哈利波特：鳳凰會的密令 (電影)
《哈利波特：鳳凰會的密令》（Harry Potter and the Order of the Phoenix）係一部2007年嘅奇幻電影，由大衛葉斯做導演，套片改編J. K. 羅琳嘅2003年同名小說。主演有丹尼爾域卡夫、魯拔格連特、愛瑪屈臣。
| 哈利波特：鳳凰會的密令 Harry Potter and the Order of the Phoenix | |
|---|---|
 《哈利波特：鳳凰會的密令》電影海報 | |
| 資料明細 | |
| 導演 | 大衛·葉斯 |
| 監製 | 大衛·海曼 David Barron |
| 編劇 | J. K. 羅琳（小說） Michael Goldenberg（劇本） |
| 原著 | 哈利波特－鳳凰會的密令 |
| 主演 | 丹尼爾域卡夫 魯拔格連特 愛瑪屈臣 海倫娜寶咸卡特 羅比·科特瑞恩 Warwick Davis 賴夫費恩斯 米高甘邦 班頓·基臣 李查·葛瑞夫斯 傑森·艾塞克 加利奧文 阿倫烈卡文 費歐娜·蕭 瑪姬史密芙 伊美黛·史道頓 大衛·休里斯 愛瑪湯遜 茱莉·華特斯 |
| 配樂作曲 | 尼古拉斯·霍珀 主題曲： 約翰·威廉士 |
| 攝影 | Sławomir Idziak[*] |
| 製片商 | 華納兄弟影業[1] 盛日影業 |
| 片長 | 138分鐘 |
| 產地 |  美國 英國 |
| 話 | 英語 |
| 上畫同發行 | |
| 上畫日期 | 台灣、香港：2007年7月11號 英國：2007年7月12號 美國：2007年7月13號[2] 中國內地：2007年8月11號 |
| 發行商 | 華納兄弟影業 |
| 預算 | 1.5億美元 |
| 票房 | 9.4億美元 |
| 前集同續集 | |
| 前集 | 《哈利波特：火盃的考驗》 |
劇情簡介
編輯上個學年完咗之後，哈利波特返去姨丈度。有一日佢同表哥達力喺行人隧道遇到催狂魔，哈利用護法咒趕走佢哋。之後哈利畀魔法部以違規在校外用魔法嘅指控審訊，鄧不利多校長幫哈利辯護，最終大多數人判哈利無罪。
哈利等緊審訊嗰陣，離開咗姨丈屋企，去咗另一度住，又見番天狼星·布萊克，知道咗「鳳凰會」嘅存在。魔法部唔肯相信佛地魔翻生，夾埋《預言家日報》話哈利同鄧不利多講大話。
喺新學年，魔法部高官桃樂絲·恩不里居嚟咗霍格華茲做黑魔法防禦術教授。佢用魔法部畀佢嘅權力，喺學校訂立咗好多規則。
由於恩不里居教嘅嘢唔實用，妙麗說服哈利教其他學生有用嘅黑魔法防禦術，佢哋成立一個叫「鄧不利多的軍隊」嘅組織。
鄧不利多叫石內卜教哈利鎖心術。
恩不里居發現咗「鄧不利多的軍隊」（佢用吐真劑迫張秋招供）。魔法部想捉鄧不利多去阿茲卡班，畀鄧不利多走甩咗。之後恩不里居做咗霍格華茲嘅校長。
哈利腦入面睇到天狼星·布萊克有危險，於是同榮恩、妙麗、金妮·衛斯理、奈威·隆巴頓同露娜·羅古德坐住騎士墜鬼馬飛去魔法部。喺神秘部門嘅預言廳度，哈利佢哋搵到一個裝住關於佛地魔同哈利嘅預言嘅水晶球。呢個時候魯休思·馬份同其他食死人出現，魯休思話天狼星·布萊克根本唔喺呢度，只係佛地魔引哈利攞嗰個水晶球嘅計仔。啲食死人脅持住哈利啲朋友，迫哈利交個水晶球出嚟。天狼星同其他人及時趕到，個水晶球打爛咗，哈利啲朋友乘機甩身。貝拉·雷斯壯殺咗天狼星。鄧不利多同佛地魔展開大戰，喺佛地魔走人之前，魔法部啲人趕到嚟，親眼睇到佛地魔，咁就證明哈利同鄧不利多冇講錯。鄧不利多復職，恩不里居走人。