食死人

  提示：呢篇文講嘅唔係食人或骾死。

《哈利波特》系列電影入面食死人嘅面具
食死人
作者	J·K·羅琳
系列	哈利波特 魔法世界
類型	犯罪組織
統治者	佛地魔
創立年份	1970年代
出現	- 佛地魔第一次崛起（1970年代） - 佛地魔第二次崛起（1994年）
宗旨	- 為佛地魔效勞 - 意圖統治、折磨同消滅麻瓜 - 折磨同消滅任何唔服從佢哋嘅人
地點	馬份莊園
重要人物	佛地魔 賽佛勒斯·石內卜 貝拉·雷斯壯 魯休思·馬份 小巴堤·柯羅奇 彼得·佩迪魯
盟友	黑巫師同黑女巫
對手	阿不思·鄧不利多 鳳凰會 鄧不利多的軍隊 前魔法部

食死人（英文：Death Eater），係J·K·羅琳嘅奇幻小說同電影《哈利波特》系列入面，以佛地魔為創始人同中心，尊崇純正血統嘅恐怖組織。佢哋嘅成員喺左臂上面烙印住黑魔標記嚟辨識，仲用佢嚟發射召喚信號。黨羽之間對領袖尊稱做「黑魔王Dark Lord／「佛地魔王Lord Voldemort」，佢哋對佛地魔甘願卑躬屈膝自稱做「僕人」。

食死人嘅第一代成員好多都係湯姆‧瑞斗嘅同學，後來加入嘅或者都係慕名而來嘅黑巫師/黑女巫，或者有少部分係俾人威迫加入。總括嚟講，食死人嘅絕大多數成員都係嚟自史萊哲林學院。佢哋兩次發起巫師世界大戰，意圖統治、折磨同消滅唔服從佢哋嘅人，同埋麻瓜。無論係食死人定係外人，佢哋都對佛地魔嘅作風深感畏懼；少數狂熱嘅信徒就成為圈子嘅核心成員。正派巫師阿不思·鄧不利多成立嘅鳳凰會成為佢哋相對嘅主要宿敵，而前者亦都係佛地魔唯一會驚嘅巫師。

意識形態

食死人遵循純血至上主義，佢哋信奉「自然嘅貴族Nature's Nobility」，即純血家族族譜嘅巫師同女巫，將血統純正嘅佢哋推到上去等級制度嘅頂端，高過晒所有其他嘅人類實體，仲殘酷咁迫害麻瓜出身嘅巫師同女巫。對佢哋嚟講，純血嘅人優勝過混血巫師同女巫，而混血嘅就優勝過麻瓜出身嘅巫師同女巫；麻瓜就係最低等，理應被征服（或被殺）。

喺食死人眼中，純血叛徒blood traitor（即接納麻瓜嘅純血巫師或女巫）都應該被殺，例如係天狼星·布萊克、隆巴頓夫婦、衛斯理一家同埋普瑞兄弟。

喺《哈利波特：混血王子的背叛》裡面講到，佛地魔嘅母系家族—岡特家族The Gaunts嘅祖先被形容為一個沉迷於純血嘅家族，佢哋仲進行近親繁衍嚟保持佢哋家族血統嘅純潔。

食死人好恨擁有對成個巫師世界有完整嘅力量同控制權，佢哋意圖恢復對巫師社會嘅純血統治，仲尋求最終征服巫師社會統治下嘅麻瓜社會。羅琳本人承認喺創作果陣曾經參考過納粹德國做藍本。

黑魔標記

食死人嘅典型服裝包括黑色連帽嘅長袍同面具。黑魔王用黑魔標記嚟向食死人通訊，每個食死人都會烙印喺左手前臀嘅一個艷紅色黑魔標記嘅紋身—果個係一個骷髏頭形狀嘅紋身，嘴部吐出一條好似條蛇咁嘅脷。每次當黑魔王觸摸到其中一個食死人身上嘅黑魔標記果陣，其他食死人都會感應到，仲會即刻用消影術出現同聚集喺佛地魔的身邊嚟聽佢差遣。

出現喺半空中嘅黑魔標記係好似極光咁由翡翠綠色嘅星星組成，食死人發出黑魔標記嘅咒語係「魔魔斃」。

概要

第一次巫師世界大戰

食死人首次存在喺小說入面發生嘅事件11年前（大約1970年代），佢哋折磨同謀殺無任何魔法能力嘅麻瓜，仲有任何反對佢哋嘅人。食死人第一次出現咗大約10年之後，有一個先知西碧·崔老妮預言咗有一個男仔將會有能力永遠咁打低佛地魔。不過，唔係所有巫師同女巫都知道，果個預言所指嘅其實可能係兩個唔同嘅男仔—哈利·波特同奈威·隆巴頓。佛地魔後來揀咗哈利出嚟，就好似預言裡面所講咁樣，「黑魔王會將佢標記為同自己平等嘅人」。因為佛地魔自己係個混血巫師，所以佢揀咗同佢「平等」—佢阿媽係麻瓜出身女巫嘅哈利，而唔係源自歷史悠久嘅純血巫師家族嘅奈威。根據詹姆·波特同莉莉·波特嘅秘密守護者—彼得·佩迪魯所提供嘅信息，佛地魔試過完成果個預言仲去殺做咗佢敵對者嘅BB。由於哈利阿媽為咗救佢個仔而作出犧牲，令到佛地魔嘅致命詛咒喺哈利身上反彈，仲令到佛地魔脫離佢嘅肉身。

佛地魔失勢之後，食死人嘅勢力就解體潰散。魔法部將好多佢哋嘅人圍捕仲關押喺阿茲卡班監獄，但當中有啲巫師聲稱佢哋係俾蠻橫咒操控住（例如係魯休思·馬份），又或係好似伊果·卡卡夫咁樣供出其他食死人，咁就逃避咗正義嘅審判。喺果個系列小說嘅事件入面，哈利喺鄧不利多嘅儲思盆入面見證咗卡卡夫對前食死人嘅證詞。喺果度睇嚟似乎淨係得極少數嘅食死人甘願為咗已經倒台嘅主人而鋃鐺入獄。根據《哈利波特：混血王子的背叛》，石內卜指出如果佛地魔喺重生果陣拒絕歡迎所有曾經背棄過佢嘅人，咁樣佢嘅追隨者將會更少。雷斯壯夫婦係唯一已知肯為佛地魔犧牲自由嘅食死人，佛地魔都注意到呢一點，佢仲聲稱佢哋因為忠誠而將會得到高過所有人嘅回報。石內卜係獨一無二嘅食死人—除咗鄧不利多之外，說服晒所有人指佢當時為需要緊佢嘅任何一邊做嘢。呢個係基於佢喺鎖心術方面嘅技巧，咁樣令佢能夠喺佛地魔果度掩飾佢嘅真正動機—對莉莉·伊凡嘅愛。

第二次巫師世界大戰

一群食死人喺魁地奇世界盃之後集結埋一齊。佢哋聚集喺一齊形成咗一個巨大嘅景象同騷亂，但只係玩票性質同挑釁肆虐。佢哋淨係出現就引起咗啲人嘅歇斯底里，當佢哋喺現場折磨麻瓜同麻瓜出身嘅巫師果陣，佢哋嘅人數就會增加。當小巴堤·柯羅奇喺天空度發出黑魔標記果時，嚇親製造騷亂嘅食死人同魔法部嘅官員。佛地魔喺果本小說嘅結尾入面恢復咗全部力量，仲透過觸摸彼得·佩迪魯身上嘅黑魔標記嚟召喚自己嘅追隨者。除咗果啲已經死咗、被囚禁或者驚咗返去嘅人，同埋留喺霍格華茲作為掩護嘅賽佛勒斯·石內卜之外，大部分嘅食死人都返嚟為佛地魔做嘢。

