哈利波特裡面嘅生物

哈利波特裡面嘅生物係英國作家J·K·羅琳最初創作嘅《哈利波特》系列同埋連結住魔法世界媒體嘅其中一個面向。哈利·波特同埋佢啲朋友喺果個系列裡面喺霍格華茲、禁忌森林或者係魔法世界嘅其他地方冒險果陣遇到好多呢啲嘅魔法生物。另外，霍格華茲嘅學生仲可以喺奇獸飼育學嘅課堂度學吓點樣去照顧鷹馬同埋獨角獸呢啲生物。系列入面嘅好多寵物都係有魔法嘅一般動物，例如係用嚟送信嘅貓頭鷹。

霍格華茲裡面有一個用鳳凰造型嘅升降台，可以直接通去校長辦公室。

呢啲魔法生物主要源自希臘神話，亦都有嚟自英國同埋斯堪的納維亞嘅民間傳說。好多關於傳說入面嘅周邊神秘生物都納入去小說裡面。「啲細路仔...知道我無發明到獨角獸，但我無得唔成日解釋我並唔係真係發明鷹馬嘅人」，羅琳喺接受英國廣播電台第4台嘅史提芬·弗萊訪問果陣話佢知，「當我用一種生物係我所知道嘅神話個體果陣，我希望盡可能了解佢，我可能唔會用佢，但我認為佢對劇情嘅一致性有好處。」

羅琳仲寫咗一本書《怪獸與牠們的產地》，呢本書係《哈利波特》系列裡面嘅魔法生物指南，改編自紐特·斯卡曼德嘅同名書，呢本書之後做咗霍格華茲學生必備嘅教科書。

奇獸學

喺《哈利波特》系列入面，奇獸學Magizoology係魔法同動物學嘅混成詞，係一種對奇獸嘅研究。研究奇獸學嘅人一般都被叫做奇獸學家Magizoologist 。好多奇獸學家都喺魔法部做嘢，特別係奇獸控管部門。

哈利波特系列嘅魔法世界裡面，有一本叫做《怪獸與牠們的產地》嘅奇獸教科書，作者係奇獸學家紐特·斯卡曼德，佢亦都係《哈利波特》前傳故事《怪獸與牠們的產地》系列電影嘅主角。

法律規範和等級

魔法部嘅奇獸控管部門負責監督同管理奇獸。果個部門分咗做三個屬下分部：怪獸司Beast Division 、靈性生物司Being Division同埋靈魂司Spirit Division。

一般嚟講，根據《怪獸與牠們的產地》入面嘅定義，「靈性生物」通常被定義做「任何有足夠智慧嚟去理解魔法社區嘅法律仲承擔制定呢啲法律嘅部分責任」嘅生物，呢啲包括人類、矮人、家庭小精靈、巨人、妖精、巫婆、同埋吸血鬼。小仙子、小精靈、地精同埋大多數其他生物都被歸類做「怪獸」；而同鬼魂同幽靈相關嘅生物納入去「靈魂司」。

呢啲定義並唔係無問題：狼人同化獸師通常係用人形嘅方式出現，但佢哋可能會化身做動物（狼人只可以喺滿月果陣由人類嘅狀態轉變，而化獸師就係一種識得隨意變做動物嘅人類）。佢哋嘅分類並唔明確，負責狼人嘅辦公室存在喺野獸同靈性生物嘅分部。報喪女妖同催狂魔等等呢啲危險生物從來未被正式歸類。另外，據講好似人馬、矮精靈同人魚等呢啲生物拒絕被列入「靈性生物」之下，他們轉而支持被列入「怪獸」。因為咁令佢哋嘅法律地位好模糊。

小說裡面嘅書《怪獸與牠們的產地》用「X」嚟標記每種奇獸嘅威脅程度：

• 五個X：巫師殺手／不可能被馴化；
• 四個X：危險／需要專業知識／熟手嘅巫師可以應付到；
• 三個X：有能力嘅巫師應該可以應付到；
• 兩個X：無害／可能被馴化；
• 一個X：無害／無聊。

有啲奇獸受到高度尊重，例如人馬、獨角獸、不死鳥同埋人魚都被賦予咗四個X嘅等級。

怪獸同埋佢哋嘅分類

下面係哈利波特世界入面提到嘅奇獸列表。

對於成個系列入面提到嘅魔法植物列表，好似係魔鬼網Devil's Snares同埋魔蘋果Mandrakes，請參見哈利波特裡面嘅植物。

怪獸

以下提到曾經喺哈利波特嘅世界裡面出現嘅生物都被納入怪獸Beasts。羅琳喺神話同民間傳說入面汲取咗靈感，好似：爆尾釘蝦Blast-Ended Skrewt就係火螃蟹Fire Crab同人面蠍尾獅Manticore嘅混種；陰屍Inferi既唔係屬於怪獸亦都唔屬於靈性生物，佢只係一個動態嘅屍體，無自己嘅意志。

A

• 八眼巨蛛Acromantula：一種識講人話嘅巨型蜘蛛。
• 火灰蛇Ashwinder：當魔法火焰燒得過耐就會被創造出嚟嘅一種好似蛇咁樣嘅生物。
• 報喪鴉Augurey：一種睇起嚟神情哀傷嘅灰綠色雀仔，佢又會被叫做愛爾蘭鳳凰Irish Phoenix。

B

• 蛇妖Basilisk：望住佢足以喺幾秒鐘內將人殺死嘅巨蛇。
• 雙角獸Bicorn：好似牛仔一樣有兩隻犄角嘅怪獸，每年都會換角。雙角獸嘅一隻角係變身水Polyjuice Potion嘅其中一種成分。
• 大腳怪Bigfoot/Sasquatch：一種原產喺北美嘅類人猿生物。
• 旋舞針Billywig：一種鮮豔藍色嘅澳洲昆蟲，佢嘅身體嘅底部有一條長而彎嘅毒針，被拮傷嘅受害者會頭暈眼花，然後就漂浮。呢種昆蟲好常見，但好少俾麻瓜注意到。喺《怪獸與牠們的產地》入面，有幾隻喺紐特·斯卡曼德嘅手提箱入面走甩咗。
• 爆尾釘蝦Blast-Ended Skrewt：由魯霸·海格培育由火螃蟹Fire Crab同人面蠍尾獅Manticore雜交繁殖出嚟嘅危險生物，佢睇起嚟就好似無頭嘅龍蝦咁嘅樣。佢喺《哈利波特：火盃的考驗》入面第一次亮相，係海格作為奇獸飼育學教授向學生去教嘅怪獸之一。
• 木精Bowtruckle：一種棲息喺樹上面嘅木質生物，佢哋係食昆蟲嚟做物，人類好難察覺佢哋。薇米·葛柏蘭Wilhelmina Grubbly-Plank教授幫海格代課果陣，佢喺五年級嘅奇獸飼育學課堂上講解咗有關佢哋嘅知識。羅琳喺《Pottermore》上面寫：「佢哋係『淨係揀棲息喺有價值樹木上面嘅選擇性生物』。」由於佢哋所棲息嘅樹係可以用嚟製作魔杖嘅木材，所以佢哋俾人叫做「魔杖製造者嘅朋友」。
• 綠黴怪Bundimun：好似有眼睛咁，睇起嚟微微發綠嘅真菌。

C

• 半人馬Centaur：頭同上半身似人類，但下半身好似馬嘅生物（包括有四隻腳同尾）。
• 獅面龍尾羊Chimaera：一種原產喺希臘嘅混血怪獸，呢個係希臘神話裡面有住獅頭、山羊身同火龍尾嘅生物，非常之嗜血暴力。
• 吞魔蟲Chizpurfle：酷似螃蟹嘅寄生蟲，佢哋寄生喺報喪鴉Augurey同叉尾犬Crup嘅皮毛同羽毛上面。
• 吸血怪Chupacabra：一種半蜥蜴同半荷鼆人仔嘅吸血生物。
• 猴蛙Clabbert：一種樹棲生物，類似於青蛙同馬騮嘅雜交體。
• 雞蛇Cockatrice：一種好似公雞咁但有蜥蜴尾嘅生物。俾佢望住可以喺幾秒鐘內將人殺死。
• 叉尾犬Crup：一種類似帕森羅素梗同傑克羅素㹴嘅魔法犬種，但係佢有一條分叉嘅尾。

D

• 幻影猿Demiguise：佢哋係一種紅毛猩猩屬嘅魔法草食性生物，有黑色嘅眼同長長嘅毛髮，性情溫馴，能夠令到自己隱形。佢哋嘅視覺係有預知能力，能夠睇到未來最可能發生嘅情景，令到佢哋好難去捕捉。佢哋能夠隱身，所以佢哋嘅皮毛成日用嚟整隱形斗篷，所以好值錢。不過隨住時間嘅流逝，由幻影猿皮毛製成嘅隱形衣物會變得唔透明而無效。
• 謎蹤鳥Diricawl：麻瓜會叫佢哋做渡渡鳥Dodo，佢哋係一種喺受到威脅果陣會消失嘅雀仔。
• 黑妖精Doxy：佢哋又被叫做咬人仙子Biting Fairy，係類似於小仙子咁嘅怪獸，有4隻手同4隻腳。佢哋喺《怪獸與牠們的產地》入面睇起嚟更似蜥蜴。

喺《哈利波特系列電影》入面嘅匈牙利角尾龍。

奧特蘭嘅環球影城嘅烏克蘭鐵腹龍。

• 龍Dragon：佢哋係一種有翼嘅噴火爬行動物。龍喺《哈利波特系列電影》入面被形容做用翼嚟代替手臂，好似蝙蝠咁樣喺建築物上面爬。龍嘅心弦係三種用嚟製作魔杖嘅主要核心材料之一。
  • 紐澳彩眼龍Antipodean Opaleye：原產地喺新西蘭山谷嘅火龍，佢雙眼係五彩斑斕但係無瞳孔嘅，同埋個身有好似珍珠咁樣嘅鱗片。
  • 中國火球龍Chinese Fireball：原產地喺中國嘅火龍，佢哋又叫做獅龍Lion Dragon。佢哋對眼非常之突出，面上有一圈好似金穗咁樣嘅龍鬚，佢哋嘅身係猩紅色，仲有光滑嘅鱗片。佢哋嘅名源自於佢鼻哥窿噴出嚟嘅蘑菇狀嘅火球。維克多·喀浪Viktor Krum喺《哈利波特：火盃的考驗》嘅三巫鬥法大賽入面抽中咗頸上編號係3嘅中國火球龍。
  • 威爾士綠龍Common Welsh Green：原產地喺威爾斯，全身佈滿咗平滑嘅綠色鱗片。佢嘅大名係嚟自由威爾士綠龍襲擊麻瓜海灘而引起嘅伊爾弗朗姆事件Ilfracrombe Incident。好彩嘅係，一個喺果邊度緊假嘅巫師家庭避免咗任何傷亡。威爾士綠龍係三巫鬥法大賽期間果四條龍之中體型最細嘅一條。花兒·戴樂古Fleur Delacour喺三巫鬥法大賽入面抽中咗頸上編號係2嘅威爾士綠龍。
  • 布里底黑龍Hebridean Black：原產地喺蘇格蘭赫布里底群島嘅龍，佢對眼係亮紫色，個身係黑色，沿着佢嘅背脊有粗糙嘅鱗片，條尾呈箭頭形嘅尖峰，體型可以長到三十英尺咁長。
  • 匈牙利角尾龍Hungarian Horntail：原產地喺匈牙利。佢對眼係黃色，外觀有好似蜥蜴咁嘅黑色鱗片，背脊上面有突出青銅色嘅角，仲一直延續去到佢條尾上面。佢噴火嘅射程可以去到50英呎（查理亦提到其餘三條龍嘅射程唔超過20呎），所以佢被形容做最危險嘅龍。哈利·波特喺三巫鬥法大賽入面抽中咗頸上編號係4嘅匈牙利角尾龍。
  • 挪威脊背龍Norwegian Ridgeback：原產地喺挪威北部山區。海格曾經收到一隻挪威脊背龍嘅蛋，仲違反禁令喺佢自己間屋仔度養，佢將條龍改名做「蘿蔔Norbert」，但係佢最後都無得唔將蘿蔔交俾喺龍隻保護區做嘢嘅查理·衛斯理去照顧；海格後嚟先發現蘿蔔實際上係雌性，所以再幫佢改名做「蘿蔔塔Norberta」；挪威脊背龍類似匈牙利角尾龍，唔同嘅地方係挪威脊背龍背脊上面有黑色嘅稜刺，佢哋嘅身體有啡色啲嘅紋理。佢嘅身體有好多用途，無論係皮膚、血液、肝或者係屎喺各種層面上面都有唔同嘅功效──佢嘅心弦可以用嚟做製作魔杖嘅材料；古靈閣就會用挪威脊背龍嚟守衛地下金庫。
  • 秘魯毒牙龍Peruvian Vipertooth：一個有毒嘅火龍品種，原產地喺秘魯東部同東北部。佢哋嘅頭上面有犄角，鱗片呈黃銅色得嚟好光滑，佢哋背脊上面有一條黑色嘅脊隆，體長喺十五英尺左右。佢哋係好似佢哋嘅名咁樣，啲牙齒帶有劇毒，就好似同挪威脊背龍咁。秘魯毒牙龍係已知嘅所有火龍入面體型最細而速度最快嘅火龍。佢哋以山羊同奶牛嚟做食物，但都鍾意食人類。
  • 羅馬尼亞長角龍Romanian Longhorn：原產地喺羅馬尼亞山區，佢哋有一對長長哋又閃閃發光嘅金色犄角，同埋佢哋個身有深綠色嘅鱗片。佢哋鍾意用犄角將獵物壓死，之後噴火將獵物燒熟。由於長角龍嘅犄角喺磨成粉末之後可以用嚟製成魔藥，仲有好高嘅藥用價值，所以巫師世界嘅人為咗獲得佢嘅犄角，搞到佢哋喺近年嚟俾人大量捕獵，令到佢哋嘅數量急劇咁減少。羅馬尼亞長角龍嘅自然棲息地已經成為咗世界上最大同最重要嘅火龍保護區。
  • 瑞典短吻龍Swedish Short-Snout：原產地喺瑞典北部嘅山區，佢哋嘅身體係好靚嘅銀藍色，頭上面有長長嘅尖角，佢嘅噴出嚟果種光猛嘅藍色火焰可以喺幾秒鐘嘅速度將目標燒成灰燼。西追·迪哥里喺三巫鬥法大賽入面抽中咗頸上編號係1嘅瑞典短吻龍。
  • 烏克蘭鐵腹龍Ukrainian Ironbelly：原產地喺烏克蘭，佢哋係有史以嚟最大品種嘅龍。佢哋個身體圓碌碌咁，雙眼係深紅色，鱗片係金屬果種灰色，翼展好長。佢哋嘅爪特別長，而且特別狠毒，據講佢嘅長爪同粗糙嘅鱗片好似鋼鐵一樣咁堅硬。佢哋嘅體重可以去到六噸咁重，係一種世界上體型最大嘅火龍。雖然佢哋嘅飛行速度比起其他品種嘅火龍仲要慢，但係佢哋仍然係好危險，佢哋可以喺落地果陣時將住宅嘅屋壓到變成粉。
• 泥怪Dugbog：類似鱷魚嘅生物，喺靜止果陣類似一舊枯木。

