維基百科

外交抵制2022年冬季奧運會

外交抵制2022年冬季奧運會通常被叫做「抵制北京冬奧會」或者「杯葛北京冬奧會」，係以美國為首嘅五眼聯盟同部份國家因為中國嘅人權問題，對喺北京舉行嘅2022年冬季奧運會發起嘅抵制行動。不過今次行動只係外交層面嘅抵制，參與抵制行動國家嘅運動員依然會參加冬奧會比賽。

背景

編輯

2015年中國申辦冬奧會期間，有受台灣政府資助嘅政治團體同民進黨籍立法委員田秋堇反對中國政府申辦2022年冬奧會，原因係中國近幾年人權狀況惡化。[1]北京申辦成功後，人權觀察對國際奧林匹克委員會選擇由中國主辦2022年冬季奧運會提出質疑，認為違背國際奧委會公開表達嘅人權承諾。[2][3]2018年，美國國會嘅行政當局中國委員會以中國「人權狀況嚴峻」、「同奧林匹克精神唔啱」為由，呼籲國際奧委會取消北京2022年冬奧會嘅舉辦資格[4][5]。

2020年8月13號，世界維吾爾代表大會透過英國人權大律師波拉克，正式向國際奧會提出書面申訴，話中國政府喺新疆嘅行為涉及種族滅絕，違反《奧林匹克憲章》，要求唔畀中國北京舉辦2022年冬季奧運。[6]

關注新疆維吾爾穆斯林人權嘅美國共和黨籍參議員里克·斯科特喺致美國參議院外交委員會嘅一封信入面話：「只要習近平總書記繼續堅持呢一條無法辯護嘅道路，共產中國絕對唔應該獲得2022年奧運會嘅舉辦權。」英國外交大臣藍韜文亦暗示，英國可能會抵制呢次冬奧會[7][8]。首相約翰遜就話，英國會喺聯合國領導國際行動，要求中國就人權問題承擔責任，但英國通常唔傾向杯葛體育活動，又話呢個係英國政府長久以嚟嘅立場。[9]

中國同澳洲關係喺2020年惡化亦令澳洲國內抵制呢屆冬奧嘅呼聲日漸高漲。2020年11月，兩個澳洲參議院議員正式提案抵制2022年北京冬奧，但最終提案被否決[10]。

2021年2月3號，全球180個國際人權組織發表公開信，集體向各國政府呼籲抵制中國主辦嘅冬季奧運會。信中提到中國國內嘅人權狀況喺習近平主政下日益惡化，又用新疆、西藏、內蒙古同香港做例子，亦提到中國對台灣嘅威脅，喺南海同中印邊境嘅軍事擴張。[11][12]

加拿大下議院喺2021年2月通過一項無約束力決議，認定中國對新疆維吾爾族嘅行動構成種族滅絕，同時表明如果中國維持當前對維吾爾族嘅待遇，就會呼籲國際奧委會取消北京主辦冬奧嘅資格。[13]另外，根據Research Co.喺2021年3月進行嘅一項調查，加拿大國內有54%嘅民衆認爲加國應該抵制北京冬奧，反對抵制嘅佔24%，另外21%話唔確定[14]。2021年6月10號，捷克參議院通過決議，話中國存在侵犯人權等問題，要求政府同政要唔出席呢屆冬奧[15]。

多個國際人權組織喺2021年2月3號發表呼籲抵制2022年北京冬奧嘅公開信之後，中國外交部回應話出於政治動機、干擾、阻礙、破壞呢屆冬奧嘅籌辦同舉行係非常唔負責任嘅做法，得唔到國際社會嘅支持[16]。同年3月4號，全國政協委員郭衛民喺第十三屆政協第四次會議嘅新聞發布會針對冬奧抵制問題亦回應話，個別政客將體育運動政治化、企圖干擾破壞呢屆冬奧嘅籌辦同舉行嘅做法有違奧林匹克憲章精神，注定唔會得逞[17]。

