妳的名字我的姓氏
《妳的名字我的姓氏》由香港歌手張學友喺1996年首次喺《愛與交響曲》演奏會上演唱，寶麗金唱片公司錄製嘅一首冠軍單曲，後來數次現場演唱分別收錄喺《愛與交響曲》現場專輯，《張學友2002音樂之旅世界巡迴演唱會》現場專輯入面。
| 《妳的名字我的姓氏》 | |
|---|---|
| 單曲 | |
| 發行日期 | 1996年3月24號喺香港紅磡體育館首次演唱 |
| 填詞 | 林夕 |
| 作曲 | 李偲菘 |
| 編曲 | Jock Chew |
| 監製 | 寶麗金唱片公司 |
背景介紹 編輯
1996年2月15號張學友同羅美薇喺倫敦註冊結婚，喺幾日後喺香港登報話畀親友。之後張學友嘅好友音樂人李偲菘同填詞人林夕決定一齊合作，喺短期內即創作出嘅一首後來令人熟悉嘅經典粵語流行歌曲，即《妳的名字我的姓氏》送畀張學友同羅美薇。
由於時間緊迫，歌曲冇被收錄喺張學友嘅個人唱片入面，成為一首張學友個人甚至喺粵語流行音樂罕見嘅經典單曲歌曲。歌曲首次喺1996年3月24號，即張學友婚後首次公開演出中，經由葉詠詩率領嘅香港管弦樂團嘅伴奏入面由佢唱出，喺第二日嘅第二場演出入面再次演唱。喺經由Jock Chew，葉詠詩同埋張學友嘅共同對研究，並對原曲進行改進後，成為一首受到樂迷熱捧嘅冠軍單曲，甚至喺粵語唔流行嘅中國大陸、台灣甚至喺東南亞地區同韓國，《妳的名字我的姓氏》都佔據咗音樂排行榜嘅榜首位置，被大家傳唱。
演唱 編輯
張學友喺《愛與交響曲》演唱呢首歌嗰時並未有嚟得切幫首歌起名；亦直接導致樂團同佢喺直接演出後現場聽眾先根據歌詞判斷出首歌係喺讚頌佢同向佢老婆羅美薇嘅一個婚後承諾。喺張學友演唱時，李偲菘同林夕都坐喺台下睇。張學友唱完第一場之後，聽眾席有樂迷向佢大叫：「學友新婚快樂」，呢個錄音都被收錄到《愛與交響曲》嘅CD入面。
獎項 編輯
《妳的名字我的姓氏》喺被張學友演唱後攞咗非常炫目嘅成績，同成為香港本地四台嘅冠軍單曲，喺各大榜單入面長期排喺首位，被認為係粵語流行音樂史上嘅優秀作品之一。
- 1996年度十大中文金曲頒獎典禮
- 十大中文金曲——妳的名字我的姓氏
- 1996年度十大勁歌金曲頒獎典禮
- 十大勁歌金曲——妳的名字我的姓氏
- 最佳填詞——妳的名字我的姓氏——林夕
- 1996年度叱咤樂壇流行榜頒獎典禮
- 叱咤樂壇我喜愛的歌大獎──妳的名字我的姓氏
- 叱咤樂壇填詞人CASH大獎：林夕——妳的名字我的姓氏
- 1996年度新城勁爆頒獎禮
- 歌曲大獎——妳的名字我的姓氏
- 其他
影響 編輯
自張學友結婚之後，絕少香港藝人會為自己婚禮創作主題曲（儘管好多非粵語地區嘅歌手重有推出類似嘅歌曲），但直至20年後嘅2016年，香港藝人鍾嘉欣推出親自創作嘅單曲《我結婚了》，先再度有類似題材嘅歌曲面世。