佛地魔翻生果時話：「呢度有六個失蹤嘅食死人...三個喺為我效力果陣死咗。有一個，太懦弱唔敢返嚟...佢會付上代價嘅。有一個，我相信佢永遠離我而去...佢梗係會被殺...仲有一個，佢仍然係我最忠誠嘅僕人，仲已經重新為我服務。」根據小說入面所提及同後來發生嘅事，可以推斷出「太懦弱唔敢返嚟」嘅人就係伊果·卡卡夫；「永遠離我而去」嘅就係賽佛勒斯·石內卜，佢喺兩個鐘之後返嚟解釋自己嘅甩底，仲間接令佛地魔相信自己就係佢嘅無間道；而「最忠誠嘅僕人」就係小巴堤·柯羅奇，佢已經喺霍格華茲幫佛地魔做緊嘢。「三個喺為我效力果陣死咗」嘅食死人包括：獅子阿爾發·布萊克、伊凡·羅西兒，同埋韋克。

當時嘅魔法部部長康尼留斯·夫子自欺欺人咁覺得佛地魔唔可能返嚟，呢啲全部都係鄧不利多企圖篡奪佢個職位嘅陰謀。食死人喺《鳳凰會的密令》入面利用呢一個戰術優勢嚟維持佢哋嘅秘密。由於魔法部唔肯將催狂魔喺阿茲卡班帶走，鄧不利多因為咁就喺佛地魔返嚟之後即刻提出建議；食死人喺呢個時候都招募催狂魔，仲攞到類似佢哋對巨人咁嘅進展；催狂魔對魔法部嘅反抗都令食死人得以透過大規模嘅突圍而重返嚟鞏固佢哋嘅陣營。

佛地魔喺《鳳凰會的密令》入面派遣咗一群由魯休思·馬份率領嘅食死人去到魔法部嘅神秘部門嚟搶奪對佢最關鍵重要嘅預言球。一眾食死人最初基於對哈利·波特嘅部分敘述而襲擊哈利，不過佛地魔後尾知道晒成個完整版本，嚟到可以更好咁樣，甚至係更全面咁了解哈利同佢自己之間嘅聯繫。食死人對魔法部嘅突襲失敗，不過哈利·波特同佢啲朋友推遲咗食死人嘅行動，令到預言球脫離咗佢哋嘅掌控，最後仲錯手摧毀咗佢。鄧不利多同鳳凰會跟住現身，俘虜晒所有參與嘅食死人（除咗貝拉·雷斯壯之外）。佛地魔同佢喺同前者嘅激烈決鬥之後著草走佬，並結束咗同食死人享有嘅秘密。對魔法部同食死人嚟講都好緊要嘅魯休思·馬份俾人拉咗坐監。不過食死人重新集結，佢哋暗殺同綁架咗啲重要嘅巫師，仲殺死麻瓜，喺成個魔法世界散播恐怖和混亂。魯休思·馬份俾人拉咗之後無幾耐，佢個仔跩哥·馬份被懲罰性咁樣委派咗佢去接受殺死阿不思·鄧不利多嘅任務，就算呢項任務最後由石內卜完成。

食死人喺《混血王子的背叛》接近尾聲果陣第一次襲擊霍格華茲，仲搞到鄧不利多死咗，同幾個學校嘅捍衛者受傷。

《死神的聖物》接近尾聲果陣，食死人作出更致命嘅總動員進攻。當佛地魔向哈利施展索命咒果時，咒語再次反彈去佢自己身上，搞到50幾個人死咗（當中包括佛地魔本身）。佛地魔嘅死標誌住食死人嘅終結。

