太微垣
(由太微宮跳轉過嚟)
太微垣（Supreme Palace enclosure；垣讀門），原稱太微、太微宮，三垣之一，三垣之中嘅上垣。太微垣又叫天庭，係政府嘅意思，係貴族同大臣住嘅地方，亦係天帝施政地方。
太微以南，有黃道橫過。而今下天球赤道亦喺佢南面橫過，黃赤交界在此。
太微有星官廿個，分別係太微左垣、太微右垣、謁者、三公、九卿、五諸侯、內屏、五帝座、幸臣、太子、從官、郎將、虎賁、常陳、郎位、明堂、靈台、少微、長垣同埋三台。
太微各星官，北半球來講，秋天嘅夜空會易睇啲，而南半球就喺春天易睇啲。
南宮朱鳥，權、衡。衡，太微，三光之廷。
太微同少微一對，一大一細，一東一西。
位置
編輯星圖望天，東西同地圖相反。太微垣望天球之北，係紫微垣。望東，係青龍。望西望南，都係朱雀。沿黃道，東面青龍角宿，包住太微垣東面，向西移，移到朱雀，軫宿、翼宿，包住大微垣南面，張宿則包太微垣西面。