蓋爾特語族
(由基爾特語族跳轉過嚟)
些路迪語族（粵音：se1 lou6 dik6 jyu5 zuk6 | 英文：Celtic languages），又有叫蓋爾特語族，係印歐語系屬下嘅一個語族，屬下嘅語言曾經遍佈嗮成個西歐，但係家下就淨係得返六種語言。
綠色：愛爾蘭蓋爾文
藍色：蘇格蘭蓋爾文
黃綠色：萌島文
紅色：威爾斯文
黃色：康和文
灰色：布禮斯文
影響
編輯睇埋：英文史
古英文係一種日耳曼語言，些路迪語言嘅影響相對微細。不過喺英格蘭以至蘇格蘭同威爾士嘅個別地方，到咗依家都仲有唔少些路迪-日耳曼融合嘅地名，例如
廿一世紀英文 古些路迪語言 York，約克 Eborakon，大致係「紅豆杉樹之地」[1] Dover，多佛 Dubras，大致係「水體」[2] Carlisle，卡賴爾 Carleol，大致係「穩化咗嘅小鎮」[3]
呢啲英格蘭地名，都被指係嚟自些路迪語言嘅[4]。
分類
編輯而家語言學家將已經發現嘅些路迪語族語言歸咗做四類，至於點樣將伊四類再歸類，就仲有拗撬。伊四類分別係：
- 高盧些路迪語言：主要喺畀羅馬征服之前嘅高盧使用，已經消亡；
- 伊比利亞些路迪語言：主要喺伊比利亞半島北部，今日嘅加利西亞同埋阿拉岡一帶使用，已經消亡；
- 蓋爾語言：包括今日嘅愛爾蘭蓋爾文、蘇格蘭蓋爾文同埋萌島文；
- 布列塔尼亞（布禮斯）語言：包括今日嘅布禮斯文、康和文同埋威爾斯文。
目前通行嘅做法係將伊四類歸為兩大類，至於點樣歸類，就用兩種意見。
海島/大陸分類法
編輯伊種分類法係將高盧同伊比利亞兩類歸為一大類，將蓋爾同布列塔尼亞歸做另一大類。
- 原始些路迪語言
P/Q分類法
編輯伊種分類法係將高盧同布列塔尼亞兩類歸為一大類，將蓋爾同伊比利亞歸位另一大類。