成員

序號	中文名	英文名	性别	簡介
1	艾米克·卡羅 艾朵·卡羅	Amycus & Alecto Carrow	兄妹	卡羅兄妹喺《混血王子的背叛》參與襲擊霍格華茲。 據講喺佛地魔第一次倒台之後，佢哋兩個都相信佛地魔已經永遠消失。
2	安東寧·杜魯哈	Antonin Dolohov	男	杜魯哈個名暗示住佢係有斯拉夫人嘅血統。佢係佛地魔嘅首批食死人之一，當佛地魔去到霍格華茲申請教席仲將作為分靈體嘅王冕收埋嗰陣，佢出現喺豬頭酒吧嗰度。杜魯哈係謀殺費邊同吉昂·普瑞嘅５個食死人之一。杜魯哈喺第一次巫師大戰嗰陣嘅戰鬥能力係食死人裡面排頭幾個。杜魯哈後來被韞住喺阿茲卡班，但佢喺大規模爆發嗰陣走甩咗。 杜魯哈參與咗《鳳凰會的密令》尾聲嘅神祕部門之戰，搞到佢要再返去阿茲卡班坐監。佢喺《死神的聖物》事件發生之前嘅一段時間又走甩咗，仲列席喺馬份莊園嘅會議；後嚟佢追蹤到哈利、榮恩同妙麗去到一間麻瓜咖啡室，杜魯哈同佢啲拍檔被昏迷咒整暈咗，仲俾妙麗抹走佢哋兩個嘅記憶。佢哋因為咁而受到佛地魔嘅懲罰。 杜魯哈後嚟參與咗霍格華茲大戰，仲殺死咗雷木思·路平，嗰次係阿波佛·鄧不利多最後一次見到路平。杜魯哈後尾同鄧不利多的軍隊成員決鬥，直至佢被施展咗全身束縛咒。食死人誤以為哈利·波特唔會自投羅網，於是佢哋後嚟派杜魯哈同牙克厲去搵哈利；菲力·孚立維最後喺戰鬥重新開始嗰陣打低咗佢。
3	奧古斯都·羅克五	Augustus Rookwood	男	羅克五喺魔法部做嘢，佢表現到好似喺度幫手反佛地魔嘅事業，後嚟佢就被揭露係雙重間諜。羅克五喺魔法部官員同其他唔知情嘅特工身上攞到資訊；佢喺14年之後逃獄，重新加入去到佛地魔嘅勢力；羅克五通知佢嘅主人話艾佛瑞關於偷到預言嘅信息並唔啱；羅克五參與咗闖入魔法部神秘部門嘅行動，後來喺阿茲卡班逃獄；佢後嚟參與咗霍格華茲大戰，食死人引發嘅一場爆炸殺死咗弗雷·衛斯理；羅克五最後俾阿波佛·鄧不利多打低咗。
4	艾佛瑞	Avery	男	石內卜喺史萊哲林學院嗰陣識得嘅人，後嚟佢哋一齊加入咗食死人嘅行列。呢度有兩個都係叫艾佛瑞嘅食死人，佢哋係兩父子。佢哋聲稱受到蠻橫咒嘅影響嚟唔洗坐監；佛地魔喺重生儀式上面折磨佢；艾佛瑞有參與闖入去魔法部神秘部門嘅行動，後嚟逃離咗阿茲卡班。佢仲錯誤咁話俾佛地魔知可以攞到預言，仲話任何人都可以喺神秘部門度攞到預言，不過呢個同事實完全相反，淨係得相關嘅人先至可以做到。佢喺衰咗之後再受到佛地魔嘅懲罰。
5	小巴堤·柯羅奇	Bartemius Crouch Jr.	男	小巴堤·柯羅奇嘅老豆—老巴堤·柯羅奇係魔法部嘅魔法執法部負責人。由於小柯羅奇曾經參與同貝拉·雷斯壯、道夫·雷斯壯、巴坦·雷斯壯一齊綁架隆巴頓夫婦嘅行為，仲將奈威·隆巴頓嘅父母折磨到精神錯亂，結果被判處阿茲卡班嘅無期徒刑。不過，小柯羅奇後尾得到佢老豆嘅救助，喺佢阿媽死咗之後就用咗佢阿媽嘅身份去生活。
6	貝拉·雷斯壯	Bellatrix Lestrange	女	佢原本係姓布萊克Black，喺小說裡面提到嘅第一個女性食死人。貝拉係是天狼星·布萊克嘅表姐，亦都係跩哥·馬份同埋小仙女·東施嘅姨媽。
7	科班·牙克厲	Corban Yaxley	男	面目猙獰嘅食死人。牙克厲出現喺石內卜殺死鄧不利多嘅戰鬥入面。佢係最出名嘅食死人之一，似乎喺第二次巫師世界大戰入面喺度爭上位。食死人喺入主魔法部之後，佢成為咗佛地魔派遣喺魔法部掌控勢力嘅人物。牙克厲喺在《死神的聖物》入面被邀請去到馬份莊園去見證慈恩·波八吉被謀殺，仲同石內卜爭論哈利離開德思禮家嘅正確日期，不過佢俾鳳凰會成員嘅正氣師約翰·道利什呃咗，將唔啱嘅信息俾咗佢。
8	克拉	Crabbe	男	文森·克拉嘅老豆。佢出現喺佛地魔嘅重生儀式，仲參與闖入魔法部神秘部門嘅行動，後嚟逃離咗阿茲卡班。佢個仔文森幫跩哥·馬份喺萬應室企圖捉住哈利·波特，但未證實佢身上有黑魔標記，文森最後俾自己所施展嘅惡魔之火燒死咗。
9	跩哥·馬份	Draco Malfoy	男	魯休思·馬份同水仙·馬份個仔，跩哥同佢家族成員都係史萊哲林學院嘅成員。跩哥·馬份係霍格華茲校內衰到出晒名嘅惡霸，亦因為妙麗嘅父母都係麻瓜嘅關係，所以佢成日去恰哈利·波特同埋佢啲朋友，搞到哈利一開始就同佢做咗死對頭。
10	伊凡·羅西兒	Evan Rosier	男	石內卜喺史萊哲林學院結交嘅人。佛地魔失勢之後，因為唔想束手就擒而同正氣師戰鬥，仲摧毀咗阿拉特·穆敵部分嘅鼻，最後被誅殺。
11	吉朋	Gibbon	男	喺《混血王子的背叛》入面襲擊霍格華茲，仲喺鄧不利多被殺嘅嗰晚向天空發射黑魔標記。最後喺霍格華茲大戰入面誤中黨友索分·羅爾嘅索命咒而死。
12	高爾	Goyle	男	葛果里·高爾嘅老豆。佢出現喺佛地魔嘅重生儀式。佢個仔葛果里幫跩哥·馬份喺萬應室企圖捉住哈利·波特，但未證實佢身上有無黑魔標記。
13	伊果·卡卡夫	Igor Karkaroff	男	德姆蘭學院嘅前校長，嗰間學院係參與三巫鬥法大賽嘅３間魔法學校之一。卡卡夫作為魔法學校嘅校長，佢亦都係三巫鬥法大賽嘅其中一個裁判。卡卡夫之前係食死人，佢曾經俾瘋眼穆敵拉咗仲喺阿茲卡班坐監。卡卡夫後嚟向魔法部供出食死人名單嚟脫罪，將好多人韞入去阿茲卡班嚟換佢嘅自由 ，食死人因為咁就好憎恨卡卡夫。卡卡夫喺小說嘅結尾嗰時，佢喺佛地魔再崛起之後就走佬仲匿埋咗，將佢嘅學生丟低喺德姆蘭學院嘅學生宿舍度。
14	賈蔘	Jugson	男	參與咗闖入魔法部嘅神秘部門，後來逃離咗阿茲卡班。
15	魯休思·馬份	Lucius Malfoy	男	富有純血巫師家族嘅首領。
16	莫賽博	Mulciber	男	石內卜喺史萊哲林學院結交嘅人，後來佢哋一齊加入咗食死人嘅行列；呢度有兩個都係叫莫賽博嘅食死人；佢專長於施展橫蠻咒，佢哋仲喺霍格華茲嗰陣對同學瑪麗·麥當勞Mary McDonald施展咗一個危險嘅毒咒Hex； 14年之後逃離咗監獄仲重新加入去佛地魔嘅勢力。其中一個莫賽博參與咗闖入神秘部門嘅行動，後來再次喺阿茲卡班逃獄。
17	水仙·馬份	Narcissa Malfoy	女	魯休思·馬份嘅老婆，佢係食死人的核心之一，但係佢身上並無黑魔標記。
18	諾特	Nott	男	西奧多·諾特嘅老豆。羅琳喺佢嘅網站上面提到佢係一個上咗年紀嘅鰥夫。佛地魔其中一個早期嘅支持者，出現喺佛地魔嘅重生儀式。佢參與咗闖入魔法部神秘部門嘅行動，後嚟逃離咗阿茲卡班。
19	彼得·佩迪魯	Peter Pettigrew	男	佩迪魯嘅花名係蟲尾，佢喺霍格華茲嗰陣曾經係詹姆·波特、雷木思·路平同天狼星·布萊克嘅密友，後來佢哋一齊做咗鳳凰會嘅成員。喺詹姆·波特結婚之後，佢亦都成為咗莉莉·波特嘅好朋友。佩迪魯後嚟背叛咗波特夫婦俾佛地魔，搞到佢哋兩個死咗，仲陷害天狼星謀殺咗12個麻瓜然後走咗去。佩迪魯之後叛離咗鳳凰會，投奔去食死人嘅行列（仲匿埋咗12年）。 佩迪魯喺流放嗰陣效忠佛地魔力仲幫佢重生，佢仲謀殺咗西追·迪哥里同切斷自己隻手嚟釀製俾佛地魔重生嘅魔藥。佛地魔因為咁而獎勵佢一隻魔法之手嚟取代佢無咗嘅手。不過佩迪魯喺食死人當中嘅地位係幾低微嘅；哈利喺《死神的聖物》裡面話蟲尾欠咗自己嘅救命之恩後，佩迪魯就俾自己隻魔法之手殺死咗。鄧不利多話嗰個魔法係「最深層同難以穿透嘅魔法」。
20	派厄思·希克尼	Pius Thicknesse	男	大多數官方紀錄都無對希克尼嘅記載，希克尼喺魔法部部長嘅在任期間俾佛地魔用蠻橫咒控制住，完全唔知道自己喺度做乜嘢。
21	巴坦·雷斯壯	Rabastan Lestrange	男	道夫·雷斯壯嘅細佬，參與咗綁架愛麗絲同埋法蘭克·隆巴頓，仲喺隆巴頓夫婦身上施展用橫蠻咒同酷刑咒，搞到佢哋永久咁喪失行動能力；14年後逃離監獄仲重新加入佛地魔嘅勢力；喺《鳳凰會的密令》參與闖入神秘部門，後來再喺阿茲卡班走甩。
22	獅子阿爾發·布萊克	Regulus Arcturus Black	男	天狼星·布萊克嘅親細佬，佢曾經係佛地魔嘅其中一個心腹。當佢發現佛地魔正喺度整緊分靈體，仲喺佢嘅家庭小精靈怪角身上測試一個分靈體周邊嘅防禦嗰陣時叛逃。佢後嚟決定背叛佛地魔而自願犧牲，佢喺摧毀分靈體嗰陣時俾陰屍殺死，而怪角就幫佛地魔匿埋。獅子阿爾發·布萊克留低咗一個假嘅分靈體俾佛地魔，連埋一張署名係「R.A.B.」嘅便條。
23	道夫·雷斯壯	Rodolphus Lestrange	男	貝拉·雷斯壯嘅老公，佢哋兩個都係純正血統嘅家族出身。佢哋兩公婆俾佛地魔一度讚賞做「最忠實嘅僕人」。佢參與咗綁架愛麗絲和法蘭克·隆巴頓，仲用橫蠻咒等等唔同嘅酷刑咒嚟對隆巴頓夫婦去到令佢哋永久喪失行動能力；14年後逃獄仲重新加入佛地魔嘅勢力。喺《鳳凰會的密令》參與闖入神秘部門，後來又再喺阿茲卡班走甩。喺湯姆·瑞斗嘅時代，據講佛地魔嘅早期支持者入面有一個姓雷斯壯嘅人。
24	塞溫	Selwyn	男	喺德思禮家嘅護送行動入面襲擊魯霸·海格同哈利·波特，仲可能係殺死嘿美嘅兇手。佢後嚟折磨露娜·羅古德嘅阿爸贊諾·羅古德Xenophilius Lovegood，仲迫佢出賣哈利。
25	賽佛勒斯·石內卜	Severus Snape	男	佢被形容做一個相當複雜嘅人，佢冷酷嘅諷刺同埋對外表嘅控制隱藏住佢深刻嘅情感同埋痛苦。
26	索分·羅爾	Thorfinn Rowle	男	羅爾喺《死神的聖物》開頭有份列席馬份莊園嘅會議。佢仲同安東尼·杜魯哈喺麻瓜咖啡室入面襲擊哈利、榮恩和妙麗，但就俾佢哋施展遺忘咒。佢最後參與咗進攻霍格華茲，仲喺的霍格華茲大戰入面意外咁將佢嘅黨友吉朋Gibbon殺死。
27	崔佛	Travers	男	幫手殺死鳳凰會成員麥金農一家；14年後逃獄仲重新加入佛地魔嘅勢力；折磨贊諾·羅古德嘅其中一人；陪同假扮做貝拉·雷斯壯嘅妙麗去到古靈閣銀行。最後參與霍格華茲大戰，大概係其中一個襲擊霍格華茲裡面嘅人，佢喺阿茲卡班突圍之後嘅某個時候又再俾人拉咗。
28	瓦頓·麥奈	Walden Macnair	男	喺魔法部轄下奇獸管控部嘅有害動物諮詢局做嘢；喺《阿茲卡班的逃犯》入面作為魔法部派去霍格華茲執行鷹馬鷹馬巴嘴死刑嘅劊子手，不過鷹馬巴嘴因為被釋放咗而處決唔到；佢喺出席佛地魔嘅重生儀式又再出場；佢參與咗闖入魔法部神秘部門嘅行動，後嚟逃離咗阿茲卡班。佢最後參與咗霍格華茲大戰，俾海格掟出房而無咗知覺。
29	韋克	Wilkes	男	石內卜喺史萊哲林學院結交嘅人，早期嘅食死人。 喺第一次魔法世界大戰入面俾正氣師連同伊凡·羅西兒一齊誅殺。

