。

教授 編輯

《哈利波特》系列入面嘅教授：

符咒學 編輯

符咒學Charms係一門教學生點樣開發魔法同用咒語嘅課程。羅琳將佢形容做一種涉及賦予對象新鮮同意想唔到屬性嘅魔法咒語[6]。小說裡面提咗幾次符咒學嘅課室喺霍格華茲嘅二樓，因為符咒學嘅課程係實用性為主，果堂被形容做出晒名咁嘈雜同混亂。

《哈利波特》系列入面嘅教授：菲力·孚立維（中文：霍格華茲教職員列表#菲力·孚立維）：雷文克勞學院嘅導師。

魔藥學 編輯

 
魔藥學課室。

魔藥學Potions係一門教授調製魔藥嘅藝術，佢需要喺啱嘅時間同溫度之下正確咁去將成分混合同攪拌。賽佛勒斯·石內卜嘅課堂被描寫做霍格華茲城堡陰暗嘅地牢裡面唔開心又壓抑嘅時光，而接替石內卜嘅赫瑞司·史拉轟（中文：赫瑞司·史拉轟）開朗啲，甚至係更加有趣。羅琳解釋話，佢將石內卜寫成哈利喺霍格華茲學院裡面嘅大敵，係因為佢自己好憎化學堂，而化學堂相當於霍格華茲裡面嘅魔藥學[7]。至於麻瓜係咪可以釀造魔藥嘅問題，羅琳喺《Pottermore（中文：Wizarding World (網站)）》網站上面證實，「製作魔藥總係需要用到魔杖[8]。」

教授 編輯

《哈利波特》系列入面嘅教授：

草藥學 編輯

草藥學Herbology係針對魔法植物嘅研究，同埋點樣辨認、照顧、利用同對抗佢哋。小說入面描述咗霍格華茲有至少三個溫室，裡面種植咗各種魔法植物。

教授 編輯

《哈利波特》系列入面嘅教授：

天文學 編輯

天文學Astronomy嘅內容包括用望遠鏡嚟觀察夜空。就正如《哈利波特：死神的聖物》裡面所講，占星塔係霍格華茲最高嘅三座塔之一。小說裡面無真正咁講到天文學課程，但係成日會提到。天文學嘅課室喺霍格華茲最高嘅占星塔。已知嘅學生作業活動包括咗學習恆星、星星同星座嘅名仲有位置、運轉同環境。

《哈利波特》系列入面嘅教授：奧羅拉·辛尼區（中文：霍格華茲教職員列表#教職員及職位）

魔法史 編輯

魔法史History of Magic係對魔法歷史嘅研究，關於巫師歷史上重大事件嘅課堂，佢嘅主題包括妖精叛亂、巨人戰爭同巫師保密嘅起源。喺小說系列嘅時間軸，呢個係霍格華茲裡面唯一由幽靈教授嘅課堂，因為果個教授從來都無注意到佢已經死咗仲繼續教書，就好似咩都無改變咁。

《哈利波特》系列入面嘅教授：卡斯伯特·丙斯（中文：霍格華茲教職員列表#教職員及職位），全校唯一嘅幽靈教授，佢仲老過鄧不利多。丙斯嘅教書方式好鬼齋，佢可以喺五分鐘內令課室裡面所有學生入咗昏睡狀態。

飛行學 編輯

飛行學Flying係教學生點樣用飛天掃帚（中文：哈利波特中的魔法物品#飛天掃帚）去飛，係一年級學生嘅特別必修課程。系列入面描寫到飛行學課程嘅淨係得《哈利波特：神秘的魔法石》。呢個課程喺跟住落嚟嘅集數入面就無再提及到，而且佢亦唔屬於學校五年級普等巫測（O.W.L.）嘅考試科目。

《哈利波特》系列入面嘅教授：胡奇夫人（中文：霍格華茲教職員列表#教職員及職位），飛行學嘅教授，兼任霍格華茲魁地奇（中文：魁地奇）學院盃球賽嘅裁判（中文：裁判 (體育)）。