部份國家奧委會亦明確反對抵制呢屆冬奧。澳洲奧委會主席約翰·科茨（英文：John Coates (sports administrator)）曾經喺2020年10月向參議院外交、國防同貿易委員會提交咗一份24頁嘅信件，佢喺信件入面話澳洲奧委會唔支持抵制2022年北京冬奧，又反對任何會令組織一切活動受到限制嘅修正案[18]。加拿大奧委會（英文：Canadian Olympic Committee）主席表示對賽事主辦國發生緊嘅一啲事有所擔憂，但認為抵制奧運會帶嚟反效果[19]。美國奧運同殘奧委員會亦喺2021年2月發表聲明，話反對抵制運動會，因為事實證明咁樣對運動員產生負面影響，亦唔能有效處理全球問題[20]。英國奧委會亦表示唔相信抵制呢屆冬奧係正確嘅解決方法，又話運動員努力訓練只為參賽一刻，應該畀佢哋代表國家出賽，又用抵制1980年莫斯科運動會嘅做法為例子，證明抵制北京冬奧嘅做法行唔通，既令運動員受到懲罰，又唔能夠解決政治問題[9]。

2021年7月8號，歐洲議會通過一項抵制北京冬奧會嘅動議。歐洲議會認為，除非香港、新疆、西藏、內蒙古同埋中國其它地區嘅人權得到改善，唔係歐盟同埋成員國領導人唔好出席2022北京冬奧會[21][22]。7月15號，英國下議院同樣通過咗一項外交抵制北京冬奧會嘅動議，建議英國政府同代表拒絕參加北京冬奧會。英國下議院認為，除非中國政府結束喺新疆嘅暴行，解除對英國議員、公民同實體嘅制裁，唔係2022年冬奧會唔應該喺一個被指控犯有大規模暴行嘅國家舉辦[23]。

2021年9月7號，多個人權團體發表一封公開信，呼籲包括美國國家廣播公司在內嘅世界各大電視台取消轉播北京冬季奧運會嘅計劃[24]。

2021年11月3號，多個人權組織喺美國洛杉磯全國廣播公司總部前面舉行示威，要求全國廣播公司取消2022年冬季奧運會嘅轉播計劃[25][26]。

參與抵制嘅國家

編輯

2021年12月6號，美國白宮宣布唔會派官員出席2022年北京冬季奧運會，理由係中國鎮壓穆斯林少數民族群體同犯下其它侵犯人權嘅行為[27][28]。新西蘭同澳洲隨後同樣宣布唔派外交官出席北京冬奧。澳洲強調決定同中國人權問題同雙邊緊張關係有關，不過新西蘭態度保守，強調決定同美國無關[29]，新西蘭副總理羅伯森仲話，主要係考慮疫情因素，而且早前已經知會中方[30]。12月8號，英國同加拿大以中國人權狀況惡化為由唔派官員參加冬奧會。[31] 以下國家宣布唔派政府官員出席北京冬奧會，當中有部份國家未畀出具體理由，或者只係畀出同政治問題無關嘅理由，下表包含聯合國會員國同有限承認國家：[32][33][34][35]

另外全球超過200個團體向企業寫信，又喺企業辦公室外舉行抗議活動，要求企業中止對北京冬奧嘅贊助，但大多數企業因為商業利益而選擇沉默。[55]

國際奧委會嘅回應

編輯

對於部份國家同團體指責國際奧委會漠視中國人權狀況，國際奧委會反複強調話，組織必須喺政治問題上保持中立。國際奧委會發言人曾經喺2020年回應部份媒體詢問嗰陣話：「將奧運主辦權授予一個國家奧委會並唔代表國際奧委會認同呢個國家嘅政治制度、社會環境同人權標準。」[56][57]國際奧委會主席托馬斯·巴赫亦喺2021年3月話過，國際奧委會非常嚴肅看待人權問題，組織亦密切監察主辦方喺供應鏈、勞工權益、新聞自由等方面嘅情況，佢又話國際奧委會並唔係超級世界政府，唔能夠解決連聯合國、七國集團、二十國集團都冇辦法解決嘅問題[58]。另外，喺抵制參賽嘅問題上，國際奧委會持明確嘅反對態度。國際奧委會主席巴赫喺2020年7月嘅一次視像會議入面，話佢相信中國會信守喺人權上面嘅承諾，又話抵制奧運更多只係懲罰運動員，同時唔會帶嚟政治上嘅改變[59]。針對異議人士嘅抗議，北京冬奧會協調委員會主席小薩馬蘭奇話：「人人都有權利擁有自己嘅觀點、立場同原則，我只可以話，我哋對呢啲抗議活動發表評論，有啲人可能會同意，可能唔同意某啲事情，奧運就係要嘗試團結所有人。」