E

• 食童怪Erkling：好似精靈咁嘅生物，識得利用音樂嚟引誘人類細路仔，然後食咗佢哋。
• 爆角怪Erumpent：睇起嚟好似犀牛嘅生物，身邊圓潤，佢哋嘅角裡面含有爆炸性液體。

F

• 小仙子Fairy：好似人類咁樣又有昆蟲嘅翼咁樣嘅細小生物，佢哋嘅性格極其傲慢又蠢。
• 火螃蟹Fire Crab：類似於陸龜同蟹之間嘅雜交。佢嘅喺受到威脅果陣會喺尾部開火。
• 火蜥蜴Fire-Dwelling Salamander：一種類似蜥蜴嘅生物，以火焰嚟做食物。
• 肉食鼻涕蟲Flesh-Eating Slug：一種類似喺花園生存嘅蛞蝓，佢哋嘅口水帶有腐蝕性。
• 黏巴蟲Flobberworm：一種體長10英吋而且無牙嘅啡色蠕蟲，佢哋最鍾意食生菜，不過差唔多所有嘅植物佢哋都會食，唔去理佢哋就係最好嘅照顧方法。呢種生物雖然可以用嚟製作魔藥，不過佢哋係一種好無聊又無顯著魔法能力嘅生物，所以佢哋喺魔法部嘅分類係最低嘅級別：一個X。
• 彩鳴鳥Fwooper：顏色鮮豔嘅雀仔，佢哋嘰嘰喳喳嘅歌聲會令聽嘅人發癲。

G

• 食屍鬼Ghoul：全身好似沾滿晒黏液仲有齙牙嘅食人魔。
  • 變色龍食屍鬼Chameleon Ghoul：能夠偽裝扮成日常物品嚟逃避偵測嘅食屍鬼。
• 巨烏賊Giant Squid：霍格華茲附近嘅黑湖裡面嘅巨大生物。
• 哭蜜蟲Glumbumble：一種類似於大黃蜂嘅昆蟲，佢產生嘅一種糖漿會引起食用嘅人覺得憂鬱。
• 地精Gnomes：喺歐洲同北美地區發現嘅怪獸，人人都知佢哋會感染巫師家庭嘅花園，佢哋曾經喺衛斯理一家嘅花園裡面出現過；喺巫師工具書《吉德羅·洛哈教你清除家庭害蟲Gilderoy Lockhart's Guide to Household Pests》裡面提到佢哋，防治嘅方法係將佢哋舉喺頭上面，用力轉到佢哋頭暈眼花就出盡力拋佢哋出去。
• 金探鳥Golden Snidget：一種金黃色嘅雀仔，佢哋對翼可以完全旋轉。最出名嘅係用喺早期嘅魁地奇，佢哋最終由金探子取代。
• 紫角獸Graphorn：一種危險同有攻擊性嘅怪獸，可以喺歐洲各地嘅山區見到。佢哋係一種好似踝節目一樣嘅生物，類似刃齒虎咁身形龐大而且背部拱起，佢哋身上灰紫色嘅皮比起火龍嘅仲要結實，佢哋頭上有兩支好鋒利嘅金色長角，嘴裡面有黐𣲷nap6𣲷嘅觸手，仲用四個指頭嘅獸足嚟行路。大部分嘅咒語對紫角獸嚟講係無作用嘅。佢哋係山地山怪最鍾意嘅坐騎，呢樣嘢搞到紫角獸覺得好沮喪。
• 獅鷲Griffin：佢哋嘅身體部分係鷹，部分係獅子。
• 滾帶落Grindylow：有細細隻犄角嘅綠色水妖，係一種黑怪獸。佢哋果啲細長又搲wea緊嘅手指非常之有力，但係又非常易碎。即使佢哋喺小說入面並無描述到佢哋嘅身體，不過呢個系列嘅電影俾佢哋有好似八爪魚觸手咁樣嘅腳。
• 狗靈Gytrash：鬼嘅靈魂，佢哋嘅體型有狗咁大隻，而且條尾係分叉嘅。

H

• 幻影鬼Hidebehind：佢哋係由幻影猿同食屍鬼喺偶然嘅情況下非法雜交產生嘅怪獸。
• 幻影鬼Hinkypunk：彷彿是煙霧凝成嘅單腳生物，外表睇起嚟相當脆弱而無害，但會喺夜晚拎住掛喺佢哋手上燈籠，利用燈光嚟引誘旅行嘅人陷入去泥沼。
• 馬魚Hippocampus：海洋生物，有馬嘅頭同埋前腳，同埋魚嘅背脊同尾。

海格喺《阿茲卡班的逃犯》入面所養嘅一隻叫巴嘴嘅鷹馬。

• 鷹馬Hippogriff：一種半鷹半馬嘅生物，有好似大老鷹咁樣嘅頭部、翼同埋後腳，佢嘅身、前腳同尾就好似一隻馬咁樣。佢哋有大而明亮嘅橘色雙眼同埋兇殘嘅鋼青色鳥喙。佢哋嘅個性非常之驕傲而且又容易發嬲，當行埋去佢哋身果時，需要鞠躬咗先然後靜靜咁等佢回應，仲要持續咁注視住佢嘅眼嚟表示並無惡意，如果佢肯回禮就即刻話佢俾對方行埋去仲可以摸吓佢。巫師可以擁有佢哋，但前提係要每天對佢哋施展滅幻咒Disillusionment Charm。魯霸·海格都曾經有一隻叫做巴嘴Buckbeack嘅鷹馬嚟做寵物。
• 紅眼怪Hodag：有角嘅犬齒獸亞目生物，類似於青蛙同狗嘅雜交，佢嘅頭部好似青蛙咁樣。
• 毛菇精Horklump：類似蘑菇嘅粉紅色肉質生物，無明顯嘅用途。
• 長角水蛇Horned Serpent：源於北美洲原住民神話，係有角嘅巨型海蟒。

I

• 小惡魔Imp：源於歐洲神話傳說同民間迷信入面常見嘅生物，佢哋喺英國同愛爾蘭被人發現到，身高同綠仙Pixie相似。

J

• 加卡洛普Jackalope：有鹿嘅鹿角，生得類似兔屬嘅生物。
• 魔貂Jarvey：好似矇眼貂咁生長過度嘅生物，淨係可以簡短咁講嘢，成日好粗魯咁陳述嘢。
• 啞鳥Jobberknoll：藍色斑點嘅雀仔，直到佢哋死之前一刻先至發出啲聲，然後佢哋會發出一聲長長嘅尖叫聲，當中包含佢哋聽過嘅每一個向後嘅聲音組成。

K

• 河童Kappa：日本嘅河妖。佢哋可以利用自己頭上面嘅窿嚟把將水儲埋，咁就令佢哋可以喺短時間內離開水。
• 凱爾派Kelpie：變形嘅水生生物，通常係一匹用海帶嚟做鬃毛嘅馬。佢哋會將浸親嘅騎手拖落去將佢浸死（大型嘅凱爾派被叫做尼斯湖水怪）。
• 魔刺猬Knarl：好似刺蝟咁樣嘅生物，喺人哋俾食物佢哋果陣時永遠唔會相信屋裡面嘅主人，反而會喺佢哋嘅花園裡面造成嚴重破壞。
• 獅尾貓Kneazle：生得好似貓嘅怪獸，佢哋嘅鬃毛同尾巴好似獅子。佢哋有長長哋嘅耳仔，皮毛上面有各種唔同嘅斑點。佢哋非常之聰明而獨立，但有一定嘅攻擊性。獅尾貓出晒名能夠檢測到唔值得信賴嘅人出嚟；如果一隻獅尾貓同巫師或者女巫結緣嘅話，佢可以成為好好嘅寵物；如果佢哋嘅主人蕩失路，佢可以帶住佢嘅主人安全咁返到屋企。由於獅尾貓有時會對人類有攻擊性，所以魔法部將純血嘅獅尾貓定義嘅分類係「XXX」；妙麗隻貓歪腿Crookshanks係混血嘅獅尾貓。

L

• 矮精靈Leprechaun：一種很好奀皮搗蛋嘅怪獸，佢哋有時都會被叫做勞瑞科恩Clauricorn，佢哋類似矮人同黃金相關嘅生物，既能夠呃到麻瓜，亦都能夠呃巫師。
• 吸魂衣Lethifold：類似催狂魔咁嘅生物，鍾意食人肉。
• 獾面獅尾鹿Leucrotta：類似駝鹿咁嘅生物，佢哋個嘴大啲。
• 水筆妖Lobalug：佢哋係生活喺北海海底嘅水生生物，體長十英吋。佢哋係結構簡單嘅動物，由一個好有彈性嘅噴嘴同一個毒液囊組成。當佢哋受到威脅果陣時會噴毒液出嚟，因為咁亦都俾人魚利用嚟做武器。

M

• 黴蝦Mackled Malaclaw：類似龍蝦嘅海洋生物。當俾佢哋咬傷果陣時，佢會產生一種唔尋常嘅副作用，會令到受害者行衰運長達一個禮拜。
• 人面蠍尾獅Manticore：有着人類嘅頭、獅子嘅身體同蠍子一樣刺尾嘅肉食性動物，仲識得講人類嘅語言。
• 蟎墨魚Marmite：非常細隻魷魚咁樣嘅怪獸，佢哋嘅觸手比較長，透明嘅身體能夠喺黑暗裡面發光。
• 黑貓魔Matagot：根據法國南部嘅一啲口述傳統，「黑貓魔」或者「Mandagot」係一種大部分未確定嘅動物形態靈魂，據講成日存在黑貓、老鼠、狐狸、狗或牛嘅形態。
• 人魚Merpeople：傳說中生活喺湖裡面嘅生物，係一種半人半魚嘅水中動物，佢哋有鱗狀嘅尾嚟代替腳。佢哋係哈利·波特喺三巫鬥法大賽入面遇見嘅生物，已知識得人魚話嘅人包括阿不思·鄧不利多同埋巴堤·柯羅奇。
  • 美人魚Mermaid：人魚女性，一般被認為有好靚嘅美貌。
  • 人魚男Merman：人魚男性，佢哋腰部以上係人類男性嘅身體，腰腰部以下就係魚類嘅尾部。同美人魚相比，人魚男喺傳統上被形容係無吸引力，不過現代有啲描述話佢嘅係型仔嘅。
  • 人魚Merrow：源自愛爾蘭嘅人魚。
  • 人魚Selkie：源自蘇格蘭嘅人魚。
  • 海妖Siren：源自希臘嘅人魚，佢係希臘神話入面嘅一種女妖怪，佢哋被認為係人魚之中最靚嘅。
• 伸縮蜥Moke：原產喺大不列顛群島銀綠色皮膚嘅蜥蜴。伸縮蜥能夠隨意縮細令到麻瓜睇唔不到佢哋。佢哋嘅皮革俾人用嚟整當陌生人行近果陣時會縮細嘅錢包。
• 拜月獸Mooncalf：牛科嘅生物，喺滿月嘅晚上會喺洞穴入面走出嚟。
• 海葵鼠Murtlap：無毛髮嘅生物，類似於一隻背脊有柔軟多肉刺嘅大老鼠。就算佢本質上類似囓齒動物，但佢哋係一種以海洋嚟做基礎嘅哺乳動物，可以喺英國沿海嘅地區搵到。

N

• 玻璃獸Niffler：好似鼴鼠咁細隻，身體有硬齒鴨嘴獸特徵嘅怪獸（例如有好似鴨咁長長而扁平嘅嘴同鼻，有好似水獺或海狸咁嘅腳蹼，同埋長而扁平嘅尾）。佢哋對於囤積閃閃發光嘅嘢好痴迷，通常將果啲嘢放喺佢自己嘅育幼袋裡面，直到佢返去自己嘅洞穴；佢喺電影《怪獸與牠們的產地》裡面擔當住重要嘅角色。
• 木尾豬Nogtail：惡魔咁樣嘅生物，佢哋以眯眯嘅黑眼睛、長腿、又粗又短嘅尾，同埋發育不良嘅豬仔形態出現，困擾住農場同埋穀倉。
• 毒豹Nundu：好似豹咁嘅巨型生物，佢哋含有毒嘅氣息。

O

• 兩腳蛇Occamy：原產喺遠東同印度地區嘅怪獸，佢嘅身軀呈蛇形同埋有蛇紋，有羽翼同兩隻腳，類似於龍同埋鳥雜交繁殖出嚟嘅生物。佢嘅係卵生而且係喺蛋裡面孵化出嚟，佢嘅蛋殼由純度最高嘅銀製成，所以佢嘅價值都唔會少。佢哋係能夠「隨意伸縮choranaptyxic」嘅，呢個意味住佢嘅身體能夠增大或縮小嚟適應佢可以用嘅空間。兩腳蛇曾經出現喺電影《怪獸與牠們的產地》。