選修學科 編輯

二年級學期尾果陣，學生都一定要為佢哋三年級嘅課程入面加兩科以上嘅選修科。

奇獸飼育學 編輯

 
海格嘅堂所用嘅課本《怪獸的怪獸書》

奇獸飼育學Care of Magical Creatures係教學生點樣去辨認同照顧魔法生物（中文：哈利波特中的生物）嘅課程。呢個課程喺霍格華茲城堡外面上堂。哈利喺霍格華茲嘅頭兩年，呢個學科係由焦壺教授（中文：霍格華茲教職員列表#教職員及職位）去教嘅，後來佢為咗「同佢淨低嘅四肢享受更多嘅時間」而退休，鄧不利多隨後就招募咗獵場看守員魯霸·海格兼任教授。雖然海格非常有經驗又知識淵博，不過佢對「正常人對危險嘅看法」並無危機感。其中一個例子就係，佢要求學生去用一本性情兇猛嘅書—《怪獸的怪獸書[9]》嚟做教科書。海格唔明白課堂上俾佢嘅學生帶嚟嘅風險[10]，有時仲搞到好混亂。當海格唔喺度果陣，佢嘅課程由鄧不利多熟識嘅女巫薇米·葛柏蘭（中文：霍格華茲教職員#教職員及職位）接手。

教授 編輯

古代神秘文字研究 編輯

古代神秘文字研究Study of Ancient Runes通常叫做古代文字Ancient Runes，佢係研究古代神秘文字嘅一般理論學科。因為喺系列入面淨係得妙麗讀呢科，所以讀者目前對呢科嘅內容所知甚少[11]。鄧不利多喺《死神的聖物》入面將佢用古代神秘文字寫成嘅《吟遊詩人皮陀故事集》副本以遺贈嘅方式送俾妙麗。

《哈利波特》系列入面嘅教授：芭斯謝達·巴布林（中文：霍格華茲教職員列表#教職員及職位）。

麻瓜研究 編輯

麻瓜研究Muggle Studies係一門「喺巫師嘅角度」嚟研究麻瓜文化嘅課程。小說裡面淨係提到妙麗選修呢科，而且淨係得一年嘅時間，所以讀者對呢個課程嘅內容所知甚少。因為慈恩·波八吉（中文：霍格華茲教職員#教職員及職位）喺《哈利波特：死神的聖物》入面正面咁去睇麻瓜，仲反對將魔法淨係得純血（中文：哈利波特世界觀與設定#純血）血統嘅人，所以佢就俾佛地魔謀殺咗。喺果個學年剩低嘅時間入面，麻瓜研究呢科由食死人艾朵·卡羅去教。不過，佢嘅課程（改咗做強制性嘅必修科）主要將麻瓜同麻瓜出身者（中文：哈利波特世界觀與設定#麻瓜出身）形容做不齒於人類而且抵去俾人殺。

教授 編輯

《哈利波特》系列入面嘅教授：

算命學 編輯

算命學Arithmancy係一個同數字嘅魔法屬性有關嘅魔法分支，佢據講係好難嘅科目，需要記住或者用好多圖表。因為哈利無選修到呢科，小說入面從未形容過呢個課程。不過，呢個係妙麗最鍾意嘅學科。《哈利波特：鳳凰會的密令》入面提到如果要成為古靈閣（中文：哈利波特中的地點#古靈閣巫師世界銀行）嘅解咒師，就要讀算命學呢科。

《哈利波特》系列入面嘅教授：塞蒂瑪·薇朵（中文：霍格華茲教職員列表#教職員及職位）。

占卜學 編輯

占卜學Divination意即預測未來嘅魔法。呢門學科嘅支持者聲稱呢個係一門唔精確嘅科學，佢需要有「心眼Inner Eye」咁嘅天份。占卜學有各種唔同嘅方法，包括咗：茶葉占卜（英文：Tasseography）、火兆fire omens、水晶球、掌相、紙牌卜卦（英文：Cartomancy）（包括閱讀傳統啤牌同塔羅牌）、占星術同解夢（中文：夢#解梦）。反對者認為呢個學科唔重要又有欺騙性，而麥教授形容占卜學係「魔法入面最唔精確嘅一個分支[12]」。

教授 編輯

《哈利波特》系列入面嘅教授：

現影術同消影術 編輯

現影術Apparition同消影術Disarrarition係霍格華茲六年級同七年級學生嘅選修科，用嚟去考現影術同消影術嘅許可證。魔法部嘅現形術教官微奇·推克羅Wilkie Twycross係哈利六年級教呢一科嘅教官。霍格華茲城堡同場地上面都設置咗魔法結界用嚟防止啲人喺城堡裡面用現形術同消影術（當然校長係有特權嘅[13]）；不過，呢啲保護措施根據《哈利波特：混血王子的背叛》入面解釋係會喺大禮堂入面暫時取消一段時間嚟去俾學生練習。果啲學生會被警告唔應該喺大禮堂出面用現影術，指呢個係唔聰明嘅做法。