中國同其它國家嘅回應

編輯

2021年11月29號，中國環球時報透露，中國從未邀請過任何美國政治人物出席北京冬奧，當前亦冇相關邀請計劃，又話「冇呢啲西方反華政客嘅加入，北京冬奧會只會更精彩。」[60]

中國外交部發言人汪文斌喺2021年12月9號話：「中方原本就冇向相關國家發出邀請，佢哋嘅官員嚟或者唔嚟，都一樣會睇到北京冬奧會嘅成功舉辦。」法國總統馬克龍話，奧林匹克運動唔應被政治化，外交抵制北京冬奧會只係象徵效果，意義唔大。俄羅斯副總理車爾內申科話，美國企圖將北京冬奧會政治化，但奧林匹克運動唔會受到影響。[61]韓國外交部發言人喺12月7號話韓國始終支持北京冬奧會取得圓滿成功，而且一貫希望呢屆冬奧能夠為東北亞乃至全世界嘅和平穩定同韓朝關係發展作出貢獻。[62]阿根廷外交部亦喺12月9號話阿根廷政府堅定支持北京冬季奧運會[63]。12月22號，冰島外交部長祝賀北京冬奧會籌備工作進展順利，又話世界應該弘揚奧林匹克精神[64]。2022年1月5號，朝鮮奧委會同體育省（韓文：조선민주주의인민공화국 체육성）向中國奧委會、北京冬奧組委、國家體育總局致信函，話因為敵對勢力嘅陰謀活動同全球傳染病大流行而唔能夠參加呢屆奧運會，但會全方位支持同聲援中國同志舉辦一屆隆重精彩嘅奧運盛會。”[65]德國就選擇唔派出高級別政治代表出席北京冬奧會開幕式。[66]瑞典宣布唔派任何政府代表參加北京冬奧，表示係受到疫情影響，而唔係外交杯葛。[67][68]聯合國秘書長古特雷斯、聯合國大會主席[69]、波蘭、俄羅斯、阿根廷總統、巴基斯坦總理、韓國國會議長同埋中國國民黨前主席洪秀柱會出席北京冬奧會開幕式。[70][71][72][73][74]捷克總統米洛什·澤曼支持北京冬奧會，又話反對奧運會政治化。[75]希腊奧委會表態支持同期待北京冬奧會。[76]

相比2008年北京夏季奧運會，今次前嚟參加冬奧會開幕式嘅國際級政要數字大幅縮水，出席名單畀歐洲議會議員比蒂科夫諷刺，又對波蘭總統講：[77]

「
呢個真係一個「輝煌」嘅名單，而家我依然希望波蘭總統杜達能夠明白，呢個唔係一個佢應該去湊嘅局，佢仲有時間改變主意。
 」

註

編輯
  1. ↑ 有獨立爭議。科索沃雖然喺2008年宣稱獨立，但係塞爾維亞、中華人民共和國、俄羅斯、西班牙、羅馬尼亞、巴西等95個國家唔承認佢嘅獨立地位，視佢為塞爾維亞嘅一部份，亦未獲得批准加入聯合國。
  2. ↑ 中華民國自20世紀80年代開始用「中華台北」名義參加體育事務。