P

阿不思·鄧不利多嘅寵物─佛客使。

• 鳳凰Phoenix：佢哋係一種神奇嘅紅色雀仔，佢哋有能力承載無比沉重嘅負荷，佢哋嘅眼淚仲有療癒傷病嘅力量，佢哋亦都係能夠轉世，會成世都跟住佢哋嘅主人，然後飛向未知嘅地方。佢哋嘅原型係西方神話入面嘅不死鳥，並唔係東方神話嘅鳳凰。據講佢哋嘅歌聲能夠鼓勵高尚嘅人，亦都令壞人驚到震。當佢哋去到燃燒日果陣時就會自我燃燒，最後喺灰燼裡面重生。鳳凰尾嘅羽毛亦都係製作魔杖核心嘅材料之一。阿不思·鄧不利多嘅寵物—佛客使Fawkes係成個《哈利波特》系列入面最出名嘅鳳凰，佢係成個系列入面突出嘅怪獸，佢嘅兩條尾羽係分別用嚟整咗佛地魔同哈利·波特魔杖，而鳳凰似乎同鄧不利多嘅家族有密切嘅聯繫。
  • 鳳王鳥Hoo-hoo：日本嘅一種鳳凰。
• 綠仙Pixie：喺英國同愛爾蘭發現嘅細細嘅麻煩製造者；康和郡嘅綠仙喺《消失的密室》裡面曾經喺吉德羅·洛哈嘅黑魔法防禦術課堂上面出現，當佢哋被釋放出嚟就即刻喺課室裡面掀起好似煉獄咁嘅混亂。
• 長腿魚Plimpy：好似魚一樣但有腳嘅生物，人魚認為佢哋係害蟲。
• 石鬼Pogrebin：類似地精咁嘅惡魔，但佢更似一塊石頭而唔係薯仔。
• 醜馬夫Porlock：用嚟守護馬匹嘅類似薩佗咁嘅小生物。
• 蒲绒绒Puffskein：好似圓波咁嘅怪獸，有奶油咁嘅黃色軟毛覆蓋住身體。佢哋係食腐動物，由蜘蛛到食剩嘅飯乜嘢都食，好容易湊。佢哋會喺覺得滿足果陣時發出嗡嗡嘅聲。佢哋係巫師世界細路仔嘅一種好受歡迎嘅寵物，佢哋並唔討厭俾人攬住或者扔嚟扔去。佢哋嘅毛髮帶有魔法屬性，可以用嚟做魔藥嘅原料。齊格蒙特·巴奇Zygmunt Budge喺佢整大笑藥水嘅配方入面就加咗蒲绒绒嘅毛。
  • 阿帕盧薩蒲绒绒Appaloosa Puffskein：類似於同名嘅馬嘅品種，佢係非法繁殖嘅生物品種。
  • 尖牙蒲绒绒Fanged Puffskein：非法培育出嚟有尖牙嘅品種。
  • 迷你蒲绒绒Pygmy Puff：衛氏巫師法寶店培育，同埋係粉紅色或者紫色嘅迷你版蒲绒绒。

Q

• 五足獸Quintaped：類似於有塊面嘅海星，係肉食性嘅五足生物。

R

• 錨魚Ramora：守護漁民嘅魔法魚類。
• 紅帽精Red Cap：類似地精咁矮嘅生物，佢哋嘅帽利用俾佢哋猛擊受害者嘅血染成紅色，呢個就係佢哋個名嘅由來。
• 金牛Re'em：好似金牛咁嘅生物，佢哋嘅血液可以增強飲用者嘅力量。
• 三頭蛇Runespoor：有三個頭嘅巨蛇，佢哋呈橘黃色嘅身長六至七英尺，帶有黑色條紋。

S

• 人面獅身獸Sphinx：埃及原產嘅生物，好似佢個名咁樣有人類嘅樣同獅子嘅身。佢哋有能力發表人類嘅言論，最叻係出謎語同謎題。哈利佢哋喺「三巫鬥法大賽」果陣遇到佢，哈利好唔容易先至破解佢嘅謎語而通去最近獎盃嘅路。
• 變色蝸Streeler：一種巨型蝸牛，佢哋會留低一串有毒嘅黏液。
• 惡閃鴉Swooping Evil：帶有狼頭骨嘅有毒蝴蝶咁樣嘅生物，以人類嘅腦袋為糧食。

T

• 遁形豬Tebo：類似疣豬屬嘅生物，喺受到威脅果陣可以隱形。
• 三頭巨犬Three-headed dogs：霍格華茲入面用嚟守護住魔法石嘅三頭巨犬。當佢聽到音樂果陣時就會入到去沉睡狀態，當音樂完咗之後停果陣時就會即刻甦醒，仲會攻擊入侵佢領域範圍嘅對象。
• 雷鳥Thunderbird：一種有引起雷暴力量嘅雀仔，佢哋主要喺美國亞利桑那州發現。一隻叫做法蘭克Frank嘅雷鳥喺《怪獸與牠們的產地》嘅高潮入面佔咗重要嘅角色。
• 山怪Troll：北歐神話入面嘅一種會食人嘅巨人，佢哋嘅身軀有12英尺，佢哋有驚人嘅力量但智力好低。
  • 山地山怪Forest Troll：綠色皮膚嘅巨人，佢哋有四隻手指同三隻腳趾，同埋原產喺森林同林地嘅頭髮。
  • 森林山怪Mountain Troll：山區嘅巨人族，佢哋嘅特徵係禿頭、淺灰色嘅皮膚同兩隻腳趾。奎若教授帶咗一隻森林山怪入去霍格華茲，哈利同榮恩後嚟打低咗佢。
  • 河流山怪River Troll：紫色皮膚又毛鬙sang4鬙嘅巨人族，特徵係有短角、五隻手指同腳趾，一般潛伏喺河流中間或者橋下面。
• 巨魔Trollcleg：喺洞穴巨人周圍盤旋嘅牛蠅。
• 中文名唔知乜嘢Trollwig：一種蠼螋，淨係食洞穴巨人嘅耳屎。

U

• 獨角獸Unicorn：毛色非常之潔白又類似馬咁樣嘅怪獸，佢哋嘅血有一種銀白色嘅光澤；佢哋前額突出嚟嘅角一般被認為係「純潔」嘅象徵。佢哋嘅毛髮係製作魔杖杖芯嘅三種主要材料之一，而佢哋嘅頭角可以用嚟製作一啲魔藥。喺《神秘的魔法石》入面，據講臨死嘅人只要飲咗獨角獸嘅血就可以保住條命仲得到永生，不過飲用嘅人將會永遠受詛咒。佛地魔為咗續命而飲咗獨角獸嘅血。

V

• 吸血鬼蚊子Vampyr Mosp：一種帶有尖牙嘅黃蜂雜交品種。

W

• 白河怪物White River Monster：棲息喺白河入面嘅一種怪物魚，因為咁樣而得名。

哈利波特系列電影裡面嘅騎士墜鬼馬。

• 天馬Winged Horse：類似馬咁樣但有翼飛得嘅怪獸，巫師可以擁有佢哋，但前提係需要每日喺佢哋身上施展滅幻咒Disillusionment Charm。
  • 神符馬Abraxan：體型係巨型嘅巴洛米諾馬品種，而且非常之大隻。佢哋飲嘅嘢只有單一種麥芽威士忌。
  • 伊瑟龍Aethonan：喺英國同愛爾蘭好普遍嘅栗色馬品種，佢哋嘅鬃毛呈栗子色。
  • 格拉靈Granian：佢哋嘅身體呈灰色嘅品種，跑嘅速度非常之快。
  • 騎士墜鬼馬Thestral：一種黑色翼馬，佢哋係黑色骨骼品種嘅天馬，有龍嘅頭同頸，身材高大而且骨骼嶙峋，同埋背脊上面有一對翼。據講只有親眼目睹過死亡嘅人先至能夠睇得見黑色嘅騎士墜鬼馬。佢哋嘅尾羽係三種常見嘅魔杖杖芯材質以外（龍嘅心弦、獨角獸尾羽毛、鳳凰尾羽）以外，少數能夠製作魔杖杖芯嘅材料。《鳳凰會的密令》入面指出，好多巫師都認為佢哋係唔老嚟嘅；哈利佢哋幾個騎住騎士墜鬼馬去到魔法部。
• 山林仙女Wood Nymph：森林裡面嘅一種小型生物。根據花兒·戴樂古嘅講法，啲山林仙女所組成嘅合唱團會喺聖誕節期間喺波巴洞嘅城堡入面為正喺度用餐嘅學生演唱小夜曲。
• 瓢蟲Wrackspurt：無形嘅怪獸，佢哋會飄入人類嘅耳仔，令人嘅大腦變得唔集中同混亂。

Y

• 雪男Yeti：原產喺喜馬拉雅山（由藏區去到尼泊爾）。

Z

• 騶虞Zau1Jyu4（Zouwu）：好似大象咁大嘅貓，能夠長途跋涉咁進行遠距離嘅旅程。

靈性生物

下面曾經喺哈利波特嘅世界裡面出現嘅生物都被納入做靈性生物Beings。

• 矮人Dwarf：一種矮矮肥肥嘅人形生物。
  • 庫魯皮拉Curupira：一種源於巴西的紅髮矮人。
• 巨人Giant：一種大型嘅類人生物，佢嘅智力高過山怪好多。
• 妖精Goblin：另一種矮矮肥肥嘅人形生物，佢哋同銀行工作有關。
  • 魒骻吉Pukwudgie：一種源自北美嘅妖精。
• 母夜叉Hag：一種好老而且成面皺紋嘅女巫。
• 家庭小精靈House-elf：一種又矮又瘦削嘅人形生物，好似棕精靈咁做家務。
  • 雲伯Yumbo：一種源自非洲塞內加爾品種嘅白皮膚精靈。
• 食人魔Ogre：一種體型巨大、粗壯嘅人形生物，外形類似鹿齒食屍鬼。
• 吸血鬼Vampire
  • 薩薩班塞Sasabonsam：一種紅髮、白皮膚嘅吸血鬼，源自非洲嘅加納。
• 迷拉Veela：外表睇起嚟生得好似雀仔咁靚嘅生物，極有魅力，佢哋喺跳舞果陣會散發出一種肉眼睇唔到嘅光嚟迷惑男性。佢哋有時生到極似美少女咁樣，有時又似鷹身女妖，當佢哋嬲果陣就會變成雀仔咁樣，仲利用好似火球咁嘅物體嚟攻擊敵人。雖然佢哋並唔係人類，但佢哋擁有迷惑男性嘅能力令佢哋能夠同人類生到後代。據講佢哋嘅毛髮雖然可以做製作魔杖嘅材料，不過佢嘅性質就相當唔穩定。
  • 混血迷拉Half-Veela：一種半人類嘅生物，係人類同迷拉嘅後代，據講花兒·戴樂古同埋佢阿妹係電影裡面少數已知有迷拉血統嘅混血兒。
• 狼人Werewolf：滿月果陣會變成狼嘅人類。
  • 密歇根狼人Michigan Dogman：一種源於密西根州韋克斯福德縣嘅狼人。
  • 濕地狼人Rougarou：一種源於美國同加拿大嘅狗頭狼人，係一種極度危險嘅生物。

靈魂

下面曾經喺哈利波特嘅世界裡面出現嘅生物都被納入做靈魂Spirits。

• 報喪女妖Banshee：一種女性靈魂，據講會向某個人預示著佢家庭成員嘅死亡，通常係透過喊叫或者慟哭嚟表達。
• 凱波拉Caipora：巴西森林嘅靈人，佢嘅頭好細，身體毛鬙sang1鬙咁樣。性格非常之調皮同狡猾。佢哋生活喺巴西嘅熱帶雨林入面，係守衛卡斯特羅布舍嘅場地同建築，仲喺夜幕嘅掩護下關注住霍格華茲學生同生活喺叢林入面嘅生物。
• 幽靈Ghost：已經死咗嘅人類靈魂。
• 陰屍Inferius：一種俾佛地魔復活嘅類似喪屍咁樣嘅生物。
• 惡作劇精靈Poltergeist：喺某啲建築物造成好似鬧鬼咁樣嘅另一種靈魂。
• 喪屍Zombie：死而復生又唔會死嘅生物。

露娜·羅古德嘅怪獸

霍格華茲嘅學生露娜·羅古德同埋佢阿爸—《謬論家》嘅老總贊諾·羅古德Xenophilius Lovegood相信一啲未發現過嘅怪獸：

• 八寶獸Blibbering Humdinger：露娜提到啲同學取笑佢嘅耳環。
• 犄角獸Crumple-Horned Snorkack：據講係生活喺瑞典嘅一種難以捉摸嘅怪獸。贊諾·羅古德買果陣以為係犄角獸點知就買咗毒角獸角Erumpent horn。果隻毒角獸角中咗昏迷咒之後爆炸，仲炸冧咗佢大半間屋。
• 淡水長腿魚Freshwater Plimpies：贊諾·羅古德聲稱露娜喺馬份莊園韞wan3住果陣曾經釣到嘅怪獸。
• 太陽霸Heliopaths：據講係火靈，佢哋馳騁果陣仲會燒著晒隨住佢哋路徑嘅所有嘢。
• 水煙蟲Nargles：據講水煙蟲係感染槲寄生嘅怪獸，而且仲係小偷專家。露娜指佢嘅牛油啤酒瓶塞頸鍊Butterbeer cork necklace同飛船梅花耳墜Dirigible plum earrings可以趕走水煙蟲，而佢嘅筆記同對鞋都曾經俾水煙蟲偷走咗。
• 瓢蟲Wrackspurt：佢哋係一種肉眼睇唔見嘅怪獸，當飄浮入到去一個人嘅耳裡面果時，佢哋會令果個人嘅腦袋變得專注唔到。據講可以透過防妖眼鏡Spectrespecs嚟睇到佢哋；受到瓢蟲感染嘅人可以利用正面嘅諗法嚟趕走佢哋。露娜喺《混血王子的背叛》開頭果陣戴住一副防妖眼鏡嚟睇到瓢蟲，但係就因為咁而睇到隱形斗篷下嘅哈利趴咗喺霍格華茲特快列車嘅地板上面，令到露娜拯救到佢。
• 大嘴長腿魚Gulping Plimpy：可能係長腿魚Plimpy嘅一個品種，可以俾一種叫鍋底根Gurdyroot嘅植物驅趕。露娜·羅古德認為大嘴長腿魚係存在嘅，不過大多數人唔認同。

電影系列入面出名嘅怪獸

八眼巨蛛

喺華納兄弟工作室倫敦巡迴展入面展出嘅阿辣哥。

八眼巨蛛Acromantula喺哈利波特嘅世界裡面係一種識得講人話嘅駭人蜘蛛怪物，佢源自婆羅洲，棲息喺果度茂密嘅叢林入面。佢顯著嘅特徵包括覆蓋住佢全身嘅黑色又濃密又厚嘅毛髮、佢啲腳可以擴展去到15英尺；當佢哋興奮或者嬲果陣時，佢哋嘅鉗會產生一種特別嘅喀嚓聲，仲會𦧲loe2出一啲有毒嘅分泌物。八眼巨蛛係肉食性嘅動物，鍾意大型嘅獵物，佢嘅能夠喺地面上以旋轉方式築起圓頂形嘅網。八眼巨蛛乸比起公嘅體型大隻啲，一次能夠生多達100粒蜘蛛卵，果啲蜘蛛卵白𠽌syut1𠽌又軟腍nam4腍，體積就好似沙灘波咁大，大約6-8個禮拜就可以孵化出嚟。八眼巨蛛嘅蜘蛛卵俾魔法部嘅奇獸管控部門定義做「A類非貿易商品」，呢個意味住對佢嘅進口同銷售都會受到嚴厲嘅懲罰。

