天下制裁集會

天下制裁集會係2020年1月19號一次反逃犯條例修訂集會。呢次示威原本以遊行形式舉行,叫天下制裁大遊行,計劃由中環遮打道行到銅鑼灣崇光百貨,但係畀警方反對,只係向遮打花園同遮打道範圍搞嘅集會發不反對通知書。而集會主題亦呼應返上個禮拜日嘅集氣大會,爭取盡快落實政改,如果唔係就會呼籲國際社會制裁香港。下晝四點幾,集會畀警方腰斬。主辦單位估計至少有15萬人參加,警方就話高峰期有11,680人。搞手劉頴匡嗰晚畀警方拉咗,話佢煽動群眾情緒同違反不反對通知書條件。

參考