參考

編輯
  1. ↑ 台灣人權團體反對北京申辦2022冬奧會 互聯網檔案館嘅歸檔，歸檔日期2021年1月2號，.美國之音中文版, 2015年7月31號
  2. ↑ 中國：確保2022冬奧會不助長侵權 互聯網檔案館嘅歸檔，歸檔日期2021年1月2號，.人權觀察, 2015年8月3號
  3. ↑ 中國人權人士請求國際奧委會拒絕北京 互聯網檔案館嘅歸檔，歸檔日期2021年1月2號，.紐約時報,2015年7月28號
  4. ↑ US Congressional panel calls on IOC to strip Beijing of 2022 Winter Olympics 互聯網檔案館嘅歸檔，歸檔日期2020年4月19號，.Insidethegames, Thursday, 11 October 2018
  5. ↑ 美國國會呼籲國際奧委會取消北京2022年冬奧會舉辦資格 互聯網檔案館嘅歸檔，歸檔日期2021年1月2號，.衛星通訊社，2018年10月12號
  6. ↑ 自由時報電子報 (2020-08-14)。〈世維會向國際奧會申訴 要求北京不得舉辦2022冬奧 - 國際〉。《自由時報電子報》。原先內容歸檔喺2021-01-02。喺2020-08-24搵到。
  7. ↑ 〈英國考慮抵制2022年冬奧會英美議員力推不讓中國舉辦〉。《美國之音》。2020-10-07。原先內容歸檔喺2021-01-02。喺2020-10-07搵到。
  8. ↑ "Sen. Rick Scott: I'm Disappointed IOC Vice President Refused to Commit to Move 2022 Olympic Games Out of Communist China". SENATOR RICK SCOTT. 2020-09-11. 原先內容歸檔喺2020-10-06. 喺2020-09-11搵到.
  9. ↑ 9.0 9.1 〈英揆拒因新疆問題杯葛北京冬奧〉。《on.cc東網》。
  10. ↑ "Continued Deterioration in Australia-China Relations Fuels Talk of Olympic Boycott". The Diplomat. 2020-11-20. 原著喺2020-12-17歸檔. 喺2021-03-06搵到.
  11. ↑ 〈國際人權團體聯盟呼籲抵制北京冬奧會〉。《美國之音》。2021-02-04。喺2021-02-04搵到。
  12. ↑ 〈2022北京冬奧會：人權組織集體呼籲抵制中國主辦冬季奧運會〉。《BBC News 中文》。2021-02-05。喺2021-02-05搵到。
  13. ↑ "Opposition Motion (Religious minorities in China), 43rd Parliament, 2nd Session - Vote No. 56". House of Commons of Canada. 2021-02-22. 原著喺2021-02-23歸檔. 喺2022-02-04搵到.
  14. ↑ Canseco, Mario (2021-04-01). "Most Canadians Support Boycotting the Beijing Winter Olympics". Research Co. 喺2021-04-01搵到.
  15. ↑ 〈北京冬奧｜捷克參議院通過決議要求政府抵制　中方堅決反對〉。
  16. ↑ 〈2021年2月3日外交部發言人汪文斌主持例行記者會〉。《中華人民共和國外交部》。2020-09-22。原先內容歸檔喺2021-02-07。喺2021-02-07搵到。
  17. ↑ 〈細數履職新篇 傳遞堅定信念——全國政協十三屆四次會議首場新聞發布會綜述〉。中國人民政治協商會議全國委員會。2021-03-04。原先內容歸檔喺2021-03-06。喺2021-03-06搵到。
  18. ↑ "Proposed boycott of 2022 Beijing Winter Olympics shot down by AOC, prompting criticism from senator Rex Patrick". ABC News. 2020-10-18. 原著喺2020-12-27歸檔. 喺2021-02-07搵到.
  19. ↑ "Canadian Olympic Committee says boycotting Beijing Games would be 'misguided'". CTV News. 2021-01-13. 原著喺2021-01-13歸檔. 喺2021-02-07搵到.
  20. ↑ "U.S. signals no plans to boycott 2022 Beijing Winter Olympics after genocide designation". Reuters. 2021-02-03. 原先內容歸檔喺2021-02-07. 喺2021-02-07搵到.