呢種怪物被認為係由巫師培育嘅，意圖可能係為咗守衛巫師嘅住處或者寶藏，就好似魔法培育嘅怪物咁樣。就算八眼巨蛛有近乎人類嘅智慧，但係佢哋係無辦法被訓練嘅，仲對巫師同麻瓜嚟講都係高度危險。魯霸·海格喺佢三年級果陣因為擁有一隻八眼巨蛛──阿辣哥Aragog而俾霍格華茲踢出校，好多霍格華茲嘅教授曾經認為果隻就係消失的密室裡面嘅怪獸，亦都係史萊哲林嘅怪獸。不過，後來事實證明史萊哲林嘅怪獸係蜘蛛嘅天敵—蛇妖。

蛇妖

蛇妖Basilisk喺哈利波特嘅世界裡面係一種體形大到好得人驚嘅蛇形生物。佢相比起現實中嘅蛇妖體積更加龐大，佢嘅長度可以長到50英尺，壽命可去到幾百年。除咗爬說語Parseltongue之外，蛇妖係無辦法被控制嘅。魔法史上面第一隻蛇妖據講係由希臘嘅黑巫師兼爬說嘴—惡人赫珀Herpo the Foul培育出嚟嘅，佢透過蟾蜍孵化雞蛋而發現呢種生物。雄性蛇妖嘅頭上面有一束猩紅色嘅羽毛。蛇妖令其他生物死亡有兩種方法：佢強大嘅毒液同埋佢果對黃色嘅大眼，任何生物只要直望住佢黃色嘅大眼就會即死；對於任何間接見到佢嘅人，例如係透過相機或者倒影反射，佢都會創造一種類似俾美杜莎望實咁樣令其他生物入到去深層石化嘅狀態。如果幽靈直接或間接俾佢見到嘅話只係會被石化，因為幽靈唔會死第二次。由於天敵嘅關係，蜘蛛如果遇到蛇妖嘅話就會走佬，而蛇妖如果遇到公雞果陣時亦都會走佬，因為雄雞嘅啼叫聲對佢哋嚟講係會無命嘅，而黃鼠狼Weasel嘅氣味都會搞到蛇妖死得。

喺《消失的密室》裡面講到，一條蛇妖乸棲息喺霍格華茲地牢入面嘅消失的密室裡面。學生時代嘅湯姆·瑞斗（佛地魔）打開咗密室嘅大門，密室裡面嘅蛇妖因為咁就將幾個學生石化咗（因為啲學生見到蛇妖嘅倒影），佢嘅目光將一個女學生——愛哭鬼麥朵殺死仲收埋喺果度50年咁耐，當年呢件事最後搞到魯霸·海格被踢出校，而佢嘅魔杖亦都被整斷咗。事件發生咗50年之後，湯姆·瑞斗用佢本日記佔領咗金妮·衛斯理嘅身體，令到密室嘅大門再次被打開。喺小說裡面嘅事件入面，蛇妖試吓殺死幾個麻瓜出身嘅巫師，不過所有受害者都好好彩只係被石化而唔係被殺。海格話瑞斗仲指示金妮·衛斯理殺死咗霍格華茲裡面嘅公雞。當哈利·波特發現果個密室果陣，瑞斗最終揭露咗自己嘅身份，仲喺金妮嘅生命逐漸衰弱果陣命令蛇妖全力對付哈利。哈利喺呢個時候得到佛客使嚟到幫佢，佛客使用佢嘅爪搲we2盲咗蛇妖對眼，仲帶埋分類帽過嚟，哈利喺分類帽入面攞咗把葛來分多寶劍出嚟，仲用佢拮穿咗蛇妖個嘴嚟將佢殺死。葛來分多寶劍吸收咗蛇妖嘅毒液，事實後嚟證明咗呢樣嘢對摧毀佛地魔大部分嘅分靈體有幫助。哈利喺殺咗蛇妖嘅同時俾蛇妖嘅一隻毒牙拮中咗手臂，佢掹mang3甩果隻斷咗嘅毒牙仲拮咗落去湯姆·瑞斗本日記度嚟摧毀佛地魔呢個分靈體，令到金妮恢復返生命力。

喺《死神的聖物》入面，榮恩·衛斯理同妙麗·格蘭傑喺妖精拉環Griphook手上無咗葛來分多寶劍之後返到去果個密室，而今次係榮恩模仿哈利嘅爬說嘴Parselmouths嚟將密室之門打開嘅。佢哋兩個仲喺死咗好耐嘅蛇妖屍體度掹走佢一隻毒牙嚟摧毀赫夫帕夫嘅金盃。鄧不利多教授同榮恩仲有奈威·隆巴頓分別利用帶有蛇妖毒液嘅葛來分多寶劍嚟摧毀魔佛羅·岡特嘅指環、史萊哲林嘅小金匣，仲有佛地魔嘅蛇妖娜吉妮。

幻形怪

幻形怪Boggart喺哈利波特嘅世界裡面係一種非人類嘅變形者，佢哋能夠呈現出令佢嘅目標受害者最恐懼嘅嘢。雖然英國神話將幻形怪形容做成日惹麻煩嘅家庭小精靈，同埋生活喺沼澤地或者其他偏僻地方嘅惡意生物，羅琳筆下嘅幻形怪更加似一種源自蘇格蘭嘅怪獸──布羅拉罕Brollachan。不過，喺英國蘭開夏郡有一單關於幻形怪嘅紀錄，喺入面佢可以變成各種形式嘅動物，或者係變成實際上更加得人驚嘅生物。幻形怪呢個名記載喺《英國方言調查》入面，果個調查橫跨車士打郡、打比郡、蘭開夏郡同埋約郡，調查記錄咗丫烏佬Bogeyman，一種好得人驚同埋用嚟恐嚇同威脅細路仔嘅虛構人物。

幻形怪鍾意匿埋喺黑鼆man4鼆同封閉嘅地方，例如係衣櫃同櫥櫃。而家都仲未清楚如果幻形怪得返自己一個果陣時會揀以乜嘢形式存在。雷木思·路平喺《阿茲卡班的逃犯》入面佢嘅黑魔法防禦術課堂上面教學生以兩個人或者幾個人為一組嘅方式嚟接近幻形怪，咁樣幻形怪就會好難去揀要去嚇邊一個目標人物。魔法咒語入面嘅「叱叱荒唐Riddikulus」就係用嚟對付幻形怪嘅咒語，透過將佢哋嘅外表變成不太得人驚甚至係搞笑嘅幻象，嚟到削弱佢嘅能力。當哈利接近幻形怪果陣時，佢變成咗催狂魔；瘋眼穆敵喺《鳳凰會的密令》入面利用佢隻魔眼嚟到確定佢客廳嘅書枱上面有一隻幻形怪。由於幻形怪係有形狀轉換嘅能力，除咗瘋眼穆敵之外，目前仲未有人見過佢嘅真實形態。阿不思·鄧不利多喺《怪獸與葛林戴華德之罪》入面有同樣嘅教訓。

半人馬

半人馬。

半人馬Centaurs喺哈利波特嘅世界裡面係一種野生嘅怪獸，佢哋聲稱擁有比人類有仲要高嘅智慧。佢哋係半人半馬嘅動物，佢哋嘅頭同身類似人類咁樣，但係又擁有好似馬一樣嘅下半身、四隻腳同埋條尾。雖然佢哋有情感同知覺，但係佢哋寧願擺脫人類嘅事，所以唔要求被歸類做靈性生物。雖然半人馬寧願擺脫人類嘅事，但係佢哋當中都有成員係願意同人類來往嘅，就好似翡冷翠Firenze咁樣，佢同意喺霍格華茲入面教占卜學，不過佢插手人類事務好快就俾其他半人馬視為叛徒，仲搞到佢俾族群報復暴力咁攻擊，如果唔係魯霸·海格插手干預嘅話，翡冷翠可能會俾佢族群殺死咗。

魔法部嘅奇獸管控部門設有一個人馬聯絡辦公室Centaur Liaison Office，但係無半人馬曾經用過。人馬好叻喺治療同埋占星術，仲花咗大量時間去觀察星空同天象嚟搵預兆。人馬嘅族群生活喺禁忌森林入面，佢哋嘅社會由叫做牧群herds嘅群體組成。牠們似乎唔識／需要用任何比弓箭以外仲先進嘅科技。人馬本身好驕傲仲對自己領土嘅保護性好強，因為咁喺處理有關人馬嘅事務果陣時，一定要用高超嘅外交技巧。對人馬唔尊敬會搞到有暴力嘅後果，就好似桃樂絲·恩不里居咁因為呢樣嘢而付出咗代價。喺《死神的聖物》入面，霍格華茲的人馬族群受到海格嘅激烈告誡之後，人馬族群投向哈利佢哋，仲支持鳳凰會喺霍格華茲大戰入面企喺佢哋果邊。

果個系列電影入面描繪咗具有獸性同動物性面部特徵嘅半人馬，不過小說入面並無對佢哋有太多嘅描述，但據講有幾個女學生俾佢哋吸引。

小說同電影系列入面嘅其他人馬角色包括：

• 禍頭Bane
• 翡冷翠Firenze
• 瑪哥仁Magorian
• 如男Ronan

催狂魔

催狂魔。

催狂魔Dementors係一種「無靈魂嘅生物」，佢哋係是一個幽靈物種，佢哋個名顧名思義，佢哋會逐漸剝奪人類嘅幸福感同智慧嘅頭腦，令人不能唔到清醒，最終果個人會發癲仲喪失魔法能力，所以佢哋被認為係地球上其中一種最污糟嘅物種。佢哋係守衛住巫師監獄嘅生物，直至敵對者黑魔王佛地魔復活返嚟。霍格華茲嘅校長—阿不思·鄧不利多極度討厭催狂魔，佢指出自己一路以嚟都認為魔法部同呢類生物「結盟」係錯嘅，呢個意味住催狂魔普遍存在喺一般魔法世界以外嘅社會裡面。鄧不利多因為咁唔准催狂魔入去霍格華茲嘅校園範圍，呢個禁令俾魔法部部長康尼留斯·夫子喺《阿茲卡班的逃犯》入面打破咗，佢堅持由催狂魔做守衛陪同。

催狂魔喺小說入面通常以一般嘅人形出現，佢嘅高度約3公尺（10英尺），外觀上披住黑色連帽嘅斗篷，淨係露出佢灰色腐朽嘅雙手出現。喺斗篷下嘅催狂魔就好似幽靈咁樣係無眼嘅，唯一要注意嘅特徵係佢哋並無眼嘅，臉部嘅特徵就係嘴部嘅位置有一個大窿，永遠只係得吸入式嘅呼吸，佢哋透過吸入嘅方式嚟消耗人類嘅情感同美好嘅回憶，嚟到迫使受害者淨係能夠再去經歷佢最差嘅回憶。根據作者羅琳嘅講法，催狂魔就好似真菌類植物咁樣生長喺黑暗同潮濕嘅地方，仲喺果度形成一股密集而好凍嘅濃霧。雖然小說暗示住佢哋係有感情嘅，但呢個係模稜兩可。催狂魔嘅存在會搞到周圍嘅氣氛變得好凍同黑鼆man4鼆，效果仲會隨住催狂魔嘅數量而累積。佢哋累積起嚟力量巔峰被叫做「催狂魔之吻Dementor's Kiss」，其中催狂魔會用佢個嘴封鎖住受害人嘅嘴唇，吞噬受害人嘅靈魂同心靈，大概係要令受害者處於持續嘅植物人狀態，無任何回憶同感覺可以留得低。催狂魔能夠隱藏喺麻瓜世界，雖然麻瓜是看唔到佢哋，但係佢哋可以用相同方式嚟影響麻瓜。

雖然催狂魔依附住人類嘅情感，但佢哋似乎好難去分一個人同另一個人，正如小巴堤·柯羅奇喺阿茲卡班監獄走甩咗果時咁樣，佢哋喺果度分辨唔到小柯羅奇同佢阿媽之間喺情感上嘅差異。佢哋嘅敏感性似乎同情感嘅複雜性唔成比例；呢個特殊嘅弱點俾身為化獸師嘅天狼星·布萊克睇穿咗，佢透過化身做一隻狗嚟逃離咗阿茲卡班監獄。對抗催狂魔嘅主要方法係使出護法咒Patronus Charm，呢個咒語既可以保護施咒者嘅安全亦都可以擊退所有催狂魔。

哈利·波特喺三年級果陣第一次遇到催狂魔，當時佢哋被派去駐守霍格華茲嚟對付當時被認為係危險嘅逃犯──天狼星·布萊克。因為佢哋嘅出現提醒咗哈利指佛地魔殺咗佢阿爸阿媽，於是佢就去搵雷木思·路平幫手，嚟到去學點樣用護法咒；兩隻催狂魔喺《鳳凰會的密令》開頭被派去小惠因區嚟刺殺哈利，佢哋差啲吸乾晒哈利嘅表哥—達力嘅靈魂，後來佢哋俾哈利施展嘅護法咒趕走咗（後來先至講到係由魔法部部長夫子嘅下屬—桃樂絲·恩不里居派嚟嘅）。駐守喺阿茲卡班監獄嘅催狂魔喺果輯小說嘅尾聲對佢哋嘅僱主—魔法部發動咗一場大規模嘅反抗，仲歸附咗俾佢哋幾乎可以自由咁接觸受害者嘅佛地魔陣營；魔法部喺佛地魔嘅操控之下，佢哋喺《死神的聖物》入面利用催狂魔嚟懲罰麻瓜巫師；喺霍格華茲大戰果陣，催狂魔全部投向佛地魔嘅陣營。喺金利·俠鉤帽被任命做魔法部部長之後，佢落命令催狂魔一定要撤出返去阿茲卡班，而魔法部就透過限制佢哋嘅數量嚟收容佢哋。

根據羅琳佢嘅講法，佢喺經歷咗一段時間之後創造咗催狂魔呢個角色，佢引用自己所講嘅「臨床上好沮喪」，催狂魔因為咁就可以被睇成係抑鬱症嘅隱喻。

幽靈

幽靈Ghosts係哈利波特嘅世界入面扮演住重要嘅配角，佢哋主要係一眾主角嘅意見提供者。佢哋同傳統鬼故裡面嘅幽靈有啲唔同，呢啲幽靈既唔可怕又唔駭人。幽靈嘅軀體呈銀色嘅半透明狀態，佢哋可以喺空氣度飄，仲可以穿過牆壁、枱同埋其他固體。就算係咁，佢哋嘅能力係會受到一定嘅物理影響（例如愛哭鬼麥朵可以將佢女生廁所馬桶裡面嘅水濺出去）。喺霍格華茲交誼廳嘅幽靈宴會枱上面會擺滿腐爛嘅食物，因為腐爛嘅食物會增加佢哋嗅覺同味覺嘅能力。觸摸或穿過幽靈會有一種「就好似行過一個凍水淋浴」嘅感覺。幽靈係會受到魔法同詛咒嘅影響，但佢哋同生物嘅感受程度有啲唔同。

