印歐語系jan3 au1 jyu5 hai6（英文：Indo-European languages）係世界上分佈最廣泛嘅語系。歐洲、亞洲、非洲、美洲同大洋洲大部分國家都用印歐語嚟做母語或者官方語言。印歐語系包括約443種（SIL統計）語言同方言，使用人數大約有30億。
印歐語言係一個好大嘅語系，包咗好多隻南亞嘅主流語言以至絕大多數嘅歐洲語言－尼泊爾話、印度斯坦話、波斯話、烏克蘭話同俄羅斯話等嘅斯拉夫語言、法國話同意大利話等嘅羅曼語言、德國話、島嶼蓋爾特語言、英文... 等等，都屬於印歐語言，即係話呢個語系「東至印度，西至歐洲」。