  21. ↑ 〈譴責香港大肆拘捕 歐洲議會壓倒性多數通過歐盟領袖不出席北京冬奧會議案〉。
  22. ↑ 〈歐洲議會將通過動議抵制北京冬奧會，英工黨吁UN調查新疆問題〉。《美國之音》 (中文)。喺2021-07-09搵到。
  23. ↑ 〈英眾議院通過動議對北京冬奧會進行外交抵制〉。
  24. ↑ 〈多個人權團體呼籲NBC等大電視公司拒絕轉播北京冬奧會〉。
  25. ↑ 〈"不要成為種族滅絕共謀" 人權組織促NBC取消轉播北京冬奧〉。《美國之音》 (中文)。喺2021-11-06搵到。
  26. ↑ 〈逾兩百團體致信美國NBC 要求取消北京冬奧會轉播〉。Radio Free Asia (英文)。喺2021-11-06搵到。
  27. ↑ 〈美國不會派官員出席北京冬奧會〉。
  28. ↑ 〈國際奧委會：尊重美國不派官員出席北京冬奧決定〉。
  29. ↑ 〈澳新不派官員出席北京冬奧 日本陷入兩難〉。
  30. ↑ https://news.tvbs.com.tw/world/1655427 與美國同行！澳洲加入抵制冬奧　紐西蘭不派團
  31. ↑ 〈英國和加拿大加入抵制北京冬奧會的陣營〉。
  32. ↑ 〈2021年12月7日外交部發言人汪文斌主持例行記者會〉。外交部。2021-12-07。
  33. ↑ 〈2021年12月8日外交部發言人汪文斌主持例行記者會〉。外交部。2021-12-08。
  34. ↑ 〈2021年12月9日外交部發言人汪文斌主持例行記者會〉。外交部。2021-12-09。
  35. ↑ 白雲怡; 劉欣、範安琪 (2021-11-29)。魏少璞 (編)。〈知情人士：中國從未邀請美國政客來華出席北京冬奧會〉。環球時報-環球網。
  36. ↑ 〈美國宣佈外交抵制北京冬奧會 背後意味著什麼〉。BBC。英國廣播公司。2021-12-07。喺2021-12-08搵到。
  37. ↑ 〈美國/中國/奧運 北京冬奧：美國18官員申請簽證 為美國隊提供安全支持〉。
  38. ↑ Brockett, Matthew (6 December 2021). "New Zealand Diplomats Won't Attend Winter Olympics in China". 喺8 December 2021搵到.
  39. ↑ 〈澳洲官員不到北京冬奧　中方稱與改善關係表態背道而馳〉。香港電台。2021-12-08。喺2021-12-08搵到。
  40. ↑ 陳宇謙 (2021-12-08)。〈英國將不派官員參與北京冬奧　約翰遜：實際上外交抵制〉。香港電台。喺2021-12-08搵到。
  41. ↑ 〈繼美國之後 英國、澳大利亞、蘇格蘭宣布外交抵制北京冬奧會〉。《美國之音》。美國國際媒體署。2021-12-09。喺2021-12-09搵到。
  42. ↑ 小山 (2021-12-09)。〈科索沃宣布抵制北京冬奧會〉。法國國際廣播電台。喺2021-12-09搵到。
  43. ↑ "Japan won't send Cabinet ministers to attend Beijing Olympics". Japan Times. 2021-12-11. 原著喺2021-12-12歸檔. 喺2021-12-13搵到.
  44. ↑ 〈北京冬奧：日本決定"與英美同在"，宣布不派政府官員出席〉。
  45. ↑ 45.0 45.1 "Which Countries Are Boycotting China's Winter Olympics? Full List". Newsweek. 2021-12-08. 喺2021-12-18搵到.
  46. ↑ "Beijing Olympics boycott: Belgium follows in the footstep of US & UK". 2021-12-16. 原著喺2021-12-18歸檔. 喺2021-12-17搵到.
  47. ↑ 古莉 (2021-12-03)。〈立陶宛確認外交抵制北京冬奧會〉。法國國際廣播電台。喺2021-12-08搵到。
  48. ↑ "Daily: President Karis joining Beijing winter games political boycott". ERR.ee. 2021-12-13. 喺2021-12-17搵到.
  49. ↑ "Beijing Winter Olympics 2022: Sweden won't send any government representatives". Firstpost. 11 January 2022. 喺11 January 2022搵到.
  50. ↑ 〈丹麥外交抵制中國冬奧會〉。《RFI - 法國國際廣播電台》 (簡體中文)。2022-01-14。喺2022-01-14搵到。