喺哈利波特嘅世界裡面，淨係得巫師同女巫先至能夠成為幽靈，呢個就好似差啲無頭嘅尼克同哈利解釋嘅咁樣：「只有巫師先至能夠喺地上留低自己嘅印記，蒼白咁行過自己曾經生活過嘅腳印...我好驚死，所以我揀咗留低。我有時喺度諗我係咪唔應該...唔，咁既唔喺呢度又唔喺果度...其實，我既唔喺呢度亦唔喺果度...」就算好多幽靈揀咗去果個死後嘅世界，佢哋都喺度哀嘆住自己無辦法食嘢，被形容做憂悶嘅。佢哋匿埋喺病態同憂鬱嘅畫像裡面。

幽靈對佢哋自身嘅狀況都非常之敏感：魔法部最初將佢哋歸類做「具有完全法定權利嘅有感覺能力嘅生物」果陣時，佢哋聲稱幽靈「感覺遲鈍」，仲將佢哋納入一個單獨嘅「靈魂分部」，呢樣嘢顯然就係為咗控制一啲麻煩幽靈嘅活動同佢哋嘅出沒地點（就好似當年麥朵喺擾亂咗霍格華茲舊生奧利夫·轟碧Olive Hornby兄弟嘅婚禮，而轟碧係一個成日喺學校裡面嘲笑佢嘅女仔，後嚟麥朵被迫只可以喺佢過身嘅地方出沒—霍格華茲）。

其他嘅幽靈角色例如：

• 血腥男爵The Bloody Baron：史萊哲林學院嘅幽靈，佢殺死咗灰女士海倫娜·雷文克勞— 羅威娜·雷文克勞個女，血腥男爵戴住嘅鐵鏈提醒住佢自己所犯過嘅罪。佢係霍格華茲裡面為數不多能夠控制皮皮鬼The Peeves嘅角色之一。
• 肥修士The Fat Friar：赫夫帕夫學院嘅幽靈，佢係個異常開朗嘅幽靈，總係對學生釋出善意同肯去幫手，就算果啲並唔係佢自己學院嘅學生。佢對皮皮鬼嘅惡作劇都好寬容。根據《Pottermore》嘅講法，佢喺展示咗可疑嘅魔法標記之後就俾自己嘅修道院下令處決。
• 灰女士The Grey Lady：雷文克勞學院嘅幽靈，佢嘅全名係海倫娜·雷文克勞Helena Ravenclaw，亦都係霍格華茲其中一位創辦人羅威娜·雷文克勞Rowena Ravenclaw個女，海倫娜喺偷咗自己阿媽嘅王冕之後俾血腥男爵殺咗。佛地魔發現咗佢留低嘅王冕，仲將果個王冕變咗做分靈體。喺《霍格華茲大戰》入面，海倫娜·雷文克勞向哈利提供去搵王冕嘅線索；海倫娜喺電影入面同露娜·羅古德係朋友。
• 差啲無頭嘅尼克Nearly Headless Nick：葛萊分多學院嘅幽靈，佢嘅全名係尼古拉斯·德·敏西－波平頓Nicholas de Mimsy-Porpington爵士。佢嘅綽號係嚟自佢個頭「幾乎」被削去，但佢個頭仍仲喺度。好多無咗父母嘅學生都同佢傾吓死亡嘅嘢，同埋佢嘅摯愛嘅人以幽靈方式存在嘅可能性。喺天狼星·布萊克過咗身之後，佢話俾哈利知話佢自己無勇氣穿過死亡室嘅黑色紗幕去繼續來世嘅生活。
• 丙斯教授Professor Binns：霍格華茲裡面教魔法史嘅教授，據講佢喺有一日落咗堂之後嘅瞓晏覺期間喺睡夢入面死咗，第二日佢以幽靈嘅狀態瞓醒起身之後就準備去教書，就好似乜都無發生過一樣。佢嘅日程自從果時起就無絲毫嘅變化。
• 愛哭鬼麥朵Moaning Myrtle：俾蛇妖殺死嘅雷文克勞學院女生，佢住喺霍格華茲一樓嘅女生洗手間裡面。
• 德蘭尼-波德摩先生Mr. Delaney-Podmore：無頭騎士狩獵團Headless Hunt嘅首領，佢嘅全名係柏德烈·德蘭尼-波德摩Patrick Delaney-Podmore，經營一間被斬首幽靈嘅俱樂部。
• 皮皮鬼Peeves：霍格華茲裡面嘅調皮搗蛋鬼，根據果個系列嘅作者羅琳嘅講法，皮皮鬼並唔當係幽靈，而係「牢不可破嘅混沌精神」。

巨人

巨人Giants係哈利波特嘅世界入面能夠同人類結合嘅生物品種—混血巨人Half-giant，佢哋係一種身型龐大嘅人類物種，就好似魯霸·海格同埋佢嘅情人歐琳·美心Olympe Maxime咁樣都係巨人，但係巫師作為一個整體，佢哋積極參與咗喺文明裡面獵殺巨人嘅運動。英國最後自由嘅巨人據講顯然是受到魔法部嘅法令而殺死嘅，不過佢哋大部分嘅死亡係因為佢哋之間嘅領土侵略，啲巫師焗住生活喺越嚟越狹窄嘅空間入面。世上僅存嘅最後一啲巨人（總數喺70-80個之間），聚居喺白俄羅斯以東，同埋英國以北嘅一個偏遠同孤立嘅地區。

巨人嘅身高約20-25英尺（6-7.5公尺）不等，非常咁高大，佢哋嘅皮膚類似於犀牛皮，呢個令佢哋能夠對魔法攻擊具有限嘅免疫力。巨人被描繪做一個同歐洲民間傳說大部分一致嘅垂死物種，佢哋成日被形容做喺人類出現之前一段長時間建立咗奇怪嘅廢墟地貌嘅早期生物。佢哋非常蠢同笨，佢哋嘅社會由一個叫做古爾格Gurg嘅酋長好寬鬆咁規管，佢嘥大部分嘅時間問下屬攞食物。

佛地魔喺《鳳凰會的密令》入面說服啲巨人話可以為佢哋提供更加美好嘅生活，佛地魔請咗佢哋嚟做攻擊嘅軍隊；而海格喺果輯小說裡面透露，佢同美心夫人試吓去說服啲巨人嚟參與共同對抗佛地魔嘅戰爭，但係呢件事俾古爾格被殺呢單嘢阻撓，佢嘅繼任人揀咗企喺敵人—佛地魔果邊。啲巨人根據推測最後喺成個系列差唔多完果陣加入咗霍格華茲大戰，佢哋主要係為佛地魔而戰。

妖精

喺古靈閣做嘢嘅妖精。

妖精Goblins係一種怪獸，佢哋做嘅嘢主要係喺古靈閣巫師世界銀行從事金屬製品同金融相關嘅各項服務嘅工作。佢哋亦都係魔法部嘅奇獸管控部門嘅妖精聯絡處Goblin Liaison Office嘅代表。

佢哋係一種類人猿下目Anthropoid嘅生物，佢哋形容有黑色嘅眼、細長嘅手指同腳，仲有同人類比較身體比例大啲嘅頭；佢哋雖然聰明但係心地好差；佢哋嘅飲食主要係生肉、植物嘅根莖同菇類真菌；佢哋用一種叫做精靈語Gobbledegook嘅語言溝通。佢哋認為一件嘢嘅真正主人係果件嘢嘅製造者而唔係買咗果個；而且仲怨恨任何買咗由妖精製作嘅傳家之寶而令到巫師家庭唔洗再進一步俾錢嘅人。不過，如果有人買咗妖精嘅嘢，佢哋只會當做俾押金，一旦買果個人死咗，果樣嘢就一定要歸還返俾妖精，因為咁佢哋係無辦法去明白巫師將佢哋嘅嘢傳承俾下一代嘅道理。妖精製作嘅物品唔需清理，甚至會吸收外來物質嚟令到佢嘅力量得到強化，就好似葛來分多寶劍咁吸收咗蛇妖嘅毒液而變得仲勁啲。

巫師法律唔俾妖精擁有魔杖，但佢哋可以用屬於佢自己唔同嘅魔法。妖精同巫師之間嘅關係自幾個世紀以嚟一直受到誤會而令到雙方關係緊張，有時仲會引起暴力。妖精同家庭小精靈一樣喺在巫師世界入面似乎只係二等公民嘅地位。佢哋喺第二次巫師世界大戰期間處於中立嘅位置，既唔向佛地魔投誠亦都唔會反對佢。某啲巫師喺某啲情況下同妖精之間存在住交情淺薄嘅友誼（尤其係喺古靈閣度做詛咒破解人嘅比爾·衛斯理）；甚至仲有啲妖精同巫師雜交嘅例子，就好似菲力·孚立維咁樣有疏遠嘅妖精血統（呢個可能係佢身型細粒嘅原因）。《哈利波特》系列裡面對妖精嘅描繪被指係包含住反猶太主義嘅成見。

妖精嘅角色：

• 波羅Bogrod：古靈閣嘅妖精，佢幫拉環同埋古靈閣嘅其他妖精，佢被哈利落咗蠻橫咒Imperius Curse，最後被火龍噴出嚟嘅火燒死。
• 拉環Griphook：古靈閣嘅妖精，幫哈利·波特、妙麗同榮恩去偷赫夫帕夫嘅金盃，最後俾佛地魔殺死。
• 果納Gornuk：古靈閣嘅妖精，佢同拉環等妖精一齊走佬，後嚟俾食死人殺死。
• 雷那Ragnok：一個影響力嘅妖精，佢喺唔情願之下喺背後支持鄧不利多。
• 萊格納克一世Ragnuk the First：高錐客·葛來分多在世果陣嘅妖精之王。作為最好的銀匠，葛來分多委託佢打造葛來分多寶劍。

家庭小精靈

家庭小精靈House-elves係巫師家庭用嚟做奴隸嘅精靈，通常每個顯赫嘅巫師家庭都會有家庭小精靈嘅存在嚟服侍果個家庭，就好似天狼星·布萊克同埋魯休思·馬份嘅家族，亦都有家庭小精靈喺霍格華茲裡面做嘢。佢哋大約2-3英尺咁高，佢哋個頭同雙眼都好大，雙耳尖到好似蝙蝠咁，佢哋仲可以發出高音到好尖嘅聲。佢哋似乎無姓氏嘅，而佢哋嘅名通常係好似寵物咁嘅暱稱。佢哋習慣性咁樣去用第三人稱嚟稱呼自己。家庭小精靈一般比較服從、容易擺佈同巴結奉迎嘅；當佢哋被奴役果陣時，佢哋會著住啲人哋掉deu6咗嘅嘢，例如枕頭套同茶巾，佢哋會好似長袍咁樣披住。家庭小精靈唔可以唔聽佢哋主人嘅說話，所以每當佢哋完成唔到主人嘅吩咐果陣，佢哋就會懲罰自己。家庭小精靈嘅主人可以透過俾佢哋一件衣物嚟釋放佢哋，等佢哋重獲自由，就好似英國民間傳說嘅霍夫Hob咁樣，亦都好似多比嘅襪。

默然者

默然者Obscurials係指俾一種叫做「默默然Obscurus」嘅黑暗嘅寄生力量纏繞嘅魔法細路，佢哋會試吓去壓制自己嘅魔法能力。若果唔去加以控制嘅話，呢種寄生惡靈就會喺佢哋受到身體或者精神虐待之後造成壓制，呢種壓制就會佢哋體內產生同釋放默默然出嚟，呢種力量會腐蝕宿主嘅魔法，之後就會慢慢咁將宿主殺死。由於佢哋被迫隱藏自己嘅魔法本性而令到情緒受困擾，神秘嘅默默然就會令到佢哋嘅宿主保持住細路仔咁樣嘅形態，而且仲會睇落好正常咁樣。當佢哋嘅力量被釋放果陣，由於細路仔自己幾乎無辦法去控制默默然嘅力量，果啲細路仔同默默然會共享一舊好大又幽暗縹縹嘅雲團，咁樣通常會造成破壞。默默然同宿主可能會喺以後重新變成細路仔咁樣，又再好似幾乎無嚟自默默然嘅影響咁樣存在。由於呢種消耗嘅性質，默然者好少可以過到童年（佢哋一般都唔會大過10歲）。就算佢哋嘅魔法能力係無辦法控制，去到青春期嘅默然者一般被認為係勁到爆燈嘅魔法使用者。

默然者第一次出現喺巫師俾麻瓜迫害果陣，為咗隱藏佢哋嘅本性同融入社會，佢哋嘅痛苦會搞到默默然出咗嚟。就係因為咁，就算係巫師都會驚咗默然者，因為佢哋認為默然者唔單止有破壞性，而且對巫師世界嘅「國際保密法」嚟講係個威脅。時至今日，由於世界各地對魔法民族嘅迫害，所以默然者嘅創造仲仍然存在。

當默然者嘅情緒接近崩潰點果陣時，佢哋嘅眼就會變成奶白色，仲可以觀察到默默然喺宿主嘅皮膚下面嘅扭動。當默默然被釋放出嚟果時，佢哋通常會瞄準宿主嘅痛苦同埋痛苦嘅根源；佢哋會猛烈咁傷害宿主，仲喺宿主塊面度留低明顯嘅劃痕，就好似燒傷受害者塊面一樣。只有一啲技術高超嘅巫師先至能夠將默默然喺默然者細路嘅身體度抽返出嚟。就算默默然嘅本性好暴力，但係佢哋都會放過果啲對佢哋宿主表現出善意同有感情嘅人。

喺電影《怪獸與牠們的產地》入面，默然者同默默然扮演住最重要嘅角色，《怪獸與牠們的產地》嘅作者紐特·斯卡曼德Newt Scamander對於無辦法拯救到佢喺蘇丹遇到嘅默然者女仔而表示內咎。喺電影嘅故事情節裡面，一個默默然出現喺1926年住喺紐約嘅魁登斯·巴波Credence Barebone嘅身體裡面，佢嘅養母成立咗一個組織迫害啲女巫，而魁登斯被迫向佢嘅養母隱瞞自己嘅魔法能力。魁登斯後嚟俾蓋勒·葛林戴華德利用，搞到佢喺肆虐成個城市，最後佢似乎俾美國魔法國會MACUSA嘅主席下令要求正氣師Auror將佢消滅。後來講到魁登斯嘅真正身份係阿波佛·鄧不利多嘅私生子阿留斯·鄧不利多Aurelius Dumbledore，亦都係阿不思·鄧不利多嘅侄仔。