出名成員

下面嘅都係食死人當中出名嘅成員。

卡羅兄妹

卡羅兄妹分別係作為阿哥嘅艾米克·卡羅Amycus Carrow同埋佢阿妹艾朵·卡羅Alecto Carrow。艾米克被形容為又肥又矮同佢嘅身體凹凸不平，同埋有喘息嘅咯咯笑聲；而艾朵被形容為一個「又矮又大隻嘅女人仔」，踎喺度同笑聲都類似佢阿哥。據講佢哋兩個佛地魔第一次倒台之後，佢哋都相信佛地魔已經永遠咁消失咗。

卡羅兄妹喺《混血王子的背叛》參與襲擊霍格華茲。佢哋兩兄妹喺《死神的聖物》開頭都有份列席喺馬份莊園嘅會議。佛地魔後來任命卡羅兄妹去做霍格華茲嘅「教授」，嚴厲咁管教反對佛地魔嘅學生。艾米克負責教黑魔法防禦術，但就正如奈威·隆巴頓所講咁樣，果個科目變成咗「黑魔法」，艾米克喺小說入面嘅學生被迫對被罰留校嘅同學施展酷刑咒；艾朵就負責教成為咗霍格華茲必修科嘅麻瓜研究，仲教學生好似畜生咁對待麻瓜。

喺霍格華茲大戰前夕，艾朵奉佛地魔嘅命令喺雷文克勞塔等住準備去捉哈利，但佢喺觸摸黑魔標記召喚佛地魔之後就俾露娜·羅古德用昏迷咒整暈咗。睇到晒成件事發生嘅艾米克，佢試吓同幫佢入去間房嘅麥教授夾計，將雷文克勞嘅學生做祭品嚟獻俾佛地魔，同時計劃利用雷文克勞嘅學生伏擊艾朵嘅大話，強迫麥教授㩒落去佢嘅黑魔標記。麥教授唔肯仲同艾米克拗，艾米克仲向住佢塊面吐口水。哈利對呢樣嘢覺得好嬲仲向佢施展酷刑咒，佢嘅力量足以令到艾米克暈低咗。後嚟，麥教授對艾米克施展蠻橫咒，然後將艾米克同佢個妹綁埋一齊，然後將佢哋放喺網裡面。

喺《死神的聖物2》，石內卜轉移麥教授嘅魔咒擊中咗卡羅兩兄妹，呢個可能係為咗保護學生唔洗受到虐待，仲表明咗佢自己對鄧不利多嘅忠誠。

安東寧·杜魯哈

安東寧·杜魯哈Antonin Dolohov塊面係長長哋、蒼白而扭曲，佢個名暗示住佢係有斯拉夫人嘅血統。佢喺《混血王子的背叛》裡面被證實係佛地魔嘅首批食死人之一，當佛地魔去到霍格華茲申請教席仲將作為分靈體嘅王冕收埋果陣，佢出現喺豬頭酒吧度（咁樣講到佢喺參與闖入魔法部嘅神秘部門嘅行動果陣，佢至少已經六十歲）。杜魯哈係謀殺費邊同吉昂·普瑞（茉莉·衛斯理嘅兄弟）嘅五個食死人之一。佢喺第一次巫師大戰果陣嘅戰鬥能力係食死人之中排頭幾個。杜魯哈後來因為折磨咗好多麻瓜同佛地魔嘅反對者而喺阿茲卡班坐監，但佢喺大規模爆發果陣逃獄走甩咗。

杜魯哈參與咗《鳳凰會的密令》尾聲嘅神祕部門之戰，仲喺果度利用魔杖發出紫色火焰打傷咗妙麗，搞到佢要再返去阿茲卡班坐監。佢喺《死神的聖物》事件發生之前嘅一段時間又再走甩咗，佢仲列席喺馬份莊園嘅會議；喺哈利、榮恩同妙麗講咗佛地魔個名（當時成為咗禁忌）之後，佢追蹤佢哋三個去到一間麻瓜咖啡室。杜魯哈同佢啲拍檔哈利佢哋三個用昏迷咒Stunning Spell被整暈咗，仲俾妙麗抹走咗杜魯哈佢哋嘅記憶，令到佢哋受到佛地魔嘅懲罰。杜魯哈跟住參與咗霍格華茲大戰仲殺咗雷木思·路平，果次係阿波佛·鄧不利多最後一次見到路平。杜魯哈後嚟同丁·湯瑪斯決鬥，直至芭蒂·巴提對佢施展身體束縛咒。食死人誤以為哈利·波特唔會自投羅網，於是佢哋後嚟派杜魯哈同牙克厲去搵哈利返去；杜魯哈最後喺戰鬥重新開始果陣俾菲力·孚立維打低咗。