  51. ↑ "Netherlands won't send diplomatic group to Beijing Olympics". Channel News Asia. Reuters. 15 January 2022. 原著喺2022年1月14號歸檔. 喺15 January 2022搵到.
  52. ↑ 松仁 (2022-01-25)。〈響應美國號召 台灣宣佈不派官員出席北京冬奧會〉。美國之音。喺2022-01-25搵到。
  53. ↑ 劉信德 (2022-01-26)。〈北京冬奧我代表團不出席開閉幕式 黨政人士：將由教育部宣布〉。《自由時報》。喺2022-01-26搵到。
  54. ↑ 〈聖火傳遞手爭議 印度決定杯葛北京冬奧開閉幕〉。《中国时报》。中央社。2022-02-03。喺2022-02-03搵到。
  55. ↑ 〈世界名企怕得罪中國拒撤北京冬奧贊助 維權者游說失敗〉。
  56. ↑ "Beijing 2022 campaigners target world leaders after IOC "inaction"". Inside the Games. 2021-02-03. 喺2021-02-07搵到.
  57. ↑ "Over 160 rights groups call on IOC chief to revoke 2022 Beijing Winter Games". Reuters. 2020-09-15. 原先內容歸檔喺2021-02-07. 喺2021-02-07搵到.
  58. ↑ "IOC is no 'super world government' to solve China issues, says Bach". Channel News Asia. 2021-03-13. 原著喺2021-03-13歸檔. 喺2021-03-13搵到.
  59. ↑ "Beijing Olympics: IOC chief Thomas Bach says warning against boycotts unrelated to 2022 Winter Games". South China Morning Post. 2020-07-18. 原著喺2021-02-07歸檔. 喺2021-02-07搵到.
  60. ↑ 白雲怡; 劉欣、範安琪 (2021-11-29)。〈知情人士：中國從未邀請美國政客來華出席北京冬奧會〉。《環球網》。環球時報。喺2021-12-07搵到。
  61. ↑ 中華人民共和國外交部 (2021-12-09)。〈2021年12月9日外交部發言人汪文斌主持例行記者會〉。《中華人民共和國外交部》 (中國中文)。喺2021-12-13搵到。
  62. ↑ 中華人民共和國外交部 (2021-12-08)。〈2021年12月8日外交部發言人汪文斌主持例行記者會〉。《中華人民共和國外交部》 (中國中文)。喺2021-12-13搵到。
  63. ↑ 〈阿根廷外交部：堅定支持北京冬奧會〉。
  64. ↑ 〈冰島外交部：冰方將積極參加北京冬奧會〉。
  65. ↑ 〈우리 나라 올림픽위원회와 체육성이 중국 올림픽위원회와 베이징겨울철올림픽조직위원회, 국가체육총국에 편지를 보내였다〉。《勞動新聞》 (韓文)。喺2022-01-07搵到。
  66. ↑ 〈媒體：德國不抵制冬奧、也不派高官出席〉。
  67. ↑ 〈瑞典憂疫情不派官員赴北京冬奧 稱非外交杯葛〉。《Rti 中央廣播電臺》 (臺灣中文)。中央社。2022-01-12。喺2022-01-12搵到。
  68. ↑ Agence France-Presse (2022-01-11). "Beijing Winter Olympics 2022: Sweden won't send any government representatives to Games due to COVID-19-Sports News , Firstpost". Firstpost (英文). 喺2022-01-12搵到.
  69. ↑ 〈第76屆聯大主席沙希德確認出席北京冬奧會開幕式並參與火炬傳遞〉。
  70. ↑ 〈洪秀柱受邀出席北京冬奧開幕已抵北京〉。
  71. ↑ 〈一起向未來！這些重量級外國政要將出席北京冬奧會開幕式〉。
  72. ↑ 〈韓國冬奧代表團舉行成團儀式〉。
  73. ↑ 〈視頻｜外交部：中方熱烈歡迎波蘭總統出席北京冬奧會開幕式〉。
  74. ↑ 〈聯合國秘書長古特雷斯表示將出席北京冬奧會開幕式，汪文斌：歡迎！〉。
  75. ↑ 〈捷克總統澤曼力挺北京冬奧會 反對將奧運會政治化〉。
  76. ↑ 〈視頻｜希腊奧委會：支持和期待北京冬奧會 中國展示奧林匹克理想〉。
  77. ↑ 吳亦桐、程文 (2022-01-28)。〈【中國人權】出席京奧國際政要寥寥可數　歐議員嘲諷〉 (繁體中文)。自由亞洲電台。喺2022-01-31搵到。
由「https://zh-yue.wikipedia.org/w/index.php?title=外交抵制2022年冬季奧運會&oldid=2023186」收