騎士墮鬼馬

兩匹騎士墮鬼馬。

騎士墮鬼馬Thestrals係一種難以捉摸嘅肉食性有翼馬，佢哋仲被形容做「塊面好似龍咁樣」、「白色而空白嘅閃亮眼睛」、「啲鬃毛又長又黑」、「皮革咁強韌嘅翼」，同埋「一匹巨型嘅黑色有翼馬嘅骨骼」；魯霸·海格形容佢哋做「非常聰明同有用」；而哈利就話佢哋係「爬行動物」；據講只有親眼睇住仲擁抱死咗嘅人先至可以睇到佢哋，所以佢哋就有咗「邪惡嘅預兆」呢個唔應該有嘅惡名。由於海格係個混血巨人，而且佢仲喺課堂上面向學生展示咗騎士墮鬼馬，所以令到可能對「混血兒」有偏見在先嘅魔法部高級調查官桃樂絲·恩不里居斷言話騎士墮鬼馬被魔法部睇成係「危險生物」。

騎士墮鬼馬擁有發達嘅嗅覺同埋尖牙，令到佢哋好容易咁搵到鮮血同埋腐肉。根據海格嘅講法，佢哋唔會喺無挑釁嘅情況之下攻擊人類咁大嘅目標。就算佢哋喺地上面生活，但佢哋擁有極之好嘅方向感，仲能夠一次好快咁飛幾個鐘頭；呢個品種係可以馴養嘅，如果有願意嘅動物訓練師（海格懷疑自己擁有英國唯一嘅馴化牧養品種），之後佢哋可以拉負重嘅嘢，仲喺（令使用者）唔舒服嘅情況下提供可以用嘅交通方式。喺第五輯小說同電影裡面，哈利同佢班朋友曾經坐過騎士墮鬼馬去魔法部，佢哋當中起碼有一半嘅人實際上睇唔見佢哋嘅交通工具。

霍格華茲附近嘅禁忌森林入面有一個騎士墮鬼馬嘅族群，佢哋主要用嚟拉郁馬車車廂嚟接載學生來回霍格華茲同埋活米村火車站。海格喺課堂上向五年級修讀奇獸飼育學嘅學生介紹俾佢哋認識；就喺同年嘅幾個月之後，哈利喺親眼睇住西追·迪哥里死咗之後就睇到佢哋。關於哈利喺西追死咗之後先至可以睇到呢種怪獸，不過無論喺小說同電影都講到佢唔止一次親眼睇住死亡：一歲果陣親眼睇住佢阿媽喺佢面前死咗；佢一年級果陣，奎若教授亦都喺佢面前死咗。佢就算係咁都仍然睇唔到騎士墮鬼馬。所以喺邏輯上講，佢應該喺成個系列入面都能夠睇到騎士墮鬼馬，抑或應該早喺果年暑假開始果時就已經睇到佢哋。當被問到呢種差異果時，羅琳回應話，當哈利睇住佢阿媽死果時，佢仲喺BB床咁細個；而當奎若死果陣時，哈利已經暈低咗，並無真係見證到奎若嘅死亡。另一種解釋係，當哈利父母遇害果陣時，哈利仲係好細個，佢當時無辦法真正咁理解死亡嘅概念、意義同埋喺果度發生緊咩事；當佢睇住迪哥里死果陣時，佢先至有機會去明白同理解有關死亡嘅事，仲喺佢返到霍格華茲之前先至有時間諗吓，果次先至係佢第一次見到騎士墮鬼馬。

騎士墮鬼馬喺《哈利波特：死神的聖物》結尾嘅霍格華茲大戰入面攻擊食死人，羅琳喺呢個之後透露製作接骨木魔杖杖芯嘅其中一種材料就係騎士墮鬼馬嘅尾羽毛，呢個係唯一有呢種杖芯嘅魔杖。

騎士墮鬼蟲係發現喺智利中部嘅椿象科嘅蟲，羅琳就用佢哋嘅名嚟命名騎士墮鬼馬。《小馬寶莉》嘅作者米切爾·拉森亦都指出騎士墮鬼馬係佢自己系列入面甚少出現嘅蝙蝠翼變種小飛馬嘅靈感來源。

狼人

狼人

狼人Werewolves係類似狼咁嘅人形生物，佢哋只可以喺月圓果陣短暫存在。狼人喺一般都會維持住人類嘅樣，佢嘅可以透過幾個小特徵嚟到去分辨狼人同真正嘅狼，包括眼、爪、尖牙、耳、口鼻同埋佢哋簇狀嘅尾。當一個人類被另一個狼人咬傷果時，佢就會變成狼人。一旦發生呢種情況，果個人就必須要學識去控制自己嘅狀況。縛狼汁Wolfsbane Potion係可以有效咁控制某啲狀況嘅影響；呢樣嘢可以令使用者喺狼人形態果陣保持住佢嘅人性，嚟去防止佢哋傷害其他人（抑制住佢嘅兇性）。縛狼汁嘅味道嗒dep1落好得人驚，好少有人可以好熟練咁釀製，而根據雷木思·路平嘅講法，喺藥水度加糖會令啲藥水變得無用同有惰性。喺魔法世界裡面發現嘅任何嘢都唔可以完全醫返好狼人。大部分狼人生活喺正常社會以外嘅地方，仲要靠偷嘢食嚟生存。由於一般嘅巫師同女巫對啲狼人又驚又憎，搞到巫師界都怕咗佢哋而避開。佢哋因為咁就認為佛地魔會為佢哋帶嚟更好嘅生活，所以普遍都支持佛地魔（路平係唯一已知嘅例外）。

《哈利波特》系列裡面只有三個已知嘅狼人，分別係：雷木思·路平、食死人焚銳·灰背，仲有一個唔知咩名嘅巫師，佢同亞瑟·衛斯理喺聖蒙果醫院住過同一個病房。雖然比爾·衛斯理喺《混血王子的背叛》嘅占星塔之戰入面俾灰背襲擊，但係灰背喺果陣仲未變身，所以比爾雖然喺果次襲擊入面有好多副作用，包括咗塊面傷痕累累同埋有啲咬傷嘅傷痕，但係因為灰背係喺人形果陣咬傷佢，所以佢並唔會變成狼人，不過仍然會留低一啲狼性後遺症（比如鍾意食生肉）。

人類化成狼嘅巫術Lycanthropy，呢樣嘢係可以遺傳嘅，但係並唔一定係咁樣（就好似泰迪·路平嘅例子）。

角色

以下係《哈利波特》系列入面扮演重要角色嘅魔法生物。

歪腿

歪腿Crookshanks係妙麗喺第三至第六輯小說同電影裡面養嘅寵物貓。喺《阿茲卡班的逃犯》入面，妙麗喺一間叫做奇獸動物園嘅舖頭將歪腿買返去。歪腿酷似一隻波斯貓，羅琳形容佢係混種獅尾貓half-Kneazle，係一種好似貓咁嘅生物，佢哋聰明而且對唔誠實嘅行為好敏感，呢個解釋咗佢能夠將榮恩·衛斯理養嘅老鼠斑斑Scabbers認定係彼得·佩迪魯，同埋將狗嘅形態下面嘅天狼星·布萊克辨認到出嚟嘅原因。歪腿喺《阿茲卡班的逃犯》裡面出現喺校園入面同獸足傾計。喺關於佢嘅原著出版咗之後，歪腿偶爾會喺葛萊分多交誼廳Gryffindor Common Room短暫咁露面，擁抱吓佢嘅主人同哈利。歪腿嘅角色喺電影入面由一隻叫做出色Crackerjack同埋南瓜Pumpkin嘅波斯貓扮演。

多比

喺華納兄弟工作室倫敦巡迴展出現嘅多比。

多比Dobby係魯休斯·馬份一家嘅家庭小精靈，但係俾哈利喺《消失的密室》裡面放生咗。多比總係用第三人稱自稱嚟稱呼自己。佢第一次出現喺《消失的密室》係為咗阻止哈利返去霍格華茲，多比後嚟用魔法封鎖住9¾月台嘅霍格華茲特快列車隱藏月台入口去等哈利遠離霍格華茲，但係當兩個主角揸走咗阿瑟·衛斯理嘅魔法汽車返去學校果陣，多比嘅計劃一切都被挫敗咗。喺果一年嘅魁地奇比賽果陣，多比向搏格Bludger施展魔法令佢追住哈利，希望造成佢受傷到足以令佢返屋企；不過果個搏格淨係打斷咗哈利嘅手臂。多比透露，當一個被奴役利嘅家庭小精靈收到佢哋嘅主人贈送嘅一件衣物果陣，果個家庭小精靈就會被釋放；當哈利發現多比嘅主人就係魯休斯·馬份果陣時，佢出蠱惑呃馬份釋放多比嚟放生佢。哈利因為呢個舉動令佢得到咗呢個家庭小精靈永恆嘅嘅忠誠。多比自此就願意不惜一切代價去保護哈利，就正如佢所講：「哈利·波特放生咗多比！」

成為咗自由嘅家庭小精靈嘅多比，佢後嚟再喺《火盃的考驗》裡面出現，仲喺霍格華茲嘅廚房得到咗一份有人工嘅職位。當妙麗將啲針織衫喺房間周圍半隱藏嚟去嘗試去釋放一眾家庭小精靈果陣，但係啲家庭小精靈佢哋認為呢個係一種侮辱，所以多比好快就成為咗唯一一個會打掃葛萊分多交誼廳嘅家庭小精靈。多比仲喺之後幾輯嘅續集裡面繼續去幫哈利：包括喺《火盃的考驗》裡面透過將魚鰓草Gillyweed俾哈利嚟幫佢完成三巫鬥法大賽嘅第二項任務；佢後嚟喺《鳳凰會的密令》入面向哈利展示咗隱藏嘅萬應室，哈利用果度嚟進行鄧不利多的軍隊嘅秘密會議；當桃樂絲·恩不里居遲吓發現佢哋嘅會議果陣，多比入嚟警告大家。當哈利喺《混血王子的背叛》裡面叫多比同埋其他家庭小精靈一齊喺霍格華茲嘅廚房做嘢果陣，哈利委託佢睇住佢嘅同伴—怪角Kreacher，後來派佢哋兩個跟住跩哥·馬份。多比最後一次出現喺《死神的聖物》裡面，當時哈利喺天狼星嘅雙面鏡裡面見到阿波佛·鄧不利多嘅眼果陣請阿波佛幫佢之後，阿波佛就派多比去馬份莊園嚟拯救幾個主角，但係多比最後俾貝拉·雷斯壯殺死咗。多比後嚟被安葬喺貝殼居出面嘅小山丘上面，佢嘅墓碑下面刻住嘅墓誌銘寫住：「多比，一位自由嘅家庭小精靈，喺呢度長眠」。

多比呢個名源於英國民間傳說入面嘅一種生物多比，呢種生物好似系列入面嘅角色咁樣負責做家務，而且就好似多比咁樣對細路仔好友善。喺《哈利波特系列電影》裡面，多比嘅角色由陶比·鍾斯配音。《IGN》將多比列咗做佢哋嘅「哈利波特頂級角色」嘅第24位，而佢嘅死被形容做「系列入面最感人嘅時刻之一」；喺《NextMovie.com》嘅哈利波特大型民意調查入面，多比被選做系列入面最受歡迎嘅怪獸第一名。

普京嘅支持者成日指責《哈利波特》系列電影嘅製作人特登模仿俄羅斯總統嚟塑造多比。

佛客使

佛客使嘅模型。

佛客使Fawkes係阿不思·鄧不利多嘅寵物鳳凰，呢種係神話入面嘅一種雀仔，佢哋會週期性咁喺每個月一次嘅燃燒日自我燃燒，然後又喺灰燼入面重生。鳳凰嘅尾羽毛適合用嚟製作魔杖嘅杖芯（哈利同佛地魔嘅魔杖都包含住佛客使嘅一條尾羽毛，果次係佢僅有俾過出去嘅兩條），而佢哋嘅眼淚係有治癒嘅力量。佛客使仲可以喺一陣火焰入面將自己同人哋傳送去到第二度。

哈利喺《消失的密室》入面顯示咗對鄧不利多嘅忠誠結果就召喚到佛客使嚟幫佢對付消失的密室裡面嘅蛇妖；佛客使拮盲咗蛇妖對眼嚟消除佢用眼神殺人嘅能力；佛客使後喺利用佢嘅眼淚嚟消除蛇妖毒液喺哈利身體裡面嘅毒性；當蛇妖被殺之後，佛客使喺帶住哈利、榮恩、金妮，同埋吉德羅·洛哈離開密室。哈利同佛地魔喺《火盃的考驗》嘅決鬥入面出現咗符咒倒轉，呢個係因為佢哋兩個嘅魔杖同樣都係用咗佛客使嘅尾羽毛嚟做核心去整嘅。喺《鳳凰會的密令》高潮果陣，鄧不利多同佛地魔喺魔法部嘅交鋒過程入面（淨係小說裡面），佛客使吞咗佛地魔嘅索命咒從而救咗鄧不利多一命，然後佢自己就燃燒起嚟，仲喺灰燼裡面重生。

鄧不利多喺《混血王子的背叛》裡面過咗身之後，啲人聽到佛客使喺度唱住輓歌，呢個之後佢就無再出現過。羅琳喺在一次訪問入面指呢個就象徵住巫師世界失去咗鄧不利多。當被問到佛客使點解無因為哈利對鄧不利多嘅忠誠而返到去哈利身邊果陣時，羅琳就話佛客使喺擁有者之間係唔可以轉讓嘅。根據羅琳嘅講法，佛客使嘅名係源於17世紀嘅陰謀家佳·霍士。

喺《哈利波特》嘅前傳電影《怪獸與葛林戴華德之罪》同埋《怪獸與鄧不利多的秘密》入面，佛客使喺上一輯電影嘅結尾出現喺魁登斯·巴波Credence Barebone面前，蓋勒·葛林戴華德向巴波透露咗佢自己嘅真實身份就係阿留思·鄧不利多Aurelius Dumbledore—阿不思·鄧不利多嘅侄仔。據透露，當鄧不利多家族嘅所有成員成年果陣時，佛客使都會出現喺佢哋面前鞠躬，呢個重申咗羅琳對於佛客使嘅擁有者之間不可轉讓嘅聲明，意味住佛客使喺家庭之間係唔可以轉讓嘅。