奧古斯都·羅克五

奧古斯都·羅克五Augustus Rookwood喺魔法部嘅神秘部門做唔講得嘅職位。佢表現到好似喺度幫手反佛地魔嘅事業，後來就被揭露佢係雙重間諜，喺魔法部官員魯多·貝漫同其他唔知情嘅特工身上攞到資訊；佢喺14年後逃離監獄，重新加入到佛地魔嘅勢力。佢通知佢嘅主人話艾佛瑞關於柏得·簿德偷到預言嘅信息並唔啱；羅克五參與咗闖入神秘部門嘅行動，後來喺阿茲卡班逃獄走甩咗。他參與咗霍格華茲大戰，包括佢在內嘅食死人引發咗爆炸殺死咗弗雷·衛斯理；羅克五最後俾阿波佛·鄧不利多打低咗。

小巴堤·柯羅奇

小巴堤·柯羅奇Bartemius Crouch Jr.佢老豆—老巴堤·柯羅奇係魔法部嘅魔法執法部負責人。由於小柯羅奇曾參與同貝拉·雷斯壯、道夫·雷斯壯、巴坦·雷斯壯一齊綁架咗隆巴頓夫婦，仲將作為奈威·隆巴頓父母嘅佢哋折磨到精神錯亂，後來小柯羅奇被判處阿茲卡班嘅無期徒刑。不過，小柯羅奇後來得到佢老豆嘅救助，喺佢阿媽死咗之後就用小柯羅奇嘅身份埋葬，而真正嘅小柯羅奇就用佢阿媽嘅身份繼續生活，之後仲由家庭小精靈照顧。

老柯羅奇為咗阻止佢個仔再幫佛地魔效勞就用橫蠻咒嚟控制佢，仲將佢收埋喺隱形斗篷下面嚟出去。當魔法部職員柏莎·喬金斯發現呢個真相之後，呢個消息傳到去佛地魔果度，佢就將小柯羅奇救咗出嚟，仲喺老柯羅奇身上施展蠻橫咒。小柯羅奇後來囚禁咗出名嘅正氣師瘋眼穆敵，仲用變身水嚟假扮成穆敵，作為霍格華茲嘅新任黑魔法防禦術教授嚟滲透去到果度。就算唔係真正嘅教授，但小柯羅奇做佢份工做得好稱職，各班嘅學生喺佢身上學咗好多嘢，包括同三個「不赦咒」有關嘅寶貴知識。老巴堤·柯羅奇後來走甩咗出嚟，佢因為蠻橫咒而精疲力盡同精神錯亂，佢要去霍格華茲話俾鄧不利多知道佛地魔返咗嚟；不過佢作為忠誠食死人嘅仔喺霍格華茲附近將佢謀殺咗，仲將佢條屍變成骨頭，再將佢嘅骨頭埋咗喺海格小屋前面果堆啱啱翻過嘅泥土入面。

後來，三巫鬥法大賽喺霍格華茲舉行，佛地魔要求小柯羅奇確保哈利能夠贏到。佢為咗咁就將哈利個名放入火盃裡面，仲用魔法令到維克多·喀浪喺迷宮入面攻擊西追·迪哥里，仲整暈咗花兒·戴樂古。同時小巴堤·柯羅奇仲暗中幫佛地魔復活。當哈利同西追同一時間掂到三巫鬥法大賽嘅獎盃果陣，獎盃即刻將佢哋兩個傳送去到瑞斗家族位於小漢果頓嘅家族墓地。食死人彼得·佩迪魯喺殺死咗西追·迪哥里之後，就用哈利嘅血嚟進行佛地魔嘅重生儀式。佛地魔喺果陣試吓殺死哈利，但喺佛地魔魔杖走出嚟嘅幽靈幫助之下，哈利透過港口鑰帶埋死咗嘅西追·迪哥里走甩咗。當哈利再出現喺霍格華茲果陣，仍然扮緊穆敵嘅小柯羅奇希望喺佢主人失敗嘅地方攞到成功；不過小柯羅奇喺佢身份曝光之後，鄧不利多、石內卜同麥教授阻止咗佢嘅陰謀。小柯羅奇喺吐真劑Veritaserum嘅作用下，佢向眾人爆晒佢嘅計劃出嚟。

就算小柯羅奇受到嚴密嘅保護嚟方便佢以後可以重複佢嘅證供，但係作為魔法部部長康尼留斯·夫子保鏢嘅催狂魔襲擊小柯羅奇，仲喺任何人能夠阻止之前就將小柯羅奇嘅靈魂吸走咗（嚟進行催狂魔之吻嘅刑罰）。喺果陣之前，一直當佛地魔做佢理想老豆形象嘅小柯羅奇，佢嘅生活自此就無咗佢嘅記憶或者係自我意識。

貝拉·雷斯壯

内文：貝拉·雷斯壯

貝拉·雷斯壯Bellatrix Lestrange係小說入面提到嘅第一個女性食死人。佢嘅娘家姓氏係布萊克Black，佢係天狼星·布萊克嘅表姐，亦都係跩哥·馬份同埋小仙女·東施嘅姨媽。

貝拉·雷斯壯喺《哈利波特：鳳凰會的密令》入面被介紹出場，佢係佛地魔嘅食死人圈子裡面最忠實嘅核心成員 。佢被形容為吸引人到爆晒燈嘅女巫，但係就因為留喺阿茲卡班嘅時間而變得憔悴。貝拉被形容為偏執狂、癲咗咁癡線、虐待狂，瘋狂咁追隨仲獻身俾佛地魔，認為為佢服務係對於任何真正嘅巫師或女巫嚟講係至高無上嘅職責，仲自稱係「黑魔王最忠貞嘅追隨者」。貝拉明顯對實行酷刑同殘忍嘅行為覺得興奮，就好似佢用酷刑咒嚟折磨仲搞到隆巴頓夫婦發癲；喺神秘部門嘅戰鬥入面殺咗佢表弟天狼星·布萊克仲打低咗金利·俠鉤帽；仲有喺馬份莊園折磨妙麗同妖精拉環，仲有之後殺死佢嘅姨甥女小仙女·東施果陣所表現嘅咁樣。佢係一個能力超晒班嘅女巫，佢嘅戰鬥能力喺食死人裡面排第一，除咗鄧不利多、哈利·波特同埋成功殺死佢嘅茉莉·衛斯理之外，鳳凰會裡面無一個成員能夠喺單對單嘅戰鬥入面打低貝拉·雷斯壯。

貝拉·雷斯壯最後喺霍格華茲大戰嘅決鬥裡面，茉莉·衛斯理為咗保護自己個女金妮而同佢戰鬥，佢因為睇少咗茉莉而喺乜都無防備之下被殺死。

科班·牙克厲

科班·牙克厲Corban Yaxley係其中一個最出名嘅食死人，佢係個面目猙獰嘅食死人，佢似乎喺第二次巫師世界大戰入面喺度爭取緊上位，曾經出現喺石內卜殺死鄧不利多嘅戰鬥入面。