「肢體異位Splinching」係現影術常見嘅錯誤。除非有人捉住咗用現影術嘅人件衫或身體，否則就唔可能透過現影術嚟追蹤任何人。

煉金術 編輯

煉金術Alchemy係《哈利波特》系列從未提及過嘅課程，羅琳用呢個作為霍格華茲喺有足夠需求下先至會為學生提供「專門」學科嘅例子。煉金術係製造魔法石嘅一種哲學傳統。據講佢有將賤價金屬變成黃金嘅能力，仲包括能夠令飲用者保持年輕同唔會死嘅長生不老藥Elixir of Life。

《哈利波特：神秘的魔法石》提到尼樂·勒梅（中文：尼古拉·弗拉梅爾）創造咗一粒魔法石，但佢喺哈利嘅一年級完結果陣被銷毀。

考試 編輯

霍格華茲嘅一至四年級學生一定要通過晒學期尾嘅必修學科考試，合格先至可以升班。

根據魔法部巫師考試局嘅規定，五年級學生一定要去參與嘅考試，簡稱做「普等試」嘅普通巫術等級測驗Ordinary Wizarding Levels (O.W.Ls)；去到七年級果陣就要去考簡稱做「超勞試」嘅超級疲勞轟炸式巫術測驗Nastily Exhausting Wizarding Tests (N.E.W.Ts)。兩者都係用英國中學教育制度嚟做藍本，例如超勞巫測就對應於英國高級程度會考（中文：普通教育高級程度證書）。

考試分數嘅評級分為六種，分別係：

考試分數嘅評級
評級 成績
Outstanding 傑出
Exceeds Expectations 超乎期待
Acceptable 合格
Poor 不佳
Dreadful 糟糕
Troll 山怪

頭三種表示合格，後三種表示唔合格。

普等試 編輯

普通巫術等級測驗Ordinary Wizarding Levels (O.W.Ls)係五年級學生一定要參與嘅考試，考試通常喺每年六月份舉行。考試期間，啲教授會喺考試卷上面施展魔法嚟防止學生出貓，同時嚴禁學生自己帶自動作答羽毛筆（中文：哈利波特中的魔法物品#書寫工具）、記憶球（中文：哈利波特中的魔法物品#記憶球），同埋自動更正墨水等呢啲嘢入去考場[14]。

普等試嘅主考官有兩位，分別係：禿福教授Professor Tofty同埋馬治邦教授Professor Marchbanks。

超勞試 編輯

超級疲勞轟炸式巫術測驗Nastily Exhausting Wizarding Tests (N.E.W.Ts)係七年級學生要參與嘅考試，普等試成績有「E」級以上嘅學生喺七年級果陣都會被推薦去報考超勞試[15]。哈利·波特、榮恩·衛斯理同妙麗·格蘭傑喺七年級果陣因為喺學校出面搵分靈體而無返學上堂就無去報考。

參考資料 編輯

  1. ↑ 1.0 1.1 Rowling, J.K. "Hogwarts School Subjects". Pottermore. 原著喺2019-10-02歸檔. 喺2012-04-22搵到.
  2. ↑ 《哈利波特：死神的聖物》 第29章。
  3. ↑ Brown, Jen (24 July 2007). "Stop your sobbing! More Potter to come". TODAYshow.com. NBC. 原著喺2020-06-30歸檔. 喺24 July 2007搵到.
  4. ↑ 4.0 4.1 《哈利波特：鳳凰會的密令》 第13章。
  5. ↑ 《哈利波特：神秘的魔法石》 第8章。
  6. ↑ Simpson, Anne (7 December 1998). "Casting a spell over young minds; Anne Simpson face to face with JK Rowling". The Herald. 原先內容歸檔喺10 January 2020. 喺20 April 2021搵到.
  7. ↑ Rowling, J K. "Potions". Wizarding World. 原著喺2019-11-22歸檔. 喺21 March 2020搵到.
  8. ↑ "Potions". Pottermore. 原著喺2016-04-15歸檔. 喺5 May 2017搵到.
  9. ↑ 呢本書原名係：Monster Book of Monsters。
  10. ↑ 《哈利波特：阿茲卡班的逃犯》同埋《哈利波特：火盃的考驗》。
  11. ↑ Steve Vander Ark. "HP-lexicon.org". HP-lexicon.org. 喺16 July 2011搵到.
  12. ↑ 《哈利波特：阿茲卡班的逃犯》 第6章。
  13. ↑ 《哈利波特：混血王子的背叛》。
  14. ↑ J·K·罗琳 (2003年10月). 《哈利波特——鳳凰會的密令 （下）》. 臺北: 皇冠文化. ISBN 957-33-1986-1.
  15. ↑ 楊季、馬博一 (2004年12月). 《歐美懸念文學簡史》. 長春: 時代文藝出版社. ISBN 7-5387-1895-8.
由「https://zh-yue.wikipedia.org/w/index.php?title=霍格華茲科目&oldid=2093259」收