雷·費倫喺魔法世界嘅電影系列《哈利波特》同《怪獸系列電影》入面為佛客使提供咗聲效，亦都喺《哈利波特：神秘的魔法石》裡面嘅半人馬翡冷翠Firenze配音。

翡冷翠

翡冷翠Firenze係一匹人馬，佢喺《鳳凰會的密令》之後成為咗霍格華茲嘅占卜學教授。佢喺小說裡面被形容做一匹有令人驚訝果種藍眼嘅金黃色人馬。翡冷翠第一次喺《神秘的魔法石》嘅結尾出現，佢喺禁忌森林度喺佛地魔手上救咗哈利，翡冷翠孭me1住哈利去到安全嘅地方，搞到佢同其他反對服從人類象徵性暗示嘅同伴鬧交。

呢個角色直到《鳳凰會的密令》之後先至再出現，鄧不利多當時任命翡冷翠喺霍格華茲度教占卜學，嚟到去接替俾桃樂絲·恩不里居炒咗嘅占卜學教授西碧·崔老妮，佢為咗呢樣嘢而俾佢嘅同伴排斥。翡冷翠喺《混血王子的背叛》裡面同復咗職嘅崔老妮教授共同分擔教務。

翡冷翠同其他霍格華茲嘅教職員一齊出現喺《死神的聖物2》裡面嚟去對抗佛地魔同埋佢嘅食死人；據講佢喺霍格華茲大戰入面被食死人攻擊佢脅腹受傷，小説入面形容佢痛到一直喺度震，幾乎無辦法企喺度，不過佢最終喺戰鬥裡面倖存咗落嚟。雖然喺系列入面無提到佢嘅去向，不過羅琳透露翡冷翠喺戰鬥結束咗之後，佢嘅族群「被迫承認佢親近人類嘅傾向並唔可恥，仲俾佢重新加入返佢哋嘅族群」。

翡冷翠呢個角色嘅原型係試過阻止羅琳寫奇幻故仔嘅人—佢嘅前英語老師史蒂夫·艾迪Steve Eddy。翡冷翠嘅名係意大利語版本嘅佛羅倫斯。喺《神秘的魔法石》嘅改編電影入面，雷·費倫為翡冷翠呢個角色配音。

至於《哈利波特》系列入面翡冷翠嘅角色同與其他文化仲有宗教嘅聯繫，呢個暗示住希臘羅馬神話入面最出名嘅半人馬—奇倫。奇倫同翡冷翠有住好鬼相似嘅特徵，呢樣嘢同半人馬對人類嘅野蠻同唔友善嘅形象相反。就好似奇倫咁，翡冷翠對人類都有好感，而其他半人馬就唔想插手人類嘅任何事。最後，翡冷翠同奇倫分別同作品嘅主角有住密切嘅聯繫，就好似翡冷翠為咗哈利·波特而戰一樣，奇倫幫手去訓練兩個都係出名嘅希臘英雄阿基里斯同埋伊阿宋。

法蘭克

法蘭克Frank係一隻雷鳥，佢喺1920年代被綁架仲賣咗去埃及。喺《怪獸與牠們的產地》入面，法蘭克就係紐特·斯卡曼德要去美國嘅原因。紐特喺人販手上救咗法蘭克出嚟之後，佢就將法蘭克同佢嘅其他怪獸一齊放埋喺佢嘅手提箱度。紐特將法蘭克帶到去美國，希望可以將佢帶返去亞利桑那州嘅鄉下。

喺電影嘅高潮部分，喺美國巫師政府MACUSA同一個默然者之間發生咗戰鬥之後，魔法世界嘅存在就喺紐約市人民面前揭示咗出嚟。紐特知道咗巫師世界嘅秘密已經向外界洩露咗，於是佢將法蘭克由佢嘅手提箱入面放咗出嚟，仲俾佢飛向天空，紐特向佢道別之後，法蘭克喺佢產生嘅風暴加埋魔藥所製造出嚟嘅降雨，抹走晒所有麻瓜記憶入面所發生嘅魔法事件。

羅琳喺電影上映之後嘅一條推文入面透露，法蘭克確實喺電影入面嘅事件發生之後返到去亞利桑那州嘅鄉下。

拉環

拉環Griphook係一隻妖精，佢喺第二次巫師世界大戰之前係古靈閣嘅員工。魯霸·海格喺《神秘的魔法石》入面將哈利嘅鎖匙同埋鄧不利多嘅信交俾古靈閣大廳裡面嘅一個無名嘅妖精之後，拉環就被叫咗去護送哈利同海格透過地下鐵路系統去到哈利嘅金庫，然後再去713號金庫果度攞返魔法石。直到《死神的聖物》之後，佢個名先至再被提聽到，當時死拿錢Snatchers將佢俘虜果陣，佢哋都捉咗哈利、榮恩同妙麗。當妙麗喺貝拉·雷斯壯嘅折磨之下講大話指葛萊分多寶劍係假嘅果陣，貝拉·雷斯壯向佢求證亦得到證實。多比將佢同哈利、榮恩、妙麗同露娜一齊救咗，仲成功咁走甩去到貝殼居。由於哈利需要喺貝拉·雷斯壯嘅金庫度攞到一個分靈體出嚟，拉環好唔情願咁同意用葛萊分多寶劍嚟交換去幫佢哋闖入去古靈閣；但喺逃走果陣，拉環向其他妖精出賣咗佢哋，仲帶住真嘅葛萊分多寶劍走佬。佢喺小說嘅下場就無人知，不過喺電影裡面，佢喺古靈閣嘅餘波裡面死咗，而葛萊分多寶劍喺佛地魔見到佢之前就消失咗。就算作為妖精嘅拉環堅持認為呢把劍係屬於妖精嘅，不過喺奈威·隆巴頓喺分類帽入面掹咗呢把劍出嚟用嚟將娜吉妮斬頭果陣，呢把劍又再出現。

已故嘅威勒·特耶喺改編電影《神秘的魔法石》裡面做拉環嘅角色，而瓦威克·戴維斯為佢個角色配音，後者喺《死神的聖物》嘅兩齣電影裡面完全描繪咗佢。

嘿美

嘿美

嘿美Hedwig係哈利嘅寵物雪鴞（貓頭鷹），佢哋係魔法世界裡面嘅其中一種寵物，一般用嚟幫主人送信。嘿美係海格喺《神秘的魔法石》裡面喺斜角巷嘅咿啦貓頭鷹商場買嚟送俾哈利嚟做佢11歲嘅生日禮物。哈利喺一本關於魔法史嘅書裡面睇到呢個名之後就幫佢改咗呢個名。嘿美於成個系列入面用嚟傳遞信息，仲充當住哈利嘅同伴，尤其係當佢無辦法同其他巫師互動果陣。嘿美喺成個系列入面都暗示住佢可以完全聽得明哈利講嘅嘢。嘿美喺第五輯小說《鳳凰會的密令》入面俾桃樂絲·恩不里居攔截仲搞到受傷，但後嚟俾薇米·葛柏蘭教授醫返好。嘿美喺第七輯小說《死神的聖物》裡面俾食死人嘅詛咒殺死咗；但係佢喺電影版裡面為咗捍衛哈利而俾食死人殺死。根據羅琳嘅講法，嘿美嘅死係代表住哈利失去咗天真無邪嘅心靈。

雖然嘿美係雌性嘅角色，不過佢係由雄性貓頭鷹扮演嘅（雌性雪鴞有深色嘅羽毛，而淨係得雄性先至係全白色嘅）。約翰·威廉士嘅作品《嘿美的主題曲Hedwig's Theme》係作為《哈利波特》成個電影系列嘅主題音樂。

哈佳

哈佳Hokey係一個幫花奇葩·史密Hepzibah Smith打工嘅雌性家庭小精靈，花奇葩係一個俾湯姆·瑞斗呃咗俾佢去睇史萊哲林小金匣同埋赫夫帕夫金盃果個巫婆，瑞斗後嚟將呢兩樣嘢用嚟做咗佢嘅分靈體。哈佳嘅記憶等哈利同鄧不利多睇到佛地魔喺花奇葩·史密中毒同兩件寶藏消失之前兩日嚟到訪；之後，瑞斗用魔法竄改咗哈佳嘅記憶，仲陷害哈佳謀殺咗花奇葩。哈佳無否認到呢項指控，仲因為意外謀殺而被定罪。

怪角

布萊克家族嘅家庭小精靈—怪角。

怪角Kreacher係一個服務咗幾代布萊克家族成員嘅家庭小精靈，佢嘅名係「生物」呢個詞語嘅變體。怪角第一次出現喺《鳳凰會的密令》裡面，作為一個唔願意服侍天狼星·布萊克嘅僕人。怪角一直鄙視天狼星，主要係因為怪角對佢前主人嘅忠誠（尤其係對獅子阿爾發·布萊克），而天狼星拒絕認同佢嘅純血統價值觀。由於呢個家庭小精靈成日活生生咁提醒住天狼星之前無意返去嘅家，所以天狼星亦都對佢好嚴苛。因為怪角對鳳凰會嘅行動知道得太多，所以佢唔准離開古里某街12號嘅大宅。怪角自己一個喺呢間大宅生活咗好多年，淨係得布萊克夫人嘅尖叫肖像做伴。怪角就算服從天狼星嘅命令，但係佢就傲慢無禮又粗魯，仲會細細聲咁侮辱在場嘅所有人，佢叫佢哋做「血腥叛徒Blood traitors」、「麻種Mudbloods」同埋「人渣scum」。妙麗對呢個評論話：「我認為佢無意識到我哋會聽到佢講嘢。」

怪角好渴望離開天狼星去效力佢嘅近親—貝拉·雷斯壯同埋馬份一家，於是佢背叛咗天狼星仲呃哈利去到已經佈咗陷阱嘅神秘部門。天狼星喺跟住落嚟嘅戰鬥入面嘗試去救哈利果陣俾佢個堂妹—貝拉·雷斯壯殺死咗。隨住天狼星死咗之後，哈利繼承晒天狼星嘅所有資產，當中包括非常之唔情願服侍佢嘅怪角。哈利即刻命令佢去到霍格華茲做嘢，佢喺果度因為對哈利無乜忠誠而同多比發生咗衝突。

哈利同佢啲朋友喺《死神的聖物》裡面呃到呢個家庭小精靈查到有關岡特家族嘅傳家之寶兼佛地魔嘅分靈體—薩拉查·史萊哲林嘅小金匣目前嘅下落，之後哈利派佢喺蒙當葛·弗列契手上攞返小金匣，仲將獅子阿爾發·布萊克整嘅代替品送俾怪角做紀念（因為只有獅子阿爾發·布萊克會尊重怪角）。怪角自此之後睇起嚟仲乾淨同仲開心，佢將布萊克家族大宅恢復去到原本嘅狀態，仲開始用禮貌同尊重嘅態度嚟對待哈利同埋佢啲朋友。當古里某街嘅位置俾食死人滲透去到果時，哈利因為擔心可能會被背叛而決定唔將小精靈召返嚟身邊。喺霍格華茲大戰裡面，怪角召集霍格華茲嘅家庭小精靈去對抗食死人，仲叫哈利做「家庭小精靈嘅主人同捍衛者」。呢個暗示咗佢喺戰鬥入面倖存咗落嚟，因為哈利想知道喺佢同佛地魔戰鬥之後，「怪角係咪會帶三文治嚟俾佢」。

怪角出現喺《哈利波特：鳳凰會的密令》入面，由添墨菲·貝特森配音。電影製片人承認佢哋曾經希望喺戲入面刪除呢個角色，但係當羅琳被問到果陣，佢建議：「你知啦，如果我係你，我就唔會咁樣做。或者你可以嘅，但係如果你要拍第七輯戲嘅話，你就會踢晒腳。」由於貝特森已經唔喺度，所以喺《哈利波特：死神的聖物1》裡面，怪角呢個角色係由賽門·麥克伯尼聲演。

娜吉妮

娜吉妮Nagini係佛地魔嘅寵物蛇—佢熟悉嘅巨型蛇妖，佢喺《火盃的考驗》入面引入去故事裡面。根據印度神話，那伽Nāga呢個名嘅意思係指偶爾會化身做人嘅雌性蛇妖。當佛地魔匿埋喺阿爾巴尼亞森林果陣，佢透過謀殺柏莎·喬金斯嚟令到娜吉妮變成佢最後嘅分靈體；根據呢種關聯，佛地魔可以就好似鄧不利多喺《混血王子的背叛》裡面提到嘅咁樣完全咁控制住呢條蛇。

佛地魔因為有咗講蛇話嘅能力——爬說嘴Parselmouths而可以同娜吉妮溝通。作為蛇妖嘅娜吉妮第一次被睇到果陣係佢發出警報嚟提醒佛地魔注意吓幫瑞斗家做嘢嘅老花王法蘭克·布萊斯Frank Bryce正喺門口出面偷聽緊佢哋講嘢。哈利喺霍格華茲嘅第四年，佛地魔嘅臨時軀體係由食死人彼得·佩迪魯負責收集娜吉妮嘅毒液去維持。哈利喺《鳳凰會的密令》入面嘅其中一個夢係以娜吉妮嘅視角睇見佢攻擊亞瑟·衛斯理；鄧不利多認為呢樣嘢就係哈利同佛地魔有特殊聯繫嘅結果，而哈利睇到呢次襲擊係因為佛地魔嘅心智當時「咁啱得咁橋」連接去到娜吉妮身上。呢個係娜吉妮同佛地魔有更深層次連結嘅第一個跡象，佢亦都有能力同哈利連接同分享諗法。

娜吉妮喺《死神的聖物》入面向霍格華茲嘅麻瓜研究教授慈恩·波八吉Charity Burbage身上施展咗索命咒之後就將佢食咗。佛地魔後嚟將娜吉妮放到去芭蒂達·巴沙特Bathilda Bagshot嘅屍身入面，喺哈利去到高錐客洞果陣突襲佢。由於某啲蛇（蝮蛇、蚺蛇同蟒蛇）能夠以一種人類無辦法做到嘅方式嚟感知熱能同埋動作，所以就算哈利同妙麗匿埋喺隱形斗篷下面，娜吉妮都能夠發現到佢哋。喺佛地魔發現哈利正喺度搵緊佢嘅分靈體之後，佛地魔將娜吉妮擺喺一個有保護性魔法嘅籠嚟到防止佢被殺，佛地魔利用娜吉妮仲透過擴大咗個籠嚟冚住石內卜個身嚟將佢殺死。當哈利顯然被佛地魔殺咗果時，娜吉妮由保護結界裡面被放咗出嚟，仲喺食死人嘅勝利巡遊返到去霍格華茲裡面搭住喺佛地魔嘅膊頭上面，咁樣就俾奈威·隆巴頓喺分類帽入面掹出葛來分多寶劍嚟將娜吉妮斬頭。娜吉妮喺電影入面反而受到一種力量嘅保護仲參與到霍格華茲大戰入面最後嘅戰鬥，而唔係喺大戰開始之前就死咗；不過佢最終嘅命運同小說裡面所講嘅係一樣嘅。希素·道格拉斯喺《哈利波特：死神的聖物1》裡面飾演操縱住芭蒂達·巴沙特屍身嘅娜吉妮。

