土木工程

建造相關專業

土木工程tou2 muk6 gung1 cing4工程學嘅一個分支,負責設計、起、同埋維修人類生活嘅地方。土木工程整嘅嘢包括土地樓宇港口等等基礎建設,亦負責供水排污排洪同埋環境管理[1]以確保城市村莊適合人類居住,而且能夠提供生活必需品[2]

香港昂船洲大橋景色,背景係香港島同九龍半島

正因為土木工程涉及成個建成環境,所以土木工程嘅學科行業範圍好闊,包函好多唔同工種,下轄唔少專科。主要專科包括土力工程結構工程水利工程環境工程建築工程[2]。土木工程同建築學規劃測量有密切聯繫,但一般睇成唔同行業,不過亦有行內人覺得呢啲行業應該合併成一個建成環境專業[3]

從事土木工程嘅專業人士叫土木工程師

歷史 編輯

 
萬里長城慕田峪

土木工程呢樣嘢,自從人類由遊牧民族變成定居嘅群體開始就有。人類起樓、修橋起路嘅痕跡可以追溯到舊石器時代古埃及、古印度美索不達米亞全部都喺人類開始定居嘅時候就發展咗建築技術。漢字文化圈方面就有大禹治水萬里長城等等嘅大型建設。直至歐洲中世紀工程師建築師工匠之間並無清楚嘅分界[4]

現代土木工程學追溯自十七世紀歐洲。現代工程學相比起古代工匠做嘅嘢,最大分別就係現代工程學會用計量嘅方法嚟設計。意大利嘅伽利略用數學公式表達嘅設計理論;英國嘅牛頓繼而發展力學。法國嘅納維再改良佢哋嘅理論,成為今日結構工程學嘅基礎。英文同法文叫「土木工程」做「民事工程」(英文civil engineering法文génie civil),因為土木工程起嘅路、橋、水塘等等多數係民用建築,傳統上同軍事工程對立[5]

十九世紀以來,鋼筋石屎興起,煉鋼技術又越嚟越精湛,令到同埋石屎成為土木工程最常用嘅結構材料。電腦近年普及,帶挈電腦輔助設計嘅發展,使到畫圖同埋修改設計嘅工序越來越簡單。電腦嘅計算能力越來越勁,令土木工程師可以用有限元素法去分析同設計形狀複雜嘅建築,唔再俾基本幾何形狀局限。

分支 編輯

土木工程可以按學術範疇大致分成四個專業:結構工程岩土工程環境工程、同埋建設工程。另外又按應用範疇分成唔同嘅專業,例如海事工程地震工程交通工程水利工程等。

結構工程 編輯

結構工程利用結構設計結構分析嘅方法去設計各種嘅設構,例如鑽油台等等。佢哋用嘅方法建基於力學,基本上就係由一個建築物需要承載嘅力諗起,然後搵啱嘅物料同大細去將啲力傳去一個穩陣嘅地基

岩土工程 編輯

岩土工程專責處理,諗點樣用佢嘅力學嚟承載建築物。故此岩土工程有時又叫做土力學或者土力工程。岩土工程負責處理地基隧道路基地牢,同埋其他人造建築物需要接觸天然泥石嘅地方。

環境工程 編輯

環境工程負責處理人造結構同埋大自然之間嘅互動,尤其是。環境工程師要處理樓宇點通風、點供水,一條村點排洪,一個新市鎮點做生態保育等等嘅技術問題。

建設工程 編輯

好多土木工程分支都聚焦喺「起乜」同埋「夠唔夠力」嘅問題度,而唔係處理「點起」。建設工程就專諗一幢建築物究竟起緊嘅時候點算,要用咩次序起,地盤出入應該點安排,需要點樣嘅物流支援,同埋要用乜嘢臨時工事。建設工程可以話係土木工程嘅分支,但佢哋用嘅技術其實更接近製造工程運籌學

專業資格 編輯

土木工程係一個專業,喺世界大部分地方都受政府同埋專業工會監管。土木工程師嘅專業訓練一般由大學學位開始,學生會喺大學度學工程理論,並需要去地盤或者設計寫字樓實習。大學畢業之後,新晉工程師要喺工程機構返工,吸取經驗,再考專業資格。入行條件同埋監管程度視乎地區而異。

參考 編輯

  1. 木工程拓展署 - 香港便覽. . 原著喺2019-08-29歸檔. 喺2019-08-29搵到.互聯網檔案館歸檔,歸檔日期2019-08-29.
  2. 2.0 2.1 "What is civil engineering?". Institution of Civil Engineers (英國土木工程師學會). 喺2018-04-29搵到. {{cite web}}: Cite has empty unknown parameter: |dead-url= (help)
  3. "Collaboration for Change: The Edge Commission Report on the Future of Professionalism". Edge Debate (英文). 原著喺2018-09-03歸檔. 喺2018-04-29搵到.互聯網檔案館歸檔,歸檔日期2018-09-03.
  4. "History of Civil Engineering". www.thecivilengg.com. 原著喺2018-05-08歸檔. 喺2018-05-04搵到.互聯網檔案館歸檔,歸檔日期2018-05-08.
  5. Our history (我哋嘅歷史). Institution of Civil Engineers (英國土木工程師學會). 喺2018-05-04搵到. {{cite web}}: Cite has empty unknown parameter: |dead-url= (help)