國際社會對香港人居留援助措施
國際社會對香港人居留援助措施，又叫做全球救生艇，係指西方世界列國因應香港逃犯條例修訂草案爭議同《香港國安法》對香港人權自由造成嚴重破壞，從而對支持泛民主派嘅香港人提供嘅措施同政策，令呢啲香港人可以獲得佢哋國家長期居留權。
背景 編輯
2019年香港修例風波後，《香港國家安全法》喺2020年6月出台，五眼聯盟等西方國家基於人道理由，研究咗唔同嘅方案，向支持泛民主派嘅香港人施以援手，以喺該國長期居留。
時序 編輯
英國2019年3月4號，英國國會首次舉行英國國民（海外）平權會議。2020年3月，阿利斯泰爾·卡邁克爾提出嘅英國國民（海外）平權法案喺英國下議院獲首讀通過[1]，等1997年7月1號前出生並持有英國國民（海外）護照嘅香港人，得以有條件過渡成為英籍。
加拿大2021年2月8號，加拿大嘅港人避風港計劃推出，放寬對香港人嘅工作許可，以致其後嘅移民申請[2]。
澳洲截至2021年2月，澳洲因應香港國家安全法而延長香港畢業生同香港人嘅技術簽證5年[3]
美國2020年12月，美國國會兩黨合力推動庇護港人嘅法案《香港人民自由與選擇法》（Hong Kong People's Freedom and Choice Act），得到兩黨大多數議員嘅支持，但喺共和黨議員泰德·克魯茲一人嘅阻攔下闖關失敗[4]。2021年2月，共和黨參議員馬可·魯比奧同民主黨嘅鮑勃·梅嫩德斯重推法案[5]。
睇埋 編輯
參考 編輯
- ↑ 〈BNO平權法案下議院首讀通過倘落實港人或享居英權〉. 《頭條日報》 (繁體中文). 香港. 2020-03-02. 原著喺2020-03-02歸檔. 喺2020-03-02搵到.
- ↑ 〈加拿大救生艇計劃生效 港大專生簽證鋪路入籍 - 20210210 - 港聞〉. 《明報新聞網 - 每日明報 daily news》 (繁體中文). 喺2021-05-27搵到.
- ↑ 〈全球救生艇｜澳洲莫里森：港人永居須擁「適當技能」 「從未說過為港人專設新簽證」〉. 蘋果日報. 2021-02-12. 原著喺2021-05-25歸檔. 喺2021-05-27搵到.
- ↑ 李逸華 (2020-12-19). 〈庇護港人法案闖關失敗美議員表示來年繼續推動〉. 美國之音.
- ↑ 許湘筠 (2021-04-02). 〈離開香港的人們需要救生艇和安全港〉. 美國之音.