牙克厲喺食死人入主咗魔法部之後，佢成為咗佛地魔派遣喺魔法部掌控勢力嘅扯線公仔。牙克厲喺《哈利波特：死神的聖物》入面被邀請去到馬份莊園見證慈恩·波八吉被謀殺，仲同石內卜去拗哈利離開德思禮家嘅正確日期，不過俾鳳凰會成員呃咗嘅正氣師約翰·道利什將唔啱嘅信息俾咗佢。牙克厲向一班令人印象深刻嘅食死人宣佈，佢已經喺當時嘅魔法部部長派厄思·希克尼身上落咗橫蠻咒，令希克尼受佢控制。佢利用希克尼嚟控制魔法部其他主要部門嘅主管，搞到佢哋俾佛地魔殺咗盧夫·昆爵，等希克尼做咗魔法部部長。

當哈利·波特、榮恩·衛斯理同妙麗·格蘭傑扮成魔法部官員入到去魔法部嚟去搵史萊哲林嘅小金匣果陣，牙克厲據透露已經成為咗魔法執行部門嘅負責人，佢仲幫桃樂絲·恩不里居領導麻瓜出身登記委員會，而且佢哋兩個似乎關係幾好，佢哋仲一齊羞辱麻瓜出身者。佢哋兩個都俾哈利用咒語固定咗，但喺妙麗用消影術嚟令佢哋三個安全果陣，牙克厲恢復返仲捉住咗妙麗。牙克厲釣住佢哋去到古里某街，咁就洩露咗佢哋嘅總部俾食死人知道，後來佢哋轉咗目的地，但係牙克厲無跟到去佢哋最後到達嘅位置。

牙克厲參與咗霍格華茲大戰，仲喺果度同菲力·孚立維決鬥。牙克厲後來出現喺果啲同佛地魔一齊等哈利嚟到嘅果群人裡面，仲誤以為哈利唔會喺指定嘅時間內嚟到。當戰鬥重新開始果陣，牙克厲俾喬治·衛斯理同李·喬丹打低咗。

跩哥·馬份

内文：跩哥·馬份

跩哥·馬份Draco Malfoy係魯休思·馬份同水仙·馬份個仔，佢哋一家都係嚟自純血家族，佢哋都係史萊哲林學院嘅成員。跩哥因為妙麗嘅父母都係麻瓜嘅關係就成日欺凌佢，而由於妙麗係哈利·波特朋友，所以跩哥欺凌埋哈利同佢朋友一份，令到哈利同跩哥做咗死對頭。

跩哥喺《哈利波特：鳳凰會的密令》被迫加入食死人嘅行列，仲喺佢左臂上面烙印咗黑魔標記。佛地魔為咗懲罰魯休思·馬份喺《哈利波特：消失的密室》入面擅自攞走咗用嚟做分靈體嘅瑞斗日記，最後令本日記被毀滅咗，同埋神秘部門之戰入面嘅失敗，而指派跩哥去暗殺鄧不利多（事實上佛地魔唔認為跩哥可以成功，佢真正暗殺計劃嘅執行人屬意係石內卜）。但其實跩哥嘅內心唔願意咁做，石內卜喺最後無得唔幫佢完成。

跩哥喺《哈利波特：混血王子的背叛》嘅尾段成功利用兩個消失櫥櫃之間嘅連接俾食死人入到去霍格華茲校園，仲成功解除咗鄧不利多嘅武裝，意外咁成為咗接骨木魔杖嘅主人。後嚟跩哥被哈利解除咗武裝，但係佢又唔忍心殺死鄧不利多，咁樣顯示咗跩哥嘅善良仲還未完全泯滅。喺霍格華茲大戰之後，馬份一家已經唔再效忠佛地魔，仲逃離食死人嘅行列。

伊果·卡卡夫

伊果·卡卡夫Igor Karkaroff，佢個名嘅基里爾字母係：Игорь Каркаров。卡卡夫係德姆蘭學院嘅前校長，果間學院係參與三巫鬥法大賽嘅三間魔法學校之一（其餘嘅係霍格華茲同波巴洞）。卡卡夫作為魔法學校嘅校長亦都係裁判之一。卡卡夫被形容為一個整潔同埋睇起嚟好挑剔同聲線油膩嘅男人，佢仲留住灰色小羊咩鬚嘅風格。雖然佢大部分時間都表現得油腔滑調咁友善，不過佢都有突然咁極端發嬲嘅能力。佢仲被形容為「一個牙齒發黃嘅男人，佢嘅笑容去唔到佢冷酷嘅目光」。當哈利·波特獲選做霍格華茲嘅第二個代表同埋作為三巫鬥法大賽嘅第四個冠軍代表果陣，卡卡夫被激嬲仲威脅要退出比賽。就算卡卡夫後來被說服仲同意留低，但佢都仲係顯示出對德姆蘭嘅冠軍代表—保加利亞嘅魁地奇球員維克多·喀浪Viktor Krum表現出明顯嘅偏愛。

天狼星·布萊克後來確定卡卡夫係前食死人，佢俾正氣師瘋眼穆敵拉咗仲要去到阿兹卡班監獄度坐監。卡卡夫後來向魔法部指佢知道自己嘅錯，仲「點名」供出食死人名單嚟脫罪，將好多食死人困入阿茲卡班嚟換取佢嘅自由，所以食死人因為咁就好憎恨卡卡夫。

卡卡夫嘅歷史令佢同同樣都係前食死人嘅賽佛勒斯·石內卜建立起聯繫，石內卜仲因為卡卡夫交談嘅要求而中斷咗魔藥學嘅課堂，仲向佢展示咗自己再出現嘅黑魔標記。佢明顯都同瘋眼穆敵有過唔愉快嘅往事，佢仲試圖喺成個三巫鬥法大賽期間避開穆敵但唔成功，不過佢並唔知道當時嘅穆敵係由小巴堤·柯羅奇假扮嘅。喺小說嘅結尾，卡卡夫喺佛地魔再崛起之後就走佬仲匿埋咗，將佢啲學生丟低喺德姆蘭嘅學生宿舍。

喺小說《哈利波特：混血王子的背叛》嘅結尾，雷木思·路平話卡卡夫被發現死咗喺一間棚屋裡面，而黑魔標記喺上面盤旋，呢個表明佢係俾其他食死人殺咗嘅。路平仲對卡卡夫喺離開佛地魔一年後仲還能生存到覺得驚訝，因為無已知嘅食死人能夠避得過俾人拉得咁耐。

魯休思·馬份

内文：魯休思·馬份

魯休思·馬份Lucius Malfoy係富有嘅純血巫師家族嘅首領。魯休思·馬份同佢老婆水仙·馬份仲有佢哋個仔跩哥·馬份住喺馬份莊園。魯休思曾經喺霍格華茲接受教育，仲喺史萊哲林學院做過級長，而佢哋一家都係史萊哲林學院嘅成員。魯休思喺佢被解除職務之前係霍格華茲校董委員會嘅成員，並同魔法部有住非常密切嘅聯繫。魯休思為咗維護自己嘅聲譽同影響力，佢定期向魔法部、慈善機構同聖蒙果醫院捐款。魯休思·馬份嘅身上烙印咗黑魔標記。