喺前傳電影《怪獸與葛林戴華德之罪》裡面，呢齣戲以1927年嘅法國嚟做背景，由金秀賢飾演嘅娜吉妮做主角。劇情講到佢係一個俾巫師馬戲團嘅領班用嚟做景點嘅女人，佢後嚟著草去幫魁登斯搵生母。呢套戲透露咗娜吉妮係血咒宿主Maledictus，而呢種血咒有一日會將佢永遠咁變成一種動物—蛇。

皮皮鬼

皮皮鬼Peeves係霍格華茲裡面嘅惡作劇精靈，係個麻煩製造者，所以佢成日俾學校管理員飛鼠先生追捕。從外表上嚟睇，佢就好似有塊調皮嘅面同一個大嘴嘅細粒男人，仲著住鮮艷嘅衫咁嘅樣。佢有飛嘅能力，仲可以揀係咪現形出嚟；佢仲有能力去操縱物體，呢個係幽靈通常都唔具備嘅特性，但喺惡作劇精靈嚟講係好常見嘅。皮皮鬼嘅存在本質上係無序嘅體現。皮皮鬼被觀察到猛咁去造成混亂，佢通常會干擾啲人嘅日常活動，仲喺災難同惡作劇入面得到快樂。

皮皮鬼淨係聽少數人講嘅嘢，包括：鄧不利多、血腥男爵、差啲無頭嘅尼克（第二輯小說）仲有弗雷同喬治·衛斯理（第五輯小說）。飛鼠先生通常負責清理皮皮鬼所造成嘅混亂同破壞，佢反覆咁試過整走皮皮鬼；不過羅琳喺接受訪問果陣話，就算係鄧不利多都無法子永遠咁擺脫霍格華茲嘅皮皮鬼。皮皮鬼好易受到某啲魔法嘅影響：路平教授喺《阿茲卡班的逃犯》入面透過魔法整嘅香口膠嚟將皮皮鬼塞鎖匙窿嘅方法嚟將佢塞入去惡作劇精靈嘅鼻哥窿，嚟等皮皮鬼受吓教訓；哈利喺《混血王子的背叛》入面用魔法將皮皮鬼嘅脷黐喺佢嘅嘴上面，搞到佢好嬲咁走咗去。

喺桃樂絲·恩不里居試圖喺《鳳凰會的密令》入面控制霍格華茲期間，為咗令恩不里居於霍格華茲嘅時光盡可能過得唔愉快，皮皮鬼帶住極大嘅喜悅去進行一項任務：喺應衛斯理孖仔嘅要求下，佢同好多唔係史萊哲林嘅學生一齊開始上演咗一場笑話同惡作劇嘅協同運動。當恩不里居試吓偷偷哋喺霍格華茲竄出去果陣時，皮皮鬼將佢趕出去，佢仲特登用咗向麥教授借返嚟嘅拐杖，仲有一隻裝滿粉筆嘅襪嚟去打佢。其實好多其他教授都對恩不里居嘅存在而覺得不滿，佢哋如果唔係對皮皮鬼同啲學生向恩不里居所做嘅嘢視而不見，就係甚至偶爾會提供啲幫手。喺《死神嘅聖物》結尾果度對皮皮鬼曾經有兩次嘅描繪：最初利用有毒嘅植物嚟攻擊食死人，跟住佢就為哈利唱咗首勝利之歌。據講喺果個系列嘅結尾果陣，皮皮鬼仲喺霍格華茲裡面，因為哈利叫佢個仔阿不思·賽佛勒斯唔好去「惹皮皮鬼」。

里克·馬亞爾喺《神秘的魔法石》嘅改編電影裡面做皮皮鬼，但係佢喺最後一輯電影嘅場景嘅戲份被剪走咗，甚至都無出現喺DVD版本嘅刪除場景部分，直到成套戲喺首映禮上面正式揭幕，佢先知道自己嘅場景被剪走咗。

眨眨

眨眨Winky係服務柯羅奇家嘅一個雌性家庭小精靈，佢被形容有一對啡色好大嘅眼同埋一個又圓又大又腍nam4嘅鼻。她認為自己係一個盡責嘅僕人，保守住果個家人嘅好多秘密。當小柯羅奇喺阿茲卡班監獄俾佢臨死嘅阿媽救咗出嚟果時，佢就喺眨眨嘅監督之下恢復咗健康。佢喺《火盃的考驗》裡面說服老柯羅奇俾佢個仔出席魁地奇世界盃；佢同匿喺隱形斗篷下面嘅小柯羅奇一齊出席咗果次活動，仲話隔籬明顯空臺咗嘅座位係留俾老柯羅奇嘅。在慶祝活動果陣，小柯羅奇喺哈利嘅衫袋裡面偷走咗佢支魔杖，但係佢成功跟手就用果支魔杖嚟召喚黑魔標記出嚟，就算眨眨試過阻止佢咁做。由咁樣產生嘅混亂入面，哈利同佢啲朋友見到眨眨跑咗入去森林，掙扎去試吓阻止隱咗形嘅小柯羅奇。佢後嚟俾阿默·迪哥里用哈利嘅魔杖捉住，仲透過符咒倒轉Priori Incantatem嚟證實呢支魔杖就係用嚟召喚黑魔標記嘅魔杖；就算老柯羅奇意識到發生咗啲咩事，不過佢同意眨眨召喚咗黑魔標記呢個明顯嘅結論，仲即場炒咗佢，咁樣既係為咗挽回面子，亦都係對佢控制唔到小柯羅奇嘅懲罰。喺眨眨俾人炒咗之後，多比帶住心煩意亂嘅眨眨一齊去到霍格華茲做嘢。唔開心嘅眨眨喺果度保留住對柯羅奇嘅忠誠。眨眨喺最後一輯小說之前做咗個酒鬼，最後仲喺霍格華茲大戰入面同其他家庭小精靈一齊並肩作戰。

寵物

海格嘅寵物

魯霸·海格寵物的鷹馬──巴嘴。

喺成個系列入面，魯霸·海格對動物嘅熱愛令佢照顧咗大量嘅動物，當中好多都係好危險嘅，包括：

• 阿辣哥Aragog：一種識得講人話嘅巨型蜘蛛，或者叫做八眼巨蛛。
• 巴嘴Buckbeak：鷹馬。
• 牙牙Fang：獵犬。
• 毛毛Fluffy：三頭巨犬。
• 蘿蔔Norbert：海格喺《火盃的考驗》入面養嘅挪威脊背龍Norwegian Ridgeback Dragon，查理·衛斯理後嚟透露佢其實係雌性，所以改名做蘿蔔塔Norberta。
• 烏烏Tenebrus：騎士墮鬼馬。

海格對動物嘅熱愛亦令佢喺《阿茲卡班的逃犯》嘅開頭就做咗霍格華茲嘅奇獸飼育學教學嘅工作，嚟到去接替果個課程退咗休嘅前教授。

哈利同埋佢啲同學喺四年級果陣照顧過海格嘅爆尾釘蝦Blast-Ended Skrewt（一種類似甲殼類嘅捕食者），其中生到好大隻嘅一隻被放到去三巫鬥法大賽最後一個任務嘅樹籬迷宮裡面。就算佢哋嘅外骨骼可以排斥咒語，但係哈利都可以一啲損傷都無咁通過佢。佢哋都有關於玻璃獸Niffler、獨角獸Unicorns、火蜥蜴Fire Salamanders同埋黏巴蟲Flobberworm嘅課堂。

衛斯理一家嘅寵物

好多寵物同動物都同衛斯理一家有關：

• 阿諾Arnold：金妮·衛斯理擁有嘅紫色迷你蒲绒绒Pygmy Puff，佢喺《混血王子的背叛》裡面嘅衛氏巫師法寶店果度買返嚟。
  喺《哈利波特：神秘的魔法石遊戲》裡面透露咗一隻屬於榮恩·衛斯理嘅迷你蒲绒绒，佢喺弗雷練習搏格Bludger果陣俾弗雷殺死咗，後嚟呢件事喺《怪獸與牠們的產地》入面得到證實。
• 愛洛Errol：衛斯理一家嘅信差，佢係一隻上咗年紀嘅烏林鴞。愛洛搬運唔到重嘢，仲成日喺碰撞或者筋疲力竭之後昏迷唔醒。佢個名可能係引用寫咗幾本關於滅絕鳥類書籍嘅作者——埃羅爾·富勒嘅名。
• 食屍鬼Ghoul：一隻和藹嘅食屍鬼住咗喺洞穴屋嘅閣樓上面，佢仲透過呻吟同敲牆仲有管道嚟造成輕微嘅破壞。喺《死神的聖物》入面，一隻食屍鬼嘅外表被人用魔法變到好似榮恩咁樣，用嚟掩飾佢走堂嘅情況。食屍鬼對呢樣嘢好感興趣，仲似乎好享受自己所受到嘅關注。喺古里某街12號嘅「樓上嘅浴室」都有一隻食屍鬼。
• 地精Gnome：衛斯理一家嘅花園、棚屋、灌木叢裡面，仲有佢哋嘅惠靈頓靴Wellington boot裡面周圍都係地精。佢哋鍾意郁啲就嘈交，而且仲似乎識得講好多粗口，據講係弗雷同喬治教嘅。歪腿Crookshanks好鍾意喺到訪果陣追逐佢哋；呢個家裡面嘅其他人就透過物理上將佢哋掉落地嚟對付佢哋。弗雷喺《混血王子的背叛》入面俾一隻地精咬咗一啖，而作為懲罰，佢將果隻地精打暈咗，然後將佢塗成金色，然後俾佢著住一件有翼嘅微型芭蕾舞短裙，仲將佢當做天使飾物掛咗喺聖誕樹頂上面；露娜·羅古德喺《死神的聖物》裡面亦都俾一隻地精咬親。
• 赫密士Hermes：派西·衛斯理嘅鳴角貓頭鷹，呢個係佢阿爸阿媽喺佢五年級做咗級長果陣送俾佢嘅禮物。佢嘅名係源自希臘之神赫密士。
• 豬水鳧Pigwidgeon：榮恩嘅活潑角鴞，佢係天狼星·布萊克喺榮恩無咗斑斑之後送俾佢嘅禮物。佢嘅䁥稱係豬仔Pig。
• 斑斑Scabbers：衛斯理一家養咗12年嘅啡鼠。佢起初係由派西養嘅，後嚟轉交去到榮恩手上。喺《阿茲卡班的逃犯》接近尾聲果陣，斑斑被揭露佢嘅真實身份就係化獸師彼得·佩迪魯，佢背叛咗詹姆·波特同莉莉·波特，搞到佢哋兩公婆死喺佛地魔嘅手上。

植物

以下是《哈利波特》系列入面哈利·波特同埋佢啲朋友喺霍格華茲裡面，同埋佢哋嘅冒險歷程度所遇到嘅各種魔法植物。

• 木精Bowtruckle：呢種係好難被發現嘅木質生物，佢哋棲息喺樹上面仲以昆蟲做糧食。薇米·葛柏蘭教授喺做海格嘅代課教授嗰陣曾經喺５年級嘅奇獸飼育學課堂上面向學生教過佢哋。羅琳喺《Pottermore》上面寫住：佢哋係「淨係棲息喺有價值嘅樹上面嘅選擇性生物。由於佢哋棲息嘅樹木係可以用嚟製作魔杖嘅木頭，所以佢哋亦都被叫做『魔杖製作者嘅朋友』。」
• 魔鬼網Devil's Snare：呢種係一種藤蔓植物，係霍格華茲裡面用嚟保護魔法石嘅其中一個關卡，呢個關卡係由赫夫帕夫學院嘅院長芽菜教授設計出嚟嘅。成熟嘅魔鬼網可以伸得出好似條蛇咁樣卷住嚟纏繞埋佢身嘅人，搞到嗰個人受傷或者係死咗。魔鬼網好鍾意陰暗潮濕嘅環境嚟生存，光明同溫暖自然成為咗佢嘅天敵。所以，如果遭遇到魔鬼網嘅攻擊，點火係好有效嘅辦法。當被纏繞嘅人全身放鬆晒唔再掙扎嗰時，魔鬼網就會鬆開嚟放走被纏繞嘅嗰個人。另外，魔鬼網喺有啲情况之下會喬裝佢哋自己嘅外形，例如係變成蟹爪蘭。
• 魚鰓草Gillyweed：呢種係一種類似海藻嘅植物，當你食咗佢嘅話，佢可以俾你喺水底下短時間呼吸，你仲可以暫時生出魚鰭同腳蹼。哈利·波特喺三巫鬥法大賽入面得到奈威·隆巴頓嘅提示下曾經用呢樣嘢嚟參與第二項任務。
• 鍋底根Gurdyroot：呢種係一種類似大蔥嘅植物，露娜·羅古德為咗抵禦大嘴長腿魚Gulping Plimpy而釀製嘅一種味道難聞嘅紫色輸液嘅基礎。查理斯·埃利奧特Charles Eliot認為呢個唔係好原創，只係取決於一個得意嘅名。
• 跳動嘅傘菌Leaping Toadstool：呢個係一種有跳動能力又帶有魔法屬性嘅蘑菇，呢種蘑菇可以用嚟整魔藥。
• 魔蘋果Mandrake：佢又叫做毒茄蔘，佢嘅塊莖睇起嚟就好似年幼時期嘅BB。當佢嘅完全長大果陣，佢嘅尖叫聲可以將人殺死。用咗成熟嘅魔蘋果葉所整成嘅魔藥可以令被石化咗嘅受害者恢復返正常。茄蔘屬係現實入面真正嘅植物，雖然魔蘋果喺小說同電影入面都係虛構嘅，但係羅琳嘅描述確實反映咗啲人對茄蔘屬植物嘅真實諗法，尤其係圍繞住佢尖叫聲嘅危險。呢樣令到啲人用狗嚟去採集魔蘋果嘅葉，以及喺採集過程入面塞住對耳嘅做法。
• 渾拚柳The Whomping Willow：呢個係一棵可以自己郁嘅樹，佢仲有棍棒咁嘅樹枝。渾拚柳喺《消失的密室》裡面對任何外來嘅嘢都好有敵意；當哈利同榮恩揸車撞埋去佢裡面，佢哋兩個符符碌碌咁好彩有命走得返出嚟；渾拚柳嘅樹根裡面仲收埋咗一條秘密通道—通去鬧鬼嘅屋—活米村嘅尖叫屋。