大網仔營地
大網仔營地，香港營地之一，專畀露營，喺大網仔近海處，大網仔路沿無名路入，地近斬竹灣，英文叫Tai Mong Tsai Campsite。屬西貢東郊野公園，行政上歸西貢區。營地屬小型，有營位少過二十。水源取自水喉。歸漁農自然護理署管[1]。
署方並無設行山徑喺附近。之不過，可以過大網仔路，行上長山[2]。
營地有涼亭畀人抖。飲食用得燒烤爐、檯櫈。着用得晾衣架。另有污水穴。廁所百七米外，行返向大網仔路嗰邊[1]。
無名馬路頭，大網仔路口嗰處，有斬竹灣抗日英烈紀念碑。而沿馬路向斬竹灣嗰邊，有香港海事青年團鄧肇堅海事康樂中心，有港獨木舟總會，有香港青年獎勵計劃賽馬會野外鍛鍊中心。再遠重有醫療輔助隊斬竹灣訓練中心。