寶達邨
香港公共屋邨
| ||||
| ||||
| 地區 | 觀塘區 | |||
|---|---|---|---|---|
| 類型 | 租住屋邨 | |||
| 入伙年期 | 2001-2003 | |||
| 樓宇座數 | 13 | |||
| 單位數目 | 7434 | |||
| 面積呎數 | 160 - 540 呎(ft²) | |||
| 伙數 | 7391 | |||
| 居民 | 24205 | |||
| 網站 | 無 | |||
寶達邨（Po Tat Estate）響香港秀茂坪東北部，係香港房屋委員會轄下嘅公共屋邨之一。
寶達邨位於寶琳路同秀茂坪道交界，由13座公屋同寶達商場組成，喺2001年起落成。寶達邨現址本來係水泥廠，後尾香港房屋委員會要發展呢塊地。原本房委會叫佢做「寶琳路房屋發展」計劃，不過呢個名令人誤會條邨叫「寶琳路邨」，甚至將佢同寶林邨搞亂，以為呢個屋邨響將軍澳。
原本「寶琳路房屋發展」計劃分為寶達邨嘅7座公屋，同埋6座叫做「曉琳苑」嘅居屋。因為香港政府決定唔再賣居屋，所以曉琳苑屋無賣到出去，香港房屋委員會決定將曉琳苑6座樓，併埋入寶達邨做出租公屋，而且喺2003年起入埋伙。而寶達商場就喺2002年落成啟用，有一間酒樓同一個街市。另外，寶達邨側邊亦起咗秀茂坪天主教小學嘅新校舍。
喺2003年區議會選舉中，寶達邨自成一個區議會選區，家下區議員係馮家龍。2003年至2007年，當時區議員係蘇家豪。喺2003年之前，寶達邨係順天東區議會選區，當時區議員係何偉途。
樓宇 編輯
| 樓宇名稱 | 樓宇類型 | 落成年份 |
|---|---|---|
| 達翠樓 | 和諧一型 | 2001 |
| 達富樓 | ||
| 達康樓 | ||
| 達怡樓 | ||
| 達峰樓 | ||
| 達欣樓 | ||
| 達祥樓 | 小單位大廈（和諧式設計） | 2002 |
| 達喜樓 （原本叫喜琳閣） |
新十字型 | 2003 |
| 達信樓 （原本叫樂琳閣） | ||
| 達佳樓 （原本叫佳琳閣） | ||
| 達顯樓 （原本叫顯琳閣） | ||
| 達貴樓 （原本叫貴琳閣） | ||
| 達安樓 （原本叫安琳閣） |
寶達商場 編輯
寶達商場喺2002年落成，樓高三層，商場之上係達祥樓公屋。商場地下設有街市、一樓設有一間中西式餐廳。另外亦有各式店舖、便利店、食肆、快餐店等。商場二樓重有巴士、的士同埋小巴總站。
交通 編輯
第一條喺寶達邨做總站嘅巴士路線係九龍巴士13D。喺寶達商場附設嘅巴士總站未落成之前，13D巴士路線曾經喺達翠樓對開嘅垃圾站設置臨時總站。
專線小巴71A喺2001年3月7號投入服務，來往寶達邨同藍田地鐵站。
另外，居民亦可以到寶琳路或者秀茂坪道乘搭其他途經嘅交通路線。
主要交通幹道 編輯
公共交通 編輯
出面網頁 編輯
- 房屋委員會寶達邨資料（呢個網站錯誤上載咗秀茂坪邨五期嘅圖片）
- 房屋委員會：寶達商場
- 領匯顧客資訊：寶達商場
- 居者有其屋計劃剩餘單位的擬議用途