魯休思·馬份喺《哈利波特：消失的密室》入面以主要反派嘅身份第一次出現，喺跩哥同哈利·波特升到霍格華茲二年級之前，當佢哋喺華麗與污痕書店買學習用嘅嘢果陣，魯休思·馬份就將湯姆·瑞斗嘅日記掉落去金妮·衛斯理嘅魔藥大釜裡面。魯休思企圖利用佢嚟將消失的密室重新打返開，搞到麻瓜出身嘅學生遭到襲擊。魯休思原本打算利用金妮打開密室嘅機會嚟詆毀佢阿爸亞瑟·衛斯理同鄧不利多。魯休思知道果本日記被巧妙咁施咗魔法，但佢並唔知道呢個係佛地魔收埋部分靈魂嘅其中一個分靈體。魯休思嘅陰謀喺密室被打開之前最終俾哈利同埋喺馬份家做嘢嘅家庭小精靈嘅多比嘅協助下被挫敗，魯休思就利用隨之而來嘅恐怖（威脅要攻擊校董委員會成員嘅屋企人）嚟影響校董會，嚟詆毀同炒咗做校長嘅鄧不利多。跟住哈利出術呃魯休思還返自由俾多比。喺呢件事度，魯休思試過用佢嘅魔杖嚟攻擊哈利，不過多比喺佢對哈利造成傷害之前就解除咗佢嘅武裝。魯休思最後被褫奪咗作為霍格華茲校董委員會成員嘅職銜。就算魯休思被炒咗，但佢仲同魔法部保持住密切嘅聯繫；魯休思對待呢個分靈體嘅粗心大意最後受到佛地魔本人嘅懲罰。

魯休思·馬份跟住出現喺《哈利波特：火盃的考驗》開頭嘅魁地奇世界盃期間，佢同魔法部部長康尼留斯·夫子分享頂級包廂入面嘅主要座位。喺果輯小說嘅後來，當佛地魔再崛起仲召喚佢嘅食死人果陣，馬份重新加入佛地魔嘅陣營仲聲稱佢已經盡佢所能去幫助佢主人，但佛地魔仍然不為所動。哈利將馬份嘅聲明報告咗俾夫子部長，但係後者唔肯信佢。由此可見，富裕嘅馬份家族繼續同魔法部保持住牢固嘅聯繫。

魯休思·馬份喺《哈利波特：鳳凰會的密令》嘅高潮部分帶領住食死人去到神秘部門嘅預言大廳嚟奪取哈利嘅預言。魯休思嘗試咗幾種方法喺哈利手上攞到預言而唔去整爛佢，但係哈利同佢啲朋友諗辦法喺預言大廳度走甩。當鳳凰會嘅成員闖入魔法部仲開始同食死人展開決鬥果陣時，魯休思最終喺死亡室遇到哈利，哈利喺無奈之下將預言交俾佢果陣，預言就喺意外入面打爛咗。鄧不利多本人喺戰鬥完咗果時去到，魯休思被捉到仲送咗去阿茲卡班。

魯休思·馬份喺最後一輯小說《哈利波特：死神的聖物》失去咗佛地魔嘅重視同好意相待，睇起嚟仲差咗。佛地魔非常咁唔重視同唔尊重佢，仲搶咗佢間屋嚟做食死人總部，仲迫佢個仔做出違反本性嘅陰暗行為，喺果個系列入面第一次引發咗對呢個臭名昭著家族嘅同情。佛地魔借用咗魯休思支魔杖，但係俾哈利·波特意外整爛咗。魯休思同佢老婆同佢大姨（貝拉·雷斯壯）一齊住，意外咁俾哈利同佢啲朋友喺馬份莊園走甩。佛地魔嚴厲咁懲罰咗佢哋，最後將佢哋軟禁起上嚟。就算魯休思長期作為食死人同佛地魔純血至上嘅擁躉，不過佢對屋企人嘅愛比起參戰更加重要，馬份一家嘅心已經唔再效忠佛地魔。喺霍格華茲大戰果陣，佢懇求佛地魔俾佢去戰場搵佢個仔，魯休思同佢屋企人最終喺小說嘅最後團聚。喺佛地魔死咗之後，由於水仙·馬份曾經喺禁忌森林入面幫過哈利，仲同佛地魔講大話指哈利已經死咗，魯休思、水仙同跩哥都諗辦法「狡辯」嚟避免俾人送去阿茲卡班。

魯休思·馬份喺《死神的聖物》之後嘅最終命運不詳，不過飾演果個角色嘅演員積遜·艾薩斯喺接受《Syfy》採訪果陣時話，佢相信由於巫師社會避咗魯休思，佢哋喺佛地魔倒台之後唔再認為自己係巫師社會嘅成員。艾薩斯仲話，魯休思將成為佢以前自我嘅軀殼，無咗佢老婆同個仔嘅尊重，佢以自己嘅金錢嚟保護自己，仲將自己飲到早死。根據《福布斯》雜誌嘅報導，魯休思·馬份喺現實中嘅《福布斯虛構人物財富榜》上排名第12位。

水仙·馬份

内文：水仙·馬份

水仙·馬份Narcissa Malfoy係魯休思·馬份嘅老婆，跩哥·馬份嘅阿媽，佢哋一家住喺馬份莊園。水仙有一頭銀髮，皮膚白淨，外表好靚同身形修長。因為佢出身自高貴嘅巫師家族血統，所以性格高傲而冷漠。水仙嘅娘家姓布萊克，佢係貝拉·雷斯壯嘅阿妹，美黛·東施嘅家姐，亦係天狼星·布萊克同獅子阿爾發·布萊克嘅堂家姐，因為咁佢亦都係小仙女·東施嘅姨媽（不過布萊克家族唔承認東施一家）。

雖然水仙·馬份係食死人嘅核心之一，但係佢身上係無黑魔標記。水仙·馬份表面上對佛地魔同食死人忠誠，但佢淨係對自己屋企人先至係真正嘅忠誠，所以佢後來為咗自己個仔跩哥而不惜背叛佛地魔。

彼得·佩迪魯

内文：彼得·佩迪魯

彼得·佩迪魯Peter Pettigrew喺霍格華茲果陣曾經係詹姆·波特、雷木思·路平同天狼星·布萊克嘅密友，佢哋組成咗一個叫做劫盜者嘅組織嚟專門搞惡作劇，佩迪魯嘅代號係「蟲尾」。就算佩迪魯喺呢班男仔入面係最唔聰明同最無魔法天賦果個，但佢喺天狼星同詹姆嘅幫助下成為咗化獸師，佢可以隨意將自己變成老鼠。佩迪魯喺離開霍格華茲後，佢同其他劫盜者一齊成為咗鳳凰會嘅成員，不過無幾耐之後，佢就同佛地魔聯手，以自己條命嚟作為佛地魔喺鳳凰會裡面嘅間諜。喺詹姆·波特結婚之後，佢亦都成為咗莉莉·波特嘅好朋友。

當波特一家知道佢哋個仔哈利·波特成為咗佛地魔嘅目標果陣，佩迪魯背叛咗波特夫婦俾佛地魔，搞到佢哋兩個死咗，仲陷害天狼星謀殺咗12個麻瓜然後走咗去。佩迪魯之後叛離咗鳳凰會，投奔去食死人嘅行列（仲匿埋咗12年）。 佩迪魯喺流放果陣效忠佛地魔力仲幫佢重生，佢仲謀殺咗西追·迪哥里同切斷自己隻手嚟釀製俾佛地魔重生嘅魔藥。佛地魔因為咁而用獎勵佢一隻魔法之手嚟取代佢無咗嘅手。不過佩迪魯喺食死人當中嘅地位都係低微嘅；哈利喺《死神的聖物》話蟲尾欠咗自己嘅救命之恩後，佩迪魯就俾自己隻魔法之手殺死。鄧不利多話果個魔法係「最深層同難以穿透嘅魔法」。

賽佛勒斯·石內卜

内文：賽佛勒斯·石內卜

賽佛勒斯·石內卜Severus Snape係霍格華茲嘅魔藥學大師，佢好迷戀黑魔法。佢被形容為一個相當複雜嘅人，佢冷酷嘅諷刺同對外表嘅控制隱藏住深刻嘅情感仲有痛苦。石內卜由一開始就對哈利·波特懷有恨意，佢仲被塑造成反派角色，但係又揭示佢喺度保護哈利。隨住故事情節嘅推進，作者對石內卜嘅刻畫由一個好衰嘅教授演變成一個複雜而模稜兩可嘅關鍵人物，佢嘅忠誠直到最後先至顯露出嚟：佢實際上係鄧不利多擺喺佛地魔陣營嘅雙面間諜。呢一切都緣於佢對莉莉·波特果種恆久不變嘅愛。

對於佛地魔嚟講，石內卜曾經立咗兩大功勞：第一次魔法世界大戰果陣成功竊聽到預言，同喺第二次魔法世界大戰時殺死阿不思·鄧不利多。不過因為石內卜長期安然咁潛伏喺霍格華茲，佢因為咁而並無廣泛得到其他食死人嘅好感。根據鄧不利多嘅暗示同揶揄話佛地魔會願意為石內卜而放過莉莉；後來佢喺佛地魔重生果陣時缺席，甚至因為奉鄧不利多之命去阻止奎若偷魔法石，但係又得到諒解；水仙·馬份喺第六輯小說同戲度親口講出賽佛勒斯係黑魔王最寵信嘅顧問，搞到貝拉·雷斯壯空餘妒恨而無從反駁；石內卜喺第七輯小說同戲度參考「馬份莊園」會議果陣得到佛地魔安排佢坐喺右邊嘅首位；喺霍格華茲淪陷之後佢被任命做校長；舊時嘅同事麥·米奈娃喺同佢交手之後估到佛地魔可能親自傳授自己嘅飛行術俾佢......種種間接線索指明，石內卜最深得黑魔王嘅個人心意，佢哋兩個嘅出身同成長亦都有多個共通點，唯一令到兩者選擇行唔同嘅路，就係在於佢哋對「愛」有著截然唔同嘅態度：前者偏執，後者輕蔑。

已知陣亡嘅成員

• 伊凡·羅西兒Evan Rosier：喺第一次魔法世界大戰入面俾正氣師將佢同韋克一齊誅殺。
• 獅子阿爾發·布萊克Regulus Arcturus Black：喺摧毀分靈體果陣俾陰屍拖入湖裡面殺死。
• 韋克Wilkes：喺第一次魔法世界大戰入面俾正氣師將佢同伊凡·羅西兒一齊誅殺。

盟友

催狂魔

内文：催狂魔

催狂魔Dementors係一種恐怖嘅生物，本來係巫師監獄阿茲卡班嘅守衛，後來成為咗食死人嘅盟友。

焚銳·灰背

焚銳·灰背
首次出場	《哈利波特：混血王子的背叛》
扮演	戴夫·雷傑諾
配音	未知
詳細信息
性別	男性

内文：焚銳·灰背

焚銳·灰背Fenrir Greyback係《哈利波特》系列入面嘅狼人首領，起初佢同食死人有緊密嘅關聯。後來，黑魔王佛地魔向全國嘅狼人保證會公平咁對佢哋，作為狼人首領嘅灰背因為咁投向佛地魔嘅陣營，同佛地魔結盟。雖然灰背著住食死人嘅巫師袍，但佢自己身上係無黑魔標記。灰背嘅身材高大，有灰色頭髮同落腮鬍。灰背同大部分狼人唔同，即使佢喺人類形態都對鮮血充滿住渴望。佛地魔成日利用佢嚟恐嚇人。佢被稱為有史以來最野蠻嘅狼人，並且仲令成個巫師世界受到極大嘅恐懼。

為咗感染更多人去製造出狼人軍隊嚟同巫師抗衡，灰背特別鍾意感染人哋嚟令對方都變成狼人，佢仲為咗咁樣而將自己嘅指甲削尖，當就嚟月滿果陣，佢會將自己靠近佢嘅受害者。為咗完成盡可能製造出狼人軍隊嘅計劃，灰背以針對年幼嘅細路仔而出名，佢因為一次造成兩個麻瓜細路死咗而被捉去魔法部嘅狼人管制處審問，由於佢喺一個未登記嘅狼人，所以令佢可以成功咁假扮成一個不知所措嘅麻瓜街友。萊爾·路平（雷木思·路平嘅老豆）識穿咗灰背嘅偽裝，仲要求將佢繼續拘禁到滿月果陣，但係審訊委員會無去信佢。就係因為咁，焚銳·灰背為咗呢件事懷恨在心，佢就伺機去咬傷仲感染咗萊爾個仔—雷木思·路平在內嘅幾十個人，令對方因為咁而以後變成狼人。

灰背喺《哈利波特：混血王子的背叛》入面跟住貝拉·雷斯壯果幾個食死人入侵霍格華茲，共同參與咗謀殺鄧不利多校長嘅行動。灰背有意咁親自攻擊哈利·波特，佢仲喺天文塔之戰入面咬傷咗鳳凰會成員比爾·衛斯理，令佢留低咗嚴重嘅傷疤。不過由於當時灰背仲係人類嘅形態（未完全變成狼），所以佢無完全咁感染比爾，比爾只係後來變得鍾意食生肉。灰背喺天文塔之戰後來被石化咗。

喺《哈利波特：死神的聖物1》裡面，當魔法部俾食死人操控咗之後，灰背加入咗魔法部嘅搜捕隊，仲領導住一個叫死拿錢嘅團伙，佢哋係專門幫黑巫師去搵麻瓜出身者同「唔受歡迎嘅人」嚟以換黃金嘅團伙，仲會去郊區捉啲混血巫師同著草嘅學生。當佛地魔個名成為咗禁忌之後，哈利喺一次唔小心用咗果陣，灰背被驚動，仲令到佢嘅團伙襲擊咗哈利佢哋三個嘅營地。哈利、榮恩同妙麗俾死拿錢綁架仲帶咗去馬份莊園。貝拉·雷斯壯應承俾灰背得到妙麗嚟換佢嘅服務，但係被困嘅人搏命咁跑，灰背被三重昏迷咒打中而暈低。

喺《哈利波特：死神的聖物2》裡面，灰背係狼群裡面同意喺霍格華茲大戰入面幫佛地魔嘅主要狼人。妙麗用爆炸咒嚟阻止灰背攻擊受咗傷嘅文妲·布朗，跟住灰背就俾崔老妮教授掟出嚟嘅水晶球擊中暈咗。喺食死人嘅最後一戰入面，灰背及時重新加入咗戰鬥，佢最後俾榮恩同奈威兩個夾埋用魔法打低咗。

死拿錢

死拿錢Snatchers係受食死人操控嘅魔法部請返嚟嘅賞金獵人，成員包括史卡皮Scabior。佢哋負責去捉混血巫師、麻瓜後代，同埋未成年嘅的逃亡學生嚟賺獎金。

奎里納斯·奎若

内文：奎里納斯·奎若

奎里納斯·奎若Quirinus Quirrell係哈利·波特佢哋一年級果陣嘅黑魔法防禦術教授，屬於雷文克勞學院。佢喺旅行果陣喺沙漠遇上失勢之後嘅佛地魔，俾佢寄生同共用自己身體，仲用頭巾包裹嚟掩飾。佢個人嘅性格被形容為聰明、貪心、懦弱、講嘢口窒窒。佢喺《哈利波特：神秘的魔法石》企圖偷魔法石，最後俾哈利身上嘅保護咒摧毀咗佢嘅身體。

宿敵

• 正氣師
• 鳳凰會
• 鄧不利多的軍隊